ಅಂತರಜಾಲಾಡಿ
ಭರವಸೆಯಾಗಣಿ
ಕೋಪನ್‌ಹಾಗನ್‌ನಲ್ಲಿ ಜಗತ್ತಿನ ಎಲ್ಲ ರಾಷ್ಟ್ರಗಳ ನಾಯಕರುಗಳು ಸೇರಿ ಜಾಗತಿಕ ತಾಪಮಾನ ಹೆಚ್ಚಳವನ್ನು ಕಡಿಮೆ ಮಾಡುವ ಬಗ್ಗೆ ಚರ್ಚಿಸಿದ್ದು ನಿಮಗೆ ಗೊತ್ತಿರಬಹುದು. ಈ ಚರ್ಚೆ ಕೊನೆಗೆ ಯಾವುದೇ ನಿರ್ದಿಷ್ಟ ತೀರ್ಮಾನಕ್ಕೆ ಬರದೆ ಕೊನೆಗೊಂಡಿದ್ದೂ ತಿಳಿದಿರಬಹುದು. ಈ ನಾಯಕರು ಹೀಗೆಯೇ ಮಾಡಬಹುದು ಎಂದು ಹಲವು ಮಂದಿ ಪರಿಸರವಾದಿಗಳು, ವಿಜ್ಞಾನಿಗಳು, ಚಿಂತಕರು ಮೊದಲೇ ಊಹಿಸಿದ್ದರು. ಈ ನಾಯಕರುಗಳೆಂದರೆ ಯಾರು? ಜನಸಾಮಾನ್ಯರು ಆರಿಸಿ ಕಳಿಸಿದವರು ತಾನೆ? ನಾಯಕರುಗಳ ಮೇಲೆ ಜನಸಾಮಾನ್ಯರು ಒತ್ತಡ ಹೇರಿದರೆ
ಅವರು ಕೆಲಸ ಮಾಡಿಯೇ ಮಾಡುತ್ತಾರೆ. ಹೀಗೆ ಜನಸಾಮಾನ್ಯರೆಲ್ಲ ಸೇರಿ ಜಗತ್ತನ್ನು ವಿನಾಶದಿಂದ ಉಳಿಸಬೇಕೆಂಬ ಚಿಂತನೆಯಿಂದ ಕೋಪನ್‌ಹಾಗನ್ ಶಿಖರ ಸಮ್ಮೇಳನದ ಸಮಯಕ್ಕೆ ಸರಿಯಾಗಿ ನಿರ್ಮಿಸಿದ ಜಾಲತಾಣ ಹೋಪನ್‌ಹಾಗನ್. ಇದರ ವಿಳಾಸ - hopenhagen.org. ಇಲ್ಲಿ ನಿಮ್ಮ ಹೆಸರು ನೋಂದಾಯಿಸಿ ಈ ಚಳವಳಿಯಲ್ಲಿ ನೀವೂ ಜೊತೆಗೂಡಬಹುದು.
ಡೌನ್‌ಲೋಡ್
ಗೂಢಲಿಪಿಕಾರಕ
ನಿಮ್ಮ ಗಣಕದ ಹಾರ್ಡ್‌ಡಿಸ್ಕ್‌ನಲ್ಲಾಗಲಿ, ಯುಎಸ್‌ಬಿ ಡ್ರೈವ್‌ನಲ್ಲಾಗಲಿ ಸಂಗ್ರಹಿಸಿಟ್ಟ ಮಾಹಿತಿಯನ್ನು ಇತರರು ಓದುವ ಸಾಧ್ಯತೆಗಳಿವೆ. ಅಮೂಲ್ಯ ಮಾಹಿತಿಯನ್ನು ಇತರರು ಓದದಂತೆ ರಕ್ಷಿಸಿಡಬೇಕಾದರೆ ಅದನ್ನು ಗೂಢಲಿಪೀಕರಿಸಿಡಬೇಕು. ಅಂದರೆ ಮಾಹಿತಿಯನ್ನು ಸಂಗ್ರಹಿಸಿಡುವ ಸಂಕೇತೀಕರಣದಲ್ಲಿ ಬದಲಾವಣೆ ಮಾಡಬೇಕು. ಹೀಗೆ ಬದಲಾವಣೆ ಮಾಡಿದ ಮಾಹಿತಿಯನ್ನು ಓದಬೇಕಾದರೆ ಹಿಂದಿನ ವಿಧಾನಕ್ಕೆ ಬದಲಿಸಿ ಓದಬೇಕು. ಈ ರೀತಿ ಮಾಡಲು ಒಂದು ಮುಕ್ತ ತಂತ್ರಾಂಶ ಲಭ್ಯವಿದೆ. ಅದರ ಹೆಸರು TrueCrypt. ಇದು ಬೇಕಿದ್ದಲ್ಲಿ ನೀವು ಭೇಟಿ ನೀಡಬೇಕಾದ ಜಾಲತಾಣದ ವಿಳಾಸ - truecrypt.org. ಇದು ವಿಂಡೋಸ್ ಮಾತ್ರವಲ್ಲದೆ ಲೈನಕ್ಸ್‌ನಲ್ಲೂ ಕೆಲಸ ಮಾಡುತ್ತದೆ.
e - ಸುದ್ದಿ
ಮಗು ಸಾಯುತ್ತಿದ್ದಾಗ ಟ್ವಿಟ್ಟರ್ ಮಾಡುತ್ತಿದ್ದ ತಾಯಿ!
ಟ್ವಿಟ್ಟರ್‌ನ ಅತಿರೇಕಗಳ ಉದಾಹರಣೆಗೆ ಮತ್ತೊಂದು ಸೇರ್ಪಡೆ. ಫ್ಲಾರಿಡಾವಾಸಿ ತಾಯಿಯೊಬ್ಬಳು ತನ್ನ ಎರಡು ವರ್ಷದ ಮಗು ಈಜುಕೊಳದಲ್ಲಿ ಬಿದ್ದಾಗ ಟ್ವಿಟ್ಟರ್‌ನಲ್ಲಿ ಕಾಲ ಕಳೆಯುತ್ತಿದ್ದಳು. ಹಾಗೆಂತ ಹೇಳಿ ಆಕೆ ತನ್ನ ಮಗುವನ್ನು ಉಳಿಸಲು ಪ್ರಯತ್ನಿಸಲಿಲ್ಲ ಎಂದುಕೊಳ್ಳಬೇಡಿ. ಎರಡು ವರ್ಷದ ಮಗು ಈಜುಕೊಳದ ಪಕ್ಕದಲ್ಲಿ ಓಡಾಡುತ್ತಿದ್ದಾಗ ಮಗುವಿನ ಮೇಲೆ ಕಣ್ಣಿಡುವುದು ಬಿಟ್ಟು ಟ್ವೀಟ್ ಮಾಡುತ್ತಿದ್ದುದು ಆಕೆಯ ತಪ್ಪು ಎಂದು ಜಾಲನಾಗರಿಕರೆಲ್ಲ ಬೊಬ್ಬೆಹಾಕುತ್ತಿದ್ದಾರೆ. ಆಕೆ ತನ್ನ ಮಗು ಈಜುಕೊಳದಲ್ಲಿ ಬಿದ್ದುದನ್ನೂ ಟ್ವಿಟ್ಟರಿನಲ್ಲಿ ದಾಖಲಿಸಿದ್ದಾಳೆ. ಈಗಷ್ಟೆ ನನ್ನ ಮಗು ಈಜುಕೊಳದಲ್ಲಿ ಬಿದ್ದಿದೆ. ದಯವಿಟ್ಟು ನನ್ನ ಮಗುವಿನ ಪರವಾಗಿ ದೇವರಲ್ಲಿ ಬೇಡಿಕೊಳ್ಳಿ ಎಂದು ತನ್ನ ಹಿಂಬಾಲಕರಲ್ಲಿ ಆಕೆ ಕೇಳಿಕೊಂಡಿದ್ದಾಳೆ. ಅಂದರೆ ಮಗುವನ್ನು ಎತ್ತಿ ತಂದ ನಂತರ ಪ್ರಥಮೋಪಚಾರ ಮಾಡಿ, ಪೋಲೀಸು ಮತ್ತು ಅಂಬುಲೆನ್ಸ್‌ಗೆ ಕರೆ ನೀಡಿ, ಅವರು ಬರಲು ಕಾಯುತ್ತಿದ್ದಾಗ ಆಕೆ ಈ ರೀತಿ ಬರೆದಿದ್ದಾಳೆ. ಏನಿದ್ದರೂ ಆಕೆಯ ಪರ ಮತ್ತು ವಿರೋಧವಾಗಿ ಅಂತರಜಾಲದಲ್ಲಿ ವಾಗ್ವಾದಗಳು ನಡೆದವು.
e- ಪದ
ಕಾಪ್ಚ (CAPTCHA=Completely Automated Public Turing test to tell Computers and Humans Apart) -ಅಂತರಜಾಲತಾಣಗಳಲ್ಲಿ ನೋಂದಾಯಿಸಿಕೊಳ್ಳುವಾಗ ಒಂದು ಚಿತ್ರದ ರೂಪದಲ್ಲಿ ತೋರಿಸುವ ಹಾಗೂ ಅದನ್ನು ಅಲ್ಲೇ ನೀಡಿರುವ ಬಾಕ್ಸ್‌ನಲ್ಲಿ ಬೆರಳಚ್ಚು ಮಾಡಬೇಕಾಗಿರುವ ಪದಗುಚ್ಛ. ಇದು ಜಾಲತಾಣಗಳಲ್ಲಿ ಮನುಷ್ಯರೇ ನೋಂದಾಯಿಸಿಕೊಳ್ಳತಕ್ಕದ್ದು ಎಂಬ ನಿಯಮವನ್ನು ಜಾರಿಗೆ ತರಲು ಮಾಡಿರುವ ಉಪಾಯ. ಜಾಲತಾಣಗಳಲ್ಲಿ ಸ್ವಯಂಚಾಲಿತ ತಂತ್ರಾಂಶಗಳ ಮೂಲಕ ಗಲೀಜು ಜಾಲತಾಣಗಳ ಜಾಹೀರಾತು ಹಾಕುವುದನ್ನು ತಪ್ಪಿಸಲು ಇದನ್ನು ಬಳಸಲಾಗುತ್ತದೆ.
e - ಸಲಹೆ
ಮೈಸೂರಿನ ಪ್ರಸನ್ನ ರಾವ್ ಅವರ ಪ್ರಶ್ನೆ: ವೈರಸ್ ವಿರೋಧಿ ತಂತ್ರಾಂಶಗಳು ಮಾರುಕಟ್ಟೆಯಲ್ಲಿ ಸಾವಿರಾರು ಇವೆ. ಇವುಗಳಲ್ಲಿ ಮನೆ ಬಳಕೆಗೆ ಯಾವುದು ಒಳ್ಳೆಯದು?
ಉ: ನೀವು ಎವಿಜಿಯ ಉಚಿತ ಆವೃತ್ತಿಯನ್ನು ಬಳಸಬಹುದು. ಇದನ್ನು http://bit.ly/72S4S ಜಾಲತಾಣದಿಂದ ಡೌನ್‌ಲೋಡ್ ಮಾಡಿಕೊಳ್ಳಬಹುದು.
ಕಂಪ್ಯೂತರ್ಲೆ
ಕನ್ನಡದಲ್ಲಿ ಬ್ಲಾಗಿಂಗ್ ಮಾಡಬೇಕಾದರೆ ಯುನಿಕೋಡ್ ಬಳಸಬೇಕು ಎಂದು ಕೋಲ್ಯನಿಗೆ ಯಾರೋ ಹೇಳಿದ್ದರು. ಕೋಲ್ಯ ತಾನು ಗಣಕ ತೆಗೆದುಕೊಂಡ ಕಂಪೆನಿಗೆ ಫೋನ್ ಮಾಡಿ ಕೇಳಿದ “ರೀ ನಾನು ನಿಮ್ಮಿಂದ ಒಂದು ಕಂಪ್ಯೂಟರ್ ತೆಗೆದುಕೊಂಡಿದ್ದೇನೆ. ಅದರಲ್ಲಿ ಯುನಿಕೋಡ್ ಇಲ್ಲ. ನೀವು ಯುನಿಕೋಡ್‌ನ್ನು ಒಂದು ಸಿ.ಡಿ.ಯಲ್ಲಿ ಹಾಕಿ ನನಗೆ ಕಳುಹಿಸಿಕೊಡಿ”.
(ಮಾಹಿತಿಗೆ: ಯುನಿಕೋಡ್ ಒಂದು ಶಿಷ್ಟತೆಯೇ ವಿನಃ ಒಂದು ತಂತ್ರಾಂಶ ಅರ್ಥಾತ್ ಸಾಫ್ಟ್‌ವೇರ್ ಅಲ್ಲ)
ಬುಧವಾರ, ಡಿಸೆಂಬರ್ 30, 2009
ಸೋಮವಾರ, ಡಿಸೆಂಬರ್ 21, 2009
ಗಣಕಿಂಡಿ - ೦೩೧ (೨೧, ೨೦೦೯)
ಅಂತರಜಾಲಾಡಿ
ಗೋಯಾತ್ರೆಯ ಜಾಲತಾಣ
ಭಾರತೀಯ ಗೋತಳಿಗಳ ಉಳಿವಿಗಾಗಿ ಶ್ರಮಿಸುತ್ತಿರುವ ಹೊಸನಗರ ಶ್ರೀರಾಮಚಂದ್ರಾಪುರ ಮಠದ ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿಗಳ ಸಂಕಲ್ಪದಿಂದ ವಿಶ್ವಮಂಗಲ ಗೋಗ್ರಾಮ ಯಾತ್ರೆ ನಡೆಯುತ್ತಿದೆ. ಇದು ಸಪ್ಟೆಂಬರ್ ೩೦, ೨೦೦೯ರಂದು ಕುರುಕ್ಷೇತ್ರದಿಂದ ಪ್ರಾರಂಭವಾಗಿ ದೇಶಾದ್ಯಂತ ಸುತ್ತಿ ಜನವರಿ ೧೭, ೨೦೧೦ರಂದು ನಾಗಪುರದಲ್ಲಿ ಸಮಾವೇಶಗೊಳ್ಳಲಿದೆ. ಈ ಯಾತ್ರೆಯ ಸಮಗ್ರ ವಿವರ ನೀಡುವ ಜಾಲತಾಣ gougram.org. ಈ ಜಾಲತಾಣ ಇಂಗ್ಲಿಶ್, ಹಿಂದಿ ಮತ್ತು ಕನ್ನಡ ಭಾಷೆಗಳಲ್ಲಿವೆ. ಗೋಯಾತ್ರೆಯ ವಿವರಗಳಲ್ಲದೆ, ಭಾರತೀಯ ಗೋತಳಿಗಳ ಮಾಹಿತಿ, ಗೋ ಆಧಾರಿತ ಕೃಷಿ ಮತ್ತು ಜೀವನ ಸಂಬಂಧಿ ಲೇಖನಗಳೂ ಇಲ್ಲಿವೆ. ಕನ್ನಡ ಭಾಷೆಯಲ್ಲಿ ಗೋವಿನ ಬಗ್ಗೆ ಪ್ರಕಟವಾಗುತ್ತಿರುವ ಏಕೈಕ e-ಪತ್ರಿಕೆ “ಗೋ ವಿಶ್ವ”ದ ಎಲ್ಲ ಸಂಚಿಕೆಗಳನ್ನು ಕೂಡ ಇಲ್ಲಿ ಓದಬಹುದು.
ಡೌನ್‌ಲೋಡ್
ಯುನಿಕೋಡ್ ಪದಸಂಸ್ಕಾರಕ
ಯುನಿಕೋಡ್ ಶಿಷ್ಟತೆಯನ್ನು ಬಳಸಿ ಬೆರಳಚ್ಚು ಮಾಡಲು ಹಲವು ವಿಧಾನಗಳಿವೆ. ಪಠ್ಯವನ್ನು ಬೆರಳಚ್ಚು ಮಾಡಿ ಸಂಗ್ರಹಿಸಿಡಲು ವಿಂಡೋಸ್‌ನಲ್ಲಿ ನೋಟ್‌ಪಾಡ್ ಎಂಬ ಸರಳ ತಂತ್ರಾಂಶವಿದೆ. ಇದರಲ್ಲಿ ಕೆಲವೇ ಸವಲತ್ತುಗಳಿವೆ. ಯುನಿಕೋಡ್ ವಿಧಾನದಲ್ಲಿ ಪ್ರಪಂಚದ ಯಾವುದೇ ಭಾಷೆಯಲ್ಲಿ ಬೆರಳಚ್ಚು ಮಾಡಿ ಪಠ್ಯರೂಪದಲ್ಲಿ ಸಂಗ್ರಹಿಸಿಡಲು BabelPad ಎಂಬ ಉಚಿತ ತಂತ್ರಾಂಶ ಲಭ್ಯವಿದೆ. ಇದರಲ್ಲಿ ಇನ್ನೂ ಹಲವು ವಿಶೇಷ ಸವಲತ್ತುಗಳಿವೆ. ಉದಾಹರಣೆಗೆ ಬಳಸುವ ಅಕ್ಷರಶೈಲಿಯಲ್ಲಿ (ಫಾಂಟ್) ಬಳಸಿರುವ ಎಲ್ಲ ಅಕ್ಷರಭಾಗಗಳನ್ನು ಚಿತ್ರರೂಪದಲ್ಲಿ ಪಡೆಯಬಹುದು. ಇದು ಫಾಂಟ್ ತಯಾರಕರುಗಳಿಗೆ ಸಹಾಯಕಾರಿ. ಈ ತಂತ್ರಾಂಶ ಬೇಕಿದ್ದಲ್ಲಿ ನೀವು ಭೇಟಿ ನೀಡಬೇಕಾದ ಜಾಲತಾಣದ ವಿಳಾಸ http://bit.ly/57E3PT
e - ಸುದ್ದಿ
ಕ್ಯಾಮರಾದಂತೆ ಕೆಲಸ ಮಾಡುವ ಗಣಕಪರದೆ
ಗಣಕದ ಪರದೆಗಳಲ್ಲಿ ಹಲವು ವಿಧ. ಇತ್ತೀಚೆಗೆ ತುಂಬ ಜನಪ್ರಿಯವಾಗಿರುವವು ದ್ರವಸ್ಫಟಿಕದಿಂದ (LCD=Liquid Crystal Display) ಮಾಡಿದವು. ಅಮೇರಿಕದ ಮಸ್ಯಾಚುಸೆಟ್ಸ್ ತಾಂತ್ರಿಕ ವಿಶ್ವವಿದ್ಯಾಲಯದ ರಮೇಶ್ ರಾಸ್ಕರ್ ಮತ್ತು ಸಹೋದ್ಯೋಗಿಗಳು ಈ ಎಲ್‌ಸಿಡಿ ಪರದೆಗಳನ್ನು ಬದಲಿಸಿ ಕ್ಯಾಮರಾದಂತೆ ಬಳಸುವಲ್ಲಿ ಯಶಸ್ವಿಯಾಗಿದ್ದಾರೆ. ಎಲ್‌ಸಿಡಿ ಪರದೆಗಳಲ್ಲಿ ಸಹಸ್ರಾರು ಅತಿ ಚಿಕ್ಕ ಕಣ ರೂಪದಲ್ಲಿರುವ ದ್ರವಸ್ಫಟಿಕದ ಘಟಕಗಳಿವೆ. ಇವು ಪರದೆಯಲ್ಲಿ ಚಿತ್ರವನ್ನು ಮೂಡಿಸುತ್ತವೆ. ಈ ಕಣಗಳ ಮಧ್ಯೆ ಇರುವ ಅತಿ ಚಿಕ್ಕ ತೂತನ್ನೇ ಪಿನ್ ಹೋಲ್ ಕ್ಯಾಮರಾದಂತೆ ಬಳಸುವಲ್ಲಿ ಈ ತಂಡ ಯಶಸ್ವಿಯಾಗಿದೆ. ಹೀಗೆ ಪಡೆದ ಚಿಕ್ಕ ಚಿಕ್ಕ ಚಿತ್ರಗಳನ್ನು ನೇಯ್ದು ಪರದೆಯ ಮುಂದಿರುವ ವಸ್ತುವಿನ ಪೂರ್ತಿಪ್ರಮಾಣದ ಮೂರು ಆಯಾಮದ ಚಿತ್ರ ಪಡೆಯಬಹುದು. ಇನ್ನು ಮುಂದೆ ಗಣಕ ಪರದೆಯ ಮುಂದೆ ಬಟ್ಟೆ ಬದಲಾಯಿಸುವಾಗ ಎಚ್ಚರಿಕೆಯಿಂದಿರಬೇಕು!
e- ಪದ
ಯುನಿಕೋಡ್ (unicode) - ಯುನಿಫೋರ್ಮ್ ಕೋಡ್ ಎನ್ನುವುದರ ಸಂಕ್ಷಿಪ್ತ ರೂಪ. ಮಾಹಿತಿ ವಿನಿಮಯಕ್ಕಾಗಿ ಪ್ರಪಂಚಕ್ಕೆಲ್ಲ ಒಂದೇ ಏಕರೂಪ ಸಂಕೇತ ಬೇಕೆಂದು ಮಾಡಿಕೊಂಡ ಶಿಷ್ಟ ಸಂಕೇತ. ಇದು ೧೬ ಬಿಟ್‌ಗಳನ್ನು ಹೊಂದಿದೆ. ೮ ಬಿಟ್‌ಗಳ ಆಸ್ಕಿ ಸಂಕೇತ ವಿಧಾನದಲ್ಲಿ ಪ್ರಪಂಚದ ಎಲ್ಲ ಭಾಷೆಗಳಿಗೆ ಸ್ಥಾನವಿಲ್ಲ. ಯುನಿಕೋಡ್‌ನಲ್ಲಿ ಪ್ರಪಂಚದ ಎಲ್ಲ ಭಾಷೆಗಳಿಗೂ, ಕನ್ನಡವೂ ಸೇರಿದಂತೆ, ಪ್ರತ್ಯೇಕ ಸಂಕೇತ ನಿಗದಿ ಮಾಡಲಾಗಿದೆ. ಪ್ರಪಂಚದ ಎಲ್ಲ ಗಣಕಗಳೂ ಒಂದೇ ಶಿಷ್ಟ ಸಂಕೇತ ಬಳಸುವುದರಿಂದ ಮಾಹಿತಿ ವಿನಿಮಯದಲ್ಲಿ ಅಡಚಣೆಯುಂಟಾಗುವುದಿಲ್ಲ. ಮೈಕ್ರೋಸಾಫ್ಟ್‌ನ ವಿಂಡೋಸ್ ಎಕ್ಸ್‌ಪಿ ಮತ್ತು ನಂತರದ ಎಲ್ಲ ಆವೃತ್ತಿಗಳಲ್ಲಿ ಕನ್ನಡವನ್ನು ಯುನಿಕೋಡ್ ವಿಧಾನದಲ್ಲಿ ಅಳವಡಿಸಲಾಗಿದೆ. ಗೂಗ್ಲ್ ಮತ್ತು ಇತರೆ ಶೋಧಕಗಳನ್ನು ಬಳಸಿ ಮಾಹಿತಿಯನ್ನು ಹುಡುಕಿದಾಗ ಕನ್ನಡ ಯುನಿಕೋಡ್‌ನಲ್ಲಿ ಇರುವ ಅಂತರಜಾಲ ತಾಣಗಳನ್ನು ಮಾತ್ರ ಅವು ಪತ್ತೆಹಚ್ಚುತ್ತವೆ.
e - ಸಲಹೆ
ಕೊಪ್ಪಳದ ಶರಣ್ ಹೂಗಾರ್ ಅವರ ಪ್ರಶ್ನೆ: ನಾನು ಒಂದು ಕನ್ನಡ ವೆಬ್‌ಸೈಟ್ ತಯಾರು ಮಾಡಿರುವೆ. ಆದರೆ ಅದರಲ್ಲಿ ಕನ್ನಡ ಅಕ್ಷರಗಳನ್ನು ಸೇರಿಸಲು ಆಗುತ್ತಿಲ್ಲ. ನಾನು (Dreamweaver software) ನಲ್ಲಿ ಮಾಡುತಿದ್ದೇನೆ. ಅದಕ್ಕೆ ಯಾವ ಕನ್ನಡ ತಂತ್ರಾಂಶ support ಮಾಡುತ್ತದೆ ತಿಳಿಸಿ. ಅಥವಾ Unicode softwareನ್ನು ಡೌನ್‌ಲೋಡ್ ಮಾಡಿಕೊಳ್ಳಲು website link ಕಳುಹಿಸಿಕೊಡಿ.
ಉ: ಯುನಿಕೋಡ್ ಎಂಬುದು ಒಂದು ತಂತ್ರಾಂಶವಲ್ಲ. ಅದು ಒಂದು ಜಾಗತಿಕ ಶಿಷ್ಟತೆ. ನೀವು ಡ್ರೀಮ್‌ವೀವರ್‌ನಲ್ಲಿ Default encoding ಎಂಬಲ್ಲಿ UTF-8 (Unicode) ಎಂಬುದಾಗಿ ಆಯ್ಕೆ ಮಾಡಿಕೊಳ್ಳಬೇಕು. ಅನಂತರ ಯುನಿಕೋಡ್ ವಿಧಾನದಲ್ಲಿ ಬೆರಳಚ್ಚು ಮಾಡಲು ಯಾವುದೇ ಕೀಲಿಮಣೆ ತಂತ್ರಾಂಶ (ಉದಾ -ಬರಹ) ಅಥವಾ ವಿಂಡೋಸ್‌ನಲ್ಲೇ ಇರುವ ಕನ್ನಡ ಕೀಲಿಮಣೆಯನ್ನು ಬಳಸಬಹುದು.
ಕಂಪ್ಯೂತರ್ಲೆ
ಕನ್ನಡಕ್ಕೆ ಯುನಿಕೋಡ್ ಬಳಸಬೇಕಾದರೆ ಓಪನ್‌ಟೈಪ್ ಫಾಂಟ್‌ಗಳನ್ನು ಬಳಸಬೇಕಾಗುತ್ತದೆ. ಇಂತಹ ಫಾಂಟ್‌ಗಳು ತುಂಬ ಇಲ್ಲ. ಇವುಗಳಲ್ಲಿ ೩ ಫಾಂಟ್‌ಗಳ ಹೆಸರು ಸಂಪಿಗೆ, ಮಲ್ಲಿಗೆ ಮತ್ತು ಕೇದಗೆ. ಕೋಲ್ಯ ಒಂದು ಡಿಟಿಪಿ ಕಂಪೆನಿಯಲ್ಲಿ ಕೆಲಸ ಮಾಡುತ್ತಿದ್ದ. ಆತನ ಬಾಸ್ ಆತನನ್ನು ಭಾರತೀಯ ವಿಜ್ಞಾನ ಸಂಸ್ಥೆಗೆ ಸಂಪಿಗೆ, ಮಲ್ಲಿಗೆ ಮತ್ತು ಕೇದಗೆಗಳನ್ನು ತರಲು ಕಳುಹಿಸಿದ. ಕೋಲ್ಯ ಮಲ್ಲಿಗೆ ಮತ್ತು ಸಂಪಿಗೆಗಳನ್ನು ಮಲ್ಲೇಶ್ವರದ ಮಾರುಕಟ್ಟೆಯಲ್ಲಿ ಕೊಂಡುಕೊಂಡು ಬಂದ. ಕೇದಗೆ ಎಲ್ಲೂ ಸಿಗಲಿಲ್ಲ ಎಂದು ವರದಿ ಮಾಡಿದ.
ಗೋಯಾತ್ರೆಯ ಜಾಲತಾಣ
ಭಾರತೀಯ ಗೋತಳಿಗಳ ಉಳಿವಿಗಾಗಿ ಶ್ರಮಿಸುತ್ತಿರುವ ಹೊಸನಗರ ಶ್ರೀರಾಮಚಂದ್ರಾಪುರ ಮಠದ ಶ್ರೀ ರಾಘವೇಶ್ವರ ಭಾರತೀ ಸ್ವಾಮೀಜಿಗಳ ಸಂಕಲ್ಪದಿಂದ ವಿಶ್ವಮಂಗಲ ಗೋಗ್ರಾಮ ಯಾತ್ರೆ ನಡೆಯುತ್ತಿದೆ. ಇದು ಸಪ್ಟೆಂಬರ್ ೩೦, ೨೦೦೯ರಂದು ಕುರುಕ್ಷೇತ್ರದಿಂದ ಪ್ರಾರಂಭವಾಗಿ ದೇಶಾದ್ಯಂತ ಸುತ್ತಿ ಜನವರಿ ೧೭, ೨೦೧೦ರಂದು ನಾಗಪುರದಲ್ಲಿ ಸಮಾವೇಶಗೊಳ್ಳಲಿದೆ. ಈ ಯಾತ್ರೆಯ ಸಮಗ್ರ ವಿವರ ನೀಡುವ ಜಾಲತಾಣ gougram.org. ಈ ಜಾಲತಾಣ ಇಂಗ್ಲಿಶ್, ಹಿಂದಿ ಮತ್ತು ಕನ್ನಡ ಭಾಷೆಗಳಲ್ಲಿವೆ. ಗೋಯಾತ್ರೆಯ ವಿವರಗಳಲ್ಲದೆ, ಭಾರತೀಯ ಗೋತಳಿಗಳ ಮಾಹಿತಿ, ಗೋ ಆಧಾರಿತ ಕೃಷಿ ಮತ್ತು ಜೀವನ ಸಂಬಂಧಿ ಲೇಖನಗಳೂ ಇಲ್ಲಿವೆ. ಕನ್ನಡ ಭಾಷೆಯಲ್ಲಿ ಗೋವಿನ ಬಗ್ಗೆ ಪ್ರಕಟವಾಗುತ್ತಿರುವ ಏಕೈಕ e-ಪತ್ರಿಕೆ “ಗೋ ವಿಶ್ವ”ದ ಎಲ್ಲ ಸಂಚಿಕೆಗಳನ್ನು ಕೂಡ ಇಲ್ಲಿ ಓದಬಹುದು.
ಡೌನ್‌ಲೋಡ್
ಯುನಿಕೋಡ್ ಪದಸಂಸ್ಕಾರಕ
ಯುನಿಕೋಡ್ ಶಿಷ್ಟತೆಯನ್ನು ಬಳಸಿ ಬೆರಳಚ್ಚು ಮಾಡಲು ಹಲವು ವಿಧಾನಗಳಿವೆ. ಪಠ್ಯವನ್ನು ಬೆರಳಚ್ಚು ಮಾಡಿ ಸಂಗ್ರಹಿಸಿಡಲು ವಿಂಡೋಸ್‌ನಲ್ಲಿ ನೋಟ್‌ಪಾಡ್ ಎಂಬ ಸರಳ ತಂತ್ರಾಂಶವಿದೆ. ಇದರಲ್ಲಿ ಕೆಲವೇ ಸವಲತ್ತುಗಳಿವೆ. ಯುನಿಕೋಡ್ ವಿಧಾನದಲ್ಲಿ ಪ್ರಪಂಚದ ಯಾವುದೇ ಭಾಷೆಯಲ್ಲಿ ಬೆರಳಚ್ಚು ಮಾಡಿ ಪಠ್ಯರೂಪದಲ್ಲಿ ಸಂಗ್ರಹಿಸಿಡಲು BabelPad ಎಂಬ ಉಚಿತ ತಂತ್ರಾಂಶ ಲಭ್ಯವಿದೆ. ಇದರಲ್ಲಿ ಇನ್ನೂ ಹಲವು ವಿಶೇಷ ಸವಲತ್ತುಗಳಿವೆ. ಉದಾಹರಣೆಗೆ ಬಳಸುವ ಅಕ್ಷರಶೈಲಿಯಲ್ಲಿ (ಫಾಂಟ್) ಬಳಸಿರುವ ಎಲ್ಲ ಅಕ್ಷರಭಾಗಗಳನ್ನು ಚಿತ್ರರೂಪದಲ್ಲಿ ಪಡೆಯಬಹುದು. ಇದು ಫಾಂಟ್ ತಯಾರಕರುಗಳಿಗೆ ಸಹಾಯಕಾರಿ. ಈ ತಂತ್ರಾಂಶ ಬೇಕಿದ್ದಲ್ಲಿ ನೀವು ಭೇಟಿ ನೀಡಬೇಕಾದ ಜಾಲತಾಣದ ವಿಳಾಸ http://bit.ly/57E3PT
e - ಸುದ್ದಿ
ಕ್ಯಾಮರಾದಂತೆ ಕೆಲಸ ಮಾಡುವ ಗಣಕಪರದೆ
ಗಣಕದ ಪರದೆಗಳಲ್ಲಿ ಹಲವು ವಿಧ. ಇತ್ತೀಚೆಗೆ ತುಂಬ ಜನಪ್ರಿಯವಾಗಿರುವವು ದ್ರವಸ್ಫಟಿಕದಿಂದ (LCD=Liquid Crystal Display) ಮಾಡಿದವು. ಅಮೇರಿಕದ ಮಸ್ಯಾಚುಸೆಟ್ಸ್ ತಾಂತ್ರಿಕ ವಿಶ್ವವಿದ್ಯಾಲಯದ ರಮೇಶ್ ರಾಸ್ಕರ್ ಮತ್ತು ಸಹೋದ್ಯೋಗಿಗಳು ಈ ಎಲ್‌ಸಿಡಿ ಪರದೆಗಳನ್ನು ಬದಲಿಸಿ ಕ್ಯಾಮರಾದಂತೆ ಬಳಸುವಲ್ಲಿ ಯಶಸ್ವಿಯಾಗಿದ್ದಾರೆ. ಎಲ್‌ಸಿಡಿ ಪರದೆಗಳಲ್ಲಿ ಸಹಸ್ರಾರು ಅತಿ ಚಿಕ್ಕ ಕಣ ರೂಪದಲ್ಲಿರುವ ದ್ರವಸ್ಫಟಿಕದ ಘಟಕಗಳಿವೆ. ಇವು ಪರದೆಯಲ್ಲಿ ಚಿತ್ರವನ್ನು ಮೂಡಿಸುತ್ತವೆ. ಈ ಕಣಗಳ ಮಧ್ಯೆ ಇರುವ ಅತಿ ಚಿಕ್ಕ ತೂತನ್ನೇ ಪಿನ್ ಹೋಲ್ ಕ್ಯಾಮರಾದಂತೆ ಬಳಸುವಲ್ಲಿ ಈ ತಂಡ ಯಶಸ್ವಿಯಾಗಿದೆ. ಹೀಗೆ ಪಡೆದ ಚಿಕ್ಕ ಚಿಕ್ಕ ಚಿತ್ರಗಳನ್ನು ನೇಯ್ದು ಪರದೆಯ ಮುಂದಿರುವ ವಸ್ತುವಿನ ಪೂರ್ತಿಪ್ರಮಾಣದ ಮೂರು ಆಯಾಮದ ಚಿತ್ರ ಪಡೆಯಬಹುದು. ಇನ್ನು ಮುಂದೆ ಗಣಕ ಪರದೆಯ ಮುಂದೆ ಬಟ್ಟೆ ಬದಲಾಯಿಸುವಾಗ ಎಚ್ಚರಿಕೆಯಿಂದಿರಬೇಕು!
e- ಪದ
ಯುನಿಕೋಡ್ (unicode) - ಯುನಿಫೋರ್ಮ್ ಕೋಡ್ ಎನ್ನುವುದರ ಸಂಕ್ಷಿಪ್ತ ರೂಪ. ಮಾಹಿತಿ ವಿನಿಮಯಕ್ಕಾಗಿ ಪ್ರಪಂಚಕ್ಕೆಲ್ಲ ಒಂದೇ ಏಕರೂಪ ಸಂಕೇತ ಬೇಕೆಂದು ಮಾಡಿಕೊಂಡ ಶಿಷ್ಟ ಸಂಕೇತ. ಇದು ೧೬ ಬಿಟ್‌ಗಳನ್ನು ಹೊಂದಿದೆ. ೮ ಬಿಟ್‌ಗಳ ಆಸ್ಕಿ ಸಂಕೇತ ವಿಧಾನದಲ್ಲಿ ಪ್ರಪಂಚದ ಎಲ್ಲ ಭಾಷೆಗಳಿಗೆ ಸ್ಥಾನವಿಲ್ಲ. ಯುನಿಕೋಡ್‌ನಲ್ಲಿ ಪ್ರಪಂಚದ ಎಲ್ಲ ಭಾಷೆಗಳಿಗೂ, ಕನ್ನಡವೂ ಸೇರಿದಂತೆ, ಪ್ರತ್ಯೇಕ ಸಂಕೇತ ನಿಗದಿ ಮಾಡಲಾಗಿದೆ. ಪ್ರಪಂಚದ ಎಲ್ಲ ಗಣಕಗಳೂ ಒಂದೇ ಶಿಷ್ಟ ಸಂಕೇತ ಬಳಸುವುದರಿಂದ ಮಾಹಿತಿ ವಿನಿಮಯದಲ್ಲಿ ಅಡಚಣೆಯುಂಟಾಗುವುದಿಲ್ಲ. ಮೈಕ್ರೋಸಾಫ್ಟ್‌ನ ವಿಂಡೋಸ್ ಎಕ್ಸ್‌ಪಿ ಮತ್ತು ನಂತರದ ಎಲ್ಲ ಆವೃತ್ತಿಗಳಲ್ಲಿ ಕನ್ನಡವನ್ನು ಯುನಿಕೋಡ್ ವಿಧಾನದಲ್ಲಿ ಅಳವಡಿಸಲಾಗಿದೆ. ಗೂಗ್ಲ್ ಮತ್ತು ಇತರೆ ಶೋಧಕಗಳನ್ನು ಬಳಸಿ ಮಾಹಿತಿಯನ್ನು ಹುಡುಕಿದಾಗ ಕನ್ನಡ ಯುನಿಕೋಡ್‌ನಲ್ಲಿ ಇರುವ ಅಂತರಜಾಲ ತಾಣಗಳನ್ನು ಮಾತ್ರ ಅವು ಪತ್ತೆಹಚ್ಚುತ್ತವೆ.
e - ಸಲಹೆ
ಕೊಪ್ಪಳದ ಶರಣ್ ಹೂಗಾರ್ ಅವರ ಪ್ರಶ್ನೆ: ನಾನು ಒಂದು ಕನ್ನಡ ವೆಬ್‌ಸೈಟ್ ತಯಾರು ಮಾಡಿರುವೆ. ಆದರೆ ಅದರಲ್ಲಿ ಕನ್ನಡ ಅಕ್ಷರಗಳನ್ನು ಸೇರಿಸಲು ಆಗುತ್ತಿಲ್ಲ. ನಾನು (Dreamweaver software) ನಲ್ಲಿ ಮಾಡುತಿದ್ದೇನೆ. ಅದಕ್ಕೆ ಯಾವ ಕನ್ನಡ ತಂತ್ರಾಂಶ support ಮಾಡುತ್ತದೆ ತಿಳಿಸಿ. ಅಥವಾ Unicode softwareನ್ನು ಡೌನ್‌ಲೋಡ್ ಮಾಡಿಕೊಳ್ಳಲು website link ಕಳುಹಿಸಿಕೊಡಿ.
ಉ: ಯುನಿಕೋಡ್ ಎಂಬುದು ಒಂದು ತಂತ್ರಾಂಶವಲ್ಲ. ಅದು ಒಂದು ಜಾಗತಿಕ ಶಿಷ್ಟತೆ. ನೀವು ಡ್ರೀಮ್‌ವೀವರ್‌ನಲ್ಲಿ Default encoding ಎಂಬಲ್ಲಿ UTF-8 (Unicode) ಎಂಬುದಾಗಿ ಆಯ್ಕೆ ಮಾಡಿಕೊಳ್ಳಬೇಕು. ಅನಂತರ ಯುನಿಕೋಡ್ ವಿಧಾನದಲ್ಲಿ ಬೆರಳಚ್ಚು ಮಾಡಲು ಯಾವುದೇ ಕೀಲಿಮಣೆ ತಂತ್ರಾಂಶ (ಉದಾ -ಬರಹ) ಅಥವಾ ವಿಂಡೋಸ್‌ನಲ್ಲೇ ಇರುವ ಕನ್ನಡ ಕೀಲಿಮಣೆಯನ್ನು ಬಳಸಬಹುದು.
ಕಂಪ್ಯೂತರ್ಲೆ
ಕನ್ನಡಕ್ಕೆ ಯುನಿಕೋಡ್ ಬಳಸಬೇಕಾದರೆ ಓಪನ್‌ಟೈಪ್ ಫಾಂಟ್‌ಗಳನ್ನು ಬಳಸಬೇಕಾಗುತ್ತದೆ. ಇಂತಹ ಫಾಂಟ್‌ಗಳು ತುಂಬ ಇಲ್ಲ. ಇವುಗಳಲ್ಲಿ ೩ ಫಾಂಟ್‌ಗಳ ಹೆಸರು ಸಂಪಿಗೆ, ಮಲ್ಲಿಗೆ ಮತ್ತು ಕೇದಗೆ. ಕೋಲ್ಯ ಒಂದು ಡಿಟಿಪಿ ಕಂಪೆನಿಯಲ್ಲಿ ಕೆಲಸ ಮಾಡುತ್ತಿದ್ದ. ಆತನ ಬಾಸ್ ಆತನನ್ನು ಭಾರತೀಯ ವಿಜ್ಞಾನ ಸಂಸ್ಥೆಗೆ ಸಂಪಿಗೆ, ಮಲ್ಲಿಗೆ ಮತ್ತು ಕೇದಗೆಗಳನ್ನು ತರಲು ಕಳುಹಿಸಿದ. ಕೋಲ್ಯ ಮಲ್ಲಿಗೆ ಮತ್ತು ಸಂಪಿಗೆಗಳನ್ನು ಮಲ್ಲೇಶ್ವರದ ಮಾರುಕಟ್ಟೆಯಲ್ಲಿ ಕೊಂಡುಕೊಂಡು ಬಂದ. ಕೇದಗೆ ಎಲ್ಲೂ ಸಿಗಲಿಲ್ಲ ಎಂದು ವರದಿ ಮಾಡಿದ.
ಮಂಗಳವಾರ, ಡಿಸೆಂಬರ್ 15, 2009
ಗಣಕಿಂಡಿ - ೦೩೦ (೧೪, ೨೦೦೯)
ಅಂತರಜಾಲಾಡಿ
ಭಾರತೀಯ ವಿದ್ಯುನ್ಮಾನ ಗ್ರಂಥಾಲಯ
ಪುಸ್ತಕಗಳನ್ನು ಅಂಕೀಕರಿಸಿ ಅಂದರೆ ಡಿಜಿಟಲ್ ರೂಪದಲ್ಲಿ ಸಂಗ್ರಹಿಸಿ ಅದನ್ನು ಗಣಕದಲ್ಲಿ, ಸಿ.ಡಿ.ಯಲ್ಲಿ ಅಥವಾ ಅಂತರಜಾಲದಲ್ಲಿ ಓದಲು ಅನುವಾಗುವಂತೆ ಮಾಡುವ ವಿಧಾನಕ್ಕೆ e-book ಅರ್ಥಾತ್ ವಿದ್ಯುನ್ಮಾನ ಪುಸ್ತಕ ಎನ್ನುತ್ತಾರೆ. ಈ ರೀತಿಯ ವಿದ್ಯುನ್ಮಾನ ಪುಸ್ತಕಗಳಿಗೆಂದೇ ಹಲವಾರು ಜಾಲತಾಣಗಳಿವೆ. ಭಾರತ ಸರಕಾರದ ಮಹತ್ವಾಕಾಂಕ್ಷೆಯ ಯೋಜನೆ ಭಾರತೀಯ ವಿದ್ಯುನ್ಮಾನ ಪುಸ್ತಕ ಭಂಡಾರ. ಇದು ಅಂತರಜಾಲದಲ್ಲಿ ಉಚಿತವಾಗಿ ಓದಲು ಲಭ್ಯವಿದೆ. ಅದರ ವಿಳಾಸ www.new.dli.ernet.in. ಕನ್ನಡವೂ ಸೇರಿದಂತೆ ಭಾರತದ ಎಲ್ಲ ಭಾಷೆಯ ಸಹಸ್ರಾರು ಪುಸ್ತಕಗಳು ಇಲ್ಲಿ ಓದಲು ಲಭ್ಯವಿವೆ. ಆದರೆ ಪುಸ್ತಕಗಳನ್ನು ಜಾಲತಾಣದಲ್ಲಿಯೇ ಓದಬೇಕು. ಅವುಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳುವ ಸವಲತ್ತನ್ನು ನೀಡಿಲ್ಲ. ಬಹುಶಃ ಇದಕ್ಕೆ ಪುಸ್ತಕಗಳ ಹಕ್ಕುಸ್ವಾಮ್ಯದ ಸಮಸ್ಯೆ ಅಡ್ಡಿಯಾಗಿರಬೇಕು.
ಡೌನ್‌ಲೋಡ್
ದಿನಚರಿ ಬರೆಯುವವರಿಗೆ
ಈಗಿನ ಕಾಲದಲ್ಲೂ ದಿನಚರಿ ಬರೆಯುವವರಿದ್ದಾರೆಯೇ? ಹಾಗೆ ಬರೆಯುವ ಅಭ್ಯಾಸವಿದ್ದವರಲ್ಲಿ ಎಷ್ಟು ಜನ ಗಣಕ ಬಳಕೆದಾರರಿದ್ದಾರೆ? ನೀವು ಅಂತವರಲ್ಲೊಬ್ಬರಾದರೆ ದಿನಚರಿಯನ್ನು ಪುಸ್ತಕದಲ್ಲಿ ಬರೆಯುವ ಬದಲು ಗಣಕದಲ್ಲಿ ಬರೆಯುವಂತಿದ್ದರೆ ಚೆನ್ನಾಗಿತ್ತು ಅನ್ನಿಸಿರಬಹುದಲ್ಲವೇ? ಹಾಗಿದ್ದರೆ ನಿಮಗೆ ಬೇಕು Efficient Diary ತಂತ್ರಾಂಶ. ಇದು ದೊರಕುವ ಜಾಲತಾಣದ ವಿಳಾಸ www.efficientdiary.com. ಇದರಲ್ಲಿ ಕನ್ನಡ ಲಿಪಿಯಲ್ಲಿ (ಯುನಿಕೋಡ್‌ನಲ್ಲಿ) ಮಾಹಿತಿ ದಾಖಲಿಸಲು ಆಗುವುದಿಲ್ಲ. ಕನ್ನಡಲ್ಲಿ ಬೆರಳಚ್ಚು ಮಾಡಬಲ್ಲ ದಿನಚರಿ ತಂತ್ರಾಂಶ iDailyDiary (http://bit.ly/4CL7Fv). ಇದರಲ್ಲಿ ಕನ್ನಡದಲ್ಲಿ ಬೆರಳಚ್ಚೇನೋ ಮಾಡಬಹುದು, ಆದರೆ ಮಾಹಿತಿಯನ್ನು ಹುಡುಕುವ ಸವಲತ್ತಿನಲ್ಲಿ ಕನ್ನಡದಲ್ಲಿ ಬೆರಳಚ್ಚು ಮಾಡಲು ಆಗುವುದಿಲ್ಲ. ಕನ್ನಡದಲ್ಲಿ (ಯುನಿಕೋಡ್) ಸಂಪೂರ್ಣವಾಗಿ ಬಳಕೆ ಮಾಡಬಹುದಾದ ಉಚಿತ ದಿನಚರಿ ತಂತ್ರಾಂಶ ಇನ್ನೂ ನನಗೆ ಪತ್ತೆಯಾಗಿಲ್ಲ. ನಿಮ್ಮಲ್ಲಿ ಯಾರಿಗಾದರೂ ಗೊತ್ತಿದ್ದರೆ ತಿಳಿಸಬಹುದು.
e - ಸುದ್ದಿ
ಆಟದ ಸಾಮಾನು ಕೊಡದಿದ್ದುದಕ್ಕೆ ಪೋಲೀಸರಿಗೆ ದೂರು!
ಅಮೇರಿಕ ದೇಶದಲ್ಲಿ ೯೧೧ ಎಂಬ ದೂರವಾಣಿ ಸಂಖ್ಯೆ ನಮ್ಮ ದೇಶದ ದೂರವಾಣಿ ಸಂಖ್ಯೆ ೧೦೦ಕ್ಕೆ ಸಮಾನ. ಇದಕ್ಕೆ ಕರೆ ಮಾಡಿದರೆ ನೇರವಾಗಿ ಪೋಲೀಸ್ ಕೇಂದ್ರಕ್ಕೆ ಹೋಗುತ್ತದೆ. ಆಪತ್‌ಕಾಲೀನ ಪರಿಸ್ಥಿತಿಯಲ್ಲಿ ದೂರು ನೀಡಲು ಇದನ್ನು ಬಳಸುತ್ತಾರೆ. ಒಂದು ದಿನ ಈ ಸಂಖ್ಯೆಗೆ ಒಬ್ಬ ೧೫ ವರ್ಷ ಪ್ರಾಯದ ಹುಡುಗನಿಂದ ಕರೆ ಬಂತು. ಆತನ ದೂರು ಏನು ಗೊತ್ತೆ? ಆತನ ಎಕ್ಸ್‌ಬಾಕ್ಸ್ ಎಂಬ ಗಣಕಾಧಾರಿತ ಆಟದ ಸಾಮಾನನ್ನು ಆತನ ಪೋಷಕರು ಆತನಿಗೆ ನೀಡುತ್ತಿಲ್ಲ ಎಂಬುದಾಗಿತ್ತು. ಮಕ್ಕಳು ಆಟದಲ್ಲೇ ಹೊತ್ತು ಕಳೆಯುತ್ತಿದ್ದರೆ ಅವರ ಆಟದ ಸಾಮಾನನ್ನು ಎತ್ತಿಡುವುದನ್ನು ಎಲ್ಲ ತಂದೆತಾಯಿಯರು ಮಾಡುತ್ತಾರೆ ತಾನೆ? ಹಾಗೆಯೇ ಅಲ್ಲಿಯೂ ಆಗಿತ್ತು. ಪೋಲೀಸರೇನೋ ಆತನ ಮನೆಗೆ ಬಂದರು. ಆದರೆ ಆತನಿಗೆ ಆಟದ ಸಾಮಾನು ಕೊಡಿಸಲಿಲ್ಲ. ಬದಲಿಗೆ ನಿನ್ನ ತಂದೆತಾಯಿ ಹೇಳಿದಂತೆ ಕೇಳು ಎಂದು ಬುದ್ಧಿವಾದ ಹೇಳಿ ಹೋದರು.
e- ಪದ
ಚಿತ್ರಿಕೆ (icon) -ಯಾವುದಾದರೊಂದು ತಂತ್ರಾಂಶ ಅಥವಾ ಸವಲತ್ತನ್ನು ಚಾಲನೆಗೊಳಿಸಲು ಅನುವು ಮಾಡಿಕೊಡುವ ಆ ತಂತ್ರಾಂಶದ ಕಿರು ರೂಪದ ಲಾಂಛನ ಚಿಹ್ನೆ. ಉದಾಹರಣೆಗೆ ಪರದೆಯ ಮೇಲಿರುವ ಗಣಕದ ಚಿಹ್ನೆ. ಇದರ ಮೇಲೆ ಮೌಸ್‌ನಿಂದ ಕ್ಲಿಕ್ ಮಾಡಿದರೆ ನಿಮ್ಮ ಗಣಕದಲ್ಲಿರುವ ಡ್ರೈವ್‌ಗಳು ತೆರೆಯುತ್ತವೆ. ನೀವು ಬರಹ ತಂತ್ರಾಂಶ ಬಳಸುವವರಾದರೆ “ಕ” ರೂಪದ ಅದರ ಚಿತ್ರಿಕೆ ಮೇಲೆ ಕ್ಲಿಕ್ ಮಾಡಿದರೆ ಬರಹ ಚಾಲನೆಗೊಳ್ಳುತ್ತದೆ.
e - ಸಲಹೆ
ಎಲ್ಲೆಂದರಲ್ಲಿ ನಿಮ್ಮ ಗುಪ್ತಪದ ನೀಡಬೇಡಿ
ಇತ್ತೀಚೆಗಿನ ದಿನಗಳಲ್ಲಿ ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳ ಹುಚ್ಚು ತುಂಬ ಜಾಸ್ತಿಯಾಗಿದೆ. ಒಬ್ಬರಿಗೊಬ್ಬರು ಸಂಪರ್ಕದಲ್ಲಿರಲು ಈ ಜಾಲತಾಣಗಳು ಸಹಾಯಮಾಡುತ್ತವೆ. ಎಂದೋ ಸಂಪರ್ಕ ಕಳೆದುಹೋದ ಸ್ನೇಹಿತ ಅಥವಾ ದೂರಸಂಬಂಧಿ ಇಂತಹ ಜಾಲತಾಣಗಳ ಮೂಲಕ ಮತ್ತೆ ದೊರೆತ ಉದಾಹರಣೆಗಳು ಸಾಕಷ್ಟಿವೆ. ಇಂತಹ ಜಾಲತಾಣಗಳಿಗೆ ಉದಾಹರಣೆ ಆರ್ಕುಟ್, ಫೇಸ್‌ಬುಕ್, ಮೈಸ್ಪೇಸ್ ಇತ್ಯಾದಿ. ಇದೇ ಮಾದರಿಯಲ್ಲಿ ಇತ್ತೀಚೆಗೆ ನೂರಾರು ಜಾಲತಾಣಗಳು ಹುಟ್ಟಿಕೊಂಡಿವೆ. ಅವುಗಳಲ್ಲಿ ಎಲ್ಲವೂ ಸಂಭಾವಿತ ಜಾಲತಾಣಗಳಲ್ಲ. ಕೆಲವು ಜಾಲತಾಣಗಳಲ್ಲಿ ನೋಂದಣಿ ಮಾಡುವಾಗ ಅವು ನಿಮ್ಮ ಇಮೈಲ್‌ನ ಗುಪ್ತಪದ (ಪಾಸ್‌ವರ್ಡ್) ಕೇಳುತ್ತವೆ. ಹಾಗೆ ಅಲ್ಲಿ ನಿಮ್ಮ ಗುಪ್ತಪದ ದಾಖಲಿಸಿದರೆ, ಈ ಜಾಲತಾಣಗಳು ನಿಮ್ಮ ಇಮೈಲ್ ಖಾತೆಯ ವಿಳಾಸ ಪುಸ್ತಕದಲ್ಲಿ ಇರುವ ಎಲ್ಲ ವಿಳಾಸಗಳಿಗೆ ನಿಮ್ಮ ಅನುಮತಿಯಿಲ್ಲದೇ ಆಹ್ವಾನ ಕಳುಹಿಸುತ್ತವೆ. ಕೆಲವರಿಗೆ ಇದು ತುಂಬ ಕಿರಿಕಿರಿ ಉಂಟು ಮಾಡಬಹುದು. ಇದೇ ಜಾಲತಾಣದಿಂದ ಆಹ್ವಾನ ಕಳುಹಿಸಿದರೆ ಒಂದು ರೀತಿ. ಆದರೆ ಬೇರೆ ಇನ್ಯಾವುದೋ ಸಂಬಂಧವೇ ಇಲ್ಲದ ಜಾಲತಾಣದಿಂದ ಆಹ್ವಾನ ಕಳುಹಿಸಿದರೆ? ನಿಮ್ಮ ಸ್ನೇಹಿತ ನಿಮಗೆ ಅದನ್ನು ವಾಪಾಸು ಕಳುಹಿಸಿದರೆ ಮಾತ್ರ ನಿಮಗೆ ಅದು ಗೊತ್ತಾಗುತ್ತದೆ. ಉದಾಹರಣೆಗೆ ಡೇಟಿಂಗ್ ಜಾಲತಾಣ. ನಿಮ್ಮ ಸ್ನೇಹಿತರಿಗೆ ನಿಮ್ಮ ಇಮೈಲ್‌ನಿಂದ ಡೇಟಿಂಗ್ ಆಹ್ವಾನ ಹೋದರೆ ನಿಮಗೆ ಮತ್ತು ಅವರಿಗೆ ಎಷ್ಟು ಮುಜುಗುರವಾಗಬಹುದು? ಆದುದರಿಂದ ಇಂತಹ ಜಾಲತಾಣಗಳಲ್ಲಿ ನಿಮ್ಮ ಇಮೈಲ್ ಪಾಸ್‌ವರ್ಡ್ ನೀಡಬೇಡಿ.
ಕಂಪ್ಯೂತರ್ಲೆ
ಕೋಲ್ಯ ಬಟ್ಟೆ ಅಂಗಡಿಗೆ ಹೋಗಿ ಕಿಟಿಕಿ ಪರದೆ ಬಟ್ಟೆ ಕೇಳಿದ. ಅಂಗಡಿಯಾತ ಕಿಟಿಕಿಯ ಅಳತೆ ಕೇಳಿದ. ಕೋಲ್ಯ ಹೇಳಿದ “ಅದು ನನ್ನ ಕಂಪ್ಯೂಟರ್‌ಗೆ” ಎಂದು. ಅಂಗಡಿಯಾತನಿಗೆ ಆಶ್ಚರ್ಯವಾಯಿತು. “ಕಂಪ್ಯೂಟರ್‌ಗೇಕೆ ಕರ್ಟನ್” ಎಂದು ಕೇಳಿದಾಗ ಕೋಲ್ಯ ಹೇಳಿದ “ಯಾಕೆಂದರೆ ನನ್ನ ಕಂಪ್ಯೂಟರ್‌ಗೆ ವಿಂಡೋಸ್ ಫಿಟ್ ಮಾಡಿದ್ದೇನೆ. ಅದಕ್ಕೆ ಕರ್ಟನ್ ಬೇಕು”.
ಭಾರತೀಯ ವಿದ್ಯುನ್ಮಾನ ಗ್ರಂಥಾಲಯ
ಪುಸ್ತಕಗಳನ್ನು ಅಂಕೀಕರಿಸಿ ಅಂದರೆ ಡಿಜಿಟಲ್ ರೂಪದಲ್ಲಿ ಸಂಗ್ರಹಿಸಿ ಅದನ್ನು ಗಣಕದಲ್ಲಿ, ಸಿ.ಡಿ.ಯಲ್ಲಿ ಅಥವಾ ಅಂತರಜಾಲದಲ್ಲಿ ಓದಲು ಅನುವಾಗುವಂತೆ ಮಾಡುವ ವಿಧಾನಕ್ಕೆ e-book ಅರ್ಥಾತ್ ವಿದ್ಯುನ್ಮಾನ ಪುಸ್ತಕ ಎನ್ನುತ್ತಾರೆ. ಈ ರೀತಿಯ ವಿದ್ಯುನ್ಮಾನ ಪುಸ್ತಕಗಳಿಗೆಂದೇ ಹಲವಾರು ಜಾಲತಾಣಗಳಿವೆ. ಭಾರತ ಸರಕಾರದ ಮಹತ್ವಾಕಾಂಕ್ಷೆಯ ಯೋಜನೆ ಭಾರತೀಯ ವಿದ್ಯುನ್ಮಾನ ಪುಸ್ತಕ ಭಂಡಾರ. ಇದು ಅಂತರಜಾಲದಲ್ಲಿ ಉಚಿತವಾಗಿ ಓದಲು ಲಭ್ಯವಿದೆ. ಅದರ ವಿಳಾಸ www.new.dli.ernet.in. ಕನ್ನಡವೂ ಸೇರಿದಂತೆ ಭಾರತದ ಎಲ್ಲ ಭಾಷೆಯ ಸಹಸ್ರಾರು ಪುಸ್ತಕಗಳು ಇಲ್ಲಿ ಓದಲು ಲಭ್ಯವಿವೆ. ಆದರೆ ಪುಸ್ತಕಗಳನ್ನು ಜಾಲತಾಣದಲ್ಲಿಯೇ ಓದಬೇಕು. ಅವುಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳುವ ಸವಲತ್ತನ್ನು ನೀಡಿಲ್ಲ. ಬಹುಶಃ ಇದಕ್ಕೆ ಪುಸ್ತಕಗಳ ಹಕ್ಕುಸ್ವಾಮ್ಯದ ಸಮಸ್ಯೆ ಅಡ್ಡಿಯಾಗಿರಬೇಕು.
ಡೌನ್‌ಲೋಡ್
ದಿನಚರಿ ಬರೆಯುವವರಿಗೆ
ಈಗಿನ ಕಾಲದಲ್ಲೂ ದಿನಚರಿ ಬರೆಯುವವರಿದ್ದಾರೆಯೇ? ಹಾಗೆ ಬರೆಯುವ ಅಭ್ಯಾಸವಿದ್ದವರಲ್ಲಿ ಎಷ್ಟು ಜನ ಗಣಕ ಬಳಕೆದಾರರಿದ್ದಾರೆ? ನೀವು ಅಂತವರಲ್ಲೊಬ್ಬರಾದರೆ ದಿನಚರಿಯನ್ನು ಪುಸ್ತಕದಲ್ಲಿ ಬರೆಯುವ ಬದಲು ಗಣಕದಲ್ಲಿ ಬರೆಯುವಂತಿದ್ದರೆ ಚೆನ್ನಾಗಿತ್ತು ಅನ್ನಿಸಿರಬಹುದಲ್ಲವೇ? ಹಾಗಿದ್ದರೆ ನಿಮಗೆ ಬೇಕು Efficient Diary ತಂತ್ರಾಂಶ. ಇದು ದೊರಕುವ ಜಾಲತಾಣದ ವಿಳಾಸ www.efficientdiary.com. ಇದರಲ್ಲಿ ಕನ್ನಡ ಲಿಪಿಯಲ್ಲಿ (ಯುನಿಕೋಡ್‌ನಲ್ಲಿ) ಮಾಹಿತಿ ದಾಖಲಿಸಲು ಆಗುವುದಿಲ್ಲ. ಕನ್ನಡಲ್ಲಿ ಬೆರಳಚ್ಚು ಮಾಡಬಲ್ಲ ದಿನಚರಿ ತಂತ್ರಾಂಶ iDailyDiary (http://bit.ly/4CL7Fv). ಇದರಲ್ಲಿ ಕನ್ನಡದಲ್ಲಿ ಬೆರಳಚ್ಚೇನೋ ಮಾಡಬಹುದು, ಆದರೆ ಮಾಹಿತಿಯನ್ನು ಹುಡುಕುವ ಸವಲತ್ತಿನಲ್ಲಿ ಕನ್ನಡದಲ್ಲಿ ಬೆರಳಚ್ಚು ಮಾಡಲು ಆಗುವುದಿಲ್ಲ. ಕನ್ನಡದಲ್ಲಿ (ಯುನಿಕೋಡ್) ಸಂಪೂರ್ಣವಾಗಿ ಬಳಕೆ ಮಾಡಬಹುದಾದ ಉಚಿತ ದಿನಚರಿ ತಂತ್ರಾಂಶ ಇನ್ನೂ ನನಗೆ ಪತ್ತೆಯಾಗಿಲ್ಲ. ನಿಮ್ಮಲ್ಲಿ ಯಾರಿಗಾದರೂ ಗೊತ್ತಿದ್ದರೆ ತಿಳಿಸಬಹುದು.
e - ಸುದ್ದಿ
ಆಟದ ಸಾಮಾನು ಕೊಡದಿದ್ದುದಕ್ಕೆ ಪೋಲೀಸರಿಗೆ ದೂರು!
ಅಮೇರಿಕ ದೇಶದಲ್ಲಿ ೯೧೧ ಎಂಬ ದೂರವಾಣಿ ಸಂಖ್ಯೆ ನಮ್ಮ ದೇಶದ ದೂರವಾಣಿ ಸಂಖ್ಯೆ ೧೦೦ಕ್ಕೆ ಸಮಾನ. ಇದಕ್ಕೆ ಕರೆ ಮಾಡಿದರೆ ನೇರವಾಗಿ ಪೋಲೀಸ್ ಕೇಂದ್ರಕ್ಕೆ ಹೋಗುತ್ತದೆ. ಆಪತ್‌ಕಾಲೀನ ಪರಿಸ್ಥಿತಿಯಲ್ಲಿ ದೂರು ನೀಡಲು ಇದನ್ನು ಬಳಸುತ್ತಾರೆ. ಒಂದು ದಿನ ಈ ಸಂಖ್ಯೆಗೆ ಒಬ್ಬ ೧೫ ವರ್ಷ ಪ್ರಾಯದ ಹುಡುಗನಿಂದ ಕರೆ ಬಂತು. ಆತನ ದೂರು ಏನು ಗೊತ್ತೆ? ಆತನ ಎಕ್ಸ್‌ಬಾಕ್ಸ್ ಎಂಬ ಗಣಕಾಧಾರಿತ ಆಟದ ಸಾಮಾನನ್ನು ಆತನ ಪೋಷಕರು ಆತನಿಗೆ ನೀಡುತ್ತಿಲ್ಲ ಎಂಬುದಾಗಿತ್ತು. ಮಕ್ಕಳು ಆಟದಲ್ಲೇ ಹೊತ್ತು ಕಳೆಯುತ್ತಿದ್ದರೆ ಅವರ ಆಟದ ಸಾಮಾನನ್ನು ಎತ್ತಿಡುವುದನ್ನು ಎಲ್ಲ ತಂದೆತಾಯಿಯರು ಮಾಡುತ್ತಾರೆ ತಾನೆ? ಹಾಗೆಯೇ ಅಲ್ಲಿಯೂ ಆಗಿತ್ತು. ಪೋಲೀಸರೇನೋ ಆತನ ಮನೆಗೆ ಬಂದರು. ಆದರೆ ಆತನಿಗೆ ಆಟದ ಸಾಮಾನು ಕೊಡಿಸಲಿಲ್ಲ. ಬದಲಿಗೆ ನಿನ್ನ ತಂದೆತಾಯಿ ಹೇಳಿದಂತೆ ಕೇಳು ಎಂದು ಬುದ್ಧಿವಾದ ಹೇಳಿ ಹೋದರು.
e- ಪದ
ಚಿತ್ರಿಕೆ (icon) -ಯಾವುದಾದರೊಂದು ತಂತ್ರಾಂಶ ಅಥವಾ ಸವಲತ್ತನ್ನು ಚಾಲನೆಗೊಳಿಸಲು ಅನುವು ಮಾಡಿಕೊಡುವ ಆ ತಂತ್ರಾಂಶದ ಕಿರು ರೂಪದ ಲಾಂಛನ ಚಿಹ್ನೆ. ಉದಾಹರಣೆಗೆ ಪರದೆಯ ಮೇಲಿರುವ ಗಣಕದ ಚಿಹ್ನೆ. ಇದರ ಮೇಲೆ ಮೌಸ್‌ನಿಂದ ಕ್ಲಿಕ್ ಮಾಡಿದರೆ ನಿಮ್ಮ ಗಣಕದಲ್ಲಿರುವ ಡ್ರೈವ್‌ಗಳು ತೆರೆಯುತ್ತವೆ. ನೀವು ಬರಹ ತಂತ್ರಾಂಶ ಬಳಸುವವರಾದರೆ “ಕ” ರೂಪದ ಅದರ ಚಿತ್ರಿಕೆ ಮೇಲೆ ಕ್ಲಿಕ್ ಮಾಡಿದರೆ ಬರಹ ಚಾಲನೆಗೊಳ್ಳುತ್ತದೆ.
e - ಸಲಹೆ
ಎಲ್ಲೆಂದರಲ್ಲಿ ನಿಮ್ಮ ಗುಪ್ತಪದ ನೀಡಬೇಡಿ
ಇತ್ತೀಚೆಗಿನ ದಿನಗಳಲ್ಲಿ ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳ ಹುಚ್ಚು ತುಂಬ ಜಾಸ್ತಿಯಾಗಿದೆ. ಒಬ್ಬರಿಗೊಬ್ಬರು ಸಂಪರ್ಕದಲ್ಲಿರಲು ಈ ಜಾಲತಾಣಗಳು ಸಹಾಯಮಾಡುತ್ತವೆ. ಎಂದೋ ಸಂಪರ್ಕ ಕಳೆದುಹೋದ ಸ್ನೇಹಿತ ಅಥವಾ ದೂರಸಂಬಂಧಿ ಇಂತಹ ಜಾಲತಾಣಗಳ ಮೂಲಕ ಮತ್ತೆ ದೊರೆತ ಉದಾಹರಣೆಗಳು ಸಾಕಷ್ಟಿವೆ. ಇಂತಹ ಜಾಲತಾಣಗಳಿಗೆ ಉದಾಹರಣೆ ಆರ್ಕುಟ್, ಫೇಸ್‌ಬುಕ್, ಮೈಸ್ಪೇಸ್ ಇತ್ಯಾದಿ. ಇದೇ ಮಾದರಿಯಲ್ಲಿ ಇತ್ತೀಚೆಗೆ ನೂರಾರು ಜಾಲತಾಣಗಳು ಹುಟ್ಟಿಕೊಂಡಿವೆ. ಅವುಗಳಲ್ಲಿ ಎಲ್ಲವೂ ಸಂಭಾವಿತ ಜಾಲತಾಣಗಳಲ್ಲ. ಕೆಲವು ಜಾಲತಾಣಗಳಲ್ಲಿ ನೋಂದಣಿ ಮಾಡುವಾಗ ಅವು ನಿಮ್ಮ ಇಮೈಲ್‌ನ ಗುಪ್ತಪದ (ಪಾಸ್‌ವರ್ಡ್) ಕೇಳುತ್ತವೆ. ಹಾಗೆ ಅಲ್ಲಿ ನಿಮ್ಮ ಗುಪ್ತಪದ ದಾಖಲಿಸಿದರೆ, ಈ ಜಾಲತಾಣಗಳು ನಿಮ್ಮ ಇಮೈಲ್ ಖಾತೆಯ ವಿಳಾಸ ಪುಸ್ತಕದಲ್ಲಿ ಇರುವ ಎಲ್ಲ ವಿಳಾಸಗಳಿಗೆ ನಿಮ್ಮ ಅನುಮತಿಯಿಲ್ಲದೇ ಆಹ್ವಾನ ಕಳುಹಿಸುತ್ತವೆ. ಕೆಲವರಿಗೆ ಇದು ತುಂಬ ಕಿರಿಕಿರಿ ಉಂಟು ಮಾಡಬಹುದು. ಇದೇ ಜಾಲತಾಣದಿಂದ ಆಹ್ವಾನ ಕಳುಹಿಸಿದರೆ ಒಂದು ರೀತಿ. ಆದರೆ ಬೇರೆ ಇನ್ಯಾವುದೋ ಸಂಬಂಧವೇ ಇಲ್ಲದ ಜಾಲತಾಣದಿಂದ ಆಹ್ವಾನ ಕಳುಹಿಸಿದರೆ? ನಿಮ್ಮ ಸ್ನೇಹಿತ ನಿಮಗೆ ಅದನ್ನು ವಾಪಾಸು ಕಳುಹಿಸಿದರೆ ಮಾತ್ರ ನಿಮಗೆ ಅದು ಗೊತ್ತಾಗುತ್ತದೆ. ಉದಾಹರಣೆಗೆ ಡೇಟಿಂಗ್ ಜಾಲತಾಣ. ನಿಮ್ಮ ಸ್ನೇಹಿತರಿಗೆ ನಿಮ್ಮ ಇಮೈಲ್‌ನಿಂದ ಡೇಟಿಂಗ್ ಆಹ್ವಾನ ಹೋದರೆ ನಿಮಗೆ ಮತ್ತು ಅವರಿಗೆ ಎಷ್ಟು ಮುಜುಗುರವಾಗಬಹುದು? ಆದುದರಿಂದ ಇಂತಹ ಜಾಲತಾಣಗಳಲ್ಲಿ ನಿಮ್ಮ ಇಮೈಲ್ ಪಾಸ್‌ವರ್ಡ್ ನೀಡಬೇಡಿ.
ಕಂಪ್ಯೂತರ್ಲೆ
ಕೋಲ್ಯ ಬಟ್ಟೆ ಅಂಗಡಿಗೆ ಹೋಗಿ ಕಿಟಿಕಿ ಪರದೆ ಬಟ್ಟೆ ಕೇಳಿದ. ಅಂಗಡಿಯಾತ ಕಿಟಿಕಿಯ ಅಳತೆ ಕೇಳಿದ. ಕೋಲ್ಯ ಹೇಳಿದ “ಅದು ನನ್ನ ಕಂಪ್ಯೂಟರ್‌ಗೆ” ಎಂದು. ಅಂಗಡಿಯಾತನಿಗೆ ಆಶ್ಚರ್ಯವಾಯಿತು. “ಕಂಪ್ಯೂಟರ್‌ಗೇಕೆ ಕರ್ಟನ್” ಎಂದು ಕೇಳಿದಾಗ ಕೋಲ್ಯ ಹೇಳಿದ “ಯಾಕೆಂದರೆ ನನ್ನ ಕಂಪ್ಯೂಟರ್‌ಗೆ ವಿಂಡೋಸ್ ಫಿಟ್ ಮಾಡಿದ್ದೇನೆ. ಅದಕ್ಕೆ ಕರ್ಟನ್ ಬೇಕು”.
ಸೋಮವಾರ, ಡಿಸೆಂಬರ್ 7, 2009
ಗಣಕಿಂಡಿ - ೦೨೯ (೭, ೨೦೦೯)
ಅಂತರಜಾಲಾಡಿ
ಪರಿಸರಕ್ಕಾಗಿ ತಂತ್ರಜ್ಞಾನವ್ಯಸನಿಗಳು
ಆಧುನಿಕ ತಂತ್ರಜ್ಞಾನದ ಅತಿಯಾದ ಬಳಕೆಯಿಂದಾಗಿ ಭೂಮಿ ಬಿಸಿಯಾಗುತ್ತಿದೆ, ಪ್ರಾಕೃತಿಕ ಸಂಪತ್ತು ಕಡಿಮೆಯಾಗುತ್ತಿದೆ, ಪ್ರದೂಷಣ ಜಾಸ್ತಿಯಾಗುತ್ತಿದೆ, ಇತ್ಯಾದಿ ಓದುತ್ತಲೇ ಇರುತ್ತೇವೆ. ತಂತ್ರಜ್ಞಾನವನ್ನೇ ಈ ಪರಿಸರದ ಒಳಿತಿಗಾಗಿ ಬಳಸಿದರೆ ಹೇಗೆ? ಸೌರವಿದ್ಯುತ್ ಬಳಕೆ ಎಲ್ಲರಿಗೂ ಗೊತ್ತು. ಹಾಗೆಯೇ ಗಾಳಿಯಂತ್ರ. ಇದೇ ರೀತಿ ತಂತ್ರಜ್ಞಾನವನ್ನು ಇನ್ನೂ ಹಲವು ರೀತಿಯಲ್ಲಿ ಪರಿಸರದ ಉಳಿವಿಗಾಗಿ ಬಳಸಬಹುದು. ಪರಿಸರಕ್ಕಾಗಿ ತಂತ್ರಜ್ಞಾನವನ್ನು ಯಾವ ರೀತಿ ಬಳಸಬಹುದು ಎಂಬುದನ್ನು ಉದಾಹರಣೆಗಳ ಮೂಲಕ ತಿಳಿಸುವ ಜಾಲತಾಣ www.ecogeek.org.
ಡೌನ್‌ಲೋಡ್
ಅಳಿಸಿದ ಮೇಲೆ ಅಳುತ್ತೀರಾ?
ಹೌದು. ಹಲವು ಬಾರಿ ಫೈಲುಗಳನ್ನು ಇವು ಬೇಡ ಎಂದು ಅಳಿಸಿ ಹಾಕಿದ ಮೇಲೆ, ಛೇ, ಹಾಗೆ ಮಾಡಬಾರದಿತ್ತು, ಅದೀಗ ಬೇಕಾಗಿತ್ತು, ಏನು ಮಾಡಲಿ ಎಂದು ಚಿಂತಿಸುತ್ತಿದ್ದೀರಾ? ಹಾಗಿದ್ದರೆ ನಿಮಗೆ ಅಳಿಸಿದುದನ್ನು ಮತ್ತೆ ಹಿಂದಕ್ಕೆ ಪಡೆಯುವಂತೆ ಮಾಡುವ ತಂತ್ರಾಂಶ ಬೇಕು. ಅಂತಹ ಒಂದು ತಂತ್ರಾಂಶ NTFS Undelete. ಇದು ಬೇಕಿದ್ದರೆ ನೀವು ಭೇಟಿ ನೀಡಬೇಕಾದ ಜಾಲತಾಣ http://bit.ly/5471SB. ಇಲ್ಲೊಂದು ಎಚ್ಚರಿಕೆ ನೀಡಬೇಕಾಗಿದೆ. ವಿಂಡೋಸ್ ತಂತ್ರಾಂಶವು ನೀವು ಒಂದು ಫೈಲನ್ನು ಅಳಿಸಿದಾಗ ಅದನ್ನು ನಿಜವಾಗಿ ಅಳಿಸುವುದಿಲ್ಲ. ಆ ಫೈಲು ಬಳಸಿದ ಜಾಗವನ್ನು ಬೇರೆ ಫೈಲುಗಳಿಗೆ ಲಭ್ಯ ಎಂದು ದಾಖಲಿಸುತ್ತದೆ. ಆ ಮಾಹಿತಿ ಅಲ್ಲೇ ಇರುತ್ತದೆ. ಇನ್ನೊಂದು ಫೈಲು ತಯಾರಿಸಿದಾಗ ಈ ಜಾಗವನ್ನು ಅದು ಬಳಸುವ ಸಾಧ್ಯತೆಗಳಿವೆ. ಆದುದರಿಂದ ಒಂದು ಫೈಲು ಅಳಿಸಿ ಎಷ್ಟು ಸಮಯದೊಳಗೆ ನೀವು ಈ ತಂತ್ರಾಂಶವನ್ನು ಬಳಸುತ್ತೀರಿ ಎಂಬುದನ್ನು ಹೊಂದಿಕೊಂಡು ನಿಮಗೆ ಆ ಫೈಲಿನ ಮಾಹಿತಿ ಪೂರ್ತಿಯಾಗಿ ವಾಪಾಸು ದೊರಕುತ್ತೋ ಇಲ್ಲವೋ ಎಂಬುದು ಹೊಂದಿಕೊಂಡಿದೆ.
e - ಸುದ್ದಿ
ರಜಾ ಹಾಕಿ ಮಜಾ ಮಾಡಿದರೆ
ಮಾನಸಿಕವಾಗಿ ಖಿನ್ನತೆಯಿಂದ ನರಳುತ್ತಿರುವುದಾಗಿ ವೈದ್ಯರಿಂದ ಶಿಫಾರಸುಪತ್ರ ತೆಗೆದುಕೊಂಡು ಅದರ ಬಲದಿಂದ ವೈದ್ಯಕೀಯ ರಜೆ ಪಡೆದು ಸಮುದ್ರಕಿನಾರೆಯಲ್ಲಿ ಮಜಾ ಮಾಡಿದ್ದ ಉದ್ಯೋಗಿಯೊಬ್ಬಳನ್ನು ಕೆಲಸದಿಂದ ತೆಗೆದುಹಾಕಿದ ಘಟನೆ ಕೆನಡಾದಿಂದ ವರದಿಯಾಗಿದೆ. ಅದರಲ್ಲೇನು ಮಹಾ? ನಮ್ಮ ದೇಶದಲ್ಲೂ ಸುಳ್ಳು ನೆವ ನೀಡಿ ರಜಾಪಡೆದು ಸಿಕ್ಕಿಬಿದ್ದು ಕೆಲಸ ಕಳೆದುಕೊಂಡ ಉದಾಹರಣೆಗಳಿಲ್ಲವೇ ಎಂದು ಕೇಳಬಹುದು. ಆದರೆ ಇಲ್ಲಿ ಆಕೆ ಸಿಕ್ಕಿಬಿದ್ದದ್ದು ಫೇಸ್‌ಬುಕ್‌ನಿಂದಾಗಿ. ತಾನು ಸಮುದ್ರಕಿನಾರೆಯಲ್ಲಿ ಸಂತೋಷವಾಗಿ ಕಾಲಕಳೆದುದರ ಭಾವಚಿತ್ರಗಳನ್ನು ಆಕೆ ತನ್ನ ಫೇಸ್‌ಬುಕ್ ಜಾಲತಾಣದಲ್ಲಿ ದಾಖಲಿಸಿದ್ದಳು. ಅದನ್ನು ನೋಡಿದ ವಿಮಾ ಕಂಪೆನಿಯವರು “ನೀನು ಖಿನ್ನಳಾಗಿಲ್ಲ, ಆದುದರಿಂದ ನಿನಗೆ ಸಂಬಳಸಹಿತ ವೈದ್ಯಕೀಯ ರಜೆಯ ಸವಲತ್ತು ನೀಡಲಾಗುವುದಿಲ್ಲ” ಎಂದರು. ಇದೇ ಕಾರಣ ನೀಡಿ ಕಂಪೆನಿಯೂ ಆಕೆಯ ಸಹಾಯಕ್ಕೆ ಬರಲಿಲ್ಲ.
e- ಪದ
ತಂತ್ರಜ್ಞಾನವ್ಯಸನಿ (ಗೀಕ್, geek) - ತಂತ್ರಜ್ಞಾನಕ್ಕೆ ಅತಿಯಾಗಿ ಅಂಟಿಕೊಂಡಿರುವ ವ್ಯಕ್ತಿ. ಇದು ಉತ್ತಮ ಪದವಾಗಿಯೂ ಕೆಟ್ಟ ಪದವಾಗಿಯೂ ಬಳಕೆಯಲ್ಲಿದೆ. ಯಾವಾಗಲೂ ತಂತ್ರಜ್ಞಾನಕ್ಕೆ ಅಂಟಿಕೊಂಡಿರುವುದು ಒಳ್ಳೆಯದೋ ಕೆಟ್ಟದೋ ಎಂಬ ನಿಮ್ಮ ತೀರ್ಮಾನಕ್ಕೆ ಅನುಗುಣವಾಗಿ ಇದು ಒಳ್ಳೆಯ ಪದವೋ ಕೆಟ್ಟ ಪದವೋ ಎಂದು ತೀರ್ಮಾನಕ್ಕೆ ನೀವು ಬರಬಹುದು.
e - ಸಲಹೆ
ನುಡಿಯಿಂದ ಯುನಿಕೋಡ್‌ಗೆ
ಮೈಸೂರಿನ ಅಮಾಸೆ ಮಂಜುನಾಥರ ಪ್ರಶ್ನೆ: ನಾನೊಂದು ಬ್ಲಾಗ್ ಮಾಡಿಕೊಳ್ಳಬೇಕೆಂದುಕೊಂಡಿದ್ದೇನೆ. ಈಗ ನನ್ನ ಸಮಸ್ಯೆಯೇನೆಂದರೆ ನಾನು ನನ್ನ ಸಿಸ್ಟಂನಲ್ಲಿ ನುಡಿಯಲ್ಲಿ ಟೈಪ್ ಮಾಡಿಟ್ಟುಕೊಂಡಿರುವ text ಅನ್ನು ಬರಹಕ್ಕೆ ಕನ್ವರ್ಟ್ ಮಾಡಿ ಬ್ಲಾಗ್‌ಗೆ ಪೋಸ್ಟ್ ಮಾಡುವುದು ಹೇಗೆ? ದಯವಿಟ್ಟು ತಿಳಿಸಿಕೊಡಿ. ಯಾಕೆಂದರೆ ಬ್ಲಾಗ್‌ನಲ್ಲಿಯೇ ಟೈಪ್ ಮಾಡುವುದು ಬಹಳ ತ್ರಾಸದಾಯಕ ಮತ್ತು ತುಂಬ ಸಮಯ ಹಿಡಿಯುತ್ತದೆ. ಪರಿಹಾರ ತಿಳಿಸಿ.
ಉ: ಇದನ್ನು ಹಿಂದೊಮ್ಮೆ ವಿವರಿಸಲಾಗಿತ್ತು. ನುಡಿ ಮತ್ತು ಬರಹ ಒಂದೇ ಫಾಂಟ್ ಸಂಕೇತವನ್ನು ಬಳಸುತ್ತವೆ. ಮೊದಲನೆಯದಾಗಿ ನುಡಿ ಫಾಂಟ್‌ನಲ್ಲಿರುವ ಪಠ್ಯವನ್ನು ಬರಹ ಫಾಂಟ್‌ಗೆ ಬದಲಿಸಿ. ಬ್ಲಾಗ್‌ಗೆ ಸೇರಿಸಲು ಅಥವಾ ಇಮೈಲ್ ಮಾಡಲು ಪಠ್ಯವು ಯುನಿಕೋಡ್‌ನಲ್ಲಿರಬೇಕು. ಇದಕ್ಕಾಗಿ ಬರಹ ತಂತ್ರಾಂಶದಲ್ಲಿ ಒಂದು ಸವಲತ್ತು ಲಭ್ಯವಿದೆ. ಬರಹ ಡೈರೆಕ್ಟನ್ನು ಪ್ರಾರಂಭಿಸಿ. ಪಠ್ಯವು ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿದ್ದರೆ ಅದನ್ನು ಆಯ್ಕೆ ಮಾಡಿ ನಕಲು ಮಾಡಿ (Ctrl-C ಒತ್ತಿ). ನಂತರ ಸಿಸ್ಟಂ ಟ್ರೇನಲ್ಲಿರುವ (ಪರದೆಯ ಬಲಭಾಗದ ಕೆಳಮೂಲೆಯಲ್ಲಿರುವ ಗಡಿಯಾರದ ಪಕ್ಕದಲ್ಲಿರುವ) ಬರಹ ಡೈರೆಕ್ಟ್‌ನ ಚಿತ್ರಿಕೆ (ಐಕಾನ್) ಮೇಲೆ ಮೌಸ್‌ನ ಬಲ ಗುಂಡಿ ಕ್ಲಿಕ್ ಮಾಡಿ Convert To -> Kannada -> Unicode ಎಂದು ಆಯ್ಕೆ ಮಾಡಿ. ನಂತರ ನಿಮಗೆ ಬೇಕಾದಲ್ಲಿ ಪಠ್ಯವನ್ನು ಅಂಟಿಸಿ (Ctrl-V ಒತ್ತಿ).
ಕಂಪ್ಯೂತರ್ಲೆ
“ಹಲೋ, ನನ್ನ ಕಂಪ್ಯೂಟರ್ ಕೆಲಸ ಮಾಡುತ್ತಿಲ್ಲ”
“ನೀವು ವಿಂಡೋಸ್‌ನಲ್ಲಿ ಕೆಲಸ ಮಾಡುತ್ತಿದ್ದೀರಾ?”
“ಇಲ್ಲಪ್ಪ. ನಾನು ಕುರ್ಚಿಯಲ್ಲಿ ಕುಳಿತು ಮೇಜಿನ ಮೇಲೆ ಕೆಲಸ ಮಾಡುತ್ತಿದ್ದೇನೆ”
ಪರಿಸರಕ್ಕಾಗಿ ತಂತ್ರಜ್ಞಾನವ್ಯಸನಿಗಳು
ಆಧುನಿಕ ತಂತ್ರಜ್ಞಾನದ ಅತಿಯಾದ ಬಳಕೆಯಿಂದಾಗಿ ಭೂಮಿ ಬಿಸಿಯಾಗುತ್ತಿದೆ, ಪ್ರಾಕೃತಿಕ ಸಂಪತ್ತು ಕಡಿಮೆಯಾಗುತ್ತಿದೆ, ಪ್ರದೂಷಣ ಜಾಸ್ತಿಯಾಗುತ್ತಿದೆ, ಇತ್ಯಾದಿ ಓದುತ್ತಲೇ ಇರುತ್ತೇವೆ. ತಂತ್ರಜ್ಞಾನವನ್ನೇ ಈ ಪರಿಸರದ ಒಳಿತಿಗಾಗಿ ಬಳಸಿದರೆ ಹೇಗೆ? ಸೌರವಿದ್ಯುತ್ ಬಳಕೆ ಎಲ್ಲರಿಗೂ ಗೊತ್ತು. ಹಾಗೆಯೇ ಗಾಳಿಯಂತ್ರ. ಇದೇ ರೀತಿ ತಂತ್ರಜ್ಞಾನವನ್ನು ಇನ್ನೂ ಹಲವು ರೀತಿಯಲ್ಲಿ ಪರಿಸರದ ಉಳಿವಿಗಾಗಿ ಬಳಸಬಹುದು. ಪರಿಸರಕ್ಕಾಗಿ ತಂತ್ರಜ್ಞಾನವನ್ನು ಯಾವ ರೀತಿ ಬಳಸಬಹುದು ಎಂಬುದನ್ನು ಉದಾಹರಣೆಗಳ ಮೂಲಕ ತಿಳಿಸುವ ಜಾಲತಾಣ www.ecogeek.org.
ಡೌನ್‌ಲೋಡ್
ಅಳಿಸಿದ ಮೇಲೆ ಅಳುತ್ತೀರಾ?
ಹೌದು. ಹಲವು ಬಾರಿ ಫೈಲುಗಳನ್ನು ಇವು ಬೇಡ ಎಂದು ಅಳಿಸಿ ಹಾಕಿದ ಮೇಲೆ, ಛೇ, ಹಾಗೆ ಮಾಡಬಾರದಿತ್ತು, ಅದೀಗ ಬೇಕಾಗಿತ್ತು, ಏನು ಮಾಡಲಿ ಎಂದು ಚಿಂತಿಸುತ್ತಿದ್ದೀರಾ? ಹಾಗಿದ್ದರೆ ನಿಮಗೆ ಅಳಿಸಿದುದನ್ನು ಮತ್ತೆ ಹಿಂದಕ್ಕೆ ಪಡೆಯುವಂತೆ ಮಾಡುವ ತಂತ್ರಾಂಶ ಬೇಕು. ಅಂತಹ ಒಂದು ತಂತ್ರಾಂಶ NTFS Undelete. ಇದು ಬೇಕಿದ್ದರೆ ನೀವು ಭೇಟಿ ನೀಡಬೇಕಾದ ಜಾಲತಾಣ http://bit.ly/5471SB. ಇಲ್ಲೊಂದು ಎಚ್ಚರಿಕೆ ನೀಡಬೇಕಾಗಿದೆ. ವಿಂಡೋಸ್ ತಂತ್ರಾಂಶವು ನೀವು ಒಂದು ಫೈಲನ್ನು ಅಳಿಸಿದಾಗ ಅದನ್ನು ನಿಜವಾಗಿ ಅಳಿಸುವುದಿಲ್ಲ. ಆ ಫೈಲು ಬಳಸಿದ ಜಾಗವನ್ನು ಬೇರೆ ಫೈಲುಗಳಿಗೆ ಲಭ್ಯ ಎಂದು ದಾಖಲಿಸುತ್ತದೆ. ಆ ಮಾಹಿತಿ ಅಲ್ಲೇ ಇರುತ್ತದೆ. ಇನ್ನೊಂದು ಫೈಲು ತಯಾರಿಸಿದಾಗ ಈ ಜಾಗವನ್ನು ಅದು ಬಳಸುವ ಸಾಧ್ಯತೆಗಳಿವೆ. ಆದುದರಿಂದ ಒಂದು ಫೈಲು ಅಳಿಸಿ ಎಷ್ಟು ಸಮಯದೊಳಗೆ ನೀವು ಈ ತಂತ್ರಾಂಶವನ್ನು ಬಳಸುತ್ತೀರಿ ಎಂಬುದನ್ನು ಹೊಂದಿಕೊಂಡು ನಿಮಗೆ ಆ ಫೈಲಿನ ಮಾಹಿತಿ ಪೂರ್ತಿಯಾಗಿ ವಾಪಾಸು ದೊರಕುತ್ತೋ ಇಲ್ಲವೋ ಎಂಬುದು ಹೊಂದಿಕೊಂಡಿದೆ.
e - ಸುದ್ದಿ
ರಜಾ ಹಾಕಿ ಮಜಾ ಮಾಡಿದರೆ
ಮಾನಸಿಕವಾಗಿ ಖಿನ್ನತೆಯಿಂದ ನರಳುತ್ತಿರುವುದಾಗಿ ವೈದ್ಯರಿಂದ ಶಿಫಾರಸುಪತ್ರ ತೆಗೆದುಕೊಂಡು ಅದರ ಬಲದಿಂದ ವೈದ್ಯಕೀಯ ರಜೆ ಪಡೆದು ಸಮುದ್ರಕಿನಾರೆಯಲ್ಲಿ ಮಜಾ ಮಾಡಿದ್ದ ಉದ್ಯೋಗಿಯೊಬ್ಬಳನ್ನು ಕೆಲಸದಿಂದ ತೆಗೆದುಹಾಕಿದ ಘಟನೆ ಕೆನಡಾದಿಂದ ವರದಿಯಾಗಿದೆ. ಅದರಲ್ಲೇನು ಮಹಾ? ನಮ್ಮ ದೇಶದಲ್ಲೂ ಸುಳ್ಳು ನೆವ ನೀಡಿ ರಜಾಪಡೆದು ಸಿಕ್ಕಿಬಿದ್ದು ಕೆಲಸ ಕಳೆದುಕೊಂಡ ಉದಾಹರಣೆಗಳಿಲ್ಲವೇ ಎಂದು ಕೇಳಬಹುದು. ಆದರೆ ಇಲ್ಲಿ ಆಕೆ ಸಿಕ್ಕಿಬಿದ್ದದ್ದು ಫೇಸ್‌ಬುಕ್‌ನಿಂದಾಗಿ. ತಾನು ಸಮುದ್ರಕಿನಾರೆಯಲ್ಲಿ ಸಂತೋಷವಾಗಿ ಕಾಲಕಳೆದುದರ ಭಾವಚಿತ್ರಗಳನ್ನು ಆಕೆ ತನ್ನ ಫೇಸ್‌ಬುಕ್ ಜಾಲತಾಣದಲ್ಲಿ ದಾಖಲಿಸಿದ್ದಳು. ಅದನ್ನು ನೋಡಿದ ವಿಮಾ ಕಂಪೆನಿಯವರು “ನೀನು ಖಿನ್ನಳಾಗಿಲ್ಲ, ಆದುದರಿಂದ ನಿನಗೆ ಸಂಬಳಸಹಿತ ವೈದ್ಯಕೀಯ ರಜೆಯ ಸವಲತ್ತು ನೀಡಲಾಗುವುದಿಲ್ಲ” ಎಂದರು. ಇದೇ ಕಾರಣ ನೀಡಿ ಕಂಪೆನಿಯೂ ಆಕೆಯ ಸಹಾಯಕ್ಕೆ ಬರಲಿಲ್ಲ.
e- ಪದ
ತಂತ್ರಜ್ಞಾನವ್ಯಸನಿ (ಗೀಕ್, geek) - ತಂತ್ರಜ್ಞಾನಕ್ಕೆ ಅತಿಯಾಗಿ ಅಂಟಿಕೊಂಡಿರುವ ವ್ಯಕ್ತಿ. ಇದು ಉತ್ತಮ ಪದವಾಗಿಯೂ ಕೆಟ್ಟ ಪದವಾಗಿಯೂ ಬಳಕೆಯಲ್ಲಿದೆ. ಯಾವಾಗಲೂ ತಂತ್ರಜ್ಞಾನಕ್ಕೆ ಅಂಟಿಕೊಂಡಿರುವುದು ಒಳ್ಳೆಯದೋ ಕೆಟ್ಟದೋ ಎಂಬ ನಿಮ್ಮ ತೀರ್ಮಾನಕ್ಕೆ ಅನುಗುಣವಾಗಿ ಇದು ಒಳ್ಳೆಯ ಪದವೋ ಕೆಟ್ಟ ಪದವೋ ಎಂದು ತೀರ್ಮಾನಕ್ಕೆ ನೀವು ಬರಬಹುದು.
e - ಸಲಹೆ
ನುಡಿಯಿಂದ ಯುನಿಕೋಡ್‌ಗೆ
ಮೈಸೂರಿನ ಅಮಾಸೆ ಮಂಜುನಾಥರ ಪ್ರಶ್ನೆ: ನಾನೊಂದು ಬ್ಲಾಗ್ ಮಾಡಿಕೊಳ್ಳಬೇಕೆಂದುಕೊಂಡಿದ್ದೇನೆ. ಈಗ ನನ್ನ ಸಮಸ್ಯೆಯೇನೆಂದರೆ ನಾನು ನನ್ನ ಸಿಸ್ಟಂನಲ್ಲಿ ನುಡಿಯಲ್ಲಿ ಟೈಪ್ ಮಾಡಿಟ್ಟುಕೊಂಡಿರುವ text ಅನ್ನು ಬರಹಕ್ಕೆ ಕನ್ವರ್ಟ್ ಮಾಡಿ ಬ್ಲಾಗ್‌ಗೆ ಪೋಸ್ಟ್ ಮಾಡುವುದು ಹೇಗೆ? ದಯವಿಟ್ಟು ತಿಳಿಸಿಕೊಡಿ. ಯಾಕೆಂದರೆ ಬ್ಲಾಗ್‌ನಲ್ಲಿಯೇ ಟೈಪ್ ಮಾಡುವುದು ಬಹಳ ತ್ರಾಸದಾಯಕ ಮತ್ತು ತುಂಬ ಸಮಯ ಹಿಡಿಯುತ್ತದೆ. ಪರಿಹಾರ ತಿಳಿಸಿ.
ಉ: ಇದನ್ನು ಹಿಂದೊಮ್ಮೆ ವಿವರಿಸಲಾಗಿತ್ತು. ನುಡಿ ಮತ್ತು ಬರಹ ಒಂದೇ ಫಾಂಟ್ ಸಂಕೇತವನ್ನು ಬಳಸುತ್ತವೆ. ಮೊದಲನೆಯದಾಗಿ ನುಡಿ ಫಾಂಟ್‌ನಲ್ಲಿರುವ ಪಠ್ಯವನ್ನು ಬರಹ ಫಾಂಟ್‌ಗೆ ಬದಲಿಸಿ. ಬ್ಲಾಗ್‌ಗೆ ಸೇರಿಸಲು ಅಥವಾ ಇಮೈಲ್ ಮಾಡಲು ಪಠ್ಯವು ಯುನಿಕೋಡ್‌ನಲ್ಲಿರಬೇಕು. ಇದಕ್ಕಾಗಿ ಬರಹ ತಂತ್ರಾಂಶದಲ್ಲಿ ಒಂದು ಸವಲತ್ತು ಲಭ್ಯವಿದೆ. ಬರಹ ಡೈರೆಕ್ಟನ್ನು ಪ್ರಾರಂಭಿಸಿ. ಪಠ್ಯವು ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿದ್ದರೆ ಅದನ್ನು ಆಯ್ಕೆ ಮಾಡಿ ನಕಲು ಮಾಡಿ (Ctrl-C ಒತ್ತಿ). ನಂತರ ಸಿಸ್ಟಂ ಟ್ರೇನಲ್ಲಿರುವ (ಪರದೆಯ ಬಲಭಾಗದ ಕೆಳಮೂಲೆಯಲ್ಲಿರುವ ಗಡಿಯಾರದ ಪಕ್ಕದಲ್ಲಿರುವ) ಬರಹ ಡೈರೆಕ್ಟ್‌ನ ಚಿತ್ರಿಕೆ (ಐಕಾನ್) ಮೇಲೆ ಮೌಸ್‌ನ ಬಲ ಗುಂಡಿ ಕ್ಲಿಕ್ ಮಾಡಿ Convert To -> Kannada -> Unicode ಎಂದು ಆಯ್ಕೆ ಮಾಡಿ. ನಂತರ ನಿಮಗೆ ಬೇಕಾದಲ್ಲಿ ಪಠ್ಯವನ್ನು ಅಂಟಿಸಿ (Ctrl-V ಒತ್ತಿ).
ಕಂಪ್ಯೂತರ್ಲೆ
“ಹಲೋ, ನನ್ನ ಕಂಪ್ಯೂಟರ್ ಕೆಲಸ ಮಾಡುತ್ತಿಲ್ಲ”
“ನೀವು ವಿಂಡೋಸ್‌ನಲ್ಲಿ ಕೆಲಸ ಮಾಡುತ್ತಿದ್ದೀರಾ?”
“ಇಲ್ಲಪ್ಪ. ನಾನು ಕುರ್ಚಿಯಲ್ಲಿ ಕುಳಿತು ಮೇಜಿನ ಮೇಲೆ ಕೆಲಸ ಮಾಡುತ್ತಿದ್ದೇನೆ”
ಸೋಮವಾರ, ನವೆಂಬರ್ 30, 2009
ಗಣಕಿಂಡಿ - ೦೨೮ (ನವಂಬರ್ ೩೦, ೨೦೦೯)
ಅಂತರಜಾಲಾಡಿ
ಕರ್ನಾಟಕ ಸಾಹಿತ್ಯ ಅಕಾಡೆಮಿ
ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಅಂತರಜಾಲತಾಣದ ವಿಳಾಸ karnatakasahithyaacademy.org. ಈ ಜಾಲತಾಣ ಸಂಪೂರ್ಣ ಫ್ಲಾಶ್‌ನಲ್ಲಿದೆ. ಯಾವುದೇ ಮಾಹಿತಿ ಪಠ್ಯ ರೂಪದಲ್ಲಿಲ್ಲ. ಅಂದರೆ ಇಲ್ಲಿರುವ ಮಾಹಿತಿಯನ್ನು ಗೂಗ್ಲ್, ಬಿಂಗ್ ಅಥವಾ ಬೇರೆ ಯಾವುದೇ ಶೋಧಕ ಬಳಸಿ ಹುಡುಕಲು ಅಸಾಧ್ಯ. ಉದಾಹರಣೆಗೆ ಈ ಜಾಲತಾಣದಲ್ಲಿ ಕನ್ನಡದ ಹಲವು ಜೀವಂತ ಮತ್ತು ದಿವಂಗತ ಸಾಹಿತಿಗಳ ವಿಳಾಸ ಇದೆ (ಹೌದು, ಎಂದೋ ನಿಧನರಾದ ಸಾಹಿತಿಗಳ ವಿಳಾಸವೂ ಇದೆ!). ನೀವು ಗೂಗ್ಲ್ ಬಳಸಿ ಸಾಹಿತಿಗಳ ಮಾಹಿತಿ ಹುಡುಕಿದಾಗ ಈ ಜಾಲತಾಣದಲ್ಲಿರುವ ಮಾಹಿತಿ ದೊರೆಯುವುದಿಲ್ಲ. ಇದಕ್ಕೆಲ್ಲ ಕಾರಣ ಈ ಜಾಲತಾಣ ಕನ್ನಡ ಯುನಿಕೋಡ್ ಬಳಸದೆ ಫ್ಲಾಶ್ ವಿಧಾನವನ್ನು ಬಳಸಿರುವುದು. ಕನ್ನಡದ ಜಾಲತಾಣ ಯಾವ ರೀತಿ ಇರಬಾರದು ಎಂಬುದಕ್ಕೆ ಈ ಜಾಲತಾಣ ಉತ್ತಮ ಉದಾಹರಣೆ. ಇದೇ ರೀತಿಯ ಇನ್ನೂ ಒಂದು ಉದಾಹರಣೆ ಬೇಕಿದ್ದರೆ ಕನ್ನಡ ಸಾಹಿತ್ಯ ಪರಿಷತ್ತಿನ ಜಾಲತಾಣವನ್ನು (kasapa.org) ನೋಡಬಹುದು. ಇದರಲ್ಲಿ ಈಗಲೂ ಚಂಪಾ ಅವರೇ ಅಧ್ಯಕ್ಷರಾಗಿದ್ದಾರೆ! ಇದು ಇನ್ನೂ ೨೦೦೬ರಲ್ಲೇ ಇದೆ.
ಡೌನ್‌ಲೋಡ್
ಪ್ರಪಂಚಾದ್ಯಂತ ಶಾಲೆಗಳಲ್ಲಿ ೫ ರಿಂದ ೮ ನೇ ತರಗತಿಳಿಗೆ ಕಲಿಸುವುದು ಲೋಗೋ (LOGO) ಎಂಬ ಮಕ್ಕಳಿಗಾಗಿಯೇ ಸಿದ್ಧವಾಗಿರುವ ಗಣಕ ಕ್ರಮವಿಧಿ ತಯಾರಿಯ ತಂತ್ರಾಂಶ/ಭಾಷೆ (programming language for children). ಇದನ್ನು ಉಪಯೋಗಿಸಿ ಮಕ್ಕಳು ಗಣಕದಲ್ಲಿ ಕ್ರಮವಿಧಿ ತಯಾರಿಯ ಮುಖ್ಯ ಅಂಶಗಳನ್ನು ಕಲಿಯುತ್ತಾರೆ. ೬೦ರ ದಶಕದಿಂದಲೇ ಪ್ರಪಂಚಾದ್ಯಂತ ಉಪಯೋಗಲ್ಲಿರುವ ಲೋಗೋ ಮೂಲ ಇಂಗ್ಲೀಷ್ ಭಾಷೆಯಲ್ಲಿದೆ. ಜರ್ಮನ್, ಫ್ರೆಂಚ್, ಇಟಾಲಿಯನ್, ಗ್ರೀಕ್, ಡಚ್, ಜಪಾನ್, ಇತ್ಯಾದಿ ಭಾಷೆಗಳಲ್ಲಿ ಲೋಗೋ ಲಭ್ಯವಿದೆ. ಭಾರತದ ಶಾಲೆಗಳಲ್ಲೂ ಇಂಗ್ಲಿಷ್ ಭಾಷೆಯ ಲೋಗೋವನ್ನು ಕಲಿಸುತ್ತಿದ್ದಾರೆ. ಕನ್ನಡ ಮಾಧ್ಯಮದ ಶಾಲೆಗಳಲ್ಲಿ ಕಲಿಸಲು ಕನ್ನಡ ಭಾಷೆಯಲ್ಲಿ ಲೋಗೋ ಲಭ್ಯವಿದೆ. ಲೋಗೋದಲ್ಲಿ ಕ್ರಮವಿಧಿ ರಚಿಸುವ ಮೂಲಕ ಮಕ್ಕಳು ಮತ್ತು ಗಣಕ ತಂತ್ರಾಂಶ ತಯಾರಿಯ ಕ್ಷೇತ್ರಕ್ಕೆ ಕಾಲಿಡುತ್ತಿರುವ ದೊಡ್ಡವರು ಗಣಿತ, ತರ್ಕಗಳಲ್ಲಿ ಪರಿಣತಿಯನ್ನು ಹೊಂದಬಹುದು. ಗಣಕ ಕ್ಷೇತ್ರದಲ್ಲಿ ಮುಂದೆ ಬರಲು ಇವೆರಡು ಬಹುಮೂಲ್ಯ ಪೂರಕಗಳು. ಕನ್ನಡಲೋಗೊ ತಂತ್ರಾಂಶ ಬೇಕಿದ್ದಲ್ಲಿ ನೀವು ಭೇಟಿ ನೀಡಬೇಕಾದ ಜಾಲತಾಣದ ವಿಳಾಸ -vishvakannada.com/kannadalogo
e - ಸುದ್ದಿ
ಪೋಕರಿತನ ಮಾಡಿದ್ದಕ್ಕೆ ದಂಡ ಅಲ್ಲ ಕೆಲಸ
ನಮ್ಮಲ್ಲೊಂದು ಗಾದೆ ಇದೆ “ಕಳ್ಳನ ಕೈಯಲ್ಲಿ ಬೀಗದ ಕೈ ಕೊಡಬೇಕು” ಎಂದು. ಕಳ್ಳರನ್ನು ಹಿಡಿಯಲು ಸುಧಾರಿತ ಕಳ್ಳರನ್ನೇ ನೇಮಿಸುವುದನ್ನು ಚಲನಚಿತ್ರಗಳಲ್ಲಿ ನೋಡಿರುತ್ತೀರಿ. ಸುಮಾರು ಇದೇ ರೀತಿಯ ಸುದ್ದಿ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಿಂದ ಬಂದಿದೆ. ಐಫೋನ್‌ಗೆ ಒಂದು ರೀತಿಯ ವೈರಸ್ (ನಿಜವಾಗಿ ಅದು ವೈರಸ್ ಅಲ್ಲ, ಅದನ್ನು ಗಣಕ ಪರಿಭಾಷೆಯಲ್ಲಿ ವರ್ಮ್ (ಹುಳ?) ಎನ್ನುತ್ತಾರೆ) ತಯಾರಿಸಿದವನನ್ನು ಒಂದು ಕಂಪೆನಿ ಕೆಲಸಕ್ಕೆ ತೆಗೆದುಕೊಂಡಿದೆ. ಈ ವರ್ಮ್‌ಗಳು ಒಂದು ಗಣಕ ಅಥವಾ ಫೋನಿನಿಂದ ಇನ್ನೊಂದಕ್ಕೆ ಎಲ್ಲ ನಮೂನೆಯ ಸಂಪರ್ಕಜಾಲಗಳ ಮೂಲಕ ಹರಿದಾಡಿ ಕಿಡಿಗೇಡಿತನ ನಡೆಸುತ್ತವೆ. ಅದು ವೈರಸ್ ಆಗಿದ್ದರೂ ಒಂದು ಅದ್ಭುತ ತಂತ್ರಾಂಶವೇ ತಾನೆ? ಅದನ್ನು ತಯಾರಿಸಲು ಸಾಮಾನ್ಯ ಪ್ರೋಗ್ರಾಮರುಗಳಿಗಿಂತ ಹೆಚ್ಚಿನ ಕೌಶಲ್ಯ ಬೇಕಾಗುತ್ತದೆ. ಇಂತಹ ಕೌಶಲ್ಯ ಇರುವವರನ್ನು ಕೆಲಸಕ್ಕೆ ತೆಗೆದುಕೊಂಡರೆ ಕಂಪೆನಿಗೆ ಒಳ್ಳೆಯದೇ ತಾನೆ? ಹೇಗಿದೆ ತರ್ಕ? ಇಂತಹವರನ್ನು ವೈರಸ್ ನಿರೋಧಕ ತಂತ್ರಾಂಶ ತಯಾರಿಗೆ ಬಳಸಿಕೊಂಡರೆ ಇನ್ನಷ್ಟು ಒಳ್ಳೆಯದು.
e- ಪದ
ಟಾಸ್ಕ್‌ಬಾರ್
ಟಾಸ್ಕ್‌ಬಾರ್ (taskbar) -ಇದನ್ನು ವಿಂಡೋಸ್ ಟಾಸ್ಕ್‌ಬಾರ್ ಎಂದೂ ಕರೆಯುತ್ತಾರೆ. ಗಣಕದ ಪರದೆಯ ಕೆಳಭಾಗದಲ್ಲಿ ಗೋಚರಿಸುವ ಒಂದು ಪಟ್ಟಿ. ಸದ್ಯ ಚಾಲನೆಯಲ್ಲಿರುವ ತಂತ್ರಾಂಶಗಳ ಚಿತ್ರಿಕೆ (ಐಕಾನ್) ಇಲ್ಲಿ ಕಂಡುಬರುತ್ತದೆ. ಇದನ್ನು ಬಳಸಿ ಬೇಕಾದ ತಂತ್ರಾಂಶವನ್ನು ಮುಂದಕ್ಕೆ ತಂದು ಕೆಲಸ ಮಾಡಬಹುದು. ಈ ಟಾಸ್ಕ್‌ಬಾರ್ ಅನ್ನು ವಿಂಡೋಸ್ ೭ ರಲ್ಲಿಇನ್ನಷ್ಟು ಸುಧಾರಿಸಿದ್ದಾರೆ.
e - ಸಲಹೆ
ಟಾಸ್ಕ್‌ಬಾರ್ ನಾಪತ್ತೆಯಾದರೆ
ಕೆಲವೊಮ್ಮೆ ವಿಂಡೋಸ್ ಟಾಸ್ಕ್‌ಬಾರ್ ನಾಪತ್ತೆಯಾಗಿರುತ್ತದೆ. ಇದಕ್ಕೆ ಕಾರಣ ಟಾಸ್ಕ್‌ಬಾರ್‌ನಲ್ಲಿಯ ಆಟೋಹೈಡ್ (Auto-hide) ಎಂಬ ಆಯ್ಕೆ. ಇದನ್ನು ಆಯ್ಕೆ ಮಾಡಿಕೊಂಡರೆ ಮೌಸ್ ಈ ಟಾಸ್ಕ್‌ಬಾರ್‌ನಿಂದ ದೂರ ಹೋದೊಡನೆ ಅದು ಅದೃಶ್ಯವಾಗುತ್ತದೆ. ಆಗ ಮೌಸ್ ಅನ್ನು ಪರದೆಯ ಕೆಳಭಾಗಕ್ಕೆ ತಂದರೆ ಟಾಸ್ಕ್‌ಬಾರ್ ಮತ್ತೆ ಗೋಚರಿಸುತ್ತದೆ. ಟಾಸ್ಕ್‌ಬಾರ್ ಅದೃಶ್ಯವಾಗಬಾರದು ಎಂದಿದ್ದಲ್ಲಿ ಅದರ ಮೇಲೆ ಮೌಸ್‌ನ ಬಲಗುಂಡಿಯನ್ನು ಕ್ಲಿಕ್ ಮಾಡಿ Properties ಅನ್ನು ಆಯ್ಕೆ ಮಾಡಿ ನಂತರ Auto-hide the taskbar ಎಂಬ ಆಯ್ಕೆಯನ್ನು ರದ್ದು ಮಾಡಿ.
ಕಂಪ್ಯೂತರ್ಲೆ
ಗೂಗ್ಲ್‌ನವರು ಇತ್ತೀಚೆಗೆ ನಿಘಂಟು ಸವಲತ್ತು ನೀಡಿದ್ದಾರೆ (google.com/dictionary). ಇದರಲ್ಲಿ ಜಗತ್ತಿನ ಹಲವು ಭಾಷೆಗಳ ನಡುವೆ ಪದ ಅಥವಾ ಪದಗುಚ್ಛಗಳ ಅರ್ಥ ವಿವರ ತಿಳಿಯುವ ಸವಲತ್ತು ಇದೆ. ಇದರಲ್ಲಿ ಇಂಗ್ಲಿಷ್ ಮತ್ತು ಕನ್ನಡ ಮಧ್ಯೆ ಕೆಲವು ಪದಗಳ ಅರ್ಥ ಹುಡುಕಿದಾಗ ದೊರಕಿದ್ದು:
second-storey man = ಚಾವಣಿ ಚೋರ, ಮಾಳಿಗೆ ಕಳ್ಳ
wise woman = ಮಾಟಗಾತಿ, ಮಂತ್ರವಾದಿನಿ
old woman = ರಗಳೆ ಮನುಷ್ಯ, ಪುಕ್ಕಲ
ಕರ್ನಾಟಕ ಸಾಹಿತ್ಯ ಅಕಾಡೆಮಿ
ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಅಂತರಜಾಲತಾಣದ ವಿಳಾಸ karnatakasahithyaacademy.org. ಈ ಜಾಲತಾಣ ಸಂಪೂರ್ಣ ಫ್ಲಾಶ್‌ನಲ್ಲಿದೆ. ಯಾವುದೇ ಮಾಹಿತಿ ಪಠ್ಯ ರೂಪದಲ್ಲಿಲ್ಲ. ಅಂದರೆ ಇಲ್ಲಿರುವ ಮಾಹಿತಿಯನ್ನು ಗೂಗ್ಲ್, ಬಿಂಗ್ ಅಥವಾ ಬೇರೆ ಯಾವುದೇ ಶೋಧಕ ಬಳಸಿ ಹುಡುಕಲು ಅಸಾಧ್ಯ. ಉದಾಹರಣೆಗೆ ಈ ಜಾಲತಾಣದಲ್ಲಿ ಕನ್ನಡದ ಹಲವು ಜೀವಂತ ಮತ್ತು ದಿವಂಗತ ಸಾಹಿತಿಗಳ ವಿಳಾಸ ಇದೆ (ಹೌದು, ಎಂದೋ ನಿಧನರಾದ ಸಾಹಿತಿಗಳ ವಿಳಾಸವೂ ಇದೆ!). ನೀವು ಗೂಗ್ಲ್ ಬಳಸಿ ಸಾಹಿತಿಗಳ ಮಾಹಿತಿ ಹುಡುಕಿದಾಗ ಈ ಜಾಲತಾಣದಲ್ಲಿರುವ ಮಾಹಿತಿ ದೊರೆಯುವುದಿಲ್ಲ. ಇದಕ್ಕೆಲ್ಲ ಕಾರಣ ಈ ಜಾಲತಾಣ ಕನ್ನಡ ಯುನಿಕೋಡ್ ಬಳಸದೆ ಫ್ಲಾಶ್ ವಿಧಾನವನ್ನು ಬಳಸಿರುವುದು. ಕನ್ನಡದ ಜಾಲತಾಣ ಯಾವ ರೀತಿ ಇರಬಾರದು ಎಂಬುದಕ್ಕೆ ಈ ಜಾಲತಾಣ ಉತ್ತಮ ಉದಾಹರಣೆ. ಇದೇ ರೀತಿಯ ಇನ್ನೂ ಒಂದು ಉದಾಹರಣೆ ಬೇಕಿದ್ದರೆ ಕನ್ನಡ ಸಾಹಿತ್ಯ ಪರಿಷತ್ತಿನ ಜಾಲತಾಣವನ್ನು (kasapa.org) ನೋಡಬಹುದು. ಇದರಲ್ಲಿ ಈಗಲೂ ಚಂಪಾ ಅವರೇ ಅಧ್ಯಕ್ಷರಾಗಿದ್ದಾರೆ! ಇದು ಇನ್ನೂ ೨೦೦೬ರಲ್ಲೇ ಇದೆ.
ಡೌನ್‌ಲೋಡ್
ಪ್ರಪಂಚಾದ್ಯಂತ ಶಾಲೆಗಳಲ್ಲಿ ೫ ರಿಂದ ೮ ನೇ ತರಗತಿಳಿಗೆ ಕಲಿಸುವುದು ಲೋಗೋ (LOGO) ಎಂಬ ಮಕ್ಕಳಿಗಾಗಿಯೇ ಸಿದ್ಧವಾಗಿರುವ ಗಣಕ ಕ್ರಮವಿಧಿ ತಯಾರಿಯ ತಂತ್ರಾಂಶ/ಭಾಷೆ (programming language for children). ಇದನ್ನು ಉಪಯೋಗಿಸಿ ಮಕ್ಕಳು ಗಣಕದಲ್ಲಿ ಕ್ರಮವಿಧಿ ತಯಾರಿಯ ಮುಖ್ಯ ಅಂಶಗಳನ್ನು ಕಲಿಯುತ್ತಾರೆ. ೬೦ರ ದಶಕದಿಂದಲೇ ಪ್ರಪಂಚಾದ್ಯಂತ ಉಪಯೋಗಲ್ಲಿರುವ ಲೋಗೋ ಮೂಲ ಇಂಗ್ಲೀಷ್ ಭಾಷೆಯಲ್ಲಿದೆ. ಜರ್ಮನ್, ಫ್ರೆಂಚ್, ಇಟಾಲಿಯನ್, ಗ್ರೀಕ್, ಡಚ್, ಜಪಾನ್, ಇತ್ಯಾದಿ ಭಾಷೆಗಳಲ್ಲಿ ಲೋಗೋ ಲಭ್ಯವಿದೆ. ಭಾರತದ ಶಾಲೆಗಳಲ್ಲೂ ಇಂಗ್ಲಿಷ್ ಭಾಷೆಯ ಲೋಗೋವನ್ನು ಕಲಿಸುತ್ತಿದ್ದಾರೆ. ಕನ್ನಡ ಮಾಧ್ಯಮದ ಶಾಲೆಗಳಲ್ಲಿ ಕಲಿಸಲು ಕನ್ನಡ ಭಾಷೆಯಲ್ಲಿ ಲೋಗೋ ಲಭ್ಯವಿದೆ. ಲೋಗೋದಲ್ಲಿ ಕ್ರಮವಿಧಿ ರಚಿಸುವ ಮೂಲಕ ಮಕ್ಕಳು ಮತ್ತು ಗಣಕ ತಂತ್ರಾಂಶ ತಯಾರಿಯ ಕ್ಷೇತ್ರಕ್ಕೆ ಕಾಲಿಡುತ್ತಿರುವ ದೊಡ್ಡವರು ಗಣಿತ, ತರ್ಕಗಳಲ್ಲಿ ಪರಿಣತಿಯನ್ನು ಹೊಂದಬಹುದು. ಗಣಕ ಕ್ಷೇತ್ರದಲ್ಲಿ ಮುಂದೆ ಬರಲು ಇವೆರಡು ಬಹುಮೂಲ್ಯ ಪೂರಕಗಳು. ಕನ್ನಡಲೋಗೊ ತಂತ್ರಾಂಶ ಬೇಕಿದ್ದಲ್ಲಿ ನೀವು ಭೇಟಿ ನೀಡಬೇಕಾದ ಜಾಲತಾಣದ ವಿಳಾಸ -vishvakannada.com/kannadalogo
e - ಸುದ್ದಿ
ಪೋಕರಿತನ ಮಾಡಿದ್ದಕ್ಕೆ ದಂಡ ಅಲ್ಲ ಕೆಲಸ
ನಮ್ಮಲ್ಲೊಂದು ಗಾದೆ ಇದೆ “ಕಳ್ಳನ ಕೈಯಲ್ಲಿ ಬೀಗದ ಕೈ ಕೊಡಬೇಕು” ಎಂದು. ಕಳ್ಳರನ್ನು ಹಿಡಿಯಲು ಸುಧಾರಿತ ಕಳ್ಳರನ್ನೇ ನೇಮಿಸುವುದನ್ನು ಚಲನಚಿತ್ರಗಳಲ್ಲಿ ನೋಡಿರುತ್ತೀರಿ. ಸುಮಾರು ಇದೇ ರೀತಿಯ ಸುದ್ದಿ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಿಂದ ಬಂದಿದೆ. ಐಫೋನ್‌ಗೆ ಒಂದು ರೀತಿಯ ವೈರಸ್ (ನಿಜವಾಗಿ ಅದು ವೈರಸ್ ಅಲ್ಲ, ಅದನ್ನು ಗಣಕ ಪರಿಭಾಷೆಯಲ್ಲಿ ವರ್ಮ್ (ಹುಳ?) ಎನ್ನುತ್ತಾರೆ) ತಯಾರಿಸಿದವನನ್ನು ಒಂದು ಕಂಪೆನಿ ಕೆಲಸಕ್ಕೆ ತೆಗೆದುಕೊಂಡಿದೆ. ಈ ವರ್ಮ್‌ಗಳು ಒಂದು ಗಣಕ ಅಥವಾ ಫೋನಿನಿಂದ ಇನ್ನೊಂದಕ್ಕೆ ಎಲ್ಲ ನಮೂನೆಯ ಸಂಪರ್ಕಜಾಲಗಳ ಮೂಲಕ ಹರಿದಾಡಿ ಕಿಡಿಗೇಡಿತನ ನಡೆಸುತ್ತವೆ. ಅದು ವೈರಸ್ ಆಗಿದ್ದರೂ ಒಂದು ಅದ್ಭುತ ತಂತ್ರಾಂಶವೇ ತಾನೆ? ಅದನ್ನು ತಯಾರಿಸಲು ಸಾಮಾನ್ಯ ಪ್ರೋಗ್ರಾಮರುಗಳಿಗಿಂತ ಹೆಚ್ಚಿನ ಕೌಶಲ್ಯ ಬೇಕಾಗುತ್ತದೆ. ಇಂತಹ ಕೌಶಲ್ಯ ಇರುವವರನ್ನು ಕೆಲಸಕ್ಕೆ ತೆಗೆದುಕೊಂಡರೆ ಕಂಪೆನಿಗೆ ಒಳ್ಳೆಯದೇ ತಾನೆ? ಹೇಗಿದೆ ತರ್ಕ? ಇಂತಹವರನ್ನು ವೈರಸ್ ನಿರೋಧಕ ತಂತ್ರಾಂಶ ತಯಾರಿಗೆ ಬಳಸಿಕೊಂಡರೆ ಇನ್ನಷ್ಟು ಒಳ್ಳೆಯದು.
e- ಪದ
ಟಾಸ್ಕ್‌ಬಾರ್
ಟಾಸ್ಕ್‌ಬಾರ್ (taskbar) -ಇದನ್ನು ವಿಂಡೋಸ್ ಟಾಸ್ಕ್‌ಬಾರ್ ಎಂದೂ ಕರೆಯುತ್ತಾರೆ. ಗಣಕದ ಪರದೆಯ ಕೆಳಭಾಗದಲ್ಲಿ ಗೋಚರಿಸುವ ಒಂದು ಪಟ್ಟಿ. ಸದ್ಯ ಚಾಲನೆಯಲ್ಲಿರುವ ತಂತ್ರಾಂಶಗಳ ಚಿತ್ರಿಕೆ (ಐಕಾನ್) ಇಲ್ಲಿ ಕಂಡುಬರುತ್ತದೆ. ಇದನ್ನು ಬಳಸಿ ಬೇಕಾದ ತಂತ್ರಾಂಶವನ್ನು ಮುಂದಕ್ಕೆ ತಂದು ಕೆಲಸ ಮಾಡಬಹುದು. ಈ ಟಾಸ್ಕ್‌ಬಾರ್ ಅನ್ನು ವಿಂಡೋಸ್ ೭ ರಲ್ಲಿಇನ್ನಷ್ಟು ಸುಧಾರಿಸಿದ್ದಾರೆ.
e - ಸಲಹೆ
ಟಾಸ್ಕ್‌ಬಾರ್ ನಾಪತ್ತೆಯಾದರೆ
ಕೆಲವೊಮ್ಮೆ ವಿಂಡೋಸ್ ಟಾಸ್ಕ್‌ಬಾರ್ ನಾಪತ್ತೆಯಾಗಿರುತ್ತದೆ. ಇದಕ್ಕೆ ಕಾರಣ ಟಾಸ್ಕ್‌ಬಾರ್‌ನಲ್ಲಿಯ ಆಟೋಹೈಡ್ (Auto-hide) ಎಂಬ ಆಯ್ಕೆ. ಇದನ್ನು ಆಯ್ಕೆ ಮಾಡಿಕೊಂಡರೆ ಮೌಸ್ ಈ ಟಾಸ್ಕ್‌ಬಾರ್‌ನಿಂದ ದೂರ ಹೋದೊಡನೆ ಅದು ಅದೃಶ್ಯವಾಗುತ್ತದೆ. ಆಗ ಮೌಸ್ ಅನ್ನು ಪರದೆಯ ಕೆಳಭಾಗಕ್ಕೆ ತಂದರೆ ಟಾಸ್ಕ್‌ಬಾರ್ ಮತ್ತೆ ಗೋಚರಿಸುತ್ತದೆ. ಟಾಸ್ಕ್‌ಬಾರ್ ಅದೃಶ್ಯವಾಗಬಾರದು ಎಂದಿದ್ದಲ್ಲಿ ಅದರ ಮೇಲೆ ಮೌಸ್‌ನ ಬಲಗುಂಡಿಯನ್ನು ಕ್ಲಿಕ್ ಮಾಡಿ Properties ಅನ್ನು ಆಯ್ಕೆ ಮಾಡಿ ನಂತರ Auto-hide the taskbar ಎಂಬ ಆಯ್ಕೆಯನ್ನು ರದ್ದು ಮಾಡಿ.
ಕಂಪ್ಯೂತರ್ಲೆ
ಗೂಗ್ಲ್‌ನವರು ಇತ್ತೀಚೆಗೆ ನಿಘಂಟು ಸವಲತ್ತು ನೀಡಿದ್ದಾರೆ (google.com/dictionary). ಇದರಲ್ಲಿ ಜಗತ್ತಿನ ಹಲವು ಭಾಷೆಗಳ ನಡುವೆ ಪದ ಅಥವಾ ಪದಗುಚ್ಛಗಳ ಅರ್ಥ ವಿವರ ತಿಳಿಯುವ ಸವಲತ್ತು ಇದೆ. ಇದರಲ್ಲಿ ಇಂಗ್ಲಿಷ್ ಮತ್ತು ಕನ್ನಡ ಮಧ್ಯೆ ಕೆಲವು ಪದಗಳ ಅರ್ಥ ಹುಡುಕಿದಾಗ ದೊರಕಿದ್ದು:
second-storey man = ಚಾವಣಿ ಚೋರ, ಮಾಳಿಗೆ ಕಳ್ಳ
wise woman = ಮಾಟಗಾತಿ, ಮಂತ್ರವಾದಿನಿ
old woman = ರಗಳೆ ಮನುಷ್ಯ, ಪುಕ್ಕಲ
ಸೋಮವಾರ, ನವೆಂಬರ್ 23, 2009
ಗಣಕಿಂಡಿ - ೦೨೭ (ನವಂಬರ್ ೨೩, ೨೦೦೯)
ಅಂತರಜಾಲಾಡಿ
ಕನ್ನಡ ರೇಡಿಯೋ ಕೇಳಿ
ಅಂತರಜಾಲದಲ್ಲಿ ಸಾವಿರಾರು ರೇಡಿಯೋ ಕೇಂದ್ರಗಳಿವೆ. ಆಕಾಶವಾಣಿ ಕೂಡ ಇದೆ. ಆದರೆ ಈಗ ಪ್ರಸಾರ ಮಾಡುತ್ತಿಲ್ಲ. ಅದೇನೋ ಸರಿ. ಕನ್ನಡ ರೇಡಿಯೋ ಇಲ್ಲವೇ ಎಂದು ಕೇಳುತ್ತೀರಾ? ಹೌದು. ಇದೆ. ಅದನ್ನು ಆಲಿಸಲು ನೀವು ಭೇಟಿ ಮಾಡಬೇಕಾದ ಜಾಲತಾಣದ ವಿಳಾಸ http://bit.ly/4BxX1v. ರೇಡಿಯೋ ಕೇಂದ್ರ ಎಂದರೆ ನೇರಪ್ರಸಾರ. ಅರ್ಥಾತ್ ನೀವು ಭೇಟಿ ನೀಡಿದಾಗ ಯಾವ ಸಂಗೀತ ಪ್ರಸಾರ ಆಗುತ್ತಿದೆಯೋ ಅದನ್ನು ಆಲಿಸಬೇಕು. ನಿಮಗೆ ಇಷ್ಟವಾದ ಹಾಡನ್ನು ಬೇಕಾದಾಗ ಆಲಿಸಬೇಕಾದರೆ www.kannadaaudio.com ಜಾಲತಾಣಕ್ಕೆ ಭೇಟಿ ನೀಡಿ. ಆದರೆ ನಿಮಗೆ ಇಷ್ಟವಾದ ಹಾಡು ಅಲ್ಲಿರಬೇಕು, ಅಷ್ಟೆ. www.raaga.com ಜಾಲತಾಣದಲ್ಲೂ ಕನ್ನಡ ಹಾಡುಗಳಿವೆ.
ಡೌನ್‌ಲೋಡ್
ಉಚಿತ ಕನ್ನಡ ತಂತ್ರಾಂಶಗಳು
ಕೇಂದ್ರ ಸರಕಾರದ ಮಾಹಿತಿ ಮತ್ತು ಸಂವಹನ ತಂತ್ರಜ್ಞಾನ ಇಲಾಖೆಯವರು ಎಲ್ಲ ಭಾರತೀಯ ಭಾಷೆಗಳಿಗೆ ಅವಶ್ಯ ತಂತ್ರಜ್ಞಾನಗಳ ತಯಾರಿಕೆಗಾಗಿ ಒಂದು ಇಲಾಖೆಯನ್ನು ನಿರ್ಮಿಸಿದ್ದಾರೆ. ಅವರು ತಯಾರಿಸಿದ ಮತ್ತು ಇತರೆ ಹಲವಾರು ಸಂಘ ಸಂಸ್ಥೆಗಳು ತಯಾರಿಸಿದ ಹಲವಾರು ಉಪಯುಕ್ತ ತಂತ್ರಾಂಶಗಳು, ಫಾಂಟ್‌ಗಳು, ಪರಿವರ್ತಕ ತಂತ್ರಾಂಶಗಳು, ಕನ್ನಡ ಕಲಿಯಲು ಉಪಯುಕ್ತ ತಂತ್ರಾಂಶ ಮತ್ತು ಆಟಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳಲು ಭೇಟಿ ನೀಡಬೇಕಾದ ಜಾಲತಾಣದ ವಿಳಾಸ http://bit.ly/7NEZrF.
e - ಸುದ್ದಿ
ಜಾಲಿಗನಾಗಿರುವುದು ಒಳಿತು
ಒಬ್ಬರಿಗೊಬ್ಬರು ಸದಾ ಸಂಪರ್ಕದಲ್ಲಿರಲು ಅನುವು ಮಾಡಿಕೊಡುವ ಜಾಲತಾಣಗಳಿಗೆ ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳೆನ್ನುತ್ತಾರೆ. ಆರ್ಕುಟ್ ಮತ್ತು ಫೇಸ್‌ಬುಕ್ ಇದಕ್ಕೆ ಉತ್ತಮ ಉದಾಹರಣೆಗಳು. ಈ ಜಾಲತಾಣಗಳಲ್ಲಿ ತಮ್ಮ ಸದ್ಯದ ಜಾಗ, ತಾವು ಏನು ಮಾಡುತ್ತಿದ್ದೇವೆ, ಇತ್ಯಾದಿಗಳನ್ನು ಸೇರಿಸುತ್ತಲೇ ಇರಬಹುದು. ಕೆಲವರು ತಾವು ಎಲ್ಲಿಗೆ ಹೊರಟಿದ್ದೇವೆ, ಎಲ್ಲಿ ಊಟ ಮಾಡುತ್ತಿದ್ದೇವೆ, ಯಾವ ಚಲನಚಿತ್ರ ನೋಡುತ್ತಿದ್ದೇವೆ, ಹೀಗೆ ತಮ್ಮ ಬಗ್ಗೆ ಪ್ರತಿಯೊಂದು ವಿವರ ದಾಖಲಿಸುತ್ತಾರೆ. ಹಿಗೆ ಜಗಜ್ಜಾಹೀರು ಮಾಡುವುದರಿಂದ ಕಳ್ಳರಿಗೂ ಉಪಯೋಗವಾಗುವ ಸಾಧ್ಯತೆಯಿದೆ ಎಂದು ಪೋಲೀಸರು ಎಚ್ಚರಿಸುತ್ತಾರೆ. ಆದರೆ ಒಬ್ಬಾತ ಹೀಗೆ ತನ್ನ ಪ್ರತಿಯೊಂದು ಚಟುವಟಿಕೆಯನ್ನು ದಾಖಲಿಸಿದುದರಿಂದ ಕಾರಾಗೃಹವಾಸವನ್ನು ತಪ್ಪಿಸಿಕೊಂಡಿದ್ದಾನೆ. ತಾನು ಇರುವ ಸ್ಥಳದಿಂದ ಸುಮಾರು ಇಪ್ಪತ್ತು ಕಿ.ಮೀ. ದೂರದ ಒಂದು ಮನೆಯಲ್ಲಿ ನಡೆದ ದರೋಡೆಯ ಅಪರಾಧಿ ಎಂದು ಆತನನ್ನು ಪೋಲೀಸರು ಬಂಧಿಸಿದ್ದರು. ಆದರೆ ದರೋಡೆ ನಡೆದ ಸಮಯದಿಂದ ಕೇವಲ ಒಂದು ನಿಮಿಷ ಮೊದಲು ಆತ ತನ್ನ ಫೇಸ್‌ಬುಕ್ ಪುಟದಲ್ಲಿ ಸಂದೇಶ ಸೇರಿಸಿದ್ದ. ಅದರ ಸಹಾಯದಿಂದ ತಾನು ದರೋಡೆ ನಡೆದ ಸ್ಥಳದಲ್ಲಿ ಆ ಸಮಯದಲ್ಲಿ ತಾನು ಇರಲು ಸಾಧ್ಯವಿಲ್ಲ ಎಂದು ಆತ ಸಾಧಿಸಿದ. ಪೋಲೀಸರು ಆತನನ್ನು ಬಿಡುಗಡೆ ಮಾಡಿದರು.
e- ಪದ
ಅನ್‌ಫ್ರೆಂಡ್ (unfriend) -ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳಲ್ಲಿ ಒಬ್ಬ ವ್ಯಕ್ತಿ ತನ್ನ ಸ್ನೇಹಿತ ಆಗಿದ್ದವನನ್ನು ಸ್ನೇಹಿತ ಅಲ್ಲ ಎಂದು ದಾಖಲಿಸುವುದು. ಹೀಗೆ ಮಾಡುವುದರಿಂದ ಆತ ನಿಮ್ಮ ಸಂಪರ್ಕಪಟ್ಟಿಯಿಂದ ಹೊರಗಾಗುತ್ತಾನೆ. ಆ ನಂತರ ಆತ ನಿಮ್ಮ ಸಂದೇಶ, ಚಿತ್ರ, ಇತ್ಯಾದಿಗಳನ್ನು ನೋಡುವಂತಿಲ್ಲ. ಅಂದರೆ ಆತ ನಿಮ್ಮ ಜಾಲದಿಂದ ಹೊರಗಾಗುತ್ತಾನೆ. ಈ ಪದವನನ್ನು ಬಳಸಿದ್ದು ಫೇಸ್‌ಬುಕ್. ಈ ಪದವನ್ನು ಆಕ್ಸ್‌ಫರ್ಡ್ ಅಮೆರಿಕನ್ ನಿಘಂಟು ೨೦೦೯ನೆಯ ಇಸವಿಯ ಪದ ಎಂದು ಆಯ್ಕೆ ಮಾಡಿದೆ.
e - ಸಲಹೆ
ಬಾಗಲಕೋಟೆಯ ದೀಪಕ್ ಅವರ ಪ್ರಶ್ನೆ: ಬಯೋಸ್‌ಗೆ ಪಾಸ್‌ವರ್ಡ್ ನಿಗದಿ ಮಾಡುವುದು ಹೇಗೆ?
ಉ: ಸಾಮಾನ್ಯವಾಗಿ ಗಣಕ ಪ್ರಾರಂಭ ಆಗುವಾಗ, ಕಾರ್ಯಾಚರಣೆಯ ವ್ಯವಸ್ಥೆ (ಹೆಚ್ಚಿನವರಲ್ಲಿ ಇದು ವಿಂಡೋಸ್ ಆಗಿರುತ್ತದೆ) ಪ್ರಾರಂಭ ಆಗುವ ಮೊದಲು ಬಯೋಸ್ ಸಂದೇಶಗಳು ಬರುತ್ತವೆ. ಆ ಸಮಯದಲ್ಲಿ F10 ಕೀಲಿಯನ್ನು ಒತ್ತುವ ಮೂಲಕ ಬಯೋಸ್‌ನ ಆಯ್ಕೆಗಳನ್ನು ನಿಗದಿ ಮಾಡಬಹುದು. ಅದರಲ್ಲಿ ಕಂಡುಬರುವ ಬೂಟ್ ಮೆನುವಿನಲ್ಲಿ ಅಧಿಕಾರಿ (admin ಅಥವಾ supervisor) ಮತ್ತು ಬಳಕೆದಾರ (user) ಎಂದು ಎರಡು ರೀತಿಯ ಪಾಸ್‌ವರ್ಡ್‌ಗಳನ್ನು ನಿಗದಿ ಮಾಡಬಹುದು.
ಕಂಪ್ಯೂತರ್ಲೆ
ಗೀಕಾಸನ
ಯಾವಾಗಲೂ ತಂತ್ರಜ್ಞಾನಕ್ಕೆ ಅದರಲ್ಲು ಗಣಕಕ್ಕೆ ಅಂಟಿಕೊಂಡಿರುವವರಿಗೆ ಮತ್ತು ಅದರಲ್ಲಿ ಪರಿಣತರಾಗಿರುವವರಿಗೆ ಗೀಕ್ ಎನ್ನುತ್ತಾರೆ. ಇವರು ಒಂದು ಕಡೆ ಒಂದೇ ರಿತಿಯಲ್ಲಿ ಕುಳಿತುಕೊಂಡು ಗಣಕ ಅಥವಾ ಲ್ಯಾಪ್‌ಟಾಪ್ ಬಳಸುತ್ತಿರಬೇಕಾಗಿಲ್ಲ. ಮಲಗಿಕೊಂಡು, ತಲೆಕೆಳಗಾಗಿ ನಿಂತುಕೊಂಡು ಅಂದರೆ ಶೀರ್ಶಾಸನ ಮಾಡಿಕೊಂಡು, ಅರ್ಧ ಮಲಗಿ ಕಾಲುಗಳ ಮಧ್ಯೆ ಲ್ಯಾಪ್‌ಟಾಪ್ ಇಟ್ಟುಕೊಂಡು, ಹೀಗೆ ಹಲವು ರೀತಿಯಲ್ಲಿ ಆಸನ ಮಾಡುತ್ತ ಲ್ಯಾಪ್‌ಟಾಪ್ ಬಳಸಬಹುದು. ಈ ರೀತಿಯ ಆಸನಗಳಿಗೆ ಗೀಕಾಸನ ಎನ್ನುತ್ತಾರೆ. ಗೀಕಾಸನಗಳನ್ನು ಮುದ್ರಿಸಿದ ಟೀ-ಶರ್ಟ್ ಬೇಕಿದ್ದಲ್ಲಿ http://bit.ly/64y3JL ಜಾಲತಾಣಕ್ಕೆ ಭೇಟಿ ನೀಡಿ.
ಕನ್ನಡ ರೇಡಿಯೋ ಕೇಳಿ
ಅಂತರಜಾಲದಲ್ಲಿ ಸಾವಿರಾರು ರೇಡಿಯೋ ಕೇಂದ್ರಗಳಿವೆ. ಆಕಾಶವಾಣಿ ಕೂಡ ಇದೆ. ಆದರೆ ಈಗ ಪ್ರಸಾರ ಮಾಡುತ್ತಿಲ್ಲ. ಅದೇನೋ ಸರಿ. ಕನ್ನಡ ರೇಡಿಯೋ ಇಲ್ಲವೇ ಎಂದು ಕೇಳುತ್ತೀರಾ? ಹೌದು. ಇದೆ. ಅದನ್ನು ಆಲಿಸಲು ನೀವು ಭೇಟಿ ಮಾಡಬೇಕಾದ ಜಾಲತಾಣದ ವಿಳಾಸ http://bit.ly/4BxX1v. ರೇಡಿಯೋ ಕೇಂದ್ರ ಎಂದರೆ ನೇರಪ್ರಸಾರ. ಅರ್ಥಾತ್ ನೀವು ಭೇಟಿ ನೀಡಿದಾಗ ಯಾವ ಸಂಗೀತ ಪ್ರಸಾರ ಆಗುತ್ತಿದೆಯೋ ಅದನ್ನು ಆಲಿಸಬೇಕು. ನಿಮಗೆ ಇಷ್ಟವಾದ ಹಾಡನ್ನು ಬೇಕಾದಾಗ ಆಲಿಸಬೇಕಾದರೆ www.kannadaaudio.com ಜಾಲತಾಣಕ್ಕೆ ಭೇಟಿ ನೀಡಿ. ಆದರೆ ನಿಮಗೆ ಇಷ್ಟವಾದ ಹಾಡು ಅಲ್ಲಿರಬೇಕು, ಅಷ್ಟೆ. www.raaga.com ಜಾಲತಾಣದಲ್ಲೂ ಕನ್ನಡ ಹಾಡುಗಳಿವೆ.
ಡೌನ್‌ಲೋಡ್
ಉಚಿತ ಕನ್ನಡ ತಂತ್ರಾಂಶಗಳು
ಕೇಂದ್ರ ಸರಕಾರದ ಮಾಹಿತಿ ಮತ್ತು ಸಂವಹನ ತಂತ್ರಜ್ಞಾನ ಇಲಾಖೆಯವರು ಎಲ್ಲ ಭಾರತೀಯ ಭಾಷೆಗಳಿಗೆ ಅವಶ್ಯ ತಂತ್ರಜ್ಞಾನಗಳ ತಯಾರಿಕೆಗಾಗಿ ಒಂದು ಇಲಾಖೆಯನ್ನು ನಿರ್ಮಿಸಿದ್ದಾರೆ. ಅವರು ತಯಾರಿಸಿದ ಮತ್ತು ಇತರೆ ಹಲವಾರು ಸಂಘ ಸಂಸ್ಥೆಗಳು ತಯಾರಿಸಿದ ಹಲವಾರು ಉಪಯುಕ್ತ ತಂತ್ರಾಂಶಗಳು, ಫಾಂಟ್‌ಗಳು, ಪರಿವರ್ತಕ ತಂತ್ರಾಂಶಗಳು, ಕನ್ನಡ ಕಲಿಯಲು ಉಪಯುಕ್ತ ತಂತ್ರಾಂಶ ಮತ್ತು ಆಟಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳಲು ಭೇಟಿ ನೀಡಬೇಕಾದ ಜಾಲತಾಣದ ವಿಳಾಸ http://bit.ly/7NEZrF.
e - ಸುದ್ದಿ
ಜಾಲಿಗನಾಗಿರುವುದು ಒಳಿತು
ಒಬ್ಬರಿಗೊಬ್ಬರು ಸದಾ ಸಂಪರ್ಕದಲ್ಲಿರಲು ಅನುವು ಮಾಡಿಕೊಡುವ ಜಾಲತಾಣಗಳಿಗೆ ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳೆನ್ನುತ್ತಾರೆ. ಆರ್ಕುಟ್ ಮತ್ತು ಫೇಸ್‌ಬುಕ್ ಇದಕ್ಕೆ ಉತ್ತಮ ಉದಾಹರಣೆಗಳು. ಈ ಜಾಲತಾಣಗಳಲ್ಲಿ ತಮ್ಮ ಸದ್ಯದ ಜಾಗ, ತಾವು ಏನು ಮಾಡುತ್ತಿದ್ದೇವೆ, ಇತ್ಯಾದಿಗಳನ್ನು ಸೇರಿಸುತ್ತಲೇ ಇರಬಹುದು. ಕೆಲವರು ತಾವು ಎಲ್ಲಿಗೆ ಹೊರಟಿದ್ದೇವೆ, ಎಲ್ಲಿ ಊಟ ಮಾಡುತ್ತಿದ್ದೇವೆ, ಯಾವ ಚಲನಚಿತ್ರ ನೋಡುತ್ತಿದ್ದೇವೆ, ಹೀಗೆ ತಮ್ಮ ಬಗ್ಗೆ ಪ್ರತಿಯೊಂದು ವಿವರ ದಾಖಲಿಸುತ್ತಾರೆ. ಹಿಗೆ ಜಗಜ್ಜಾಹೀರು ಮಾಡುವುದರಿಂದ ಕಳ್ಳರಿಗೂ ಉಪಯೋಗವಾಗುವ ಸಾಧ್ಯತೆಯಿದೆ ಎಂದು ಪೋಲೀಸರು ಎಚ್ಚರಿಸುತ್ತಾರೆ. ಆದರೆ ಒಬ್ಬಾತ ಹೀಗೆ ತನ್ನ ಪ್ರತಿಯೊಂದು ಚಟುವಟಿಕೆಯನ್ನು ದಾಖಲಿಸಿದುದರಿಂದ ಕಾರಾಗೃಹವಾಸವನ್ನು ತಪ್ಪಿಸಿಕೊಂಡಿದ್ದಾನೆ. ತಾನು ಇರುವ ಸ್ಥಳದಿಂದ ಸುಮಾರು ಇಪ್ಪತ್ತು ಕಿ.ಮೀ. ದೂರದ ಒಂದು ಮನೆಯಲ್ಲಿ ನಡೆದ ದರೋಡೆಯ ಅಪರಾಧಿ ಎಂದು ಆತನನ್ನು ಪೋಲೀಸರು ಬಂಧಿಸಿದ್ದರು. ಆದರೆ ದರೋಡೆ ನಡೆದ ಸಮಯದಿಂದ ಕೇವಲ ಒಂದು ನಿಮಿಷ ಮೊದಲು ಆತ ತನ್ನ ಫೇಸ್‌ಬುಕ್ ಪುಟದಲ್ಲಿ ಸಂದೇಶ ಸೇರಿಸಿದ್ದ. ಅದರ ಸಹಾಯದಿಂದ ತಾನು ದರೋಡೆ ನಡೆದ ಸ್ಥಳದಲ್ಲಿ ಆ ಸಮಯದಲ್ಲಿ ತಾನು ಇರಲು ಸಾಧ್ಯವಿಲ್ಲ ಎಂದು ಆತ ಸಾಧಿಸಿದ. ಪೋಲೀಸರು ಆತನನ್ನು ಬಿಡುಗಡೆ ಮಾಡಿದರು.
e- ಪದ
ಅನ್‌ಫ್ರೆಂಡ್ (unfriend) -ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳಲ್ಲಿ ಒಬ್ಬ ವ್ಯಕ್ತಿ ತನ್ನ ಸ್ನೇಹಿತ ಆಗಿದ್ದವನನ್ನು ಸ್ನೇಹಿತ ಅಲ್ಲ ಎಂದು ದಾಖಲಿಸುವುದು. ಹೀಗೆ ಮಾಡುವುದರಿಂದ ಆತ ನಿಮ್ಮ ಸಂಪರ್ಕಪಟ್ಟಿಯಿಂದ ಹೊರಗಾಗುತ್ತಾನೆ. ಆ ನಂತರ ಆತ ನಿಮ್ಮ ಸಂದೇಶ, ಚಿತ್ರ, ಇತ್ಯಾದಿಗಳನ್ನು ನೋಡುವಂತಿಲ್ಲ. ಅಂದರೆ ಆತ ನಿಮ್ಮ ಜಾಲದಿಂದ ಹೊರಗಾಗುತ್ತಾನೆ. ಈ ಪದವನನ್ನು ಬಳಸಿದ್ದು ಫೇಸ್‌ಬುಕ್. ಈ ಪದವನ್ನು ಆಕ್ಸ್‌ಫರ್ಡ್ ಅಮೆರಿಕನ್ ನಿಘಂಟು ೨೦೦೯ನೆಯ ಇಸವಿಯ ಪದ ಎಂದು ಆಯ್ಕೆ ಮಾಡಿದೆ.
e - ಸಲಹೆ
ಬಾಗಲಕೋಟೆಯ ದೀಪಕ್ ಅವರ ಪ್ರಶ್ನೆ: ಬಯೋಸ್‌ಗೆ ಪಾಸ್‌ವರ್ಡ್ ನಿಗದಿ ಮಾಡುವುದು ಹೇಗೆ?
ಉ: ಸಾಮಾನ್ಯವಾಗಿ ಗಣಕ ಪ್ರಾರಂಭ ಆಗುವಾಗ, ಕಾರ್ಯಾಚರಣೆಯ ವ್ಯವಸ್ಥೆ (ಹೆಚ್ಚಿನವರಲ್ಲಿ ಇದು ವಿಂಡೋಸ್ ಆಗಿರುತ್ತದೆ) ಪ್ರಾರಂಭ ಆಗುವ ಮೊದಲು ಬಯೋಸ್ ಸಂದೇಶಗಳು ಬರುತ್ತವೆ. ಆ ಸಮಯದಲ್ಲಿ F10 ಕೀಲಿಯನ್ನು ಒತ್ತುವ ಮೂಲಕ ಬಯೋಸ್‌ನ ಆಯ್ಕೆಗಳನ್ನು ನಿಗದಿ ಮಾಡಬಹುದು. ಅದರಲ್ಲಿ ಕಂಡುಬರುವ ಬೂಟ್ ಮೆನುವಿನಲ್ಲಿ ಅಧಿಕಾರಿ (admin ಅಥವಾ supervisor) ಮತ್ತು ಬಳಕೆದಾರ (user) ಎಂದು ಎರಡು ರೀತಿಯ ಪಾಸ್‌ವರ್ಡ್‌ಗಳನ್ನು ನಿಗದಿ ಮಾಡಬಹುದು.
ಕಂಪ್ಯೂತರ್ಲೆ
ಗೀಕಾಸನ
ಯಾವಾಗಲೂ ತಂತ್ರಜ್ಞಾನಕ್ಕೆ ಅದರಲ್ಲು ಗಣಕಕ್ಕೆ ಅಂಟಿಕೊಂಡಿರುವವರಿಗೆ ಮತ್ತು ಅದರಲ್ಲಿ ಪರಿಣತರಾಗಿರುವವರಿಗೆ ಗೀಕ್ ಎನ್ನುತ್ತಾರೆ. ಇವರು ಒಂದು ಕಡೆ ಒಂದೇ ರಿತಿಯಲ್ಲಿ ಕುಳಿತುಕೊಂಡು ಗಣಕ ಅಥವಾ ಲ್ಯಾಪ್‌ಟಾಪ್ ಬಳಸುತ್ತಿರಬೇಕಾಗಿಲ್ಲ. ಮಲಗಿಕೊಂಡು, ತಲೆಕೆಳಗಾಗಿ ನಿಂತುಕೊಂಡು ಅಂದರೆ ಶೀರ್ಶಾಸನ ಮಾಡಿಕೊಂಡು, ಅರ್ಧ ಮಲಗಿ ಕಾಲುಗಳ ಮಧ್ಯೆ ಲ್ಯಾಪ್‌ಟಾಪ್ ಇಟ್ಟುಕೊಂಡು, ಹೀಗೆ ಹಲವು ರೀತಿಯಲ್ಲಿ ಆಸನ ಮಾಡುತ್ತ ಲ್ಯಾಪ್‌ಟಾಪ್ ಬಳಸಬಹುದು. ಈ ರೀತಿಯ ಆಸನಗಳಿಗೆ ಗೀಕಾಸನ ಎನ್ನುತ್ತಾರೆ. ಗೀಕಾಸನಗಳನ್ನು ಮುದ್ರಿಸಿದ ಟೀ-ಶರ್ಟ್ ಬೇಕಿದ್ದಲ್ಲಿ http://bit.ly/64y3JL ಜಾಲತಾಣಕ್ಕೆ ಭೇಟಿ ನೀಡಿ.
ಸೋಮವಾರ, ನವೆಂಬರ್ 16, 2009
ಗಣಕಿಂಡಿ - ೦೨೬ (ನವಂಬರ್ ೧೬, ೨೦೦೯)
ಅಂತರಜಾಲಾಡಿ
ಕನ್ನಡದ ಬ್ಲಾಗಿಗಳೆಲ್ಲಾ ಒಂದಾಗಿ ಬನ್ನಿ
ಕನ್ನಡದ ಬ್ಲಾಗೋತ್ತಮರ ಸಂಖ್ಯೆ ೨೦೦೦ವನ್ನು ತಲುಪುತ್ತಿದೆ. ಈ ಮಾಹಿತಿ ನಿಮಗೆ ಆಶ್ಚರ್ಯ ತರಬಹುದು. ಕನ್ನಡದಲ್ಲಿ ವಿಶ್ವಮಟ್ಟದ ಬ್ಲಾಗ್ ಬರೆಯುವವರಿದ್ದಾರೆ. ಪತ್ರಿಕೆ, ಮ್ಯಾಗಝಿನ್‌ಗಳಲ್ಲಿ ಪ್ರಕಟಗೊಳ್ಳದ ಹಲವು ವಿಷಯಗಳು ಬ್ಲಾಗ್‌ಗಳಲ್ಲಿ ಪ್ರಕಟಗೊಂಡಿವೆ. ಈ ಬ್ಲಾಗಿಗಳ ಲೋಕ ಬೇರೆಯೇ ಇದೆ. ಈ ಬ್ಲಾಗಿಗಳು ಎಲ್ಲ ಒಂದೆಡೆ ಕಲೆತು ವಿಚಾರವಿನಿಮಯ ಮಾಡಲು ಒಕ್ಕೂಟವನ್ನು ಮಾಡಿಕೊಂಡಿದ್ದಾರೆ. ಆರ್ಕುಟ್ ಮಾದರಿಯಲ್ಲಿ ನಮಗೆ ಬೇಕಾದ ಸಮೂಹವನ್ನು ನಾವೆ ಸೃಷ್ಟಿಸಿ ನಡೆಸಲು ಅನುವು ಮಾಡಿಕೊಡುವ ning.com ಜಾಲತಾಣದಲ್ಲಿ ಇದನ್ನು ಸೃಷ್ಟಿ ಮಾಡಲಾಗಿದೆ. ಅದರ ವಿಳಾಸ kannadablogs.ning.com. ಸದ್ಯ ಇದರ ಸದಸ್ಯರ ಸಂಖ್ಯೆ ೨೦೦೦ಕ್ಕೆ ಹತ್ತಿರ ಇದೆ. ಇದೇ ರೀತಿಯ ಮತ್ತೊಂದು ಒಕ್ಕೂಟದ ವಿಳಾಸ kannadabloggers.ning.com. ಈ ರೀತಿಯ ಗುಂಪೊಂದು ಆರ್ಕುಟ್‌ನಲ್ಲು ಇದೆ. ಅದು ಹೆಚ್ಚು ಜನಪ್ರಿಯವಾಗಿಲ್ಲ.
ಡೌನ್‌ಲೋಡ್
ಕನ್ನಡ ನಿಘಂಟು
ಕನ್ನಡದಲ್ಲಿ ಲೇಖನ ಬರೆಯುವಾಗ ನಿಘಂಟು ಪಕ್ಕ ಇದ್ದರೆ ಒಳ್ಳೆಯದಲ್ಲವೇ? ಅಂತರಜಾಲದಲ್ಲಿ ಒಂದು ಕನ್ನಡ ನಿಘಂಟು ಇದೆ. ಇದರ ವಿಳಾಸ www.kannadakasturi.com. ಇದನ್ನು ಅಂತರಜಾಲ ಸಂಪರ್ಕ ಇದ್ದಾಗ ಮಾತ್ರ ಬಳಸಬಹುದು. ನಿಮ್ಮ ಗಣಕದಲ್ಲೇ ಒಂದು ನಿಘಂಟು ಇದ್ದರೆ ಒಳ್ಳೆಯದಲ್ಲವೇ? ಹೌದು. ಅದೂ ಇದೇ ಜಾಲತಾಣದಲ್ಲಿ ಲಭ್ಯವಿದೆ. ಅದನ್ನು ಡೌನ್‌ಲೋಡ್ ಮಾಡಿಕೊಳ್ಳಲು http://bit.ly/3vJH1L ಜಾಲತಾಣಕ್ಕೆ ಭೇಟಿ ನೀಡಿ. ಜಾಲತಾಣದಲ್ಲಿ ಒಟ್ಟು ಸುಮಾರು ೧೩೫೦೦೦ ಪದಗಳಿವೆ. ಆದರೆ ಡೌನ್‌ಲೋಡ್ ಮಾಡಬಲ್ಲ ನಿಘಂಟುವಿನಲ್ಲಿ ಸುಮಾರು ೫೦೦೦೦ ಪದಗಳು ಮಾತ್ರವಿವೆ. ಆದರೆ ಇವೆರಡೂ ಇನ್ನೂ ಯುನಿಕೋಡ್‌ನಲ್ಲಿ ಲಭ್ಯವಿಲ್ಲ.
e - ಸುದ್ದಿ
ಕೊಲೆಗಾರನ ಹೆಸರ ಹೇಳುವಂತಿಲ್ಲ
ಜರ್ಮನಿಯಲ್ಲಿ ೧೯೯೦ರಲ್ಲಿ ಒಬ್ಬ ನಟನ ಕೊಲೆ ಮಾಡಿ ೧೯ ವರ್ಷ ಜೈಲುವಾಸ ಅನುಭವಿಸಿ ಹೊರಬಂದ ವ್ಯಕ್ತಿ ಈಗ ಸುದ್ದಿಯಲ್ಲಿದ್ದಾನೆ. ಕೊಲೆ ಮಾಡಲ್ಪಟ್ಟ ನಟನ ಬಗ್ಗೆ ಮುಕ್ತ ವಿಶ್ವಕೋಶ ವಿಕಿಪೀಡಿಯಾದಲ್ಲಿ ಇರುವ ಮಾಹಿತಿಯಲ್ಲಿ ಕೊನೆಗೆ ಕೊಲೆಗಾರನ ಹೆಸರೂ ಇದೆ. ಈತನಿಗೆ ಅದನ್ನು ಅಲ್ಲಿಂದ ತೆಗೆಸಬೇಕಾಗಿದೆ. ಇದಕ್ಕಾಗಿ ಆತ ಮೊರೆಹೋಗಿದ್ದು ಜರ್ಮನಿಯ ಕಾನೂನನ್ನು. ಶಿಕ್ಷೆ ಮುಗಿದು ಹೊರಬಂದ ಅಪರಾಧಿಗಳಿಗೆ ನಂತರ ಅವರು ಎಲ್ಲರಂತೆ ಜೀವನ ಮಾಡಲು ಅವಕಾಶ ಮಾಡಿಕೊಡಲು ಅವರು ಅಪರಾಧ ಮಾಡಿ ಶಿಕ್ಷೆ ಅನುಭವಿಸಿದ್ದರ ಬಗ್ಗೆ ಪ್ರಚಾರ ಮಾಡುವಂತಿಲ್ಲ ಎಂದು ಜರ್ಮನಿಯಲ್ಲಿ ಕಾನೂನಿದೆ. ಈ ಕಾನೂನಿಂತೆ ಅಪರಾಧಿಯ ಹೆಸರನ್ನು ವಿಕಿಪೀಡಿಯಾದಿಂದ ತೆಗೆದು ಹಾಕಬೇಕು ಮತ್ತು ತನಗೆ ಪರಿಹಾರ ನೀಡಬೇಕು ಎಂದು ಆತ ಕೋರ್ಟಿನಲ್ಲಿ ವ್ಯಾಜ್ಯ ಹೂಡಿದ್ದಾನೆ. ಇನ್ನೂ ಅಪರಾಧಿ ಎಂದು ತೀರ್ಮಾನ ಆಗುವ ಮೊದಲೇ, ಕೆಲವೊಮ್ಮೆ ಸಂಪೂರ್ಣ ನಿರಪರಾಧಿ, ವ್ಯಕ್ತಿಗಳ ಮಾನಹರಣ ಮಾಡಿ ಹೀನಾಯವಾಗಿ ಪ್ರಚಾರ ಮಾಡುವ ನಮ್ಮ ಮಾಧ್ಯಮಗಳು ಜರ್ಮನಿಯಲ್ಲಿದ್ದರೆ ಏನಾಗುತ್ತಿತ್ತೋ? ಈಗಿನ ಸುದ್ದಿಯಂತೆ ಇಂಗ್ಲಿಶ್ ಆವೃತ್ತಿಯಲ್ಲಿ ಕೊಲೆಗಾರನ ಹೆಸರಿದೆ. ಆದರೆ ಜರ್ಮನ್ ಆವೃತ್ತಿಯಿಂದ ಆತನ ಹೆರನ್ನು ತೆಗೆದುಹಾಕಲಾಗಿದೆ.
e- ಪದ
ಸಿಸ್ಟಮ್ ಟ್ರೇ (system tray) - ಗಣಕದ ಪರದೆಯ ಬಲಬದಿಯ ಮೂಲೆಯಲ್ಲಿ ಗಡಿಯಾರ, ಪ್ರಿಂಟರ್, ಮೋಡೆಮ್, ವೈರಸ್‌ನಿರೋಧಕ, ಇತ್ಯಾದಿ ಮೆಮೊರಿಯಲ್ಲಿ ಸಕ್ರಿಯವಾಗಿರುವ ತಂತ್ರಾಂಶಗಳ ಚಿತ್ರಿಕೆಗಳನ್ನು (ಐಕಾನ್) ಇದು ತೋರಿಸುತ್ತಿರುತ್ತದೆ. ಈ ಚಿತ್ರಿಕೆಗಳ ಮೇಲೆ ಎರಡು ಸಲ ಕ್ಲಿಕ್ ಮಾಡುವ ಮೂಲಕ ಈ ತಂತ್ರಾಂಶಗಳ ವಿಂಡೋವನ್ನು ತೆರೆದು ಆಯ್ಕೆಗಳನ್ನು ನಿಗದಿ ಮಾಡಬಹುದು. ಇದನ್ನು ವಿಂಡೋಸ್ ೯೫ರಲ್ಲಿ ಪ್ರಥಮ ಬಾರಿಗೆ ನೀಡಲಾಗಿತ್ತು. ವಿಂಡೋಸ್ ೭ ರಲ್ಲಿ ಇದು ಒಂದು ಚಿಕ್ಕ ತ್ರಿಕೋಣಾಕಾರದಲ್ಲಿದ್ದು ಅದರ ಮೇಲೆ ಕ್ಲಿಕ್ ಮಾಡಿದಾಗ ಇನ್ನೊಂದು ಚಿಕ್ಕ ಕಿಟಿಕಿ ತೆರೆದುಕೊಂಡು ಎಲ್ಲ ಚಿತ್ರಿಕೆಗಳು ಕಂಡುಬರುತ್ತವೆ.
e - ಸಲಹೆ
ಕಿರಿಕಿರಿ ಪದಪರೀಕ್ಷಕ
ಖ್ಯಾತ ವಿಜ್ಞಾನ ಲೇಖಕ ನಾಗೇಶ ಹೆಗಡೆಯವರ ಪ್ರಶ್ನೆ: ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿ ನುಡಿ ಅಥವಾ ಬರಹವನ್ನು ಬಳಸಿ ಬೆರಳಚ್ಚು ಮಾಡುವಾಗ ಅದು ತನ್ನ ಸ್ವಯಂಚಾಲಿತ ಪದಪರೀಕ್ಷಕವನ್ನು ಚಾಲೂಗೊಳಿಸಿ ಕನ್ನಡದ ಅಕ್ಷರಗಳನ್ನು ಏನೇನೋ ಆಗಿ ಬದಲಿಸಿ ಉಪದ್ರವ ನೀಡುತ್ತಿರುತ್ತದೆ. ಇದನ್ನು ನಿಲ್ಲಿಸುವುದು ಹೇಗೆ?
ಉ: ಕನ್ನಡದಲ್ಲಿ ಯುನಿಕೋಡ್ ವಿಧಾನವನ್ನು ಬಳಸದೆ ಹಳೆಯ ವಿಧಾನದಲ್ಲಿ ಬೆರಳಚ್ಚು ಮಾಡುವ ಎಲ್ಲರಿಗೆ ಈ ಸಮಸ್ಯೆ ಇದೆ. ಮೂಲಭೂತವಾಗಿ ಇಲ್ಲಿ ಏನು ಆಗುತ್ತಿದೆಯೆಂದರೆ ವರ್ಡ್ ತಂತ್ರಾಂಶವು ನಿಮಗೆ ಉಪಕಾರ ಮಾಡಲು ಹೋಗಿ ಅದು ನಿಮಗೆ ಉಪದ್ರ ಆಗುತ್ತಿದೆ. ನುಡಿ, ಬರಹ, ಇತ್ಯಾದಿ ತಂತ್ರಾಂಶಗಳು ಬಳಸುವ ಫಾಂಟ್ ಇಂಗ್ಲಿಶ್‌ನ ಅಕ್ಷರಭಾಗಗಳ ಜಾಗದಲ್ಲಿ ಕನ್ನಡದ ಅಕ್ಷರ ಭಾಗಗಳನ್ನು ಕೂರಿಸಿದಂತವುಗಳು. ವರ್ಡ್ ತನ್ನ ಸ್ವಯಂಚಾಲಿತ ಪದಪರೀಕ್ಷಕವನ್ನು ಬಳಸಿದಾಗ ಅದಕ್ಕೆ ಈ ಪದಗಳು ಅರ್ಥವಾಗದೆ, ಏನೇನೋ ಆಗಿ ಬದಲಿಸಿ ಅದು ಕನ್ನಡದ ಫಾಂಟ್‌ನಲ್ಲಿ ನೋಡಿದಾಗ ಅರ್ಥವಿಲ್ಲದ ಪದಗಳಾಗಿರುತ್ತವೆ. ಇದಕ್ಕೆ ವರ್ಡ್‌ನಲ್ಲಿರುವ auto format ಸವಲತ್ತನ್ನು ನಿಷ್ಕ್ರಿಯಗೊಳಿಸುವುದೊಂದೇ ಪರಿಹಾರ. ಇದಕ್ಕಾಗಿ ಪದಪರೀಕ್ಷಕವು ತಾನೇ ಬದಲಸಿದ ಪದದ ಪಕ್ಕ ಮೂಡಿಬಂದಿರುವ ಚಿತ್ರಿಕೆಯಲ್ಲಿರುವ ಕೆಳತ್ರಿಕೋಣದ ಮೇಲೆ ಕ್ಲಿಕ್ ಮಾಡಿ auto correct options ಎಂಬದನ್ನು ಆಯ್ಕೆ ಮಾಡಿ ಅಲ್ಲಿರುವ ಎಲ್ಲ ಆಯ್ಕೆಗಳನ್ನು ಕಿತ್ತುಹಾಕಿ. ಎಲ್ಲರೂ ಕನ್ನಡ ಬೆರಳಚ್ಚು ಮಾಡಲು ಯುನಿಕೋಡ್ ಬಳಸಿದಾಗ ಈ ಸಮಸ್ಯೆ ಮಾಯವಾಗುತ್ತದೆ.
ಕಂಪ್ಯೂತರ್ಲೆ
ಬ್ಲಾಗ್‌ಸುಂಕ
ಗಣಿದೊರೆಗಳ ಒತ್ತಡಕ್ಕೆ ಮಣಿದು ಅದಿರು ಸಾಗಣೆ ಲಾರಿಗಳ ಮೇಲೆ ವಿಧಿಸಿದ ಸುಂಕವನ್ನು ರದ್ದು ಮಾಡಿದ ಯಡ್ಯೂರಪ್ಪನವರು ನೆರೆಸಂತ್ರಸ್ತರಿಗೆ ಪರಿಹಾರಕ್ಕೆ ಹಣ ಸಂಗ್ರಹಿಸಲು ಹೊಸ ವಿಧಾನವೊಂದನ್ನು ಅನ್ವೇಷಿಸಿದ್ದಾರೆ. ಅದೆಂದರೆ ಬ್ಲಾಗಿಂಗ್‌ಗೆ ಸುಂಕ ವಿಧಿಸುವುದು. ಇತ್ತೀಚೆಗೆ ಬ್ಲಾಗಿಂಗ್, ಅದರಲ್ಲೂ ಟ್ವಿಟ್ಟರ್ ತುಂಬ ಜನಪ್ರಿಯವಾಗುತ್ತಿದೆ. ಒಂದು ಬ್ಲಾಗ್‌ಗೆ ಇಂತಿಷ್ಟು ಎಂದು ಬ್ಲಾಗ್‌ಸುಂಕ ವಿಧಿಸಲಾಗುವುದು ಎಂದು ನಿಧಾನಸೌಧದಿಂದ ಹೊರಟ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಪೂರ್ತಿಪ್ರಮಾಣದ ಬ್ಲಾಗಿಗೆ ಹೆಚ್ಚು ಮತ್ತು ಕಿರುಬ್ಲಾಗ್ ಟ್ವಿಟ್ಟರಿಗೆ ಕಡಿಮೆ ಸುಂಕ ನಿಗದಿ ಮಾಡಲಾಗಿದೆ. ತೆರಿಗೆಯ ಮೆಲೆ ಸರ್‌ಚಾರ್ಜ್ ವಿಧಿಸುವ ಪರಿಪಾಠದಂತೆ ಬ್ಲಾಗಿಗೆ ಸುಂಕ ವಿಧಿಸಲಾಗಿದ್ದರೆ ಬ್ಲಾಗಿನ ಕೆಳಗೆ ಓದುಗರು ಬರೆಯುವ ಕಮೆಂಟು(ಟಿಪ್ಪಣಿ)ಗಳಿಗೆ ಸರ್‌ಚಾರ್ಜ್ ವಿಧಿಸಲಾಗಿದೆ. ಟ್ವಿಟ್ಟರಿನಲ್ಲಿ ೪ ಲಕ್ಷ ಹಿಂಬಾಲಕರನ್ನು ಹೊಂದಿರುವ ಶಶಿತರೂರ್ ಇದನ್ನು ಪ್ರತಿಭಟಿಸಿದ ಸುದ್ದಿ ಇನ್ನೂ ಬಂದಿಲ್ಲ.
ಕನ್ನಡದ ಬ್ಲಾಗಿಗಳೆಲ್ಲಾ ಒಂದಾಗಿ ಬನ್ನಿ
ಕನ್ನಡದ ಬ್ಲಾಗೋತ್ತಮರ ಸಂಖ್ಯೆ ೨೦೦೦ವನ್ನು ತಲುಪುತ್ತಿದೆ. ಈ ಮಾಹಿತಿ ನಿಮಗೆ ಆಶ್ಚರ್ಯ ತರಬಹುದು. ಕನ್ನಡದಲ್ಲಿ ವಿಶ್ವಮಟ್ಟದ ಬ್ಲಾಗ್ ಬರೆಯುವವರಿದ್ದಾರೆ. ಪತ್ರಿಕೆ, ಮ್ಯಾಗಝಿನ್‌ಗಳಲ್ಲಿ ಪ್ರಕಟಗೊಳ್ಳದ ಹಲವು ವಿಷಯಗಳು ಬ್ಲಾಗ್‌ಗಳಲ್ಲಿ ಪ್ರಕಟಗೊಂಡಿವೆ. ಈ ಬ್ಲಾಗಿಗಳ ಲೋಕ ಬೇರೆಯೇ ಇದೆ. ಈ ಬ್ಲಾಗಿಗಳು ಎಲ್ಲ ಒಂದೆಡೆ ಕಲೆತು ವಿಚಾರವಿನಿಮಯ ಮಾಡಲು ಒಕ್ಕೂಟವನ್ನು ಮಾಡಿಕೊಂಡಿದ್ದಾರೆ. ಆರ್ಕುಟ್ ಮಾದರಿಯಲ್ಲಿ ನಮಗೆ ಬೇಕಾದ ಸಮೂಹವನ್ನು ನಾವೆ ಸೃಷ್ಟಿಸಿ ನಡೆಸಲು ಅನುವು ಮಾಡಿಕೊಡುವ ning.com ಜಾಲತಾಣದಲ್ಲಿ ಇದನ್ನು ಸೃಷ್ಟಿ ಮಾಡಲಾಗಿದೆ. ಅದರ ವಿಳಾಸ kannadablogs.ning.com. ಸದ್ಯ ಇದರ ಸದಸ್ಯರ ಸಂಖ್ಯೆ ೨೦೦೦ಕ್ಕೆ ಹತ್ತಿರ ಇದೆ. ಇದೇ ರೀತಿಯ ಮತ್ತೊಂದು ಒಕ್ಕೂಟದ ವಿಳಾಸ kannadabloggers.ning.com. ಈ ರೀತಿಯ ಗುಂಪೊಂದು ಆರ್ಕುಟ್‌ನಲ್ಲು ಇದೆ. ಅದು ಹೆಚ್ಚು ಜನಪ್ರಿಯವಾಗಿಲ್ಲ.
ಡೌನ್‌ಲೋಡ್
ಕನ್ನಡ ನಿಘಂಟು
ಕನ್ನಡದಲ್ಲಿ ಲೇಖನ ಬರೆಯುವಾಗ ನಿಘಂಟು ಪಕ್ಕ ಇದ್ದರೆ ಒಳ್ಳೆಯದಲ್ಲವೇ? ಅಂತರಜಾಲದಲ್ಲಿ ಒಂದು ಕನ್ನಡ ನಿಘಂಟು ಇದೆ. ಇದರ ವಿಳಾಸ www.kannadakasturi.com. ಇದನ್ನು ಅಂತರಜಾಲ ಸಂಪರ್ಕ ಇದ್ದಾಗ ಮಾತ್ರ ಬಳಸಬಹುದು. ನಿಮ್ಮ ಗಣಕದಲ್ಲೇ ಒಂದು ನಿಘಂಟು ಇದ್ದರೆ ಒಳ್ಳೆಯದಲ್ಲವೇ? ಹೌದು. ಅದೂ ಇದೇ ಜಾಲತಾಣದಲ್ಲಿ ಲಭ್ಯವಿದೆ. ಅದನ್ನು ಡೌನ್‌ಲೋಡ್ ಮಾಡಿಕೊಳ್ಳಲು http://bit.ly/3vJH1L ಜಾಲತಾಣಕ್ಕೆ ಭೇಟಿ ನೀಡಿ. ಜಾಲತಾಣದಲ್ಲಿ ಒಟ್ಟು ಸುಮಾರು ೧೩೫೦೦೦ ಪದಗಳಿವೆ. ಆದರೆ ಡೌನ್‌ಲೋಡ್ ಮಾಡಬಲ್ಲ ನಿಘಂಟುವಿನಲ್ಲಿ ಸುಮಾರು ೫೦೦೦೦ ಪದಗಳು ಮಾತ್ರವಿವೆ. ಆದರೆ ಇವೆರಡೂ ಇನ್ನೂ ಯುನಿಕೋಡ್‌ನಲ್ಲಿ ಲಭ್ಯವಿಲ್ಲ.
e - ಸುದ್ದಿ
ಕೊಲೆಗಾರನ ಹೆಸರ ಹೇಳುವಂತಿಲ್ಲ
ಜರ್ಮನಿಯಲ್ಲಿ ೧೯೯೦ರಲ್ಲಿ ಒಬ್ಬ ನಟನ ಕೊಲೆ ಮಾಡಿ ೧೯ ವರ್ಷ ಜೈಲುವಾಸ ಅನುಭವಿಸಿ ಹೊರಬಂದ ವ್ಯಕ್ತಿ ಈಗ ಸುದ್ದಿಯಲ್ಲಿದ್ದಾನೆ. ಕೊಲೆ ಮಾಡಲ್ಪಟ್ಟ ನಟನ ಬಗ್ಗೆ ಮುಕ್ತ ವಿಶ್ವಕೋಶ ವಿಕಿಪೀಡಿಯಾದಲ್ಲಿ ಇರುವ ಮಾಹಿತಿಯಲ್ಲಿ ಕೊನೆಗೆ ಕೊಲೆಗಾರನ ಹೆಸರೂ ಇದೆ. ಈತನಿಗೆ ಅದನ್ನು ಅಲ್ಲಿಂದ ತೆಗೆಸಬೇಕಾಗಿದೆ. ಇದಕ್ಕಾಗಿ ಆತ ಮೊರೆಹೋಗಿದ್ದು ಜರ್ಮನಿಯ ಕಾನೂನನ್ನು. ಶಿಕ್ಷೆ ಮುಗಿದು ಹೊರಬಂದ ಅಪರಾಧಿಗಳಿಗೆ ನಂತರ ಅವರು ಎಲ್ಲರಂತೆ ಜೀವನ ಮಾಡಲು ಅವಕಾಶ ಮಾಡಿಕೊಡಲು ಅವರು ಅಪರಾಧ ಮಾಡಿ ಶಿಕ್ಷೆ ಅನುಭವಿಸಿದ್ದರ ಬಗ್ಗೆ ಪ್ರಚಾರ ಮಾಡುವಂತಿಲ್ಲ ಎಂದು ಜರ್ಮನಿಯಲ್ಲಿ ಕಾನೂನಿದೆ. ಈ ಕಾನೂನಿಂತೆ ಅಪರಾಧಿಯ ಹೆಸರನ್ನು ವಿಕಿಪೀಡಿಯಾದಿಂದ ತೆಗೆದು ಹಾಕಬೇಕು ಮತ್ತು ತನಗೆ ಪರಿಹಾರ ನೀಡಬೇಕು ಎಂದು ಆತ ಕೋರ್ಟಿನಲ್ಲಿ ವ್ಯಾಜ್ಯ ಹೂಡಿದ್ದಾನೆ. ಇನ್ನೂ ಅಪರಾಧಿ ಎಂದು ತೀರ್ಮಾನ ಆಗುವ ಮೊದಲೇ, ಕೆಲವೊಮ್ಮೆ ಸಂಪೂರ್ಣ ನಿರಪರಾಧಿ, ವ್ಯಕ್ತಿಗಳ ಮಾನಹರಣ ಮಾಡಿ ಹೀನಾಯವಾಗಿ ಪ್ರಚಾರ ಮಾಡುವ ನಮ್ಮ ಮಾಧ್ಯಮಗಳು ಜರ್ಮನಿಯಲ್ಲಿದ್ದರೆ ಏನಾಗುತ್ತಿತ್ತೋ? ಈಗಿನ ಸುದ್ದಿಯಂತೆ ಇಂಗ್ಲಿಶ್ ಆವೃತ್ತಿಯಲ್ಲಿ ಕೊಲೆಗಾರನ ಹೆಸರಿದೆ. ಆದರೆ ಜರ್ಮನ್ ಆವೃತ್ತಿಯಿಂದ ಆತನ ಹೆರನ್ನು ತೆಗೆದುಹಾಕಲಾಗಿದೆ.
e- ಪದ
ಸಿಸ್ಟಮ್ ಟ್ರೇ (system tray) - ಗಣಕದ ಪರದೆಯ ಬಲಬದಿಯ ಮೂಲೆಯಲ್ಲಿ ಗಡಿಯಾರ, ಪ್ರಿಂಟರ್, ಮೋಡೆಮ್, ವೈರಸ್‌ನಿರೋಧಕ, ಇತ್ಯಾದಿ ಮೆಮೊರಿಯಲ್ಲಿ ಸಕ್ರಿಯವಾಗಿರುವ ತಂತ್ರಾಂಶಗಳ ಚಿತ್ರಿಕೆಗಳನ್ನು (ಐಕಾನ್) ಇದು ತೋರಿಸುತ್ತಿರುತ್ತದೆ. ಈ ಚಿತ್ರಿಕೆಗಳ ಮೇಲೆ ಎರಡು ಸಲ ಕ್ಲಿಕ್ ಮಾಡುವ ಮೂಲಕ ಈ ತಂತ್ರಾಂಶಗಳ ವಿಂಡೋವನ್ನು ತೆರೆದು ಆಯ್ಕೆಗಳನ್ನು ನಿಗದಿ ಮಾಡಬಹುದು. ಇದನ್ನು ವಿಂಡೋಸ್ ೯೫ರಲ್ಲಿ ಪ್ರಥಮ ಬಾರಿಗೆ ನೀಡಲಾಗಿತ್ತು. ವಿಂಡೋಸ್ ೭ ರಲ್ಲಿ ಇದು ಒಂದು ಚಿಕ್ಕ ತ್ರಿಕೋಣಾಕಾರದಲ್ಲಿದ್ದು ಅದರ ಮೇಲೆ ಕ್ಲಿಕ್ ಮಾಡಿದಾಗ ಇನ್ನೊಂದು ಚಿಕ್ಕ ಕಿಟಿಕಿ ತೆರೆದುಕೊಂಡು ಎಲ್ಲ ಚಿತ್ರಿಕೆಗಳು ಕಂಡುಬರುತ್ತವೆ.
e - ಸಲಹೆ
ಕಿರಿಕಿರಿ ಪದಪರೀಕ್ಷಕ
ಖ್ಯಾತ ವಿಜ್ಞಾನ ಲೇಖಕ ನಾಗೇಶ ಹೆಗಡೆಯವರ ಪ್ರಶ್ನೆ: ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿ ನುಡಿ ಅಥವಾ ಬರಹವನ್ನು ಬಳಸಿ ಬೆರಳಚ್ಚು ಮಾಡುವಾಗ ಅದು ತನ್ನ ಸ್ವಯಂಚಾಲಿತ ಪದಪರೀಕ್ಷಕವನ್ನು ಚಾಲೂಗೊಳಿಸಿ ಕನ್ನಡದ ಅಕ್ಷರಗಳನ್ನು ಏನೇನೋ ಆಗಿ ಬದಲಿಸಿ ಉಪದ್ರವ ನೀಡುತ್ತಿರುತ್ತದೆ. ಇದನ್ನು ನಿಲ್ಲಿಸುವುದು ಹೇಗೆ?
ಉ: ಕನ್ನಡದಲ್ಲಿ ಯುನಿಕೋಡ್ ವಿಧಾನವನ್ನು ಬಳಸದೆ ಹಳೆಯ ವಿಧಾನದಲ್ಲಿ ಬೆರಳಚ್ಚು ಮಾಡುವ ಎಲ್ಲರಿಗೆ ಈ ಸಮಸ್ಯೆ ಇದೆ. ಮೂಲಭೂತವಾಗಿ ಇಲ್ಲಿ ಏನು ಆಗುತ್ತಿದೆಯೆಂದರೆ ವರ್ಡ್ ತಂತ್ರಾಂಶವು ನಿಮಗೆ ಉಪಕಾರ ಮಾಡಲು ಹೋಗಿ ಅದು ನಿಮಗೆ ಉಪದ್ರ ಆಗುತ್ತಿದೆ. ನುಡಿ, ಬರಹ, ಇತ್ಯಾದಿ ತಂತ್ರಾಂಶಗಳು ಬಳಸುವ ಫಾಂಟ್ ಇಂಗ್ಲಿಶ್‌ನ ಅಕ್ಷರಭಾಗಗಳ ಜಾಗದಲ್ಲಿ ಕನ್ನಡದ ಅಕ್ಷರ ಭಾಗಗಳನ್ನು ಕೂರಿಸಿದಂತವುಗಳು. ವರ್ಡ್ ತನ್ನ ಸ್ವಯಂಚಾಲಿತ ಪದಪರೀಕ್ಷಕವನ್ನು ಬಳಸಿದಾಗ ಅದಕ್ಕೆ ಈ ಪದಗಳು ಅರ್ಥವಾಗದೆ, ಏನೇನೋ ಆಗಿ ಬದಲಿಸಿ ಅದು ಕನ್ನಡದ ಫಾಂಟ್‌ನಲ್ಲಿ ನೋಡಿದಾಗ ಅರ್ಥವಿಲ್ಲದ ಪದಗಳಾಗಿರುತ್ತವೆ. ಇದಕ್ಕೆ ವರ್ಡ್‌ನಲ್ಲಿರುವ auto format ಸವಲತ್ತನ್ನು ನಿಷ್ಕ್ರಿಯಗೊಳಿಸುವುದೊಂದೇ ಪರಿಹಾರ. ಇದಕ್ಕಾಗಿ ಪದಪರೀಕ್ಷಕವು ತಾನೇ ಬದಲಸಿದ ಪದದ ಪಕ್ಕ ಮೂಡಿಬಂದಿರುವ ಚಿತ್ರಿಕೆಯಲ್ಲಿರುವ ಕೆಳತ್ರಿಕೋಣದ ಮೇಲೆ ಕ್ಲಿಕ್ ಮಾಡಿ auto correct options ಎಂಬದನ್ನು ಆಯ್ಕೆ ಮಾಡಿ ಅಲ್ಲಿರುವ ಎಲ್ಲ ಆಯ್ಕೆಗಳನ್ನು ಕಿತ್ತುಹಾಕಿ. ಎಲ್ಲರೂ ಕನ್ನಡ ಬೆರಳಚ್ಚು ಮಾಡಲು ಯುನಿಕೋಡ್ ಬಳಸಿದಾಗ ಈ ಸಮಸ್ಯೆ ಮಾಯವಾಗುತ್ತದೆ.
ಕಂಪ್ಯೂತರ್ಲೆ
ಬ್ಲಾಗ್‌ಸುಂಕ
ಗಣಿದೊರೆಗಳ ಒತ್ತಡಕ್ಕೆ ಮಣಿದು ಅದಿರು ಸಾಗಣೆ ಲಾರಿಗಳ ಮೇಲೆ ವಿಧಿಸಿದ ಸುಂಕವನ್ನು ರದ್ದು ಮಾಡಿದ ಯಡ್ಯೂರಪ್ಪನವರು ನೆರೆಸಂತ್ರಸ್ತರಿಗೆ ಪರಿಹಾರಕ್ಕೆ ಹಣ ಸಂಗ್ರಹಿಸಲು ಹೊಸ ವಿಧಾನವೊಂದನ್ನು ಅನ್ವೇಷಿಸಿದ್ದಾರೆ. ಅದೆಂದರೆ ಬ್ಲಾಗಿಂಗ್‌ಗೆ ಸುಂಕ ವಿಧಿಸುವುದು. ಇತ್ತೀಚೆಗೆ ಬ್ಲಾಗಿಂಗ್, ಅದರಲ್ಲೂ ಟ್ವಿಟ್ಟರ್ ತುಂಬ ಜನಪ್ರಿಯವಾಗುತ್ತಿದೆ. ಒಂದು ಬ್ಲಾಗ್‌ಗೆ ಇಂತಿಷ್ಟು ಎಂದು ಬ್ಲಾಗ್‌ಸುಂಕ ವಿಧಿಸಲಾಗುವುದು ಎಂದು ನಿಧಾನಸೌಧದಿಂದ ಹೊರಟ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಪೂರ್ತಿಪ್ರಮಾಣದ ಬ್ಲಾಗಿಗೆ ಹೆಚ್ಚು ಮತ್ತು ಕಿರುಬ್ಲಾಗ್ ಟ್ವಿಟ್ಟರಿಗೆ ಕಡಿಮೆ ಸುಂಕ ನಿಗದಿ ಮಾಡಲಾಗಿದೆ. ತೆರಿಗೆಯ ಮೆಲೆ ಸರ್‌ಚಾರ್ಜ್ ವಿಧಿಸುವ ಪರಿಪಾಠದಂತೆ ಬ್ಲಾಗಿಗೆ ಸುಂಕ ವಿಧಿಸಲಾಗಿದ್ದರೆ ಬ್ಲಾಗಿನ ಕೆಳಗೆ ಓದುಗರು ಬರೆಯುವ ಕಮೆಂಟು(ಟಿಪ್ಪಣಿ)ಗಳಿಗೆ ಸರ್‌ಚಾರ್ಜ್ ವಿಧಿಸಲಾಗಿದೆ. ಟ್ವಿಟ್ಟರಿನಲ್ಲಿ ೪ ಲಕ್ಷ ಹಿಂಬಾಲಕರನ್ನು ಹೊಂದಿರುವ ಶಶಿತರೂರ್ ಇದನ್ನು ಪ್ರತಿಭಟಿಸಿದ ಸುದ್ದಿ ಇನ್ನೂ ಬಂದಿಲ್ಲ.
ಸೋಮವಾರ, ನವೆಂಬರ್ 9, 2009
ಗಣಕಿಂಡಿ - ೦೨೫ (ನವಂಬರ್ ೦೯, ೨೦೦೯)
ಅಂತರಜಾಲಾಡಿ
ಮಾಹಿತಿ ಹೆದ್ದಾರಿಗೆ ಕನ್ನಡದ ಮಹಾದ್ವಾರ
ದಾಟ್ಸ್‌ಕನ್ನಡ (thatskannada.oneindia.in) ಕನ್ನಡದ ಪ್ರಥಮ ಪೋರ್ಟಲ್. ಕನ್ನಡದಲ್ಲಿ ಹಲವು ಪೋರ್ಟಲ್‌ಗಳು ಬಂದು ನಾಪತ್ತೆಯಾದರೂ ಸುಮಾರು ಹತ್ತು ವರ್ಷಗಳಿಂದ ನಿರಂತರ ಸಾಗುತ್ತ ಬಂದಿರುವ ಪೋರ್ಟಲ್ ದಾಟ್ಸ್‌ಕನ್ನಡ. ದಿನಕ್ಕೆ ಹಲವು ಬಾರಿ ತಾಜಾ ಸುದ್ದಿಯನ್ನು ನೀಡುವುದರ ಜೊತೆಗೆ ವೈವಿಧ್ಯಮಯವಾದ ಇತರೆ ವಿಷಯ, ಲೇಖನ, ಸಾಹಿತ್ಯ, ಅಂಕಣಗಳು, ಸಿನಿಮಾ ಮಸಾಲೆ, ಇತ್ಯಾದಿಗಳೂ ಇಲ್ಲಿವೆ. ಕನ್ನಡದ ಇತರೆ ಕೆಲವು ಪೋರ್ಟಲ್‌ಗಳು -in.kannada.yahoo.com, kannada.webdunia.com, in.msn.com/kannada, kannada.samachar.com. ಈ ಪಟ್ಟಿಯಲ್ಲಿ ನಮೂದಿಸದ ಜಾಲತಾಣಗಳು ಚೆನ್ನಾಗಿಲ್ಲ ಎಂದು ಅರ್ಥೈಸಿಕೊಳ್ಳಬೇಕಾಗಿಲ್ಲ.
ಡೌನ್‌ಲೋಡ್
ಬರಹ
ತುಂಬ ಜನಪ್ರಿಯವಾಗಿರುವ ಕನ್ನಡ ತಂತ್ರಾಂಶ ಬರಹ. ಇದು ವಿಂಡೋಸ್ ಕಾರ್ಯಾಚರಣೆಯ ವ್ಯವಸ್ಥೆಯಲ್ಲಿ ಕೆಲಸ ಮಾಡುತ್ತದೆ. ಹಲವು ಆವೃತ್ತಿಗಳನ್ನು ನೀಡಿರುವ ಈ ತಂತ್ರಾಂಶದ ಸದ್ಯದ ಆವೃತ್ತಿ ೮.೦. ಇದು ಕನ್ನಡ ಯುನಿಕೋಡ್ ಸೌಲಭ್ಯವನ್ನೂ ಹೊಂದಿದೆ. ಇದನ್ನು ಬಳಸಿ ಕನ್ನಡ ಮಾತ್ರವಲ್ಲದೆ ಇತರೆ ಹಲವು ಭಾರತೀಯ ಭಾಷೆಗಳಲ್ಲಿ ಬೆರಳಚ್ಚು ಮಾಡಬಹುದು. ಇದರಲ್ಲಿ ಬರಹ ಡೈರೆಕ್ಟ್, ಬರಹಪ್ಯಾಡ್, ಪಾಂಟ್ ಪರಿವರ್ತಕ, ಇತ್ಯಾದಿ ಇತರೆ ಉಪಯುಕ್ತ ತಂತ್ರಾಂಶಗಳಿವೆ. ಬರಹ ಬೇಕಿದ್ದಲ್ಲಿ www.baraha.com ಜಾಲತಾಣಕ್ಕೆ ಭೇಟಿ ನೀಡಿ. ಬರಹ ಡೈರೆಕ್ಟ್ ಬಳಸಿ ಮೈಕ್ರೋಸಾಫ್ಟ್ ವರ್ಡ್‌ನ ಎಕ್ಸ್‌ಪಿ, ೨೦೦೩ ಮತ್ತು ೨೦೦೭ ಆವೃತ್ತಿಗಳಲ್ಲಿ ಕನ್ನಡ ಯುನಿಕೋಡ್‌ನಲ್ಲಿ ಬೆರಳಚ್ಚು ಮಾಡುವಾಗ ಖಾಲಿ ಚೌಕಗಳು ಮೂಡುವ ಸಮಸ್ಯೆ ಈ ಹಿಂದಿನ ಆವೃತ್ತಿಯ ಬರಹ ತಂತ್ರಾಂಶಗಳಲ್ಲಿತ್ತು. ಈ ಸಮಸ್ಯೆಯನ್ನು ಬರಹ ೮.೦ ರಲ್ಲಿ ಸರಿಪಡಿಸಲಾಗಿದೆ.
e - ಸುದ್ದಿ
ಅಂತರಜಾಲದಲ್ಲಿ ಹೆರಿಗೆ
ಬಸ್ಸು, ರೈಲು, ರಿಕ್ಷಾ, ವಿಮಾನಗಳಲ್ಲಿ ಹೆರಿಗೆ ಆದ ಸಂಗತಿ ಕೇಳಿರಬಹುದು. ಅಂತರಜಾಲದಲ್ಲಿ ಹೆರಿಗೆ? ಅದು ಹೇಗೆ ಸಾಧ್ಯ ಅಂತೀರಾ? ಅತಿರೇಕಗಳ ನಾಡಾದ ಅಮೇರಿಕದ ಬೋಸ್ಟನ್ ನಗರದ ಲಿನ್ಸೀ ಎಂಬಾಕೆ ಪ್ರಥಮ ಬಾರಿಗೆ ಅಮ್ಮ ಆಗುವವಳಿದ್ದಾಳೆ. ಅವಳ ಪ್ರತಿ ದಿನ/ವಾರದ ಬೆಳವಣಿಗೆ ಬಗ್ಗೆ ಆಕೆ ಈಗಾಗಲೆ ಬ್ಲಾಗ್ ಮಾಡುತ್ತಿದ್ದಾಳೆ. ಇಷ್ಟೇನಾ, ಅದರಲ್ಲೇನು ವಿಶೇಷ, ಅತಿರೇಕ, ಎನ್ನುತ್ತೀರಾ? ಮುಂದೆ ಕೇಳಿ. ಆಕೆ ತನ್ನ ಹೆರಿಗೆಯನ್ನು ಅಂತರಜಾಲದಲ್ಲಿ ನೇರಪ್ರಸಾರ ಮಾಡುವವಳಿದ್ದಾಳೆ. ಪ್ರಸೂತಿಕೋಣೆಯಲ್ಲಿ ಕ್ಯಾಮರಾ ಅಳವಡಿಸಿ ಅದನ್ನು ಅಂತರಜಾಲಕ್ಕೆ ಸಂಪರ್ಕಿಸಿ ಪ್ರಸಾರ ಮಾಡಲಾಗುವುದು. ನಿಮಗೆ ಈ ನೇರಪ್ರಸಾರವನ್ನು ನೋಡಬೇಕಿದ್ದರೆ http://bit.ly/37HbqT ಜಾಲತಾಣದಲ್ಲಿ ಹೆಸರು ನೋಂದಾಯಿಸಿಕೊಳ್ಳಿ.
e- ಪದ
ಜಾಲದ್ವಾರ
ಪೋರ್ಟಲ್ (portal) -ಈ ಪದದ ನಿಜವಾದ ಅರ್ಥ ಮಹಾದ್ವಾರ ಎಂದು. ವಿಶ್ವವ್ಯಾಪಿ ಜಾಲ (worldwide web) ದಲ್ಲಿರುವ ಕೋಟ್ಯಾಂತರ ಜಾಲತಾಣಗಳಿಗೆ ಪ್ರವೇಶಪಡೆಯಲು ಈ ಜಾಲತಾಣ ಒಂದು ರೀತಿಯಲ್ಲಿ ಮಹಾದ್ವಾರದ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಉದಾಹರಣೆಗೆ yahoo.com. ಈ ಜಾಲತಾಣದಿಂದ ಇತರೆ ಜಾಲತಾಣಗಳಿಗೆ ಕೊಂಡಿಗಳಿವೆ. ಈ ಕೊಂಡಿಗಳನ್ನು ಹಲವು ವಿಧಗಳಲ್ಲಿ ವಿಂಗಡಿಸಲಾಗಿದೆ. ಪೋರ್ಟಲ್‌ಗಳನ್ನು ಸಾಮಾನ್ಯ ಪೋರ್ಟಲ್ ಮತ್ತು ಯಾವುದಾದರೂ ವಿಷಯಕ್ಕೆ ಸಂಬಂಧಿಸಿದ ವಿಶೇಷ ಪೋರ್ಟಲ್ ಎಂದು ವಿಭಾಗಿಸಬಹುದು. ಯಾಹೂ ಸಾಮಾನ್ಯ ಪೋರ್ಟಲ್. ದಾಟ್ಸ್‌ಕನ್ನಡ ಕನ್ನಡದ ಪೋರ್ಟಲ್.
e - ಸಲಹೆ
ಯುನಿಕೋಡ್‌ಗೆ ಬದಲಾವಣೆ
ಬ್ಲಾಗ್‌ಗೆ ಸೇರಿಸಲು ಅಥವಾ ಇಮೈಲ್ ಮಾಡಲು ಪಠ್ಯವು ಯುನಿಕೋಡ್‌ನಲ್ಲಿರಬೇಕು. ಬರಹ ಅಥವಾ ನುಡಿ ತಂತ್ರಾಂಶದಲ್ಲಿ ತಯಾರಿಸಿದ ಲೇಖನವನ್ನು ಯುನಿಕೋಡ್‌ಗೆ ಬದಲಾಯಿಸಬೇಕೇ? ಇದಕ್ಕಾಗಿ ಬರಹ ತಂತ್ರಾಂಶದಲ್ಲಿ ಒಂದು ಸವಲತ್ತು ಲಭ್ಯವಿದೆ. ಬರಹ ಡೈರೆಕ್ಟನ್ನು ಪ್ರಾರಂಭಿಸಿ. ಪಠ್ಯವು ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿದ್ದರೆ ಅದನ್ನು ಆಯ್ಕೆ ಮಾಡಿ ನಕಲು ಮಾಡಿ (Ctrl-C ಒತ್ತಿ). ನಂತರ ಸಿಸ್ಟಂ ಟ್ರೇನಲ್ಲಿರುವ (ಪರದೆಯ ಬಲಭಾಗದ ಕೆಳಮೂಲೆಯಲ್ಲಿರುವ ಗಡಿಯಾರದ ಪಕ್ಕದಲ್ಲಿರುವ) ಬರಹ ಡೈರೆಕ್ಟ್‌ನ ಚಿತ್ರಿಕೆ (ಐಕಾನ್) ಮೇಲೆ ಮೌಸ್‌ನ ಬಲ ಗುಂಡಿ ಕ್ಲಿಕ್ ಮಾಡಿ Convert To -> Kannada -> Unicode ಎಂದು ಆಯ್ಕೆ ಮಾಡಿ. ನಂತರ ನಿಮಗೆ ಬೇಕಾದಲ್ಲಿ ಪಠ್ಯವನ್ನು ಅಂಟಿಸಿ (Ctrl-V ಒತ್ತಿ).
ಕಂಪ್ಯೂತರ್ಲೆ
ರತ್ನನ್ ಗಣಕ ಪದ
ಮೌಸ್ ಕೀಬೋರ್ಡ್ ಕನ್ನಡ ಪದಗೋಳಂದ್ರೆ ರತ್ನಂಗ್ ಪ್ರಾಣ
ಕೀಬೋರ್ಡ್ ಕುಟ್ಟಾಕ್ ಹೊರಟಾಂತಂದ್ರೆ ತಕ್ಕೋ ಪದಗಳ್ ಬಾಣ
ಮಾಹಿತಿ ಹೆದ್ದಾರಿಗೆ ಕನ್ನಡದ ಮಹಾದ್ವಾರ
ದಾಟ್ಸ್‌ಕನ್ನಡ (thatskannada.oneindia.in) ಕನ್ನಡದ ಪ್ರಥಮ ಪೋರ್ಟಲ್. ಕನ್ನಡದಲ್ಲಿ ಹಲವು ಪೋರ್ಟಲ್‌ಗಳು ಬಂದು ನಾಪತ್ತೆಯಾದರೂ ಸುಮಾರು ಹತ್ತು ವರ್ಷಗಳಿಂದ ನಿರಂತರ ಸಾಗುತ್ತ ಬಂದಿರುವ ಪೋರ್ಟಲ್ ದಾಟ್ಸ್‌ಕನ್ನಡ. ದಿನಕ್ಕೆ ಹಲವು ಬಾರಿ ತಾಜಾ ಸುದ್ದಿಯನ್ನು ನೀಡುವುದರ ಜೊತೆಗೆ ವೈವಿಧ್ಯಮಯವಾದ ಇತರೆ ವಿಷಯ, ಲೇಖನ, ಸಾಹಿತ್ಯ, ಅಂಕಣಗಳು, ಸಿನಿಮಾ ಮಸಾಲೆ, ಇತ್ಯಾದಿಗಳೂ ಇಲ್ಲಿವೆ. ಕನ್ನಡದ ಇತರೆ ಕೆಲವು ಪೋರ್ಟಲ್‌ಗಳು -in.kannada.yahoo.com, kannada.webdunia.com, in.msn.com/kannada, kannada.samachar.com. ಈ ಪಟ್ಟಿಯಲ್ಲಿ ನಮೂದಿಸದ ಜಾಲತಾಣಗಳು ಚೆನ್ನಾಗಿಲ್ಲ ಎಂದು ಅರ್ಥೈಸಿಕೊಳ್ಳಬೇಕಾಗಿಲ್ಲ.
ಡೌನ್‌ಲೋಡ್
ಬರಹ
ತುಂಬ ಜನಪ್ರಿಯವಾಗಿರುವ ಕನ್ನಡ ತಂತ್ರಾಂಶ ಬರಹ. ಇದು ವಿಂಡೋಸ್ ಕಾರ್ಯಾಚರಣೆಯ ವ್ಯವಸ್ಥೆಯಲ್ಲಿ ಕೆಲಸ ಮಾಡುತ್ತದೆ. ಹಲವು ಆವೃತ್ತಿಗಳನ್ನು ನೀಡಿರುವ ಈ ತಂತ್ರಾಂಶದ ಸದ್ಯದ ಆವೃತ್ತಿ ೮.೦. ಇದು ಕನ್ನಡ ಯುನಿಕೋಡ್ ಸೌಲಭ್ಯವನ್ನೂ ಹೊಂದಿದೆ. ಇದನ್ನು ಬಳಸಿ ಕನ್ನಡ ಮಾತ್ರವಲ್ಲದೆ ಇತರೆ ಹಲವು ಭಾರತೀಯ ಭಾಷೆಗಳಲ್ಲಿ ಬೆರಳಚ್ಚು ಮಾಡಬಹುದು. ಇದರಲ್ಲಿ ಬರಹ ಡೈರೆಕ್ಟ್, ಬರಹಪ್ಯಾಡ್, ಪಾಂಟ್ ಪರಿವರ್ತಕ, ಇತ್ಯಾದಿ ಇತರೆ ಉಪಯುಕ್ತ ತಂತ್ರಾಂಶಗಳಿವೆ. ಬರಹ ಬೇಕಿದ್ದಲ್ಲಿ www.baraha.com ಜಾಲತಾಣಕ್ಕೆ ಭೇಟಿ ನೀಡಿ. ಬರಹ ಡೈರೆಕ್ಟ್ ಬಳಸಿ ಮೈಕ್ರೋಸಾಫ್ಟ್ ವರ್ಡ್‌ನ ಎಕ್ಸ್‌ಪಿ, ೨೦೦೩ ಮತ್ತು ೨೦೦೭ ಆವೃತ್ತಿಗಳಲ್ಲಿ ಕನ್ನಡ ಯುನಿಕೋಡ್‌ನಲ್ಲಿ ಬೆರಳಚ್ಚು ಮಾಡುವಾಗ ಖಾಲಿ ಚೌಕಗಳು ಮೂಡುವ ಸಮಸ್ಯೆ ಈ ಹಿಂದಿನ ಆವೃತ್ತಿಯ ಬರಹ ತಂತ್ರಾಂಶಗಳಲ್ಲಿತ್ತು. ಈ ಸಮಸ್ಯೆಯನ್ನು ಬರಹ ೮.೦ ರಲ್ಲಿ ಸರಿಪಡಿಸಲಾಗಿದೆ.
e - ಸುದ್ದಿ
ಅಂತರಜಾಲದಲ್ಲಿ ಹೆರಿಗೆ
ಬಸ್ಸು, ರೈಲು, ರಿಕ್ಷಾ, ವಿಮಾನಗಳಲ್ಲಿ ಹೆರಿಗೆ ಆದ ಸಂಗತಿ ಕೇಳಿರಬಹುದು. ಅಂತರಜಾಲದಲ್ಲಿ ಹೆರಿಗೆ? ಅದು ಹೇಗೆ ಸಾಧ್ಯ ಅಂತೀರಾ? ಅತಿರೇಕಗಳ ನಾಡಾದ ಅಮೇರಿಕದ ಬೋಸ್ಟನ್ ನಗರದ ಲಿನ್ಸೀ ಎಂಬಾಕೆ ಪ್ರಥಮ ಬಾರಿಗೆ ಅಮ್ಮ ಆಗುವವಳಿದ್ದಾಳೆ. ಅವಳ ಪ್ರತಿ ದಿನ/ವಾರದ ಬೆಳವಣಿಗೆ ಬಗ್ಗೆ ಆಕೆ ಈಗಾಗಲೆ ಬ್ಲಾಗ್ ಮಾಡುತ್ತಿದ್ದಾಳೆ. ಇಷ್ಟೇನಾ, ಅದರಲ್ಲೇನು ವಿಶೇಷ, ಅತಿರೇಕ, ಎನ್ನುತ್ತೀರಾ? ಮುಂದೆ ಕೇಳಿ. ಆಕೆ ತನ್ನ ಹೆರಿಗೆಯನ್ನು ಅಂತರಜಾಲದಲ್ಲಿ ನೇರಪ್ರಸಾರ ಮಾಡುವವಳಿದ್ದಾಳೆ. ಪ್ರಸೂತಿಕೋಣೆಯಲ್ಲಿ ಕ್ಯಾಮರಾ ಅಳವಡಿಸಿ ಅದನ್ನು ಅಂತರಜಾಲಕ್ಕೆ ಸಂಪರ್ಕಿಸಿ ಪ್ರಸಾರ ಮಾಡಲಾಗುವುದು. ನಿಮಗೆ ಈ ನೇರಪ್ರಸಾರವನ್ನು ನೋಡಬೇಕಿದ್ದರೆ http://bit.ly/37HbqT ಜಾಲತಾಣದಲ್ಲಿ ಹೆಸರು ನೋಂದಾಯಿಸಿಕೊಳ್ಳಿ.
e- ಪದ
ಜಾಲದ್ವಾರ
ಪೋರ್ಟಲ್ (portal) -ಈ ಪದದ ನಿಜವಾದ ಅರ್ಥ ಮಹಾದ್ವಾರ ಎಂದು. ವಿಶ್ವವ್ಯಾಪಿ ಜಾಲ (worldwide web) ದಲ್ಲಿರುವ ಕೋಟ್ಯಾಂತರ ಜಾಲತಾಣಗಳಿಗೆ ಪ್ರವೇಶಪಡೆಯಲು ಈ ಜಾಲತಾಣ ಒಂದು ರೀತಿಯಲ್ಲಿ ಮಹಾದ್ವಾರದ ರೀತಿಯಲ್ಲಿ ಕೆಲಸ ಮಾಡುತ್ತದೆ. ಉದಾಹರಣೆಗೆ yahoo.com. ಈ ಜಾಲತಾಣದಿಂದ ಇತರೆ ಜಾಲತಾಣಗಳಿಗೆ ಕೊಂಡಿಗಳಿವೆ. ಈ ಕೊಂಡಿಗಳನ್ನು ಹಲವು ವಿಧಗಳಲ್ಲಿ ವಿಂಗಡಿಸಲಾಗಿದೆ. ಪೋರ್ಟಲ್‌ಗಳನ್ನು ಸಾಮಾನ್ಯ ಪೋರ್ಟಲ್ ಮತ್ತು ಯಾವುದಾದರೂ ವಿಷಯಕ್ಕೆ ಸಂಬಂಧಿಸಿದ ವಿಶೇಷ ಪೋರ್ಟಲ್ ಎಂದು ವಿಭಾಗಿಸಬಹುದು. ಯಾಹೂ ಸಾಮಾನ್ಯ ಪೋರ್ಟಲ್. ದಾಟ್ಸ್‌ಕನ್ನಡ ಕನ್ನಡದ ಪೋರ್ಟಲ್.
e - ಸಲಹೆ
ಯುನಿಕೋಡ್‌ಗೆ ಬದಲಾವಣೆ
ಬ್ಲಾಗ್‌ಗೆ ಸೇರಿಸಲು ಅಥವಾ ಇಮೈಲ್ ಮಾಡಲು ಪಠ್ಯವು ಯುನಿಕೋಡ್‌ನಲ್ಲಿರಬೇಕು. ಬರಹ ಅಥವಾ ನುಡಿ ತಂತ್ರಾಂಶದಲ್ಲಿ ತಯಾರಿಸಿದ ಲೇಖನವನ್ನು ಯುನಿಕೋಡ್‌ಗೆ ಬದಲಾಯಿಸಬೇಕೇ? ಇದಕ್ಕಾಗಿ ಬರಹ ತಂತ್ರಾಂಶದಲ್ಲಿ ಒಂದು ಸವಲತ್ತು ಲಭ್ಯವಿದೆ. ಬರಹ ಡೈರೆಕ್ಟನ್ನು ಪ್ರಾರಂಭಿಸಿ. ಪಠ್ಯವು ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿದ್ದರೆ ಅದನ್ನು ಆಯ್ಕೆ ಮಾಡಿ ನಕಲು ಮಾಡಿ (Ctrl-C ಒತ್ತಿ). ನಂತರ ಸಿಸ್ಟಂ ಟ್ರೇನಲ್ಲಿರುವ (ಪರದೆಯ ಬಲಭಾಗದ ಕೆಳಮೂಲೆಯಲ್ಲಿರುವ ಗಡಿಯಾರದ ಪಕ್ಕದಲ್ಲಿರುವ) ಬರಹ ಡೈರೆಕ್ಟ್‌ನ ಚಿತ್ರಿಕೆ (ಐಕಾನ್) ಮೇಲೆ ಮೌಸ್‌ನ ಬಲ ಗುಂಡಿ ಕ್ಲಿಕ್ ಮಾಡಿ Convert To -> Kannada -> Unicode ಎಂದು ಆಯ್ಕೆ ಮಾಡಿ. ನಂತರ ನಿಮಗೆ ಬೇಕಾದಲ್ಲಿ ಪಠ್ಯವನ್ನು ಅಂಟಿಸಿ (Ctrl-V ಒತ್ತಿ).
ಕಂಪ್ಯೂತರ್ಲೆ
ರತ್ನನ್ ಗಣಕ ಪದ
ಮೌಸ್ ಕೀಬೋರ್ಡ್ ಕನ್ನಡ ಪದಗೋಳಂದ್ರೆ ರತ್ನಂಗ್ ಪ್ರಾಣ
ಕೀಬೋರ್ಡ್ ಕುಟ್ಟಾಕ್ ಹೊರಟಾಂತಂದ್ರೆ ತಕ್ಕೋ ಪದಗಳ್ ಬಾಣ
ಬುಧವಾರ, ನವೆಂಬರ್ 4, 2009
ಗಣಕಿಂಡಿ - ೦೨೪ (ನವಂಬರ್ ೦೨, ೨೦೦೯)
ಅಂತರಜಾಲಾಡಿ
ಅಂತರಜಾಲದಲ್ಲಿ ಕನ್ನಡ ಬೆರಳಚ್ಚು
ಕನ್ನಡ ಯುನಿಕೋಡ್ ಬೆರಳಚ್ಚು ಮಾಡಲು ವಿಂಡೋಸ್ ಎಕ್ಸ್‌ಪಿ ಮತ್ತು ನಂತರದ ಎಲ್ಲ ಆವೃತ್ತಿಗಳಲ್ಲಿ ಸೌಲಭ್ಯ ಇದೆ. ಲಿನಕ್ಸ್‌ನಲ್ಲೂ ಇದೆ. ಆದರೆ ಇದನ್ನು ಸಕ್ರಿಯಗೊಳಿಸಿರಬೇಕಾಗುತ್ತದೆ. ಇದಕ್ಕಾಗಿ ನಿಮಗೆ ಆ ಗಣಕಕ್ಕೆ ಅಧಿಕಾರಿ ಪರವಾನಗಿ ಬೇಕಾಗಿರುತ್ತದೆ. ಕೆಲವು ಕಂಪೆನಿಗಳಲ್ಲಿ ಉದ್ಯೋಗಿಗಳಿಗೆ ಈ ಪರವಾನಿಗೆ ಇರುವುದಿಲ್ಲ. ಹಲವು ಸೈಬರ್‌ಕೆಫೆಗಳಲ್ಲೂ ಕನ್ನಡದ ಬೆಂಬಲವನ್ನು ಸಕ್ರಿಯಗೊಳಿಸಿರುವುದಿಲ್ಲ. ಇಂತಹ ಕಡೆಗಳಲ್ಲಿ ಕನ್ನಡದ ಇಮೈಲ್ ಮಾಡಲು, ಬ್ಲಾಗ್ ಮಾಡಲು ಅಥವಾ ಬೇರೆ ಯಾವ ಕಾರಣಕ್ಕಾದರೂ ಅಂತರಜಾಲತಾಣಗಳಲ್ಲಿ ಕನ್ನಡದಲ್ಲಿ ಬೆರಳಚ್ಚು ಮಾಡಬೇಕಾಗಿ ಬಂದಾಗ ಏನು ಮಾಡುವುದು? ಹಲವು ಕನ್ನಡ ಜಾಲತಾಣಗಳಲ್ಲಿ ಅವರೇ ಇಂತಹ ಸವಲತ್ತು ನೀಡಿರುತ್ತಾರೆ. ಗೂಗ್ಲ್‌ನವರು ಇಂಗ್ಲಿಶ್‌ನಿಂದ ಕನ್ನಡಕ್ಕೆ ಲಿಪ್ಯಂತರದ ಸವಲತ್ತು ನೀಡಿದ್ದಾರೆ. ಇದರಲ್ಲಿ ಇಂಗ್ಲಿಶ್ ಲಿಪಿಯಲ್ಲಿ ಬೆರಳಚ್ಚು ಮಾಡಿದರೆ ಕನ್ನಡ ಲಿಪಿಗೆ ಮಾರ್ಪಾಟು ಆಗುತ್ತದೆ. ಇದನ್ನು ಬಳಸಲು bit.ly/1ohe3Q ಜಾಲತಾಣಕ್ಕೆ ಭೇಟಿ ನೀಡಿ. ಇದೇ ರೀತಿಯ ಸವಲತ್ತು ನೀಡುವ ಇನ್ನೊಂದು ಜಾಲತಾಣ quillpad.com/kannada. ಗೂಗ್ಲ್‌ನವರು ಬುಕ್‌ಮಾರ್ಕ್‌ಲೆಟ್ ಎನ್ನುವ ಇನ್ನೊಂದು ಸವಲತ್ತನ್ನು ನೀಡಿದ್ದಾರೆ. ಇದನ್ನು ಬಳಸಿ ಯಾವ ಜಾಲತಾಣದಲ್ಲಿ ಬೇಕಾದರೂ ಕನ್ನಡದಲ್ಲಿ ಬೆರಳಚ್ಚು ಮಾಡಬಹುದು. ಇದರ ವಿಳಾಸ bit.ly/28zTqR.
ಡೌನ್‌ಲೋಡ್
ಭಾಷಾಇಂಡಿಯ ಕೀಲಿಮಣೆ
ವಿಂಡೋಸ್ ಎಕ್ಸ್‌ಪಿ ಮತ್ತು ನಂತರದ ಆವೃತ್ತಿಗಳಲ್ಲಿ ಕನ್ನಡ ಯುನಿಕೋಡ್ ಬೆರಳಚ್ಚು ಮಾಡಲು ಕೀಲಿಮಣೆಯ ಸವಲತ್ತನ್ನು ನೀಡಿದ್ದಾರೆ. ಇದು ಕೇಂದ್ರ ಸರಕಾರದ ಶಿಷ್ಟತೆಗನುಗುಣವಾಗಿರುವ ಇನ್‌ಸ್ಕ್ರಿಪ್ಟ್ ವಿನ್ಯಾಸದಲ್ಲಿದೆ. ಕೆ.ಪಿ.ರಾವ್ ಅವರು ಮೂಲಭೂತವಾಗಿ ವಿನ್ಯಾಸ ಮಾಡಿರುವ, ನುಡಿ ತಂತ್ರಾಂಶದಲ್ಲಿ ಅಳವಡಿಸಿರುವ, ಕಗಪ ಕೀಲಿಮಣೆಯೆಂದು ಕರೆಯಲ್ಪಡುತ್ತಿರುವ ವಿನ್ಯಾಸವು ತುಂಬ ಜನಪ್ರಿಯವಾಗಿದೆ. ಯುನಿಕೋಡ್‌ನಲ್ಲಿ ಬೆರಳಚ್ಚು ಮಾಡಲು ಈ ಕೀಲಿಮಣೆ ಬೇಕಿದ್ದರೆ ಭಾಷಾಇಂಡಿಯ ಜಾಲತಾಣದಲ್ಲಿ ಲಭ್ಯವಿದೆ. ಇತ್ತೀಚೆಗೆ ಬಿಡುಗಡೆಯಾಗಿರುವ ವಿಂಡೋಸ್ ೭ ರಲ್ಲು ಕೆಲಸ ಮಾಡುವಂತಹ ಆವೃತ್ತಿಯೂ ಲಭ್ಯವಿದೆ. ಇದು ಬೇಕಿದ್ದರೆ ಭಾಷಾಇಂಡಿಯ ಜಾಲತಾಣಕ್ಕೆ ಭೇಟಿ ನೀಡಿ.
e - ಸುದ್ದಿ
ಗಗನವು ಎಲ್ಲೋ ಲ್ಯಾಪ್‌ಟಾಪ್ ಎಲ್ಲೋ!
ವಿಮಾನಪ್ರಯಾಣಕ್ಕೆ ಬೋರ್ಡಿಂಗ್ ಪಾಸ್ ತೆಗೆದುಕೊಂಡ ನಂತರ ಕಾಯುತ್ತಿರುವಾಗ ಲ್ಯಾಪ್‌ಟಾಪ್‌ನಲ್ಲಿ ಕೆಲಸ ಮಾಡುತ್ತ ಸಮಯದ ಪರಿವೆಯಿಲ್ಲದೆ ವಿಮಾನವನ್ನು ಕಳಕೊಳಕೊಂಡ ಪ್ರಕರಣಗಳು ಹಲವಾರಿವೆ. ನನಗೂ ಒಮ್ಮೆ ಹೀಗೆ ಆಗಿತ್ತು. ಪತ್ರಿಕೆಯೊಂದಕ್ಕೆ ಲೇಖನ ತಯಾರು ಮಾಡುತ್ತ ಕುಳಿತಿದ್ದಾಗ ವಿಮಾನ ಹೊರಟೇ ಹೋಗಿತ್ತು. ಪ್ರಯಾಣಿಕರು ಹೀಗೆ ಮಾಡಿದರೆ ಅವರಿಗೆ ಮಾತ್ರ ನಷ್ಟ. ವಿಮಾನದ ಪೈಲಟ್ ವಿಮಾನ ಹಾರಿಸುತ್ತ ಲ್ಯಾಪ್‌ಟಾಪ್ ತೆರೆದು ಕೆಲಸ ಮಾಡುತ್ತ ವಿಮಾನ ಇಳಿಯಬೇಕಾದ ನಿಲ್ದಾಣ ತಪ್ಪಿ ಮುಂದೆ ಹೋದರೆ? ಹೌದು. ಅಮೆರಿಕದಲ್ಲಿ ಹೀಗೇ ಆಗಿತ್ತು. ಒಬ್ಬ ಪೈಲಟ್ ಇನ್ನೊಬ್ಬ ಪೈಲಟ್‌ಗೆ ತನ್ನ ಲ್ಯಾಪ್‌ಟಾಪ್‌ನಲ್ಲಿ ಪಾಠ ಮಾಡುತ್ತ ಸಮಯದ ಪರಿವೆ ಇಲ್ಲದೆ ತಾನು ಇಳಿಯಬೇಕಾದ ನಿಲ್ದಾಣದಿಂದ ಸುಮಾರು ೧೦೦ ಕಿ.ಮೀ. ಮುಂದೆ ಹೋಗಿಬಿಟ್ಟಿದ್ದರು. ಕೊನೆಗೊಮ್ಮೆ ಗಗನಸಖಿ ಬಂದು ಎಚ್ಚರಿಸಿದಾಗ ಪರಿಸ್ಥಿತಿ ಅರಿವಾಗಿ ಹಿಂದೆ ಬಂದು ವಿಮಾನವನ್ನು ಸುರಕ್ಷಿತವಾಗಿ ಇಳಿಸಲಾಯಿತು. ವಿಮಾನ ಚಲಾಯಿಸುತ್ತಿರುವಾಗ ಲ್ಯಾಪ್‌ಟಾಪ್ ತೆರೆದು ಕೆಲಸ ಮಾಡಬಾರದು ಎಂದು ಅಂತಾರಾಷ್ಟ್ರೀಯ ವಿಮಾನಯಾನ ನಿಯಮವಿದೆ.
e- ಪದ
ಪ್ರಾಕ್ಸಿ ಸರ್ವರ್ (Proxy Server) -ಕಂಪೆನಿಗಳಲ್ಲಿ ಎಲ್ಲರು ಬಳಸುವ ಗಣಕಗಳು ಮತ್ತು ಅಂತರಜಾಲದ ಮಧ್ಯೆ ಇರುವಂತಹ ಒಂದು ಸರ್ವರ್. ಇದರ ಮುಖ್ಯ ಉದ್ದೇಶ, ಉದ್ಯೋಗಿಗಳು ನೇರವಾಗಿ ಅಂತರಜಾಲವನ್ನು ಸಂಪರ್ಕಿಸುವುದನ್ನು ತಡೆಯುವುದು. ಕಂಪೆನಿಯ ನಿಯಮದನ್ವಯ ಅನುಮತಿ ಇರುವಂತಹ ಜಾಲತಾಣಗಳನ್ನು ಮಾತ್ರ ಉದ್ಯೋಗಿಗಳು ವೀಕ್ಷಿಸಲು ಇದು ಅನುವು ಮಾಡಿಕೊಡುತ್ತದೆ. ಎಲ್ಲ ಉದ್ಯೋಗಿಗಳು ತುಂಬ ವೀಕ್ಷಿಸುವಂತಹ ಜಾಲತಾಣಗಳ ಪ್ರತಿಯನ್ನು ತನ್ನಲ್ಲೇ ಇಟ್ಟುಕೊಂಡು ಅಂತಹ ಜಾಲತಾಣಗಳ ವೀಕ್ಷಣೆ ಸುಗಮವಾಗಿ ಆಗುವಂತೆಯೂ ಈ ಪ್ರಾಕ್ಸಿ ಸರ್ವರ್ ಮಾಡುತ್ತದೆ.
e - ಸಲಹೆ
ರೋಹಿತ್ ಸಿಂಗ್ ಅವರ ಪ್ರಶ್ನೆ: ನಾನು ತಿಂಗಳಿಗೆ ಒಂದು ಸಲ ಹಾರ್ಡ್ ಡಿಸ್ಕನ್ನು ಫಾರ್ಮಾಟ್ ಮಾಡಬಹುದೇ?
ಉ: ಮಾಡಬಹುದು. ಆದರೆ ಅಗತ್ಯವಿಲ್ಲ. ಫಾರ್ಮಾಟ್ ಮಾಡುವ ಬದಲು ಆಗಾಗ ಸ್ವಚ್ಛ ಮಾಡಿ (ಸಿಕ್ಲೀನರ್ ಬಳಸಬಹುದು. ನೋಡಿ ಗಣಕಿಂಡಿ, ಜುಲೈ ೨೦, ೨೦೦೯). ಅನಂತರ ಬೇಕಿದ್ದರೆ ಡಿಫ್ರಾಗ್ಮೆಂಟ್ ಮಾಡಬಹುದು. ಕಾರ್ಯಾಚರಣೆಯ ವ್ಯವಸ್ಥೆ (ಆಪರೇಟಿಂಗ್ ಸಿಸ್ಟಮ್) ಇರುವ ವಿಭಾಗವನ್ನು (ಪಾರ್ಟೀಶನ್) ಆಗಾಗ ಫಾರ್ಮಾಟ್ ಮಾಡುವುದು ಅಷ್ಟು ಒಳ್ಳೆಯದಲ್ಲ.
ಕಂಪ್ಯೂತರ್ಲೆ
ಗಣಕ(ತ)ಗಾದೆಗಳು
ಕವಿಯಾಗಲಾರದವ ವಿಮರ್ಶಕನಾಗುತ್ತಾನೆ. ಪ್ರೋಗ್ರಾಮರ್ ಆಗಲಾರದವ ಟೆಸ್ಟರ್ ಆಗುತ್ತಾನೆ.
ಬ್ಲಾಗ್ ಮಾಡಲು ತಾಳ್ಮೆ ಇಲ್ಲದವ (ಟ್ವಿಟ್ಟರ್‌ನಲ್ಲಿ) ಟ್ವೀಟ್ ಮಾಡುತ್ತಾನೆ.
ಅಂತರಜಾಲದಲ್ಲಿ ಕನ್ನಡ ಬೆರಳಚ್ಚು
ಕನ್ನಡ ಯುನಿಕೋಡ್ ಬೆರಳಚ್ಚು ಮಾಡಲು ವಿಂಡೋಸ್ ಎಕ್ಸ್‌ಪಿ ಮತ್ತು ನಂತರದ ಎಲ್ಲ ಆವೃತ್ತಿಗಳಲ್ಲಿ ಸೌಲಭ್ಯ ಇದೆ. ಲಿನಕ್ಸ್‌ನಲ್ಲೂ ಇದೆ. ಆದರೆ ಇದನ್ನು ಸಕ್ರಿಯಗೊಳಿಸಿರಬೇಕಾಗುತ್ತದೆ. ಇದಕ್ಕಾಗಿ ನಿಮಗೆ ಆ ಗಣಕಕ್ಕೆ ಅಧಿಕಾರಿ ಪರವಾನಗಿ ಬೇಕಾಗಿರುತ್ತದೆ. ಕೆಲವು ಕಂಪೆನಿಗಳಲ್ಲಿ ಉದ್ಯೋಗಿಗಳಿಗೆ ಈ ಪರವಾನಿಗೆ ಇರುವುದಿಲ್ಲ. ಹಲವು ಸೈಬರ್‌ಕೆಫೆಗಳಲ್ಲೂ ಕನ್ನಡದ ಬೆಂಬಲವನ್ನು ಸಕ್ರಿಯಗೊಳಿಸಿರುವುದಿಲ್ಲ. ಇಂತಹ ಕಡೆಗಳಲ್ಲಿ ಕನ್ನಡದ ಇಮೈಲ್ ಮಾಡಲು, ಬ್ಲಾಗ್ ಮಾಡಲು ಅಥವಾ ಬೇರೆ ಯಾವ ಕಾರಣಕ್ಕಾದರೂ ಅಂತರಜಾಲತಾಣಗಳಲ್ಲಿ ಕನ್ನಡದಲ್ಲಿ ಬೆರಳಚ್ಚು ಮಾಡಬೇಕಾಗಿ ಬಂದಾಗ ಏನು ಮಾಡುವುದು? ಹಲವು ಕನ್ನಡ ಜಾಲತಾಣಗಳಲ್ಲಿ ಅವರೇ ಇಂತಹ ಸವಲತ್ತು ನೀಡಿರುತ್ತಾರೆ. ಗೂಗ್ಲ್‌ನವರು ಇಂಗ್ಲಿಶ್‌ನಿಂದ ಕನ್ನಡಕ್ಕೆ ಲಿಪ್ಯಂತರದ ಸವಲತ್ತು ನೀಡಿದ್ದಾರೆ. ಇದರಲ್ಲಿ ಇಂಗ್ಲಿಶ್ ಲಿಪಿಯಲ್ಲಿ ಬೆರಳಚ್ಚು ಮಾಡಿದರೆ ಕನ್ನಡ ಲಿಪಿಗೆ ಮಾರ್ಪಾಟು ಆಗುತ್ತದೆ. ಇದನ್ನು ಬಳಸಲು bit.ly/1ohe3Q ಜಾಲತಾಣಕ್ಕೆ ಭೇಟಿ ನೀಡಿ. ಇದೇ ರೀತಿಯ ಸವಲತ್ತು ನೀಡುವ ಇನ್ನೊಂದು ಜಾಲತಾಣ quillpad.com/kannada. ಗೂಗ್ಲ್‌ನವರು ಬುಕ್‌ಮಾರ್ಕ್‌ಲೆಟ್ ಎನ್ನುವ ಇನ್ನೊಂದು ಸವಲತ್ತನ್ನು ನೀಡಿದ್ದಾರೆ. ಇದನ್ನು ಬಳಸಿ ಯಾವ ಜಾಲತಾಣದಲ್ಲಿ ಬೇಕಾದರೂ ಕನ್ನಡದಲ್ಲಿ ಬೆರಳಚ್ಚು ಮಾಡಬಹುದು. ಇದರ ವಿಳಾಸ bit.ly/28zTqR.
ಡೌನ್‌ಲೋಡ್
ಭಾಷಾಇಂಡಿಯ ಕೀಲಿಮಣೆ
ವಿಂಡೋಸ್ ಎಕ್ಸ್‌ಪಿ ಮತ್ತು ನಂತರದ ಆವೃತ್ತಿಗಳಲ್ಲಿ ಕನ್ನಡ ಯುನಿಕೋಡ್ ಬೆರಳಚ್ಚು ಮಾಡಲು ಕೀಲಿಮಣೆಯ ಸವಲತ್ತನ್ನು ನೀಡಿದ್ದಾರೆ. ಇದು ಕೇಂದ್ರ ಸರಕಾರದ ಶಿಷ್ಟತೆಗನುಗುಣವಾಗಿರುವ ಇನ್‌ಸ್ಕ್ರಿಪ್ಟ್ ವಿನ್ಯಾಸದಲ್ಲಿದೆ. ಕೆ.ಪಿ.ರಾವ್ ಅವರು ಮೂಲಭೂತವಾಗಿ ವಿನ್ಯಾಸ ಮಾಡಿರುವ, ನುಡಿ ತಂತ್ರಾಂಶದಲ್ಲಿ ಅಳವಡಿಸಿರುವ, ಕಗಪ ಕೀಲಿಮಣೆಯೆಂದು ಕರೆಯಲ್ಪಡುತ್ತಿರುವ ವಿನ್ಯಾಸವು ತುಂಬ ಜನಪ್ರಿಯವಾಗಿದೆ. ಯುನಿಕೋಡ್‌ನಲ್ಲಿ ಬೆರಳಚ್ಚು ಮಾಡಲು ಈ ಕೀಲಿಮಣೆ ಬೇಕಿದ್ದರೆ ಭಾಷಾಇಂಡಿಯ ಜಾಲತಾಣದಲ್ಲಿ ಲಭ್ಯವಿದೆ. ಇತ್ತೀಚೆಗೆ ಬಿಡುಗಡೆಯಾಗಿರುವ ವಿಂಡೋಸ್ ೭ ರಲ್ಲು ಕೆಲಸ ಮಾಡುವಂತಹ ಆವೃತ್ತಿಯೂ ಲಭ್ಯವಿದೆ. ಇದು ಬೇಕಿದ್ದರೆ ಭಾಷಾಇಂಡಿಯ ಜಾಲತಾಣಕ್ಕೆ ಭೇಟಿ ನೀಡಿ.
e - ಸುದ್ದಿ
ಗಗನವು ಎಲ್ಲೋ ಲ್ಯಾಪ್‌ಟಾಪ್ ಎಲ್ಲೋ!
ವಿಮಾನಪ್ರಯಾಣಕ್ಕೆ ಬೋರ್ಡಿಂಗ್ ಪಾಸ್ ತೆಗೆದುಕೊಂಡ ನಂತರ ಕಾಯುತ್ತಿರುವಾಗ ಲ್ಯಾಪ್‌ಟಾಪ್‌ನಲ್ಲಿ ಕೆಲಸ ಮಾಡುತ್ತ ಸಮಯದ ಪರಿವೆಯಿಲ್ಲದೆ ವಿಮಾನವನ್ನು ಕಳಕೊಳಕೊಂಡ ಪ್ರಕರಣಗಳು ಹಲವಾರಿವೆ. ನನಗೂ ಒಮ್ಮೆ ಹೀಗೆ ಆಗಿತ್ತು. ಪತ್ರಿಕೆಯೊಂದಕ್ಕೆ ಲೇಖನ ತಯಾರು ಮಾಡುತ್ತ ಕುಳಿತಿದ್ದಾಗ ವಿಮಾನ ಹೊರಟೇ ಹೋಗಿತ್ತು. ಪ್ರಯಾಣಿಕರು ಹೀಗೆ ಮಾಡಿದರೆ ಅವರಿಗೆ ಮಾತ್ರ ನಷ್ಟ. ವಿಮಾನದ ಪೈಲಟ್ ವಿಮಾನ ಹಾರಿಸುತ್ತ ಲ್ಯಾಪ್‌ಟಾಪ್ ತೆರೆದು ಕೆಲಸ ಮಾಡುತ್ತ ವಿಮಾನ ಇಳಿಯಬೇಕಾದ ನಿಲ್ದಾಣ ತಪ್ಪಿ ಮುಂದೆ ಹೋದರೆ? ಹೌದು. ಅಮೆರಿಕದಲ್ಲಿ ಹೀಗೇ ಆಗಿತ್ತು. ಒಬ್ಬ ಪೈಲಟ್ ಇನ್ನೊಬ್ಬ ಪೈಲಟ್‌ಗೆ ತನ್ನ ಲ್ಯಾಪ್‌ಟಾಪ್‌ನಲ್ಲಿ ಪಾಠ ಮಾಡುತ್ತ ಸಮಯದ ಪರಿವೆ ಇಲ್ಲದೆ ತಾನು ಇಳಿಯಬೇಕಾದ ನಿಲ್ದಾಣದಿಂದ ಸುಮಾರು ೧೦೦ ಕಿ.ಮೀ. ಮುಂದೆ ಹೋಗಿಬಿಟ್ಟಿದ್ದರು. ಕೊನೆಗೊಮ್ಮೆ ಗಗನಸಖಿ ಬಂದು ಎಚ್ಚರಿಸಿದಾಗ ಪರಿಸ್ಥಿತಿ ಅರಿವಾಗಿ ಹಿಂದೆ ಬಂದು ವಿಮಾನವನ್ನು ಸುರಕ್ಷಿತವಾಗಿ ಇಳಿಸಲಾಯಿತು. ವಿಮಾನ ಚಲಾಯಿಸುತ್ತಿರುವಾಗ ಲ್ಯಾಪ್‌ಟಾಪ್ ತೆರೆದು ಕೆಲಸ ಮಾಡಬಾರದು ಎಂದು ಅಂತಾರಾಷ್ಟ್ರೀಯ ವಿಮಾನಯಾನ ನಿಯಮವಿದೆ.
e- ಪದ
ಪ್ರಾಕ್ಸಿ ಸರ್ವರ್ (Proxy Server) -ಕಂಪೆನಿಗಳಲ್ಲಿ ಎಲ್ಲರು ಬಳಸುವ ಗಣಕಗಳು ಮತ್ತು ಅಂತರಜಾಲದ ಮಧ್ಯೆ ಇರುವಂತಹ ಒಂದು ಸರ್ವರ್. ಇದರ ಮುಖ್ಯ ಉದ್ದೇಶ, ಉದ್ಯೋಗಿಗಳು ನೇರವಾಗಿ ಅಂತರಜಾಲವನ್ನು ಸಂಪರ್ಕಿಸುವುದನ್ನು ತಡೆಯುವುದು. ಕಂಪೆನಿಯ ನಿಯಮದನ್ವಯ ಅನುಮತಿ ಇರುವಂತಹ ಜಾಲತಾಣಗಳನ್ನು ಮಾತ್ರ ಉದ್ಯೋಗಿಗಳು ವೀಕ್ಷಿಸಲು ಇದು ಅನುವು ಮಾಡಿಕೊಡುತ್ತದೆ. ಎಲ್ಲ ಉದ್ಯೋಗಿಗಳು ತುಂಬ ವೀಕ್ಷಿಸುವಂತಹ ಜಾಲತಾಣಗಳ ಪ್ರತಿಯನ್ನು ತನ್ನಲ್ಲೇ ಇಟ್ಟುಕೊಂಡು ಅಂತಹ ಜಾಲತಾಣಗಳ ವೀಕ್ಷಣೆ ಸುಗಮವಾಗಿ ಆಗುವಂತೆಯೂ ಈ ಪ್ರಾಕ್ಸಿ ಸರ್ವರ್ ಮಾಡುತ್ತದೆ.
e - ಸಲಹೆ
ರೋಹಿತ್ ಸಿಂಗ್ ಅವರ ಪ್ರಶ್ನೆ: ನಾನು ತಿಂಗಳಿಗೆ ಒಂದು ಸಲ ಹಾರ್ಡ್ ಡಿಸ್ಕನ್ನು ಫಾರ್ಮಾಟ್ ಮಾಡಬಹುದೇ?
ಉ: ಮಾಡಬಹುದು. ಆದರೆ ಅಗತ್ಯವಿಲ್ಲ. ಫಾರ್ಮಾಟ್ ಮಾಡುವ ಬದಲು ಆಗಾಗ ಸ್ವಚ್ಛ ಮಾಡಿ (ಸಿಕ್ಲೀನರ್ ಬಳಸಬಹುದು. ನೋಡಿ ಗಣಕಿಂಡಿ, ಜುಲೈ ೨೦, ೨೦೦೯). ಅನಂತರ ಬೇಕಿದ್ದರೆ ಡಿಫ್ರಾಗ್ಮೆಂಟ್ ಮಾಡಬಹುದು. ಕಾರ್ಯಾಚರಣೆಯ ವ್ಯವಸ್ಥೆ (ಆಪರೇಟಿಂಗ್ ಸಿಸ್ಟಮ್) ಇರುವ ವಿಭಾಗವನ್ನು (ಪಾರ್ಟೀಶನ್) ಆಗಾಗ ಫಾರ್ಮಾಟ್ ಮಾಡುವುದು ಅಷ್ಟು ಒಳ್ಳೆಯದಲ್ಲ.
ಕಂಪ್ಯೂತರ್ಲೆ
ಗಣಕ(ತ)ಗಾದೆಗಳು
ಕವಿಯಾಗಲಾರದವ ವಿಮರ್ಶಕನಾಗುತ್ತಾನೆ. ಪ್ರೋಗ್ರಾಮರ್ ಆಗಲಾರದವ ಟೆಸ್ಟರ್ ಆಗುತ್ತಾನೆ.
ಬ್ಲಾಗ್ ಮಾಡಲು ತಾಳ್ಮೆ ಇಲ್ಲದವ (ಟ್ವಿಟ್ಟರ್‌ನಲ್ಲಿ) ಟ್ವೀಟ್ ಮಾಡುತ್ತಾನೆ.
ಮಂಗಳವಾರ, ಅಕ್ಟೋಬರ್ 27, 2009
ಗಣಕಿಂಡಿ - ೦೨೩ (ಅಕ್ಟೋಬರ್ ೨೬, ೨೦೦೯)
ಅಂತರಜಾಲಾಡಿ
ಸೋರಿದ ಗುಪ್ತ ದಾಖಲೆಗಳಿಗೊಂದು ಜಾಲತಾಣ
ಆಗಾಗ ಪತ್ರಿಕೆಗಳಲ್ಲಿ ನೀವು ಓದಿಯೇ ಇರುತ್ತೀರಾ -ಯಾವುದೋ ಒಂದು ರಹಸ್ಯ ಕಡತ ಸೋರಿ ಹೊರಬಂದು ಹಲವು ವಿವಾದಗಳಿಗೆ ಕಾರಣೀಭೂತವಾಗುವುದನ್ನು. ಈ ರೀತಿ ರಹಸ್ಯ ಕಡತಗಳನ್ನು ಮುದ್ರಿಸುವವರಿಗೆ, ಬ್ಲಾಗುಗಳಲ್ಲಿ ಪ್ರಕಟಿಸುವವರಿಗೆ ಅಥವಾ ಪತ್ರಿಕೆಗಳಿಗೆ ನೀಡುವವರಿಗೆ ಒಂದಲ್ಲ ಒಂದು ರೀತಿಯ ಭಯ ಅಪಾಯ ಇದ್ದೇ ಇರುತ್ತದೆ. ಅಂಥಹ ದಾಖಲೆ, ಕಡತಗಳಿಗೆಂದೇ ಒಂದು ಜಾಲತಾಣ ಸಿದ್ಧವಾಗಿದೆ. ನಿಮ್ಮಲ್ಲಿ ಯಾವುದಾದರೂ ಮಹತ್ವದ ರಹಸ್ಯ ಕಡತ, ದಾಖಲೆ ಇದ್ದಲ್ಲಿ wikileaks.org ಜಾಲತಾಣಕ್ಕೆ ರವಾನಿಸಿ. ಆಢಳಿತ ಮತ್ತು ಯಾವುದೇ ಸಾರ್ವಜನಿಕ ವ್ಯವಹಾರದಲ್ಲಿ ಪಾರದರ್ಶಕತೆಯಿರಬೇಕೆಂದು ಬಯಸುವ ಎಲ್ಲ ಕ್ರಿಯಾಶೀಲರು ಈ ಜಾಲತಾಣವನ್ನು ಬಳಸಬಹುದು.
ಡೌನ್‌ಲೋಡ್
ಜಾಲತಾಣ ಪ್ರತಿಮಾಡಿಕೊಳ್ಳಿ
ನಿಮಗಿಷ್ಟವಾದ ಜಾಲತಾಣವೊಂದಿದೆ. ಅದರಲ್ಲಿ ನೂರಾರು ಲೇಖನಗಳಿವೆ. ಆ ಲೇಖನಗಳನ್ನು ಮತ್ತೆ ಮತ್ತೆ ಓದಬೇಕಾಗಿದೆ. ಅಂದರೆ ನೀವು ಯಾವಾಗಲೂ ಅಂತರಜಾಲದ ಸಂಪರ್ಕದಲ್ಲಿ ಇರಬೇಕು ಎಂದಾಯಿತು. ಆ ಸೌಕರ್ಯ ನಿಮಗಿಲ್ಲವಾದಲ್ಲಿ ಎನು ಮಾಡಬಹುದು? ಇಡಿಯ ಜಾಲತಾಣವನ್ನೇ ನಿಮ್ಮ ಗಣಕಕ್ಕೆ ಪ್ರತಿ ಮಾಡಿಕೊಳ್ಳುವಂತಿದ್ದರೆ ಎಷ್ಟು ಒಳ್ಳೆಯದಿತ್ತು ಎಂದು ಯೋಚಿಸುತ್ತಿದ್ದೀರಾ? ಅದಕ್ಕೂ ತಂತ್ರಾಂಶ ಲಭ್ಯವಿದೆ. HTTrack ಹೆಸರಿನ ಈ ತಂತ್ರಾಂಶ ಬೇಕಿದ್ದಲ್ಲಿ httrack.com ಜಾಲತಾಣಕ್ಕೆ ಭೇಟಿ ನೀಡಿ. ಜಾಲತಾಣವೊಂದನ್ನು ಪ್ರತಿ ಮಾಡಲು ಇದರಲ್ಲಿ ಹಲವು ಸವಲತ್ತುಗಳಿವೆ. ಈ ಜಾಲತಾಣವನ್ನು ಬಿಟ್ಟು ಹೊರಗೆ ಹೋಗಬೇಡ, ಈ ಪುಟದಿಂದ ಇಂತಿಷ್ಟೇ ಕೊಂಡಿಗಳಷ್ಟು ಕೆಳಕ್ಕೆ ಇಳಿ, ಇತ್ಯಾದಿ. ಈ ಆಯ್ಕೆಗಳನ್ನು ಎಚ್ಚರಿಕೆಯಿಂದ ನಿಗದಿಪಡಿಸಬೇಕು. ಇಲ್ಲವಾದಲ್ಲಿ ಅದು ಇಡಿಯ ಅಂತರಜಾಲವನ್ನೇ ನಿಮ್ಮ ಗಣಕಕ್ಕೆ ಪ್ರತಿಮಾಡಿಬಿಟ್ಟೀತು!
e - ಸುದ್ದಿ
ಕೃತಿಚೌರ್ಯಪತ್ತೆಯ ತಂತ್ರಾಂಶವು ಶೇಕ್ಸ್‌ಪಿಯರ್‌ನ ಕೃತಿಯೊಂದನ್ನು ಪತ್ತೆಹಚ್ಚಿದ ಸುದ್ದಿ ಬಂದಿದೆ. ಕೃತಿಚೌರ್ಯ ಪತ್ತೆಗೆ ಇರುವ ತಂತ್ರಾಂಶಗಳು ಸಾಮಾನ್ಯವಾಗಿ ಅನುಮಾನ ಇರುವ ಕೃತಿಯಲ್ಲಿ ಬಳಸಿರುವ ಪದ, ಪದಗುಚ್ಛ, ವಾಕ್ಯಗಳನ್ನು ಇತರೆ ಸಹಸ್ರಾರು ಕೃತಿಗಳಲ್ಲಿ ಹುಡುಕುತ್ತದೆ. ಹಾಗೆ ಹುಡುಕಿದಾಗ ತುಂಬ ತಾಳೆ ಬಂದಲ್ಲಿ ಈ ಕೃತಿ ಇಂತಹ ಕೃತಿಯ ನಕಲಿ ಇರಬಹುದು ಎಂದು ಸೂಚಿಸುತ್ತದೆ. ಇತ್ತೀಚೆಗೆ ಶೇಕ್ಸ್‌ಪಿಯರ್‌ನ ಕೃತಿ ಇರಬಹುದೇ ಎಂಬ ಅನುಮಾನವಿದ್ದ ಕೃತಿಯೊಂದನ್ನು ಇಂತಹ ತಂತ್ರಾಂಶಕ್ಕೆ ಊಡಿಸಿ ಅದು ಶೇಕ್ಸ್‌ಪಿಯರನ ಕೃತಿಯೇ ಹೌದು ಎಂದು ತೀರ್ಮಾನಕ್ಕೆ ಬರಲಾಗಿದೆ.
e- ಪದ
ಐಪಿಟಿವಿ (IPTV - Internet protocol television) - ಅಂತರಜಾಲವು ಕೆಲಸ ಮಾಡುವ ಶಿಷ್ಟತೆ (ಪ್ರೋಟೋಕಾಲ್) ಬಳಸಿ, ಬ್ರಾಡ್‌ಬ್ಯಾಂಡ್ ಮೂಲಕ ಟಿವಿ ಸಂಪರ್ಕ. ಇದರಲ್ಲಿ ನಿಮ್ಮ ಮನೆಗೆ ಕೇಬಲ್ ಮೂಲಕ ಬ್ರಾಡ್‌ಬ್ಯಾಂಡ್ ಅಂತರಜಾಲ ಸಂಪರ್ಕ ಬರುತ್ತದೆ. ಟಿವಿಯ ಮೇಲೆ ಇಡುವ ಪೆಟ್ಟಿಗೆಗೆ ಅದು ಸಂಪರ್ಕಗೊಳ್ಳುತ್ತದೆ ಆ ಪೆಟ್ಟಿಗೆಯಿಂದ ಒಂದು ಸಂಪರ್ಕ ಗಣಕಕ್ಕೆ, ಇನ್ನೊಂದು ದೂರವಾಣಿಗೆ, ಇನ್ನೊಂದು ಟಿವಿಗೆ ಹೋಗುತ್ತದೆ. ಅಂದರೆ ಒಂದು ಕೇಬಲ್ ನಿಮ್ಮ ಮನೆಗೆ ಬಂದರೆ ಎಲ್ಲ ಸಂಪರ್ಕಗಳೂ ಅದರಲ್ಲೇ ಅಡಕಗೊಂಡಿರುತ್ತವೆ. ಈ ಮಾದರಿಯ ಟಿವಿಯಲ್ಲಿ ಇನ್ನು ಹಲವಾರು ಸೌಲಭ್ಯಗಳಿವೆ. ನಿಮಗೆ ಬೇಕಾದ ಕಾರ್ಯಕ್ರಮವನ್ನು ಮುದ್ರಿಸಿಕೊಂಡು ಬೇಕಾದಾಗ ನೋಡಬಹುದು, ಇಷ್ಟಪಟ್ಟ ಸಿನಿಮಾ ನೋಡಬಹುದು, ಇತ್ಯಾದಿ.
e - ಸಲಹೆ
ಮಡಿಕೇರಿಯ ಬಿ.ಡಿ. ರವೀಂದ್ರ ಅವರ ಪ್ರಶ್ನೆ: ನನ್ನ ಗಣಕದ ಕಾರ್ಯಾಚರಣೆ ವ್ಯವಸ್ಥೆ ವಿಂಡೋಸ್ ಎಕ್ಸ್‌ಪಿ. ನನಗೆ ನುಡಿ ತಂತ್ರಾಂಶವನ್ನು ಉಪಯೋಗಿಸಿ ಎಂ.ಎಸ್. ವರ್ಡ್ (೨೦೦೩) ನಲ್ಲಿ ಯೂನಿಕೋಡ್‌ನಲ್ಲಿ ಬೆರಳಚ್ಚು ಮಾಡುವಾಗ ಅಕ್ಷರಗಳು ಸರಿಯಾಗಿ ಮೂಡಿ ಬರುವುದಿಲ್ಲ. ಕೆಲವೊಮ್ಮೆ ಬರೇ ಚೌಕಾಕೃತಿಗಳು ಮೂಡುತ್ತವೆ. ಏಕಭಾಷೆ ಮತ್ತು ದ್ವಿಭಾಷೆಯಲ್ಲಿ ಒತ್ತಕ್ಷರಗಳನ್ನು ಮೂಡಿಸಲು ‘ಎಫ್’ ಕೀಯನ್ನು ಒತ್ತಿ ನಂತರ ಮುಂದಿನ ಅಕ್ಷರವನ್ನು ಒತ್ತುವಾಗ ಒತ್ತಕ್ಷರ ಮೂಡುವಂತೆ ಯೂನಿಕೋಡ್‌ನಲ್ಲಿ ಒತ್ತಕ್ಷರ ಮೂಡಿಸಲು ಆಗುವುದಿಲ್ಲ. ಆದ್ದರಿಂದ ದಯಮಾಡಿ ನುಡಿ ತಂತ್ರಾಂಶದಲ್ಲಿ ಕಗಪ ಕೀಲಿಮಣೆಯನ್ನು ಉಪಯೋಗಿಸಿ ಯೂನಿಕೋಡ್‌ನಲ್ಲಿ ಕನ್ನಡದಲ್ಲಿ ಬೆರಳಚ್ಚು ಮಾಡಲು ವಿಂಡೋಸ್ ಮತ್ತು ವರ್ಡ್‌ಗಳಲ್ಲಿ ಯಾವ ರೀತಿಯ ಬದಲಾವಣೆಗಳನ್ನು ಮಾಡಬೇಕೆಂದು ದಯವಿಟ್ಟು ತಿಳಿಸಿರಿ.
ಉ: ನುಡಿ ತಂತ್ರಾಂಶದಲ್ಲಿ ಈ ದೋಷ ಇದೆ. ಹಿಂದಿನ ಆವೃತ್ತಿಯ ಬರಹ ತಂತ್ರಾಂಶದಲ್ಲೂ ಈ ದೋಷ ಇತ್ತು. ಬರಹ ೮ ರಲ್ಲಿ ಈ ದೋಷ ನಿವಾರಣೆಯಾಗಿದೆ. ನೀವು ಅದನ್ನು ಬಳಸಬಹುದು. ಬರಹ ತಂತ್ರಾಂಶದಲ್ಲೂ (ಬರಹ ಡೈರೆಕ್ಟ್) ಕಗಪ ಕೀಲಿಮಣೆ ವಿನ್ಯಾಸ ಇದೆಯೆಂಬುದು ಹಲವರಿಗೆ ತಿಳಿದಿಲ್ಲ! bhashaindia.com ತಾಣದಿಂದ Indic IME ಯನ್ನು ಡೌನ್‌ಲೋಡ್ ಮಾಡಿಕೊಂಡು ಅದನ್ನೂ ಬಳಸಬಹುದು. ಅದರಲ್ಲೂ ಕಗಪ ಕೀಲಿಮಣೆ ವಿನ್ಯಾಸ ಇದೆ.
ಕಂಪ್ಯೂತರ್ಲೆ
ಗಣಕ ತಂತ್ರಜ್ಞ ಪ್ರೇಮಿಯೊಬ್ಬನ ಅಳಲು
ಪತ್ರ ಬರೆಯಲಾ, ಇಲ್ಲಾ ಇಮೈಲ್ ಮಾಡಲಾ? ಟ್ವೀಟ್ ಮಾಡಲಾ, ಇಲ್ಲಾ ಸ್ಕ್ರಾಪ್ ಮಾಡಲಾ? ಹೇಗೆ ತಿಳಿಸಲೀ ನನ್ನ ಮನದ ಕಳವಳಾ?
ಸೋರಿದ ಗುಪ್ತ ದಾಖಲೆಗಳಿಗೊಂದು ಜಾಲತಾಣ
ಆಗಾಗ ಪತ್ರಿಕೆಗಳಲ್ಲಿ ನೀವು ಓದಿಯೇ ಇರುತ್ತೀರಾ -ಯಾವುದೋ ಒಂದು ರಹಸ್ಯ ಕಡತ ಸೋರಿ ಹೊರಬಂದು ಹಲವು ವಿವಾದಗಳಿಗೆ ಕಾರಣೀಭೂತವಾಗುವುದನ್ನು. ಈ ರೀತಿ ರಹಸ್ಯ ಕಡತಗಳನ್ನು ಮುದ್ರಿಸುವವರಿಗೆ, ಬ್ಲಾಗುಗಳಲ್ಲಿ ಪ್ರಕಟಿಸುವವರಿಗೆ ಅಥವಾ ಪತ್ರಿಕೆಗಳಿಗೆ ನೀಡುವವರಿಗೆ ಒಂದಲ್ಲ ಒಂದು ರೀತಿಯ ಭಯ ಅಪಾಯ ಇದ್ದೇ ಇರುತ್ತದೆ. ಅಂಥಹ ದಾಖಲೆ, ಕಡತಗಳಿಗೆಂದೇ ಒಂದು ಜಾಲತಾಣ ಸಿದ್ಧವಾಗಿದೆ. ನಿಮ್ಮಲ್ಲಿ ಯಾವುದಾದರೂ ಮಹತ್ವದ ರಹಸ್ಯ ಕಡತ, ದಾಖಲೆ ಇದ್ದಲ್ಲಿ wikileaks.org ಜಾಲತಾಣಕ್ಕೆ ರವಾನಿಸಿ. ಆಢಳಿತ ಮತ್ತು ಯಾವುದೇ ಸಾರ್ವಜನಿಕ ವ್ಯವಹಾರದಲ್ಲಿ ಪಾರದರ್ಶಕತೆಯಿರಬೇಕೆಂದು ಬಯಸುವ ಎಲ್ಲ ಕ್ರಿಯಾಶೀಲರು ಈ ಜಾಲತಾಣವನ್ನು ಬಳಸಬಹುದು.
ಡೌನ್‌ಲೋಡ್
ಜಾಲತಾಣ ಪ್ರತಿಮಾಡಿಕೊಳ್ಳಿ
ನಿಮಗಿಷ್ಟವಾದ ಜಾಲತಾಣವೊಂದಿದೆ. ಅದರಲ್ಲಿ ನೂರಾರು ಲೇಖನಗಳಿವೆ. ಆ ಲೇಖನಗಳನ್ನು ಮತ್ತೆ ಮತ್ತೆ ಓದಬೇಕಾಗಿದೆ. ಅಂದರೆ ನೀವು ಯಾವಾಗಲೂ ಅಂತರಜಾಲದ ಸಂಪರ್ಕದಲ್ಲಿ ಇರಬೇಕು ಎಂದಾಯಿತು. ಆ ಸೌಕರ್ಯ ನಿಮಗಿಲ್ಲವಾದಲ್ಲಿ ಎನು ಮಾಡಬಹುದು? ಇಡಿಯ ಜಾಲತಾಣವನ್ನೇ ನಿಮ್ಮ ಗಣಕಕ್ಕೆ ಪ್ರತಿ ಮಾಡಿಕೊಳ್ಳುವಂತಿದ್ದರೆ ಎಷ್ಟು ಒಳ್ಳೆಯದಿತ್ತು ಎಂದು ಯೋಚಿಸುತ್ತಿದ್ದೀರಾ? ಅದಕ್ಕೂ ತಂತ್ರಾಂಶ ಲಭ್ಯವಿದೆ. HTTrack ಹೆಸರಿನ ಈ ತಂತ್ರಾಂಶ ಬೇಕಿದ್ದಲ್ಲಿ httrack.com ಜಾಲತಾಣಕ್ಕೆ ಭೇಟಿ ನೀಡಿ. ಜಾಲತಾಣವೊಂದನ್ನು ಪ್ರತಿ ಮಾಡಲು ಇದರಲ್ಲಿ ಹಲವು ಸವಲತ್ತುಗಳಿವೆ. ಈ ಜಾಲತಾಣವನ್ನು ಬಿಟ್ಟು ಹೊರಗೆ ಹೋಗಬೇಡ, ಈ ಪುಟದಿಂದ ಇಂತಿಷ್ಟೇ ಕೊಂಡಿಗಳಷ್ಟು ಕೆಳಕ್ಕೆ ಇಳಿ, ಇತ್ಯಾದಿ. ಈ ಆಯ್ಕೆಗಳನ್ನು ಎಚ್ಚರಿಕೆಯಿಂದ ನಿಗದಿಪಡಿಸಬೇಕು. ಇಲ್ಲವಾದಲ್ಲಿ ಅದು ಇಡಿಯ ಅಂತರಜಾಲವನ್ನೇ ನಿಮ್ಮ ಗಣಕಕ್ಕೆ ಪ್ರತಿಮಾಡಿಬಿಟ್ಟೀತು!
e - ಸುದ್ದಿ
ಕೃತಿಚೌರ್ಯಪತ್ತೆಯ ತಂತ್ರಾಂಶವು ಶೇಕ್ಸ್‌ಪಿಯರ್‌ನ ಕೃತಿಯೊಂದನ್ನು ಪತ್ತೆಹಚ್ಚಿದ ಸುದ್ದಿ ಬಂದಿದೆ. ಕೃತಿಚೌರ್ಯ ಪತ್ತೆಗೆ ಇರುವ ತಂತ್ರಾಂಶಗಳು ಸಾಮಾನ್ಯವಾಗಿ ಅನುಮಾನ ಇರುವ ಕೃತಿಯಲ್ಲಿ ಬಳಸಿರುವ ಪದ, ಪದಗುಚ್ಛ, ವಾಕ್ಯಗಳನ್ನು ಇತರೆ ಸಹಸ್ರಾರು ಕೃತಿಗಳಲ್ಲಿ ಹುಡುಕುತ್ತದೆ. ಹಾಗೆ ಹುಡುಕಿದಾಗ ತುಂಬ ತಾಳೆ ಬಂದಲ್ಲಿ ಈ ಕೃತಿ ಇಂತಹ ಕೃತಿಯ ನಕಲಿ ಇರಬಹುದು ಎಂದು ಸೂಚಿಸುತ್ತದೆ. ಇತ್ತೀಚೆಗೆ ಶೇಕ್ಸ್‌ಪಿಯರ್‌ನ ಕೃತಿ ಇರಬಹುದೇ ಎಂಬ ಅನುಮಾನವಿದ್ದ ಕೃತಿಯೊಂದನ್ನು ಇಂತಹ ತಂತ್ರಾಂಶಕ್ಕೆ ಊಡಿಸಿ ಅದು ಶೇಕ್ಸ್‌ಪಿಯರನ ಕೃತಿಯೇ ಹೌದು ಎಂದು ತೀರ್ಮಾನಕ್ಕೆ ಬರಲಾಗಿದೆ.
e- ಪದ
ಐಪಿಟಿವಿ (IPTV - Internet protocol television) - ಅಂತರಜಾಲವು ಕೆಲಸ ಮಾಡುವ ಶಿಷ್ಟತೆ (ಪ್ರೋಟೋಕಾಲ್) ಬಳಸಿ, ಬ್ರಾಡ್‌ಬ್ಯಾಂಡ್ ಮೂಲಕ ಟಿವಿ ಸಂಪರ್ಕ. ಇದರಲ್ಲಿ ನಿಮ್ಮ ಮನೆಗೆ ಕೇಬಲ್ ಮೂಲಕ ಬ್ರಾಡ್‌ಬ್ಯಾಂಡ್ ಅಂತರಜಾಲ ಸಂಪರ್ಕ ಬರುತ್ತದೆ. ಟಿವಿಯ ಮೇಲೆ ಇಡುವ ಪೆಟ್ಟಿಗೆಗೆ ಅದು ಸಂಪರ್ಕಗೊಳ್ಳುತ್ತದೆ ಆ ಪೆಟ್ಟಿಗೆಯಿಂದ ಒಂದು ಸಂಪರ್ಕ ಗಣಕಕ್ಕೆ, ಇನ್ನೊಂದು ದೂರವಾಣಿಗೆ, ಇನ್ನೊಂದು ಟಿವಿಗೆ ಹೋಗುತ್ತದೆ. ಅಂದರೆ ಒಂದು ಕೇಬಲ್ ನಿಮ್ಮ ಮನೆಗೆ ಬಂದರೆ ಎಲ್ಲ ಸಂಪರ್ಕಗಳೂ ಅದರಲ್ಲೇ ಅಡಕಗೊಂಡಿರುತ್ತವೆ. ಈ ಮಾದರಿಯ ಟಿವಿಯಲ್ಲಿ ಇನ್ನು ಹಲವಾರು ಸೌಲಭ್ಯಗಳಿವೆ. ನಿಮಗೆ ಬೇಕಾದ ಕಾರ್ಯಕ್ರಮವನ್ನು ಮುದ್ರಿಸಿಕೊಂಡು ಬೇಕಾದಾಗ ನೋಡಬಹುದು, ಇಷ್ಟಪಟ್ಟ ಸಿನಿಮಾ ನೋಡಬಹುದು, ಇತ್ಯಾದಿ.
e - ಸಲಹೆ
ಮಡಿಕೇರಿಯ ಬಿ.ಡಿ. ರವೀಂದ್ರ ಅವರ ಪ್ರಶ್ನೆ: ನನ್ನ ಗಣಕದ ಕಾರ್ಯಾಚರಣೆ ವ್ಯವಸ್ಥೆ ವಿಂಡೋಸ್ ಎಕ್ಸ್‌ಪಿ. ನನಗೆ ನುಡಿ ತಂತ್ರಾಂಶವನ್ನು ಉಪಯೋಗಿಸಿ ಎಂ.ಎಸ್. ವರ್ಡ್ (೨೦೦೩) ನಲ್ಲಿ ಯೂನಿಕೋಡ್‌ನಲ್ಲಿ ಬೆರಳಚ್ಚು ಮಾಡುವಾಗ ಅಕ್ಷರಗಳು ಸರಿಯಾಗಿ ಮೂಡಿ ಬರುವುದಿಲ್ಲ. ಕೆಲವೊಮ್ಮೆ ಬರೇ ಚೌಕಾಕೃತಿಗಳು ಮೂಡುತ್ತವೆ. ಏಕಭಾಷೆ ಮತ್ತು ದ್ವಿಭಾಷೆಯಲ್ಲಿ ಒತ್ತಕ್ಷರಗಳನ್ನು ಮೂಡಿಸಲು ‘ಎಫ್’ ಕೀಯನ್ನು ಒತ್ತಿ ನಂತರ ಮುಂದಿನ ಅಕ್ಷರವನ್ನು ಒತ್ತುವಾಗ ಒತ್ತಕ್ಷರ ಮೂಡುವಂತೆ ಯೂನಿಕೋಡ್‌ನಲ್ಲಿ ಒತ್ತಕ್ಷರ ಮೂಡಿಸಲು ಆಗುವುದಿಲ್ಲ. ಆದ್ದರಿಂದ ದಯಮಾಡಿ ನುಡಿ ತಂತ್ರಾಂಶದಲ್ಲಿ ಕಗಪ ಕೀಲಿಮಣೆಯನ್ನು ಉಪಯೋಗಿಸಿ ಯೂನಿಕೋಡ್‌ನಲ್ಲಿ ಕನ್ನಡದಲ್ಲಿ ಬೆರಳಚ್ಚು ಮಾಡಲು ವಿಂಡೋಸ್ ಮತ್ತು ವರ್ಡ್‌ಗಳಲ್ಲಿ ಯಾವ ರೀತಿಯ ಬದಲಾವಣೆಗಳನ್ನು ಮಾಡಬೇಕೆಂದು ದಯವಿಟ್ಟು ತಿಳಿಸಿರಿ.
ಉ: ನುಡಿ ತಂತ್ರಾಂಶದಲ್ಲಿ ಈ ದೋಷ ಇದೆ. ಹಿಂದಿನ ಆವೃತ್ತಿಯ ಬರಹ ತಂತ್ರಾಂಶದಲ್ಲೂ ಈ ದೋಷ ಇತ್ತು. ಬರಹ ೮ ರಲ್ಲಿ ಈ ದೋಷ ನಿವಾರಣೆಯಾಗಿದೆ. ನೀವು ಅದನ್ನು ಬಳಸಬಹುದು. ಬರಹ ತಂತ್ರಾಂಶದಲ್ಲೂ (ಬರಹ ಡೈರೆಕ್ಟ್) ಕಗಪ ಕೀಲಿಮಣೆ ವಿನ್ಯಾಸ ಇದೆಯೆಂಬುದು ಹಲವರಿಗೆ ತಿಳಿದಿಲ್ಲ! bhashaindia.com ತಾಣದಿಂದ Indic IME ಯನ್ನು ಡೌನ್‌ಲೋಡ್ ಮಾಡಿಕೊಂಡು ಅದನ್ನೂ ಬಳಸಬಹುದು. ಅದರಲ್ಲೂ ಕಗಪ ಕೀಲಿಮಣೆ ವಿನ್ಯಾಸ ಇದೆ.
ಕಂಪ್ಯೂತರ್ಲೆ
ಗಣಕ ತಂತ್ರಜ್ಞ ಪ್ರೇಮಿಯೊಬ್ಬನ ಅಳಲು
ಪತ್ರ ಬರೆಯಲಾ, ಇಲ್ಲಾ ಇಮೈಲ್ ಮಾಡಲಾ? ಟ್ವೀಟ್ ಮಾಡಲಾ, ಇಲ್ಲಾ ಸ್ಕ್ರಾಪ್ ಮಾಡಲಾ? ಹೇಗೆ ತಿಳಿಸಲೀ ನನ್ನ ಮನದ ಕಳವಳಾ?
ಬುಧವಾರ, ಅಕ್ಟೋಬರ್ 21, 2009
ಗಣಕಿಂಡಿ - ೦೨೨ (ಅಕ್ಟೋಬರ್ ೧೯, ೨೦೦೯)
ಅಂತರಜಾಲಾಡಿ
ಅಂತಾರಾಷ್ಟ್ರೀಯ ಖಗೋಳ ವರ್ಷ
೨೦೦೯ನೆಯ ಇಸವಿಯನ್ನು ಅಂತಾರಾಷ್ಟ್ರೀಯ ಖಗೋಳ ವರ್ಷವೆಂದು ಘೋಷಿಸಲಾಗಿದೆ. ಇದನ್ನು ಗೆಲಿಲಿಯೋನ ಸಾಧನೆಯ ೪೦೦ನೆಯ ವರ್ಧಂತಿಯ ನೆನಪಿಗಾಗಿ ಆಚರಿಸಲಾಗುತ್ತಿದೆ. ಜಗತ್ತಿನಾದ್ಯಂತ ಹಲವಾರು ಕಡೆಗಳಲ್ಲಿ ಈ ಬಗ್ಗೆ ಹಲವಾರು ಕಾರ್ಯಕ್ರಮಗಳು ನಡೆಯುತ್ತಿವೆ. ಉದಾಹರಣೆಗೆ ಗೆಲಿಲಿಯನ್ ರಾತ್ರಿಗಳು ಎಂಬ ಮಾಲಿಕೆಯಲ್ಲಿ ವಿವಿಧ ಕಡೆಗಳಲ್ಲಿ ಖಗೋಳ ಶಾಸ್ತ್ರದ ಬಗ್ಗೆ ಜನಸಾಮಾನ್ಯರಲ್ಲಿ ಮತ್ತು ಮಕ್ಕಳಲ್ಲಿ ಆಸಕ್ತಿ ಮೂಡಿಸುವ ಕಾರ್ಯಕ್ರಮಗಳು ನಡೆಯುತ್ತವೆ. ಇವೆಲ್ಲದರ ವಿವರಗಳನ್ನು ನೀಡುವ ಜಾಲತಾಣ www.astronomy2009.org. ಇದು ಜಾಗತಿಕ ವಿಷಯಗಳ ಬಗೆಗಿನ ಜಾಲತಾಣವಾಯಿತು, ಭಾರತದಲ್ಲೇನಾಗುತ್ತಿದೆ ಎಂದು ತಿಳಿಯುವ ಕತೂಹಲವಿದೆಯೇ? ಹಾಗಿದ್ದರೆ http://bit.ly/28NShJ ಜಾಲತಾಣಕ್ಕೆ ಭೇಟಿ ನೀಡಿ. ಅಕ್ಟೋಬರ್ ೨೨ರಿಂದ ೨೪ರ ತನಕ ಜರುಗಲಿರುವ ಗೆಲಿಲಿಯನ್ ರಾತ್ರಿಗಳ ಬಗ್ಗೆಯೇ ಒಂದು ಜಾಲತಾಣವಿದೆ. ಅದರ ವಿಳಾಸ www.galileannights.org
ಡೌನ್‌ಲೋಡ್
ಮನೆಯಲ್ಲೊಂದು ತಾರಾಲಯ
ಮನೆಯ ಗಣಕದ ಮುಂದೆ ಕುಳಿತೇ ಸಂಪೂರ್ಣ ಬ್ರಹ್ಮಾಂಡ ವೀಕ್ಷಣೆ ಮಾಡಿದರೆ ಹೇಗಿರುತ್ತದೆ? ಭೂಮಿಯಿಂದ ಆರಂಭಿಸಿ ನಮ್ಮ ಸೌರವ್ಯೂಹ ದರ್ಶನ ಮುಗಿಸಿ ಧ್ರುವ ನಕ್ಷತ್ರದೆಡೆಗೆ ಪಯಣಿಸಿ, ನಮ್ಮ ಆಕಾಶಗಂಗೆಗೆ ಒಂದು ಸುತ್ತು ಹೊಡೆದು ಕೊನೆಗೆ ನಮ್ಮ ಭೂಮಿಗೆ ವಾಪಾಸು ಬರಬಹುದು. ಇದೆಲ್ಲ ಹೇಗೆ ಎಂದು ಕೇಳುತ್ತಿದ್ದೀರಾ? www.shatters.net/celestia ತಾಣದಿಂದ celestia ಎಂಬ ತಂತ್ರಾಂಶವನ್ನು ಪ್ರತಿಮಾಡಿಕೊಂಡು ನಿಮ್ಮ ಗಣಕದಲ್ಲಿ ಅನುಸ್ಥಾಪಿಸಿಕೊಂಡರೆ ಆಯಿತು. ಇದರಲ್ಲಿ ಗ್ರಹ, ಕ್ಷುದ್ರಗ್ರಹ, ಚಂದ್ರ, ಉಪಗ್ರಹ ಇತ್ಯಾದಿಗಳ ಮೇಲ್ಮೈಗಳನ್ನು ಅವು ನಿಜವಾಗಿ ಹೇಗಿವೆಯೋ ಅದೇ ರೂಪ, ಬಣ್ಣಗಳಲ್ಲಿ ನೋಡಬಹುದು. ಇದು ನಿಜಕ್ಕೂ ಒಂದು ಅದ್ಭುತ ತಂತ್ರಾಂಶ. ಇದು ಸಂಪೂರ್ಣ ಉಚಿತ. ಈ ತಂತ್ರಾಂಶಕ್ಕೆ ಹಲವಾರು ಸೇರ್ಪಡೆಗಳೂ ಲಭ್ಯವಿವೆ ಮಾತ್ರವಲ್ಲ, ನೀವೂ ಇಂತವುಗಳನ್ನು ತಯಾರಿಸಿ ಹಂಚಬಹುದು.
e - ಸುದ್ದಿ
ಮೆದುಳಿನಿಂದ ಮೆದುಳಿಗೆ
ಗಣಕದಿಂದ ಗಣಕಕ್ಕೆ ಸಂದೇಶ ಕಳುಹಿಸುವುದು ಗೊತ್ತು ತಾನೆ? ಇದೇ ರೀತಿ ಒಬ್ಬರ ಮೆದುಳಿನಿಂದ ಇನ್ನೊಬ್ಬರ ಮೆದುಳಿಗೆ ನೇರವಾಗಿ ಸಂದೇಶ ಕಳುಹಿಸುವಂತಿದ್ದರೆ? ಅದನ್ನು ನಾವು ಈಗಾಗಲೆ ಮಾತಿನ ಮೂಲಕ ಮಾಡುತ್ತಿದ್ದೇವೆ ತಾನೆ ಎನ್ನುತ್ತೀರಾ? ಇದು ಹಾಗಲ್ಲ. ಒಬ್ಬ ಒಂದು ಕಡೆ, ಇನ್ನೊಬ್ಬ ಮತ್ತಿನ್ನೆಲ್ಲೋ ಇದ್ದು ಮೆದುಳಿನಿಂದ ಸಂದೇಶವನ್ನು ಗಣಕ ಮತ್ತು ಅಂತರಜಾಲದ ಮೂಲಕ ಕಳುಹಿಸುವಲ್ಲಿ ವಿಜ್ಞಾನಿಗಳು ಯಶಸ್ವಿಯಾಗಿದ್ದಾರೆ. ಮೆದುಳಿನಿಂದ ಗಣಕಕ್ಕೆ ಸಂದೇಶವನ್ನು ನೇರವಾಗಿ ರವಾನಿಸುವುದು ಹೊಸದೇನಲ್ಲ. ಅದನ್ನು ಹಿಂದೆಯೇ ಮಾಡಲಾಗಿದೆ. ಈ ಹೊಸ ಪ್ರಯೋಗದಲ್ಲಿ ವ್ಯಕ್ತಿಯ ಮೆದುಳಿನಿಂದ ಗಣಕಕ್ಕೆ ಸಂದೇಶ ಕಳುಹಿಸಿ ಅದನ್ನು ಅಂತರಜಾಲದ ಮೂಲಕ ಇನ್ನೊಂದು ಗಣಕಕ್ಕೆ ರವಾನಿಸಿ ಅದರಿಂದ ಇನ್ನೊಬ್ಬನ ಮೆದುಳಿಗೆ ರವಾನಿಸಲಾಗಿದೆ. ಮೆದುಳು ಮತ್ತು ಯಂತ್ರದ ನಡುವಿನ ಸಂಪರ್ಕ ತಂತಿಗಳ ಮೂಲಕ ಮಾಡಲಾಗಿದೆ.
e- ಪದ
ಕಿರುಬ್ಲಾಗ್
ಕಿರುಬ್ಲಾಗ್ (microblog) -ಕಿರುಸಂದೇಶದ ಮಾದರಿಯಲ್ಲಿ ಬ್ಲಾಗ್ ಬರೆಯುವುದು. ಇದರಲ್ಲಿ ತುಂಬ ಪ್ರಖ್ಯಾತವಾದುದು ಟ್ವಿಟ್ಟರ್ (twitter.com). ಇದರಲ್ಲಿ ಕೇವಲ ೧೪೦ ಅಕ್ಷರಗಳ ಮಿತಿಯಲ್ಲಿ ಬ್ಲಾಗ್ ಬರೆಯತಕ್ಕದ್ದು. ಈ ಟ್ವಿಟ್ಟರ್ ತುಂಬ ಜನಪ್ರಿಯವಾಗಿದೆ. ಹಲವಾರು ಖ್ಯಾತನಾಮರು ಇದನ್ನು ಬಳಸುತ್ತಿದ್ದಾರೆ. ನಮ್ಮ ದೇಶದ ವಿದೇಶಾಂಗ ಖಾತೆಯ ರಾಜ್ಯ ಸಚಿವ ಶಶಿ ತರೂರ್ ಟ್ವಿಟ್ಟರ್ ಬಳಸುತ್ತಿದ್ದಾರೆ. ಅದರಲ್ಲಿ ಅವರು ಬರೆದ ಕೆಲವು ಮಾತುಗಳು ತುಂಬ ವಿವಾದಕ್ಕೆ ಕಾರಣೀಭೂತವಾದುದನ್ನು ಪತ್ರಿಕೆಗಳಲ್ಲಿ ನೀವು ಓದಿರಬಹುದು. ಅವರ ಕಿರುಬ್ಲಾಗ್ ಕೆಲವರಿಗೆ ಕಿರಿಕಿರಿಬ್ಲಾಗ್ ಆಗಿಬಿಟ್ಟಿದೆ. ಅಂದಹಾಗೆ ನನ್ನ ಟ್ವಿಟ್ಟರ್ ಬ್ಲಾಗಿನ ವಿಳಾಸ twitter.com/pavanaja.
e - ಸಲಹೆ
ಎಸ್.ಡಿ. ಸವದತ್ತಿಯವರ ಪ್ರಶ್ನೆ: ನಾನು ಪಿ.ಡಿ.ಎಫ್. ಪೈಲ್‌ನ್ನು ಬೇರೆ ಸೈಟಿನಿಂದ ತೆಗೆದುಕೊಂಡಿದ್ಡು ಅದರಲ್ಲಿ ಬೆರಳಚ್ಚು ಮಾಡಲು ಆಗುತ್ತಿಲ್ಲ ಸಹಾಯ ಮಾಡೀರಿ.
ಉ: ಪಿ.ಡಿ.ಎಫ್. ಮಾದರಿಯ ಕಡತಗಳಲ್ಲಿ ಸಾಮಾನ್ಯವಾಗಿ ಬೆರಳಚ್ಚು ಮಾಡಲು ಆಗುವುದಿಲ್ಲ. ಇಂಗ್ಲಿಶ್ ಕಡತವಾದರೆ ಅಲ್ಲಲ್ಲಿ ಟಿಪ್ಪಣಿ ಸೇರಿಬಹುದು. ಕನ್ನಡಕ್ಕೇ ಈ ಸೌಲಭ್ಯವೂ ಸದ್ಯಕ್ಕೆ ಲಭ್ಯವಿಲ್ಲ. ಅಡೋಬ್‌ನವರು ಕನ್ನಡ ಯುನಿಕೋಡ್‌ನ ಬೆಂಬಲವನ್ನು ಪಿ.ಡಿ.ಎಫ್.ನಲ್ಲಿ ನೀಡಿದಾಗ ಇದು ಸಾಧ್ಯವಾಗಬಹುದು.
ಕಂಪ್ಯೂತರ್ಲೆ
ಆಧುನಿಕ ಜೀವನ
ಆರ್ಕುಟ್‌ನಲ್ಲಿ ಭೇಟಿ.
ಚಾಟ್‌ನಲ್ಲಿ ಪ್ರೀತಿ.
ಇಮೈಲ್‌ನಲ್ಲಿ ಆಹ್ವಾನ.
ಇಂಟರ್‌ನೆಟ್‌ನಲ್ಲಿ ಮದುವೆ.
ಮುಂದೆ?
ನಿಮ್ಮ ಊಹೆಗೆ ಬಿಟ್ಟದ್ದು!
ಅಂತಾರಾಷ್ಟ್ರೀಯ ಖಗೋಳ ವರ್ಷ
೨೦೦೯ನೆಯ ಇಸವಿಯನ್ನು ಅಂತಾರಾಷ್ಟ್ರೀಯ ಖಗೋಳ ವರ್ಷವೆಂದು ಘೋಷಿಸಲಾಗಿದೆ. ಇದನ್ನು ಗೆಲಿಲಿಯೋನ ಸಾಧನೆಯ ೪೦೦ನೆಯ ವರ್ಧಂತಿಯ ನೆನಪಿಗಾಗಿ ಆಚರಿಸಲಾಗುತ್ತಿದೆ. ಜಗತ್ತಿನಾದ್ಯಂತ ಹಲವಾರು ಕಡೆಗಳಲ್ಲಿ ಈ ಬಗ್ಗೆ ಹಲವಾರು ಕಾರ್ಯಕ್ರಮಗಳು ನಡೆಯುತ್ತಿವೆ. ಉದಾಹರಣೆಗೆ ಗೆಲಿಲಿಯನ್ ರಾತ್ರಿಗಳು ಎಂಬ ಮಾಲಿಕೆಯಲ್ಲಿ ವಿವಿಧ ಕಡೆಗಳಲ್ಲಿ ಖಗೋಳ ಶಾಸ್ತ್ರದ ಬಗ್ಗೆ ಜನಸಾಮಾನ್ಯರಲ್ಲಿ ಮತ್ತು ಮಕ್ಕಳಲ್ಲಿ ಆಸಕ್ತಿ ಮೂಡಿಸುವ ಕಾರ್ಯಕ್ರಮಗಳು ನಡೆಯುತ್ತವೆ. ಇವೆಲ್ಲದರ ವಿವರಗಳನ್ನು ನೀಡುವ ಜಾಲತಾಣ www.astronomy2009.org. ಇದು ಜಾಗತಿಕ ವಿಷಯಗಳ ಬಗೆಗಿನ ಜಾಲತಾಣವಾಯಿತು, ಭಾರತದಲ್ಲೇನಾಗುತ್ತಿದೆ ಎಂದು ತಿಳಿಯುವ ಕತೂಹಲವಿದೆಯೇ? ಹಾಗಿದ್ದರೆ http://bit.ly/28NShJ ಜಾಲತಾಣಕ್ಕೆ ಭೇಟಿ ನೀಡಿ. ಅಕ್ಟೋಬರ್ ೨೨ರಿಂದ ೨೪ರ ತನಕ ಜರುಗಲಿರುವ ಗೆಲಿಲಿಯನ್ ರಾತ್ರಿಗಳ ಬಗ್ಗೆಯೇ ಒಂದು ಜಾಲತಾಣವಿದೆ. ಅದರ ವಿಳಾಸ www.galileannights.org
ಡೌನ್‌ಲೋಡ್
ಮನೆಯಲ್ಲೊಂದು ತಾರಾಲಯ
ಮನೆಯ ಗಣಕದ ಮುಂದೆ ಕುಳಿತೇ ಸಂಪೂರ್ಣ ಬ್ರಹ್ಮಾಂಡ ವೀಕ್ಷಣೆ ಮಾಡಿದರೆ ಹೇಗಿರುತ್ತದೆ? ಭೂಮಿಯಿಂದ ಆರಂಭಿಸಿ ನಮ್ಮ ಸೌರವ್ಯೂಹ ದರ್ಶನ ಮುಗಿಸಿ ಧ್ರುವ ನಕ್ಷತ್ರದೆಡೆಗೆ ಪಯಣಿಸಿ, ನಮ್ಮ ಆಕಾಶಗಂಗೆಗೆ ಒಂದು ಸುತ್ತು ಹೊಡೆದು ಕೊನೆಗೆ ನಮ್ಮ ಭೂಮಿಗೆ ವಾಪಾಸು ಬರಬಹುದು. ಇದೆಲ್ಲ ಹೇಗೆ ಎಂದು ಕೇಳುತ್ತಿದ್ದೀರಾ? www.shatters.net/celestia ತಾಣದಿಂದ celestia ಎಂಬ ತಂತ್ರಾಂಶವನ್ನು ಪ್ರತಿಮಾಡಿಕೊಂಡು ನಿಮ್ಮ ಗಣಕದಲ್ಲಿ ಅನುಸ್ಥಾಪಿಸಿಕೊಂಡರೆ ಆಯಿತು. ಇದರಲ್ಲಿ ಗ್ರಹ, ಕ್ಷುದ್ರಗ್ರಹ, ಚಂದ್ರ, ಉಪಗ್ರಹ ಇತ್ಯಾದಿಗಳ ಮೇಲ್ಮೈಗಳನ್ನು ಅವು ನಿಜವಾಗಿ ಹೇಗಿವೆಯೋ ಅದೇ ರೂಪ, ಬಣ್ಣಗಳಲ್ಲಿ ನೋಡಬಹುದು. ಇದು ನಿಜಕ್ಕೂ ಒಂದು ಅದ್ಭುತ ತಂತ್ರಾಂಶ. ಇದು ಸಂಪೂರ್ಣ ಉಚಿತ. ಈ ತಂತ್ರಾಂಶಕ್ಕೆ ಹಲವಾರು ಸೇರ್ಪಡೆಗಳೂ ಲಭ್ಯವಿವೆ ಮಾತ್ರವಲ್ಲ, ನೀವೂ ಇಂತವುಗಳನ್ನು ತಯಾರಿಸಿ ಹಂಚಬಹುದು.
e - ಸುದ್ದಿ
ಮೆದುಳಿನಿಂದ ಮೆದುಳಿಗೆ
ಗಣಕದಿಂದ ಗಣಕಕ್ಕೆ ಸಂದೇಶ ಕಳುಹಿಸುವುದು ಗೊತ್ತು ತಾನೆ? ಇದೇ ರೀತಿ ಒಬ್ಬರ ಮೆದುಳಿನಿಂದ ಇನ್ನೊಬ್ಬರ ಮೆದುಳಿಗೆ ನೇರವಾಗಿ ಸಂದೇಶ ಕಳುಹಿಸುವಂತಿದ್ದರೆ? ಅದನ್ನು ನಾವು ಈಗಾಗಲೆ ಮಾತಿನ ಮೂಲಕ ಮಾಡುತ್ತಿದ್ದೇವೆ ತಾನೆ ಎನ್ನುತ್ತೀರಾ? ಇದು ಹಾಗಲ್ಲ. ಒಬ್ಬ ಒಂದು ಕಡೆ, ಇನ್ನೊಬ್ಬ ಮತ್ತಿನ್ನೆಲ್ಲೋ ಇದ್ದು ಮೆದುಳಿನಿಂದ ಸಂದೇಶವನ್ನು ಗಣಕ ಮತ್ತು ಅಂತರಜಾಲದ ಮೂಲಕ ಕಳುಹಿಸುವಲ್ಲಿ ವಿಜ್ಞಾನಿಗಳು ಯಶಸ್ವಿಯಾಗಿದ್ದಾರೆ. ಮೆದುಳಿನಿಂದ ಗಣಕಕ್ಕೆ ಸಂದೇಶವನ್ನು ನೇರವಾಗಿ ರವಾನಿಸುವುದು ಹೊಸದೇನಲ್ಲ. ಅದನ್ನು ಹಿಂದೆಯೇ ಮಾಡಲಾಗಿದೆ. ಈ ಹೊಸ ಪ್ರಯೋಗದಲ್ಲಿ ವ್ಯಕ್ತಿಯ ಮೆದುಳಿನಿಂದ ಗಣಕಕ್ಕೆ ಸಂದೇಶ ಕಳುಹಿಸಿ ಅದನ್ನು ಅಂತರಜಾಲದ ಮೂಲಕ ಇನ್ನೊಂದು ಗಣಕಕ್ಕೆ ರವಾನಿಸಿ ಅದರಿಂದ ಇನ್ನೊಬ್ಬನ ಮೆದುಳಿಗೆ ರವಾನಿಸಲಾಗಿದೆ. ಮೆದುಳು ಮತ್ತು ಯಂತ್ರದ ನಡುವಿನ ಸಂಪರ್ಕ ತಂತಿಗಳ ಮೂಲಕ ಮಾಡಲಾಗಿದೆ.
e- ಪದ
ಕಿರುಬ್ಲಾಗ್
ಕಿರುಬ್ಲಾಗ್ (microblog) -ಕಿರುಸಂದೇಶದ ಮಾದರಿಯಲ್ಲಿ ಬ್ಲಾಗ್ ಬರೆಯುವುದು. ಇದರಲ್ಲಿ ತುಂಬ ಪ್ರಖ್ಯಾತವಾದುದು ಟ್ವಿಟ್ಟರ್ (twitter.com). ಇದರಲ್ಲಿ ಕೇವಲ ೧೪೦ ಅಕ್ಷರಗಳ ಮಿತಿಯಲ್ಲಿ ಬ್ಲಾಗ್ ಬರೆಯತಕ್ಕದ್ದು. ಈ ಟ್ವಿಟ್ಟರ್ ತುಂಬ ಜನಪ್ರಿಯವಾಗಿದೆ. ಹಲವಾರು ಖ್ಯಾತನಾಮರು ಇದನ್ನು ಬಳಸುತ್ತಿದ್ದಾರೆ. ನಮ್ಮ ದೇಶದ ವಿದೇಶಾಂಗ ಖಾತೆಯ ರಾಜ್ಯ ಸಚಿವ ಶಶಿ ತರೂರ್ ಟ್ವಿಟ್ಟರ್ ಬಳಸುತ್ತಿದ್ದಾರೆ. ಅದರಲ್ಲಿ ಅವರು ಬರೆದ ಕೆಲವು ಮಾತುಗಳು ತುಂಬ ವಿವಾದಕ್ಕೆ ಕಾರಣೀಭೂತವಾದುದನ್ನು ಪತ್ರಿಕೆಗಳಲ್ಲಿ ನೀವು ಓದಿರಬಹುದು. ಅವರ ಕಿರುಬ್ಲಾಗ್ ಕೆಲವರಿಗೆ ಕಿರಿಕಿರಿಬ್ಲಾಗ್ ಆಗಿಬಿಟ್ಟಿದೆ. ಅಂದಹಾಗೆ ನನ್ನ ಟ್ವಿಟ್ಟರ್ ಬ್ಲಾಗಿನ ವಿಳಾಸ twitter.com/pavanaja.
e - ಸಲಹೆ
ಎಸ್.ಡಿ. ಸವದತ್ತಿಯವರ ಪ್ರಶ್ನೆ: ನಾನು ಪಿ.ಡಿ.ಎಫ್. ಪೈಲ್‌ನ್ನು ಬೇರೆ ಸೈಟಿನಿಂದ ತೆಗೆದುಕೊಂಡಿದ್ಡು ಅದರಲ್ಲಿ ಬೆರಳಚ್ಚು ಮಾಡಲು ಆಗುತ್ತಿಲ್ಲ ಸಹಾಯ ಮಾಡೀರಿ.
ಉ: ಪಿ.ಡಿ.ಎಫ್. ಮಾದರಿಯ ಕಡತಗಳಲ್ಲಿ ಸಾಮಾನ್ಯವಾಗಿ ಬೆರಳಚ್ಚು ಮಾಡಲು ಆಗುವುದಿಲ್ಲ. ಇಂಗ್ಲಿಶ್ ಕಡತವಾದರೆ ಅಲ್ಲಲ್ಲಿ ಟಿಪ್ಪಣಿ ಸೇರಿಬಹುದು. ಕನ್ನಡಕ್ಕೇ ಈ ಸೌಲಭ್ಯವೂ ಸದ್ಯಕ್ಕೆ ಲಭ್ಯವಿಲ್ಲ. ಅಡೋಬ್‌ನವರು ಕನ್ನಡ ಯುನಿಕೋಡ್‌ನ ಬೆಂಬಲವನ್ನು ಪಿ.ಡಿ.ಎಫ್.ನಲ್ಲಿ ನೀಡಿದಾಗ ಇದು ಸಾಧ್ಯವಾಗಬಹುದು.
ಕಂಪ್ಯೂತರ್ಲೆ
ಆಧುನಿಕ ಜೀವನ
ಆರ್ಕುಟ್‌ನಲ್ಲಿ ಭೇಟಿ.
ಚಾಟ್‌ನಲ್ಲಿ ಪ್ರೀತಿ.
ಇಮೈಲ್‌ನಲ್ಲಿ ಆಹ್ವಾನ.
ಇಂಟರ್‌ನೆಟ್‌ನಲ್ಲಿ ಮದುವೆ.
ಮುಂದೆ?
ನಿಮ್ಮ ಊಹೆಗೆ ಬಿಟ್ಟದ್ದು!
ಸೋಮವಾರ, ಅಕ್ಟೋಬರ್ 12, 2009
ಗಣಕಿಂಡಿ - ೦೨೧ (ಅಕ್ಟೋಬರ್ ೧೨, ೨೦೦೯)
ಅಂತರಜಾಲಾಡಿ
ಜಾಲಬುದ್ಧಿವಂತರಾಗಿ
ಅಂತರಜಾಲದಲ್ಲಿ ವಿಹರಿಸುವಾಗ ಎಚ್ಚರವಾಗಿರಬೇಕು. ವೈರಸ್, ವರ್ಮ್‌ಗಳು ಧಾಳಿ ಇಡುವುದು ಅತಿ ಸಾಮಾನ್ಯ. ಇತ್ತೀಚೆಗಂತೂ ಫಿಶಿಂಗ್ ಹಾವಳಿಯೂ ಅಧಿಕವಾಗಿದೆ. ಮಕ್ಕಳು ಅಂತರಜಾಲವನ್ನು ಬಳಸುವಾಗ ದೊಡ್ಡವರು ಎಚ್ಚರಿಕೆ ವಹಿಸಬೇಕು. ಇಮೈಲ್ ವಿಳಾಸವನ್ನು ಜಾಲತಾಣಗಳಲ್ಲಿ ಎಲ್ಲೆಂದರಲ್ಲಿ ನೀಡುವಂತಿಲ್ಲ. ಅಂತರಜಾಲ ಬ್ಯಾಂಕಿಂಗ್ ಮಾಡುವವರ ಪ್ರವೇಶಪದ (ಪಾಸ್‌ವರ್ಡ್) ಕದಿಯುವ ತಂತ್ರಾಂಶಗಳೂ ಇವೆ. ಹೌದು ಸ್ವಾಮಿ, ಇಷ್ಟೆಲ್ಲ ತೊಂದರೆ ಇದ್ದರೆ ಅಂತರಜಾಲವನ್ನೇ ಬಳಸದೆ ಇರಬಹುದಲ್ಲ ಎನ್ನುತೀರಾ? ಹಾಗೇನಿಲ್ಲ. ಎಚ್ಚರದಿಂದಿರಬೇಕು, ಅಷ್ಟೆ. ಯಾವ ರೀತಿ ಎಚ್ಚರದಿಂದಿರಬೇಕು ಎಂದು ಕೇಳುತ್ತಿದ್ದೀರಾ? ಉತ್ತರಕ್ಕೆ getnetwise.org ಜಾಲತಾಣಕ್ಕೆ ಭೇಟಿ ನೀಡಿ.
ಡೌನ್‌ಲೋಡ್
ಬಿಟ್ಟು ಬಿಟ್ಟು ಡೌನ್‌ಲೋಡ್ ಮಾಡಿ
ಅಂತರಜಾಲದಿಂದ ದೊಡ್ಡ ಪೈಲುಗಳನ್ನು ಡೌನ್‌ಲೋಡ್ ಮಾಡುತ್ತಿರುವಾಗ ವಿದ್ಯುತ್ ಸರಬರಾಜು ನಿಂತರೆ, ಅಂತರಜಾಲ ಸಂಪರ್ಕ ಕಡಿತವಾದರೆ ಅಥವಾ ಅವಸರದ ಕಾರ್ಯ ನಿಮಿತ್ತ ನಿಮಗೆ ಹೊರಗೆ ಹೋಗಬೇಕಾಗಿದ್ದರೆ ಡೌನ್‌ಲೋಡನ್ನು ನಿಲ್ಲಿಸಬೇಕಾಗುತ್ತದೆ. ಮುಂದೆ ಆ ಡೌನ್‌ಲೋಡನ್ನು ಪುನ ಪ್ರಾರಂಭಿಸಿದಾಗ ಅದು ಮತ್ತೆ ಮೊದಲಿನಿಂದಲೇ ಪ್ರಾರಂಭಿಸುತ್ತದೆ. ಇಂತಹ ಸಂದರ್ಭದಲ್ಲಿ ಉಪಯೋಗಕ್ಕೆ ಬರುವುದು Orbit downloader ಎಂಬ ತಂತ್ರಾಂಶ. ಇದರ ಮೂಲಕ ಡೌನ್‌ಲೋಡ್ ಮಾಡಿದರೆ ಮೊದಲು ಎಲ್ಲಿ ತನಕ ಆಗಿತ್ತೋ ಅಲ್ಲಿಂದ ಮುಂದುವರೆಸಬಹುದು. ದೊಡ್ಡ ಫೈಲನ್ನು ಡೌನ್‌ಲೋಡ್ ಮಾಡುತ್ತಿರುವಿರಾದರೆ, ರಾತ್ರಿ ಹೊತ್ತು ಅದನ್ನು ಡೌನ್‌ಲೋಡಿಗೆ ಹಾಕಿ, ಡೌನ್‌ಲೋಡ್ ಆದೊಡನೆ ಗಣಕವನ್ನು ಸ್ವಿಚ್ ಆಫ್ ಮಾಡು ಎಂದು ಆದೇಶ ನೀಡಿ ನಿರಾತಂಕವಾಗಿ ನಿದ್ದೆ ಮಾಡಬಹುದು. ಈ ಉಚಿತ ತಂತ್ರಾಂಶ ಸಿಗುವ ಜಾಲತಾಣ orbitdownloader.com.
e - ಸುದ್ದಿ
ಹುಳಗಳ ವಿರುದ್ಧ ಇರುವೆ
ಹೂವು, ತರಕಾರಿ ಅಥವಾ ಉಪಯುಕ್ತ ಬೆಳೆಗಳ ಮೇಲೆ ಧಾಳಿ ಮಾಡುವ ಹುಳ, ಕೀಟಗಳನ್ನು ನಾಶ ಮಾಡಲು ಅಂತಹ ಕೀಟಗಳನ್ನೇ ಹುಡುಕಿ ಅವುಗಳ ಮೇಲೆ ಧಾಳಿ ಮಾಡುವ ಕೀಟಗಳನ್ನು ತಯಾರಿ ಮಾಡಿ ಬಳಸುತ್ತಿರುವ ವಿಷಯ ಗೊತ್ತಿರಬಹುದು. ಈಗ ಗಣಕಗಳಲ್ಲಿ ಅದೇ ವಿಧಾನವನ್ನು ಬಳಸಿ ಜಯಶೀಲರಾಗಿದ್ದಾರೆ. ಗಣಕಜಾಲಗಳಿಗೆ ಧಾಳಿ ಮಾಡಿ ಅವುಗಳನ್ನು ಪೀಡಿಸುವ ಗಣಕ ವೈರಸ್‌ಗಳಿಗೆ ವರ್ಮ್ (ಹುಳ?) ಎನ್ನುತ್ತಾರೆ. ಈಗ ಅಮೇರಿಕಾದ ಪ್ರಯೋಗಶಾಲೆಯೊಂದರಲ್ಲಿ ಇಂತಹ ಹುಳಗಳನ್ನೇ ಹುಡುಕಿ ಅವುಗಳ ಮೇಲೆ ಧಾಳಿ ಮಾಡುವ ಡಿಜಿಟಲ್ ಇರುವೆಗಳನ್ನು ತಯಾರಿಸಿದ್ದಾರೆ. ಜೈವಿಕ ಇರುವೆಗಳ ಮಾದರಿಯಲ್ಲೇ ಇವು ಗಣಕಜಾಲದಲ್ಲಿ ಹುಳ ಪತ್ತೆಯಾದಾಗ ಗುಂಪಾಗಿ ಅದರ ಮೇಲೆ ಧಾಳಿ ಮಾಡಿ ಅದನ್ನು ನಾಶ ಮಾಡುತ್ತವೆ. ಬಹುಶಃ ಇನ್ನೊಂದು ವರ್ಷದ ಒಳಗೆ ಇವು ನಮ್ಮ ಬಳಕೆಗೆ ದೊರಕಬಹುದು.
e- ಪದ
ಝೋಂಬಿ (zombie) -ಕಿಡಿಗೇಡಿಗಳ ವಶಕ್ಕೊಳಪಟ್ಟು ಇನ್ನೊಂದು ಗಣಕಜಾಲದ ಮೇಲೆ ಧಾಳಿ ಮಾಡಲು ಬಳಕೆಯಾಗುತ್ತಿರುವ ಗಣಕ. ಗಣಕ ಜಾಲದೊಳಗೆ ಅನಧಿಕೃತವಾಗಿ ಪ್ರವೇಶಿಸುವವರಿಗೆ ಹ್ಯಾಕರ್‌ಗಳೆನ್ನುತ್ತಾರೆ. ಕೆಲವೊಮ್ಮ ಈ ಹ್ಯಾಕರ್‌ಗಳು ತಮ್ಮ ಅಂಕೆಗೊಳಪಟ್ಟ ಗಣಕವನ್ನು ಬಳಸಿ ಇನ್ನೊಂದು ಜಾಲತಾಣಕ್ಕೆ ಅಥವಾ ಗಣಕಜಾಲಕ್ಕೆ ಧಾಳಿ ಇಡುತ್ತಾರೆ. ಪ್ರಪಂಚಾದ್ಯಂತ ಸಾವಿರಾರು ಗಣಕಗಳನ್ನು ಏಕಕಾಲಕ್ಕೆ ತಮ್ಮ ವಶಕ್ಕೆ ತೆಗೆದುಕೊಂಡು ಹೀಗೆ ಧಾಳಿ ಮಾಡಿದಾಗ ಧಾಳಿಗೊಳಪಟ್ಟ ಜಾಲತಾಣ ಕುಸಿಯುತ್ತದೆ. ಇದಕ್ಕೆ denial of service attack ಎನ್ನುತ್ತಾರೆ.
e - ಸಲಹೆ
ನೀವು ಕನ್ನಡದಲ್ಲಿ ಪಿಡಿಎಫ್ ಮಾದರಿಯ ಕಡತಗಳನ್ನು ತಯಾರಿಸಿ ಇತರರಿಗೆ ಕಳುಹಿಸಿದಾಗ ಕೆಲವೊಮ್ಮೆ ಅವರ ಗಣಕದಲ್ಲಿ ಅದನ್ನು ಓದಲು ಆಗದೆ ಇರುವ ಸಾಧ್ಯತೆಗಳಿರುತ್ತವೆ. ಇದಕ್ಕೆ ಕಾರಣ ಅವರ ಗಣಕದಲ್ಲಿ ನೀವು ಬಳಸಿದ ಕನ್ನಡದ ಫಾಂಟ್ ಇಲ್ಲದಿರುವುದು ಮತ್ತು ನೀವು ಬಳಸಿದ ಫಾಂಟನ್ನು ಪಿಡಿಎಫ್ ಕಡತದಲ್ಲಿ ಅಡಕವಾಗಿಸದಿರುವುದು. ನೀವು ಆಗಸ್ಟ್ ೨೫, ೨೦೦೯ರ ಗಣಕಿಂಡಿಯಲ್ಲಿ ಸೂಚಿಸಿದ PDFCreator ಬಳಸುತ್ತಿರುವವರಾದರೆ, ಅದರಲ್ಲಿ ಒಂದು ಆಯ್ಕೆ ಇದೆ. ಅದರ ಆಯ್ಕೆ (options) ಯಲ್ಲಿ ಪಿಡಿಎಫ್ ವಿಭಾಗದಲ್ಲಿ ಫಾಂಟ್ ಎಂಬಲ್ಲಿ Embed all fonts ಎಂದು ಆಯ್ಕೆ ಮಾಡಿ.
ಕಂಪ್ಯೂತರ್ಲೆ
ಗಣಕವೇದವಾಕ್ಯ
ವಾಟಾಳ್ ನಾಗರಾಜ್ ಕನ್ನಡಕ ತೆಗೆಯುವ ತನಕ, ಜಯಲಲಿತ ಮದುವೆಯಾಗುವ ತನಕ, ಕರುಣಾನಿಧಿ ಕನ್ನಡಕ ತೆಗೆಯುವ ತನಕ, ದೇವೇಗೌಡ ಪ್ಯಾಂಟ್ ಧರಿಸುವ ತನಕ, ಬಂಗಾರಪ್ಪ ಪಕ್ಷ ಬದಲಿಸುವುದನ್ನು ನಿಲ್ಲಿಸುವ ತನಕ, ರಾಜಕಾರಣಿಗಳು ಸುಳ್ಳು ಹೇಳುವುದನ್ನು ನಿಲ್ಲಿಸುವ ತನಕ ನಿಮ್ಮ ಗಣಕದಲ್ಲಿ ವೈರಸ್ ಇದ್ದೇ ಇರುತ್ತದೆ.
ಜಾಲಬುದ್ಧಿವಂತರಾಗಿ
ಅಂತರಜಾಲದಲ್ಲಿ ವಿಹರಿಸುವಾಗ ಎಚ್ಚರವಾಗಿರಬೇಕು. ವೈರಸ್, ವರ್ಮ್‌ಗಳು ಧಾಳಿ ಇಡುವುದು ಅತಿ ಸಾಮಾನ್ಯ. ಇತ್ತೀಚೆಗಂತೂ ಫಿಶಿಂಗ್ ಹಾವಳಿಯೂ ಅಧಿಕವಾಗಿದೆ. ಮಕ್ಕಳು ಅಂತರಜಾಲವನ್ನು ಬಳಸುವಾಗ ದೊಡ್ಡವರು ಎಚ್ಚರಿಕೆ ವಹಿಸಬೇಕು. ಇಮೈಲ್ ವಿಳಾಸವನ್ನು ಜಾಲತಾಣಗಳಲ್ಲಿ ಎಲ್ಲೆಂದರಲ್ಲಿ ನೀಡುವಂತಿಲ್ಲ. ಅಂತರಜಾಲ ಬ್ಯಾಂಕಿಂಗ್ ಮಾಡುವವರ ಪ್ರವೇಶಪದ (ಪಾಸ್‌ವರ್ಡ್) ಕದಿಯುವ ತಂತ್ರಾಂಶಗಳೂ ಇವೆ. ಹೌದು ಸ್ವಾಮಿ, ಇಷ್ಟೆಲ್ಲ ತೊಂದರೆ ಇದ್ದರೆ ಅಂತರಜಾಲವನ್ನೇ ಬಳಸದೆ ಇರಬಹುದಲ್ಲ ಎನ್ನುತೀರಾ? ಹಾಗೇನಿಲ್ಲ. ಎಚ್ಚರದಿಂದಿರಬೇಕು, ಅಷ್ಟೆ. ಯಾವ ರೀತಿ ಎಚ್ಚರದಿಂದಿರಬೇಕು ಎಂದು ಕೇಳುತ್ತಿದ್ದೀರಾ? ಉತ್ತರಕ್ಕೆ getnetwise.org ಜಾಲತಾಣಕ್ಕೆ ಭೇಟಿ ನೀಡಿ.
ಡೌನ್‌ಲೋಡ್
ಬಿಟ್ಟು ಬಿಟ್ಟು ಡೌನ್‌ಲೋಡ್ ಮಾಡಿ
ಅಂತರಜಾಲದಿಂದ ದೊಡ್ಡ ಪೈಲುಗಳನ್ನು ಡೌನ್‌ಲೋಡ್ ಮಾಡುತ್ತಿರುವಾಗ ವಿದ್ಯುತ್ ಸರಬರಾಜು ನಿಂತರೆ, ಅಂತರಜಾಲ ಸಂಪರ್ಕ ಕಡಿತವಾದರೆ ಅಥವಾ ಅವಸರದ ಕಾರ್ಯ ನಿಮಿತ್ತ ನಿಮಗೆ ಹೊರಗೆ ಹೋಗಬೇಕಾಗಿದ್ದರೆ ಡೌನ್‌ಲೋಡನ್ನು ನಿಲ್ಲಿಸಬೇಕಾಗುತ್ತದೆ. ಮುಂದೆ ಆ ಡೌನ್‌ಲೋಡನ್ನು ಪುನ ಪ್ರಾರಂಭಿಸಿದಾಗ ಅದು ಮತ್ತೆ ಮೊದಲಿನಿಂದಲೇ ಪ್ರಾರಂಭಿಸುತ್ತದೆ. ಇಂತಹ ಸಂದರ್ಭದಲ್ಲಿ ಉಪಯೋಗಕ್ಕೆ ಬರುವುದು Orbit downloader ಎಂಬ ತಂತ್ರಾಂಶ. ಇದರ ಮೂಲಕ ಡೌನ್‌ಲೋಡ್ ಮಾಡಿದರೆ ಮೊದಲು ಎಲ್ಲಿ ತನಕ ಆಗಿತ್ತೋ ಅಲ್ಲಿಂದ ಮುಂದುವರೆಸಬಹುದು. ದೊಡ್ಡ ಫೈಲನ್ನು ಡೌನ್‌ಲೋಡ್ ಮಾಡುತ್ತಿರುವಿರಾದರೆ, ರಾತ್ರಿ ಹೊತ್ತು ಅದನ್ನು ಡೌನ್‌ಲೋಡಿಗೆ ಹಾಕಿ, ಡೌನ್‌ಲೋಡ್ ಆದೊಡನೆ ಗಣಕವನ್ನು ಸ್ವಿಚ್ ಆಫ್ ಮಾಡು ಎಂದು ಆದೇಶ ನೀಡಿ ನಿರಾತಂಕವಾಗಿ ನಿದ್ದೆ ಮಾಡಬಹುದು. ಈ ಉಚಿತ ತಂತ್ರಾಂಶ ಸಿಗುವ ಜಾಲತಾಣ orbitdownloader.com.
e - ಸುದ್ದಿ
ಹುಳಗಳ ವಿರುದ್ಧ ಇರುವೆ
ಹೂವು, ತರಕಾರಿ ಅಥವಾ ಉಪಯುಕ್ತ ಬೆಳೆಗಳ ಮೇಲೆ ಧಾಳಿ ಮಾಡುವ ಹುಳ, ಕೀಟಗಳನ್ನು ನಾಶ ಮಾಡಲು ಅಂತಹ ಕೀಟಗಳನ್ನೇ ಹುಡುಕಿ ಅವುಗಳ ಮೇಲೆ ಧಾಳಿ ಮಾಡುವ ಕೀಟಗಳನ್ನು ತಯಾರಿ ಮಾಡಿ ಬಳಸುತ್ತಿರುವ ವಿಷಯ ಗೊತ್ತಿರಬಹುದು. ಈಗ ಗಣಕಗಳಲ್ಲಿ ಅದೇ ವಿಧಾನವನ್ನು ಬಳಸಿ ಜಯಶೀಲರಾಗಿದ್ದಾರೆ. ಗಣಕಜಾಲಗಳಿಗೆ ಧಾಳಿ ಮಾಡಿ ಅವುಗಳನ್ನು ಪೀಡಿಸುವ ಗಣಕ ವೈರಸ್‌ಗಳಿಗೆ ವರ್ಮ್ (ಹುಳ?) ಎನ್ನುತ್ತಾರೆ. ಈಗ ಅಮೇರಿಕಾದ ಪ್ರಯೋಗಶಾಲೆಯೊಂದರಲ್ಲಿ ಇಂತಹ ಹುಳಗಳನ್ನೇ ಹುಡುಕಿ ಅವುಗಳ ಮೇಲೆ ಧಾಳಿ ಮಾಡುವ ಡಿಜಿಟಲ್ ಇರುವೆಗಳನ್ನು ತಯಾರಿಸಿದ್ದಾರೆ. ಜೈವಿಕ ಇರುವೆಗಳ ಮಾದರಿಯಲ್ಲೇ ಇವು ಗಣಕಜಾಲದಲ್ಲಿ ಹುಳ ಪತ್ತೆಯಾದಾಗ ಗುಂಪಾಗಿ ಅದರ ಮೇಲೆ ಧಾಳಿ ಮಾಡಿ ಅದನ್ನು ನಾಶ ಮಾಡುತ್ತವೆ. ಬಹುಶಃ ಇನ್ನೊಂದು ವರ್ಷದ ಒಳಗೆ ಇವು ನಮ್ಮ ಬಳಕೆಗೆ ದೊರಕಬಹುದು.
e- ಪದ
ಝೋಂಬಿ (zombie) -ಕಿಡಿಗೇಡಿಗಳ ವಶಕ್ಕೊಳಪಟ್ಟು ಇನ್ನೊಂದು ಗಣಕಜಾಲದ ಮೇಲೆ ಧಾಳಿ ಮಾಡಲು ಬಳಕೆಯಾಗುತ್ತಿರುವ ಗಣಕ. ಗಣಕ ಜಾಲದೊಳಗೆ ಅನಧಿಕೃತವಾಗಿ ಪ್ರವೇಶಿಸುವವರಿಗೆ ಹ್ಯಾಕರ್‌ಗಳೆನ್ನುತ್ತಾರೆ. ಕೆಲವೊಮ್ಮ ಈ ಹ್ಯಾಕರ್‌ಗಳು ತಮ್ಮ ಅಂಕೆಗೊಳಪಟ್ಟ ಗಣಕವನ್ನು ಬಳಸಿ ಇನ್ನೊಂದು ಜಾಲತಾಣಕ್ಕೆ ಅಥವಾ ಗಣಕಜಾಲಕ್ಕೆ ಧಾಳಿ ಇಡುತ್ತಾರೆ. ಪ್ರಪಂಚಾದ್ಯಂತ ಸಾವಿರಾರು ಗಣಕಗಳನ್ನು ಏಕಕಾಲಕ್ಕೆ ತಮ್ಮ ವಶಕ್ಕೆ ತೆಗೆದುಕೊಂಡು ಹೀಗೆ ಧಾಳಿ ಮಾಡಿದಾಗ ಧಾಳಿಗೊಳಪಟ್ಟ ಜಾಲತಾಣ ಕುಸಿಯುತ್ತದೆ. ಇದಕ್ಕೆ denial of service attack ಎನ್ನುತ್ತಾರೆ.
e - ಸಲಹೆ
ನೀವು ಕನ್ನಡದಲ್ಲಿ ಪಿಡಿಎಫ್ ಮಾದರಿಯ ಕಡತಗಳನ್ನು ತಯಾರಿಸಿ ಇತರರಿಗೆ ಕಳುಹಿಸಿದಾಗ ಕೆಲವೊಮ್ಮೆ ಅವರ ಗಣಕದಲ್ಲಿ ಅದನ್ನು ಓದಲು ಆಗದೆ ಇರುವ ಸಾಧ್ಯತೆಗಳಿರುತ್ತವೆ. ಇದಕ್ಕೆ ಕಾರಣ ಅವರ ಗಣಕದಲ್ಲಿ ನೀವು ಬಳಸಿದ ಕನ್ನಡದ ಫಾಂಟ್ ಇಲ್ಲದಿರುವುದು ಮತ್ತು ನೀವು ಬಳಸಿದ ಫಾಂಟನ್ನು ಪಿಡಿಎಫ್ ಕಡತದಲ್ಲಿ ಅಡಕವಾಗಿಸದಿರುವುದು. ನೀವು ಆಗಸ್ಟ್ ೨೫, ೨೦೦೯ರ ಗಣಕಿಂಡಿಯಲ್ಲಿ ಸೂಚಿಸಿದ PDFCreator ಬಳಸುತ್ತಿರುವವರಾದರೆ, ಅದರಲ್ಲಿ ಒಂದು ಆಯ್ಕೆ ಇದೆ. ಅದರ ಆಯ್ಕೆ (options) ಯಲ್ಲಿ ಪಿಡಿಎಫ್ ವಿಭಾಗದಲ್ಲಿ ಫಾಂಟ್ ಎಂಬಲ್ಲಿ Embed all fonts ಎಂದು ಆಯ್ಕೆ ಮಾಡಿ.
ಕಂಪ್ಯೂತರ್ಲೆ
ಗಣಕವೇದವಾಕ್ಯ
ವಾಟಾಳ್ ನಾಗರಾಜ್ ಕನ್ನಡಕ ತೆಗೆಯುವ ತನಕ, ಜಯಲಲಿತ ಮದುವೆಯಾಗುವ ತನಕ, ಕರುಣಾನಿಧಿ ಕನ್ನಡಕ ತೆಗೆಯುವ ತನಕ, ದೇವೇಗೌಡ ಪ್ಯಾಂಟ್ ಧರಿಸುವ ತನಕ, ಬಂಗಾರಪ್ಪ ಪಕ್ಷ ಬದಲಿಸುವುದನ್ನು ನಿಲ್ಲಿಸುವ ತನಕ, ರಾಜಕಾರಣಿಗಳು ಸುಳ್ಳು ಹೇಳುವುದನ್ನು ನಿಲ್ಲಿಸುವ ತನಕ ನಿಮ್ಮ ಗಣಕದಲ್ಲಿ ವೈರಸ್ ಇದ್ದೇ ಇರುತ್ತದೆ.
ಮಂಗಳವಾರ, ಅಕ್ಟೋಬರ್ 6, 2009
ಗಣಕಿಂಡಿ - ೦೨೦ (ಅಕ್ಟೋಬರ್ ೦೫, ೨೦೦೯)
ಅಂತರಜಾಲಾಡಿ
ನಕಲಿ ಹೆಡ್‌ಫೋನ್ ಪತ್ತೆಹಚ್ಚಿ
ಸಂಗೀತ ಸವಿಯಲು, ಇನ್ನೊಬ್ಬರಿಗೆ ಕಿರಿಕಿರಿಯಾಗದಂತೆ ಸಿನಿಮಾ ನೋಡಲು, ರೇಡಿಯೋ ಕೇಳಲು -ಹೀಗೆ ಹಲವಾರು ರೀತಿಯಲ್ಲಿ ಹೆಡ್‌ಫೋನ್‌ಗಳು ಬಳಕೆಯಾಗುತ್ತಿವೆ. ಇವುಗಳು ೫೦ ರೂ.ನಿಂದ ಹಿಡಿದು ೫೦,೦೦೦ ರೂ.ಗಳ ತನಕವೂ ಲಭ್ಯವಿವೆ. ಜಾಸ್ತಿ ಬೆಲೆಬಾಳುವ ಹೆಡ್‌ಫೋನ್‌ಗಳು ಉತ್ತಮ ಗುಣಮಟ್ಟದವುಗಳಾಗಿರುತ್ತವೆ. ಇನ್ನೂ ಹೆಚ್ಚಿನ ಬೆಲೆಬಾಳುವ ಹೆಡ್‌ಫೋನ್‌ಗಳಲ್ಲಿ ಹೊರಗಿನ ಗಲಾಟೆಯನ್ನು ಕೇಳದಂತೆ ಮಾಡಿ ಕೇವಲ ಸಂಗೀತ ಮಾತ್ರ ಕೇಳುವಂತೆ ಮಾಡುವ ವ್ಯವಸ್ಥೆಯಿರುತ್ತದೆ. ಬೋಸ್ ಕಂಪೆನಿಯ ಇಂತಹ ಹೆಡ್‌ಫೋನ್‌ಗೆ ಸುಮಾರು ೨೨,೦೦೦ ರೂ. ಬೆಲೆ ಇದೆ. ಅಧಿಕ ಬೆಲೆಬಾಳುವ ಹೆಡ್‌ಫೋನ್‌ಗಳಿರುವಂತೆಯೇ ಅವುಗಳನ್ನು ನಕಲಿ ಮಾಡಿ ಅಂತೆಯೇ ಕಾಣುವ ಆದರೆ ಕಡಿಮೆ ಗುಣಮಟ್ಟದ ಹೆಡ್‌ಫೋನ್‌ಗಳೂ ಮಾರುಕಟ್ಟೆಯಲ್ಲಿ ಲಭ್ಯವಿವೆ. ನಕಲಿ ಹೆಡ್‌ಫೋನ್‌ಗಳನ್ನು ಪತ್ತೆ ಹಚ್ಚುವುದು ಹೇಗೆ? ಅದಕ್ಕೆಂದೇ ಮೀಸಲಾಗಿರುವ ಜಾಲತಾಣ - fakeheadphones.com. ದುಬಾರಿ ಹೆಡ್‌ಫೋನ್ ಕೊಳ್ಳುವ ಮೊದಲು ಈ ಜಾಲತಾಣಕ್ಕೆ ಭೇಟಿ ನೀಡಲು ಮರೆಯದಿರಿ.
ಡೌನ್‌ಲೋಡ್
ಸುಡೊಕು ಪ್ರಿಯರಿಗೆ
ದಿನ ಪತ್ರಿಕೆ, ವಾರಪತ್ರಿಕೆ, ಮ್ಯಾಗಝಿನ್ -ಯಾವುದನ್ನು ಬೇಕಾದರೂ ತೆಗೆದು ನೊಡಿ. ಸುಡೊಕು ಇದ್ದೇ ಇರುತ್ತದೆ. ಜಪಾನೀ ಮೂಲದ ಈ ಆಟ ತುಂಬ ಜನಪ್ರಿಯ. ಮೆದುಳಿಗೂ ಕೆಲಸ ಕೊಡುತ್ತದೆ. ಸುಡೊಕು ಸಮಸ್ಯೆಗೆ ಪರಿಹಾರ ಬೇಕೇ? ಅಥವಾ ಸುಡೊಕು ಸಮಸ್ಯೆ ತಯಾರಿಸಬೇಕೇ? ಇವೆಲ್ಲ ಗಣಕದ ಮೂಲಕವೇ ಆಗಬೇಕೇ? ಹಾಗಿದ್ದರೆ ನಿಮಗೆ ಬೇಕು Isanaki ತಂತ್ರಾಂಶ. ಇದು ಸುಡೊಕು ಮಾತ್ರವಲ್ಲ. ಅಕ್ಷರ ಆಧಾರಿತ (ಅಂಕೆಗಳ ಬದಲಿಗೆ) ವರ್ಡೊಕು ಸಮಸ್ಯೆಯನ್ನು ಕೂಡ ಇದು ಸೃಷ್ಟಿಸಬಲ್ಲುದು ಹಾಗೂ ಪರಿಹರಿಸಬಲ್ಲುದು. ಈ ತಂತ್ರಾಂಶ ಬೇಕಿದ್ದಲ್ಲಿ ಈ ಜಾಲತಾಣಕ್ಕೆ ಭೇಟಿ ನೀಡಿ - http://bit.ly/PKg2I
e - ಸುದ್ದಿ
ಜಾಲಿಗ ಕಳ್ಳ ಸಿಕ್ಕಬಿದ್ದ
ಕಳ್ಳನೊಬ್ಬ ಮನೆಗೆ ನುಗ್ಗಿ ಕಳವು ಮಾಡಿದ. ನಂತರ ಬೇಕಾದಷ್ಟು ಸಮಯ ಇದೆ ಎಂದು ತಿಳಿದು ಆರಾಮವಾಗಿ ಅಲ್ಲೇ ಇದ್ದ ಗಣಕದಲ್ಲಿ ತಪ್ಪಿಸಿಕೊಂಡು ಹೋಗುವ ದಾರಿ ಎಂದು ಗೂಗ್ಲ್‌ನಲ್ಲಿ ಹುಡಕಾಡಿದ. ಇಷ್ಟೇ ಆಗಿದ್ದರೆ ಏನೂ ಆಗುತ್ತಿರಲಿಲ್ಲ. ಆತ ತನ್ನ ಫೇಸ್‌ಬುಕ್ ಖಾತೆಗೆ ಲಾಗ್‌ಇನ್ ಆಗಿ ನಾನೊಂದು ಮನೆಗೆ ನುಗ್ಗಿ ದರೋಡೆ ಮಾಡಿದೆ ಎಂದೂ ಬರೆದ. ಫೇಸ್‌ಬುಕ್‌ನಿಂದ ಲಾಗ್ ಔಟ್ ಮಾಡದೆ ಆರಾಮವಾಗಿ ಹೊರನಡೆದ. ಇಷ್ಟೆಲ್ಲ ಮಾಡಿದ ಮೇಲೆ ಪೋಲೀಸರ ಕೈಗೆ ಸಿಕ್ಕಿಬೀಳುವುದು ಎಷ್ಟು ಹೊತ್ತಿನ ಕೆಲಸ? ಆತನ ಬಗ್ಗೆ ಎಲ್ಲ ವಿವರಗಳಿರುವ ಆತನ ಫೇಸ್‌ಬುಕ್ ಖಾತೆಯಿಂದ ಲಾಗ್‌ಔಟ್ ಮಾಡಿದ್ದರೆ ಆತನನ್ನು ಹಿಡಿಯುವುದು ಅಷ್ಟು ಸುಲಭವಾಗುತ್ತಿರಲಿಲ್ಲ. ವಿಚಾರಣೆ ಮುಗಿದ ಮೇಲೆ ಬಹುಶಃ ಆತನಿಗೆ ಹತ್ತು ವರ್ಷ ಕಾರಾಗೃಹವಾಸದ ಶಿಕ್ಷೆ ಆಗಬಹುದು. ಆಂ, ಆತನಿಗೆ ಆಗ ಅಂತರಜಾಲ ಸೌಲಭ್ಯ ಇರುವುದಿಲ್ಲ. ಇದೆಲ್ಲ ನಡೆದಿದ್ದು ಅಮೇರಿಕ ದೇಶದಲ್ಲಿ.
e- ಪದ
ರದ್ದೀಮೈಲ್ (ಸ್ಪಾಮ್ -spam) -ನಿಮಗೆ ಬೇಕೋ ಬೇಡವೋ, ನಿಮ್ಮ ಟಪಾಲು ಪೆಟ್ಟಿಗೆಯಲ್ಲಿ ಒಂದಿಷ್ಟು ಜಾಹೀರಾತು ಪತ್ರಗಳು ದಿನನಿತ್ಯ ಬಂದು ಬೀಳುತ್ತವೆ ತಾನೆ? ಅದನ್ನು ನೀವು ರದ್ದಿ ಎಂದೇ ಕರೆಯುತ್ತೀರಿ ತಾನೆ? ಅದೇ ರೀತಿ ದಿನನಿತ್ಯ ನಿಮ್ಮ ಇಮೈಲ್‌ಗೆ ನಮಗೆ ಬೇಡವಾದ ಜಾಹೀರಾತು, ಇನ್ಯಾವುದೋ ಸುದ್ದಿ ಪತ್ರ, ತಮ್ಮ ಜಾಲತಾಣ ಅಥವಾ ಬ್ಲಾಗ್ ನೋಡಿ ಎಂಬ ಕೇಳಿಕೆ -ಇತ್ಯಾದಿ, ನಮಗೆ ಅಗತ್ಯವಿಲ್ಲದ, ನಾವು ಕೋರಿಕೊಳ್ಳದ, ಇಮೈಲ್ ಬಂದು ಬಿದ್ದರೆ ಅದನ್ನು ಸ್ಪಾಮ್ ಇಮೈಲ್ ಎಂದು ಕರೆಯಲಾಗುತ್ತದೆ. ಈ ರೀತಿ ಸ್ಪಾಮ್ ಇಮೈಲ್ ಕಳಿಸುವುದು ಕಾನೂನು ಪ್ರಕಾರ ಅಪರಾಧ.
e - ಸಲಹೆ
ಗೂಗ್ಲ್‌ನಲ್ಲಿ ಬೇಕಾದ ಫೈಲ್ ಹುಡುಕಿ
ಗೂಗ್ಲ್ ಬಳಸಿ ನಮಗೆ ಬೇಕಾದ ಮಾಹಿತಿಯನ್ನು ಹುಡುಕುವುದು ಗೊತ್ತು ತಾನೆ? ಅದೇ ರೀತಿ ನಮಗೆ ಬೇಕಾದ ರೀತಿಯ ಫೈಲನ್ನು ಕೂಡ ಹುಡುಕಬಹುದು. ಅದಕ್ಕೆ ಮಾಡಬೇಕಾದದ್ದು ಇಷ್ಟೆ: ಗೂಗ್ಲ್‌ನಲ್ಲಿ ಹುಡುಕಬೇಕಾದ ಮಾಹಿತಿಯನ್ನು ಬೆರಳಚ್ಚಿಸಿ ಅದರ ಮುಂದೆ filtype: ಎಂದು ನಮೂದಿಸಿ ಬೇಕಾದ ಫೈಲ್ ಮಾದರಿಯನ್ನು ನಮೂದಿಸಬೇಕು. ಉದಾಹರಣೆಗೆ ಪವರ್‌ಪಾಯಿಂಟ್ ಸ್ಲೈಡ್ ಬೇಕಿದ್ದಲ್ಲಿ filetype:PPT, ಪಿಡಿಎಫ್ ಕಡತ ಬೇಕಾಗಿದ್ದಲ್ಲಿ filetype:PDF, ಇತ್ಯಾದಿ.
ಕಂಪ್ಯೂತರ್ಲೆ
ಗಣಕವಾಡುಗಳು
“ನನ್ನ ಗಣಕಕ್ಕೆ ಬಂದಿದೆ ವೈರಸ್ಸಾಸುರಾ, ಎನ್ನ ಗಣಕವ ಕಾಯೋ ಮಹದೇಶ್ವರಾ”
“ಕೀಬೋರ್ಡ್ ತುಂಬ ಉರುಳುರುಳುತಾ, ಮೌಸ್‌ನಲ್ಲೂ ತುಂಬಿರಲು ನೀನು, ಮೌಸ್‌ಪಾಡ್‌ನಲ್ಲಿ ಹೊಳೆಹೊಳೆಯುತ, ಅಂಗೈಯಲ್ಲೂ ಅಂಟಿಕೊಂಡಿರಲು ನೀನು, ಕಸವೆಂಬ ದಿವ್ಯ ಕೀಟವೆ ನಿನಗೆ ಪ್ರಣಾಮಾ..”
ನಕಲಿ ಹೆಡ್‌ಫೋನ್ ಪತ್ತೆಹಚ್ಚಿ
ಸಂಗೀತ ಸವಿಯಲು, ಇನ್ನೊಬ್ಬರಿಗೆ ಕಿರಿಕಿರಿಯಾಗದಂತೆ ಸಿನಿಮಾ ನೋಡಲು, ರೇಡಿಯೋ ಕೇಳಲು -ಹೀಗೆ ಹಲವಾರು ರೀತಿಯಲ್ಲಿ ಹೆಡ್‌ಫೋನ್‌ಗಳು ಬಳಕೆಯಾಗುತ್ತಿವೆ. ಇವುಗಳು ೫೦ ರೂ.ನಿಂದ ಹಿಡಿದು ೫೦,೦೦೦ ರೂ.ಗಳ ತನಕವೂ ಲಭ್ಯವಿವೆ. ಜಾಸ್ತಿ ಬೆಲೆಬಾಳುವ ಹೆಡ್‌ಫೋನ್‌ಗಳು ಉತ್ತಮ ಗುಣಮಟ್ಟದವುಗಳಾಗಿರುತ್ತವೆ. ಇನ್ನೂ ಹೆಚ್ಚಿನ ಬೆಲೆಬಾಳುವ ಹೆಡ್‌ಫೋನ್‌ಗಳಲ್ಲಿ ಹೊರಗಿನ ಗಲಾಟೆಯನ್ನು ಕೇಳದಂತೆ ಮಾಡಿ ಕೇವಲ ಸಂಗೀತ ಮಾತ್ರ ಕೇಳುವಂತೆ ಮಾಡುವ ವ್ಯವಸ್ಥೆಯಿರುತ್ತದೆ. ಬೋಸ್ ಕಂಪೆನಿಯ ಇಂತಹ ಹೆಡ್‌ಫೋನ್‌ಗೆ ಸುಮಾರು ೨೨,೦೦೦ ರೂ. ಬೆಲೆ ಇದೆ. ಅಧಿಕ ಬೆಲೆಬಾಳುವ ಹೆಡ್‌ಫೋನ್‌ಗಳಿರುವಂತೆಯೇ ಅವುಗಳನ್ನು ನಕಲಿ ಮಾಡಿ ಅಂತೆಯೇ ಕಾಣುವ ಆದರೆ ಕಡಿಮೆ ಗುಣಮಟ್ಟದ ಹೆಡ್‌ಫೋನ್‌ಗಳೂ ಮಾರುಕಟ್ಟೆಯಲ್ಲಿ ಲಭ್ಯವಿವೆ. ನಕಲಿ ಹೆಡ್‌ಫೋನ್‌ಗಳನ್ನು ಪತ್ತೆ ಹಚ್ಚುವುದು ಹೇಗೆ? ಅದಕ್ಕೆಂದೇ ಮೀಸಲಾಗಿರುವ ಜಾಲತಾಣ - fakeheadphones.com. ದುಬಾರಿ ಹೆಡ್‌ಫೋನ್ ಕೊಳ್ಳುವ ಮೊದಲು ಈ ಜಾಲತಾಣಕ್ಕೆ ಭೇಟಿ ನೀಡಲು ಮರೆಯದಿರಿ.
ಡೌನ್‌ಲೋಡ್
ಸುಡೊಕು ಪ್ರಿಯರಿಗೆ
ದಿನ ಪತ್ರಿಕೆ, ವಾರಪತ್ರಿಕೆ, ಮ್ಯಾಗಝಿನ್ -ಯಾವುದನ್ನು ಬೇಕಾದರೂ ತೆಗೆದು ನೊಡಿ. ಸುಡೊಕು ಇದ್ದೇ ಇರುತ್ತದೆ. ಜಪಾನೀ ಮೂಲದ ಈ ಆಟ ತುಂಬ ಜನಪ್ರಿಯ. ಮೆದುಳಿಗೂ ಕೆಲಸ ಕೊಡುತ್ತದೆ. ಸುಡೊಕು ಸಮಸ್ಯೆಗೆ ಪರಿಹಾರ ಬೇಕೇ? ಅಥವಾ ಸುಡೊಕು ಸಮಸ್ಯೆ ತಯಾರಿಸಬೇಕೇ? ಇವೆಲ್ಲ ಗಣಕದ ಮೂಲಕವೇ ಆಗಬೇಕೇ? ಹಾಗಿದ್ದರೆ ನಿಮಗೆ ಬೇಕು Isanaki ತಂತ್ರಾಂಶ. ಇದು ಸುಡೊಕು ಮಾತ್ರವಲ್ಲ. ಅಕ್ಷರ ಆಧಾರಿತ (ಅಂಕೆಗಳ ಬದಲಿಗೆ) ವರ್ಡೊಕು ಸಮಸ್ಯೆಯನ್ನು ಕೂಡ ಇದು ಸೃಷ್ಟಿಸಬಲ್ಲುದು ಹಾಗೂ ಪರಿಹರಿಸಬಲ್ಲುದು. ಈ ತಂತ್ರಾಂಶ ಬೇಕಿದ್ದಲ್ಲಿ ಈ ಜಾಲತಾಣಕ್ಕೆ ಭೇಟಿ ನೀಡಿ - http://bit.ly/PKg2I
e - ಸುದ್ದಿ
ಜಾಲಿಗ ಕಳ್ಳ ಸಿಕ್ಕಬಿದ್ದ
ಕಳ್ಳನೊಬ್ಬ ಮನೆಗೆ ನುಗ್ಗಿ ಕಳವು ಮಾಡಿದ. ನಂತರ ಬೇಕಾದಷ್ಟು ಸಮಯ ಇದೆ ಎಂದು ತಿಳಿದು ಆರಾಮವಾಗಿ ಅಲ್ಲೇ ಇದ್ದ ಗಣಕದಲ್ಲಿ ತಪ್ಪಿಸಿಕೊಂಡು ಹೋಗುವ ದಾರಿ ಎಂದು ಗೂಗ್ಲ್‌ನಲ್ಲಿ ಹುಡಕಾಡಿದ. ಇಷ್ಟೇ ಆಗಿದ್ದರೆ ಏನೂ ಆಗುತ್ತಿರಲಿಲ್ಲ. ಆತ ತನ್ನ ಫೇಸ್‌ಬುಕ್ ಖಾತೆಗೆ ಲಾಗ್‌ಇನ್ ಆಗಿ ನಾನೊಂದು ಮನೆಗೆ ನುಗ್ಗಿ ದರೋಡೆ ಮಾಡಿದೆ ಎಂದೂ ಬರೆದ. ಫೇಸ್‌ಬುಕ್‌ನಿಂದ ಲಾಗ್ ಔಟ್ ಮಾಡದೆ ಆರಾಮವಾಗಿ ಹೊರನಡೆದ. ಇಷ್ಟೆಲ್ಲ ಮಾಡಿದ ಮೇಲೆ ಪೋಲೀಸರ ಕೈಗೆ ಸಿಕ್ಕಿಬೀಳುವುದು ಎಷ್ಟು ಹೊತ್ತಿನ ಕೆಲಸ? ಆತನ ಬಗ್ಗೆ ಎಲ್ಲ ವಿವರಗಳಿರುವ ಆತನ ಫೇಸ್‌ಬುಕ್ ಖಾತೆಯಿಂದ ಲಾಗ್‌ಔಟ್ ಮಾಡಿದ್ದರೆ ಆತನನ್ನು ಹಿಡಿಯುವುದು ಅಷ್ಟು ಸುಲಭವಾಗುತ್ತಿರಲಿಲ್ಲ. ವಿಚಾರಣೆ ಮುಗಿದ ಮೇಲೆ ಬಹುಶಃ ಆತನಿಗೆ ಹತ್ತು ವರ್ಷ ಕಾರಾಗೃಹವಾಸದ ಶಿಕ್ಷೆ ಆಗಬಹುದು. ಆಂ, ಆತನಿಗೆ ಆಗ ಅಂತರಜಾಲ ಸೌಲಭ್ಯ ಇರುವುದಿಲ್ಲ. ಇದೆಲ್ಲ ನಡೆದಿದ್ದು ಅಮೇರಿಕ ದೇಶದಲ್ಲಿ.
e- ಪದ
ರದ್ದೀಮೈಲ್ (ಸ್ಪಾಮ್ -spam) -ನಿಮಗೆ ಬೇಕೋ ಬೇಡವೋ, ನಿಮ್ಮ ಟಪಾಲು ಪೆಟ್ಟಿಗೆಯಲ್ಲಿ ಒಂದಿಷ್ಟು ಜಾಹೀರಾತು ಪತ್ರಗಳು ದಿನನಿತ್ಯ ಬಂದು ಬೀಳುತ್ತವೆ ತಾನೆ? ಅದನ್ನು ನೀವು ರದ್ದಿ ಎಂದೇ ಕರೆಯುತ್ತೀರಿ ತಾನೆ? ಅದೇ ರೀತಿ ದಿನನಿತ್ಯ ನಿಮ್ಮ ಇಮೈಲ್‌ಗೆ ನಮಗೆ ಬೇಡವಾದ ಜಾಹೀರಾತು, ಇನ್ಯಾವುದೋ ಸುದ್ದಿ ಪತ್ರ, ತಮ್ಮ ಜಾಲತಾಣ ಅಥವಾ ಬ್ಲಾಗ್ ನೋಡಿ ಎಂಬ ಕೇಳಿಕೆ -ಇತ್ಯಾದಿ, ನಮಗೆ ಅಗತ್ಯವಿಲ್ಲದ, ನಾವು ಕೋರಿಕೊಳ್ಳದ, ಇಮೈಲ್ ಬಂದು ಬಿದ್ದರೆ ಅದನ್ನು ಸ್ಪಾಮ್ ಇಮೈಲ್ ಎಂದು ಕರೆಯಲಾಗುತ್ತದೆ. ಈ ರೀತಿ ಸ್ಪಾಮ್ ಇಮೈಲ್ ಕಳಿಸುವುದು ಕಾನೂನು ಪ್ರಕಾರ ಅಪರಾಧ.
e - ಸಲಹೆ
ಗೂಗ್ಲ್‌ನಲ್ಲಿ ಬೇಕಾದ ಫೈಲ್ ಹುಡುಕಿ
ಗೂಗ್ಲ್ ಬಳಸಿ ನಮಗೆ ಬೇಕಾದ ಮಾಹಿತಿಯನ್ನು ಹುಡುಕುವುದು ಗೊತ್ತು ತಾನೆ? ಅದೇ ರೀತಿ ನಮಗೆ ಬೇಕಾದ ರೀತಿಯ ಫೈಲನ್ನು ಕೂಡ ಹುಡುಕಬಹುದು. ಅದಕ್ಕೆ ಮಾಡಬೇಕಾದದ್ದು ಇಷ್ಟೆ: ಗೂಗ್ಲ್‌ನಲ್ಲಿ ಹುಡುಕಬೇಕಾದ ಮಾಹಿತಿಯನ್ನು ಬೆರಳಚ್ಚಿಸಿ ಅದರ ಮುಂದೆ filtype: ಎಂದು ನಮೂದಿಸಿ ಬೇಕಾದ ಫೈಲ್ ಮಾದರಿಯನ್ನು ನಮೂದಿಸಬೇಕು. ಉದಾಹರಣೆಗೆ ಪವರ್‌ಪಾಯಿಂಟ್ ಸ್ಲೈಡ್ ಬೇಕಿದ್ದಲ್ಲಿ filetype:PPT, ಪಿಡಿಎಫ್ ಕಡತ ಬೇಕಾಗಿದ್ದಲ್ಲಿ filetype:PDF, ಇತ್ಯಾದಿ.
ಕಂಪ್ಯೂತರ್ಲೆ
ಗಣಕವಾಡುಗಳು
“ನನ್ನ ಗಣಕಕ್ಕೆ ಬಂದಿದೆ ವೈರಸ್ಸಾಸುರಾ, ಎನ್ನ ಗಣಕವ ಕಾಯೋ ಮಹದೇಶ್ವರಾ”
“ಕೀಬೋರ್ಡ್ ತುಂಬ ಉರುಳುರುಳುತಾ, ಮೌಸ್‌ನಲ್ಲೂ ತುಂಬಿರಲು ನೀನು, ಮೌಸ್‌ಪಾಡ್‌ನಲ್ಲಿ ಹೊಳೆಹೊಳೆಯುತ, ಅಂಗೈಯಲ್ಲೂ ಅಂಟಿಕೊಂಡಿರಲು ನೀನು, ಕಸವೆಂಬ ದಿವ್ಯ ಕೀಟವೆ ನಿನಗೆ ಪ್ರಣಾಮಾ..”
ಬುಧವಾರ, ಸೆಪ್ಟೆಂಬರ್ 23, 2009
ಗಣಕಿಂಡಿ - ೦೧೯ (ಸಪ್ಟಂಬರ್ ೨೧, ೨೦೦೯)
ಅಂತರಜಾಲಾಡಿ
ಮೈಸೂರು ದಸರ ಎಷ್ಟೊಂದು ಸುಂದರ
ಹಳೆಯ ಚಿತ್ರಗೀತೆಯೊಂದರ ಪ್ರಾರಂಭದ ಸಾಲು “ಮೈಸೂರು ದಸರ, ಎಷ್ಟೊಂದು ಸುಂದರ, ಚೆಲ್ಲಿದೆ ನಗೆಯಾ ಪನ್ನೀರಾ...”. ಹೌದು. ಮೈಸೂರು ದಸರ ನಿಜಕ್ಕೂ ಬಲು ಸುಂದರ. ಮೈಸೂರು ದಸರ ಜಗತ್ಪ್ರಸಿದ್ಧ. ಅದನ್ನು ನೋಡಿ ಆನಂದಿಸಲು ದೇಶವಿದೇಶಗಳಿಂದ ಸಾವಿರಾರು ಜನರು ಬರುತ್ತಾರೆ. ದಸರ ಸಮಯದಲ್ಲಿ ಹಲವಾರು ಕಾರ್ಯಕ್ರಮಗಳು ಮೈಸೂರಿನಾದ್ಯಂತ ಜರಗುತ್ತವೆ. ಯಾವ ದಿನ ಎಲ್ಲಿ ಏನು ಕಾರ್ಯಕ್ರಮ ನಡೆಯುತ್ತದೆ, ಎಲ್ಲಿ ವಸತಿ ಸಿಗಬಹುದು, ಮೈಸೂರಿನ ಸುತ್ತಮುತ್ತ ಯಾವ ಯಾವ ಪ್ರೇಕ್ಷಣೀಯ ಸ್ಥಳಗಳಿವೆ, ಅಲ್ಲಿಗೆ ಹೋಗುವುದು ಹೇಗೆ, ಅಷ್ಟು ಮಾತ್ರವಲ್ಲ, ಮೈಸೂರಿನಲ್ಲಿ ಎಲ್ಲೆಲ್ಲಿ ಬ್ಯಾಂಕುಗಳ ಎಟಿಎಂಗಳಿವೆ -ಹೀಗೆ ಹಲವಾರು ಉಪಯುಕ್ತ ಮಾಹಿತಿಗಳನ್ನು ನೀಡುವ ಜಾಲತಾಣ - www.mysoredasara.com. ಇದು ಇಂಗ್ಲಿಶ್ ಹಾಗೂ ಕನ್ನಡ ಭಾಷೆಗಳಲ್ಲಿದೆ. ಮೈಸೂರು ದಸರ ಕಾರ್ಯಕ್ರಮದ ಅಧಿಕೃತ ಜಾಲತಾಣ ಇದು. ಉತ್ತಮ ಗುಣಮಟ್ಟದ ಈ ಜಾಲತಾಣದ ಕನ್ನಡ ವಿಭಾಗ ಯುನಿಕೋಡ್‌ನಲ್ಲಿದೆ.
ಡೌನ್‌ಲೋಡ್
ಯುಟ್ಯೂಬಿನಿಂದ ವೀಡಿಯೋ ಬೇಕೆ?
ಚಿಕ್ಕ ಚಿಕ್ಕ ವೀಡಿಯೋ ತುಣುಕುಗಳಿಂದ ಹಿಡಿದು ಪೂರ್ತಿ ಪ್ರಮಾಣದ ಚಲನಚಿತ್ರಗಳ ತನಕ ಎಲ್ಲ ರೀತಿಯ ವೀಡಿಯೋಗಳಿರುವ ಜಾಲತಾಣ ಯುಟ್ಯೂಬ್ (youtube.com). ಈ ಜಾಲತಾಣದಲ್ಲಿ ಸಹಸ್ರಾರು ವೀಡಿಯೋಗಳಿವೆ. ಹಲವು ಉಪಯುಕ್ತ, ಶೈಕ್ಷಣಿಕ ವೀಡಿಯೋಗಳೂ ಇವೆ. ಇವನ್ನೆಲ್ಲ ಆ ಜಾಲತಾಣದಲ್ಲೇ ವೀಕ್ಷಿಸಬೇಕು. ಅಂದರೆ ಪ್ರತಿ ಸಾರಿ ವೀಡಿಯೋ ವೀಕ್ಷಿಸಲೂ ಜಾಲತಾಣಕ್ಕೆ ಭೇಟಿ ನೀಡಬೇಕು. ಇನ್ನೂ ಒಂದು ಸಮಸ್ಯೆಯಿದೆ. ಉತ್ತಮ ಬ್ರಾಡ್‌ಬ್ಯಾಂಡ್ ಸಂಪರ್ಕವಿದ್ದರೂ ವೀಡಿಯೋ ನಿಂತು ನಿಂತು ಬರುತ್ತದೆ. ಯುಟ್ಯೂಬ್ ಜಾಲತಾಣದಿಂದ ವೀಡಿಯೋಗಳನ್ನು ನಿಮ್ಮ ಗಣಕಕ್ಕೆ ಡೌನ್‌ಲೋಡ್ ಮಾಡಿಕೊಳ್ಳಲು ಸಹಾಯ ಮಾಡುವ ತಂತ್ರಾಂಶ - YouTube Downloader. ಇದು ಬೇಕಿದ್ದಲ್ಲಿ http://bit.ly/oRMpZ ಜಾಲತಾಣಕ್ಕೆ ಭೇಟಿ ನೀಡಿ.
e - ಸುದ್ದಿ
ಅಂತರಜಾಲಕ್ಕಿಂತ ಪಾರಿವಾಳವೇ ವೇಗ
ಅಂತರಜಾಲದ ಮೂಲಕ ೮೦ ಕಿಮೀ ದೂರಕ್ಕೆ ಮಾಹಿತಿ ಸಾಗಿಸಲು ಎಷ್ಟು ಸಮಯ ಹಿಡಿಯಬಹುದು? ಮಾಹಿತಿಯ ಗಾತ್ರವನ್ನು ಇದು ಅವಲಂಬಿಸಿದೆ. ಈಗಿನ ಬ್ರಾಡ್‌ಬ್ಯಾಂಡ್ ಸಂಪರ್ಕ ಕಾಲದಲ್ಲಿ ಇದೇನು ತುಂಬ ಸಮಯ ತೆಗೆದುಕೊಳ್ಳುವ ಕೆಲಸವಲ್ಲ ಅಂತೀರಾ? ಹಾಗಿದ್ದರೆ ದಕ್ಷಿಣ ಆಫ್ರಿಕಾಕ್ಕೆ ಬನ್ನಿ. ಅಲ್ಲಿ ಅಂತರಜಾಲಕ್ಕಿಂತ ಪಾರಿವಾಳವೇ ವೇಗ ಎಂದು ಸಾಧಿಸಿ ತೋರಿಸಲಾಗಿದೆ. ತನ್ನ ಕಾಲಿಗೆ ಮಾಹಿತಿಭರಿತ ಡಾಟಾ ಕಾರ್ಡ್ ಕಟ್ಟಿಕೊಂಡ ಪಾರಿವಾಳವು ೮೦ ಕಿಮೀ ದೂರವನ್ನು ೬೮ ನಿಮಿಷಗಳಲ್ಲಿ ಸಾಗಿತು. ಅಂತರಜಾಲದ ಮೂಲಕ ಅಷ್ಟೇ ಮಾಹಿತಿಯನ್ನು ಸಾಗಿಸಲು ಪ್ರಯತ್ನಿಸಲಾಯಿತು. ೧೨೭ ನಿಮಿಷಗಳ ನಂತರ ಕೇವಲ ಶೇಕಡ ೪ರಷ್ಟು ಮಾಹಿತಿಯನ್ನು ಸಾಗಿಸಲು ಸಾಧ್ಯವಾಯಿತು. ಇದು ದಕ್ಷಿಣ ಆಫ್ರಿಕಾದ ಕತೆ. ನಮ್ಮಲ್ಲಿ ಪರಿಸ್ಥಿತಿ ಅಷ್ಟು ಕೆಟ್ಟಿಲ್ಲ ಎನ್ನುತ್ತೀರಾ? ಹಾಗಿದ್ದರೆ ಬೆಂಗಳೂರಿನಂತಹ ದೊಡ್ಡ ನಗರದಿಂದ ಕೇವಲ ೨೦ ಕಿಮೀ ದೂರ ಹೋಗಿ ನೋಡಿ.
e- ಪದ
ಗುಂಪುಗುತ್ತಿಗೆ
ಕ್ರೌಡ್‌ಸೋರ್ಸಿಂಗ್ -(crowdsourcing) --ಜನರಿಂದ ಸಹಾಯ ಪಡೆದುಕೊಂಡು ವಾಣಿಜ್ಯ ಅಥವಾ ಇನ್ನಾವುದಾದರೂ ಸಮಸ್ಯೆಗೆ ಪರಿಹಾರ ಅಥವಾ ತಂತ್ರಾಂಶ ತಯಾರಿಸುವುದು. ಉದಾಹರಣೆಗೆ ಜನರೆಲ್ಲ ಸೇರಿ ಒಂದು ನಿಘಂಟು ತಯಾರಿಸುವುದು. ಅನುವಾದ ಆಗಬೇಕಾಗಿರುವ ಪದ ಅಥವಾ ಪದಗುಚ್ಛಗಳನ್ನು ಅಂತರಜಾಲದಲ್ಲಿ ಇಟ್ಟು ಎಲ್ಲರನ್ನು ಇವುಗಳನ್ನು ಅನುವಾದಿಸಲು ಆಹ್ವಾನಿಸುವುದು. ಈ ವಿಧಾನದಲ್ಲಿ ಸಹಾಯಹಸ್ತ ನೀಡುವ ಯಾರಿಗೂ ಸಂಭಾವನೆ ನೀಡಲಾಗುವುದಿಲ್ಲ. ಹೊರಗುತ್ತಿಗೆಗೆ ಬಳಸುವ ವಿಖ್ಯಾತ ಪದ ಔಟ್‌ಸೋರ್ಸಿಂಗ್ ಪದವನ್ನೇ ತಿರುಚಿ ಈ ಪದದ ಸೃಷ್ಟಿ ಮಾಡಲಾಗಿದೆ.
e - ಸಲಹೆ
ಗಣಕಿಂಡಿ ಓದುಗರಾದ ಉಮೇಶ ಗೌಡರ ಪ್ರಶ್ನೆ: ನಾನು ಕನ್ನಡ ಬ್ಲಾಗುಗಳನ್ನು ಮತ್ತು ಕೆಲವು ಕನ್ನಡ ಜಾಲತಾಣಗಳನ್ನು ಓದುವಾಗ ಚಿಕ್ಕಚಿಕ್ಕ ಚೌಕಗಳನ್ನು ಮಾತ್ರ ಕಾಣುತ್ತೇನೆ. ಕನ್ನಡದಲ್ಲಿ ಅಕ್ಷರಗಳು ಕಾಣಿಸುವುದಿಲ್ಲ. ಇದಕ್ಕೆ ಪರಿಹಾರವೇನು?
ಉ: ನಿಮ್ಮ ಗಣಕದಲ್ಲಿ ಕನ್ನಡ ಯುನಿಕೋಡ್ ಶಿಷ್ಟತೆಯನ್ನು ನೀವು ಚಾಲನೆಗೊಳಿಸದಿದ್ದಲ್ಲಿ ಈ ಸಮಸ್ಯೆ ಕಂಡುಬರುತ್ತದೆ. ಇತ್ತೀಚೆಗೆ ಬಹುಪಾಲು ಕನ್ನಡ ಜಾಲತಾಣಗಳು ಮತ್ತು ಬ್ಲಾಗ್ ತಾಣಗಳು ಯುನಿಕೋಡ್ ಶಿಷ್ಟತೆಯನ್ನು ಪಾಲಿಸುತ್ತಿವೆ. ಇದು ಜಾಗತಿಕ ಶಿಷ್ಟತೆ. ಇಂತಹ ಜಾಲತಾಣಗಳನ್ನು ವೀಕ್ಷಿಸಲು ನಿಮ್ಮ ಗಣಕವು ಭಾರತೀಯ ಭಾಷೆಗಳ ಯುನಿಕೋಡ್ ಬೆಂಬಲಿತವಾಗಿರಬೇಕು. ವಿಂಡೋಸ್‌ನಲ್ಲಾದರೆ ಎಕ್ಸ್‌ಪಿ ಮತ್ತು ನಂತರದ ಎಲ್ಲ ಆವೃತ್ತಿಗಳಲ್ಲಿ ಈ ಸೌಲಭ್ಯ ಇದೆ. ಆದರೆ ಅದನ್ನು ಚಾಲನೆಗೊಳಿಸಬೇಕು. ಅದು ಹೇಗೆ? ವಿವರಗಳಿಗೆ ಈ ಜಾಲತಾಣ ನೋಡಿ http://bit.ly/Qhzcl
ಕಂಪ್ಯೂತರ್ಲೆ
ಮಾಹಿತಿಯ ತೂಕವೆಷ್ಟು?
ಇದು ಮೈಕ್ರೋಸಾಫ್ಟ್ ಕಂಪೆನಿಯವರು ತಮ್ಮ ಗ್ರಾಹಕರು ಮತ್ತು ಇತರರು ತಮ್ಮ ಸಮಸ್ಯೆಗಳ ಬಗ್ಗೆ ಚರ್ಚಿಸಲು, ಒಬ್ಬರೊಬ್ಬರಿಗೆ ಸಹಾಯ ಮಾಡಲು ಹಾಗೂ ಪರಸ್ಪರ ವಿಚಾರವಿನಿಮಯ ಮಾಡಿಕೊಳ್ಳಲು ನಿರ್ಮಿಸಿರುವ ಚರ್ಚಾಕೂಟದಲ್ಲಿ ಒಬ್ಬರು ನಿಜವಾಗಿಯೂ ಕೇಳಿದ ಪ್ರಶ್ನೆ: “ಒಂದು ಗಿಗಾಬೈಟ್ ಮಾಹಿತಿ ಎಷ್ಟು ತೂಗುತ್ತದೆ? ನಾನು ಲ್ಯಾಪ್‌ಟಾಪ್ ಕೊಂಡುಕೊಂಡಾಗ ಇದ್ದ ತೂಕಕ್ಕಿಂತ ಅದರಲ್ಲಿ ನಾನು ಸಾಕಷ್ಟು ಮಾಹಿತಿಗಳನ್ನು ಸೇರಿಸಿದ ಕಾರಣ ಈಗ ಅದರ ತೂಕ ಜಾಸ್ತಿಯಾಗಿದೆ. ಹೀಗೆ ಜಾಸ್ತಿಯಾಗಿ ನನ್ನ ಹಾರ್ಡ್‌ಡಿಸ್ಕ್ ಪೂರ್ತಿ ತುಂಬಿದಾಗ ಅದರ ತೂಕ ಎಷ್ಟು ಜಾಸ್ತಿ ಆಗುವುದು?”
ಮೈಸೂರು ದಸರ ಎಷ್ಟೊಂದು ಸುಂದರ
ಹಳೆಯ ಚಿತ್ರಗೀತೆಯೊಂದರ ಪ್ರಾರಂಭದ ಸಾಲು “ಮೈಸೂರು ದಸರ, ಎಷ್ಟೊಂದು ಸುಂದರ, ಚೆಲ್ಲಿದೆ ನಗೆಯಾ ಪನ್ನೀರಾ...”. ಹೌದು. ಮೈಸೂರು ದಸರ ನಿಜಕ್ಕೂ ಬಲು ಸುಂದರ. ಮೈಸೂರು ದಸರ ಜಗತ್ಪ್ರಸಿದ್ಧ. ಅದನ್ನು ನೋಡಿ ಆನಂದಿಸಲು ದೇಶವಿದೇಶಗಳಿಂದ ಸಾವಿರಾರು ಜನರು ಬರುತ್ತಾರೆ. ದಸರ ಸಮಯದಲ್ಲಿ ಹಲವಾರು ಕಾರ್ಯಕ್ರಮಗಳು ಮೈಸೂರಿನಾದ್ಯಂತ ಜರಗುತ್ತವೆ. ಯಾವ ದಿನ ಎಲ್ಲಿ ಏನು ಕಾರ್ಯಕ್ರಮ ನಡೆಯುತ್ತದೆ, ಎಲ್ಲಿ ವಸತಿ ಸಿಗಬಹುದು, ಮೈಸೂರಿನ ಸುತ್ತಮುತ್ತ ಯಾವ ಯಾವ ಪ್ರೇಕ್ಷಣೀಯ ಸ್ಥಳಗಳಿವೆ, ಅಲ್ಲಿಗೆ ಹೋಗುವುದು ಹೇಗೆ, ಅಷ್ಟು ಮಾತ್ರವಲ್ಲ, ಮೈಸೂರಿನಲ್ಲಿ ಎಲ್ಲೆಲ್ಲಿ ಬ್ಯಾಂಕುಗಳ ಎಟಿಎಂಗಳಿವೆ -ಹೀಗೆ ಹಲವಾರು ಉಪಯುಕ್ತ ಮಾಹಿತಿಗಳನ್ನು ನೀಡುವ ಜಾಲತಾಣ - www.mysoredasara.com. ಇದು ಇಂಗ್ಲಿಶ್ ಹಾಗೂ ಕನ್ನಡ ಭಾಷೆಗಳಲ್ಲಿದೆ. ಮೈಸೂರು ದಸರ ಕಾರ್ಯಕ್ರಮದ ಅಧಿಕೃತ ಜಾಲತಾಣ ಇದು. ಉತ್ತಮ ಗುಣಮಟ್ಟದ ಈ ಜಾಲತಾಣದ ಕನ್ನಡ ವಿಭಾಗ ಯುನಿಕೋಡ್‌ನಲ್ಲಿದೆ.
ಡೌನ್‌ಲೋಡ್
ಯುಟ್ಯೂಬಿನಿಂದ ವೀಡಿಯೋ ಬೇಕೆ?
ಚಿಕ್ಕ ಚಿಕ್ಕ ವೀಡಿಯೋ ತುಣುಕುಗಳಿಂದ ಹಿಡಿದು ಪೂರ್ತಿ ಪ್ರಮಾಣದ ಚಲನಚಿತ್ರಗಳ ತನಕ ಎಲ್ಲ ರೀತಿಯ ವೀಡಿಯೋಗಳಿರುವ ಜಾಲತಾಣ ಯುಟ್ಯೂಬ್ (youtube.com). ಈ ಜಾಲತಾಣದಲ್ಲಿ ಸಹಸ್ರಾರು ವೀಡಿಯೋಗಳಿವೆ. ಹಲವು ಉಪಯುಕ್ತ, ಶೈಕ್ಷಣಿಕ ವೀಡಿಯೋಗಳೂ ಇವೆ. ಇವನ್ನೆಲ್ಲ ಆ ಜಾಲತಾಣದಲ್ಲೇ ವೀಕ್ಷಿಸಬೇಕು. ಅಂದರೆ ಪ್ರತಿ ಸಾರಿ ವೀಡಿಯೋ ವೀಕ್ಷಿಸಲೂ ಜಾಲತಾಣಕ್ಕೆ ಭೇಟಿ ನೀಡಬೇಕು. ಇನ್ನೂ ಒಂದು ಸಮಸ್ಯೆಯಿದೆ. ಉತ್ತಮ ಬ್ರಾಡ್‌ಬ್ಯಾಂಡ್ ಸಂಪರ್ಕವಿದ್ದರೂ ವೀಡಿಯೋ ನಿಂತು ನಿಂತು ಬರುತ್ತದೆ. ಯುಟ್ಯೂಬ್ ಜಾಲತಾಣದಿಂದ ವೀಡಿಯೋಗಳನ್ನು ನಿಮ್ಮ ಗಣಕಕ್ಕೆ ಡೌನ್‌ಲೋಡ್ ಮಾಡಿಕೊಳ್ಳಲು ಸಹಾಯ ಮಾಡುವ ತಂತ್ರಾಂಶ - YouTube Downloader. ಇದು ಬೇಕಿದ್ದಲ್ಲಿ http://bit.ly/oRMpZ ಜಾಲತಾಣಕ್ಕೆ ಭೇಟಿ ನೀಡಿ.
e - ಸುದ್ದಿ
ಅಂತರಜಾಲಕ್ಕಿಂತ ಪಾರಿವಾಳವೇ ವೇಗ
ಅಂತರಜಾಲದ ಮೂಲಕ ೮೦ ಕಿಮೀ ದೂರಕ್ಕೆ ಮಾಹಿತಿ ಸಾಗಿಸಲು ಎಷ್ಟು ಸಮಯ ಹಿಡಿಯಬಹುದು? ಮಾಹಿತಿಯ ಗಾತ್ರವನ್ನು ಇದು ಅವಲಂಬಿಸಿದೆ. ಈಗಿನ ಬ್ರಾಡ್‌ಬ್ಯಾಂಡ್ ಸಂಪರ್ಕ ಕಾಲದಲ್ಲಿ ಇದೇನು ತುಂಬ ಸಮಯ ತೆಗೆದುಕೊಳ್ಳುವ ಕೆಲಸವಲ್ಲ ಅಂತೀರಾ? ಹಾಗಿದ್ದರೆ ದಕ್ಷಿಣ ಆಫ್ರಿಕಾಕ್ಕೆ ಬನ್ನಿ. ಅಲ್ಲಿ ಅಂತರಜಾಲಕ್ಕಿಂತ ಪಾರಿವಾಳವೇ ವೇಗ ಎಂದು ಸಾಧಿಸಿ ತೋರಿಸಲಾಗಿದೆ. ತನ್ನ ಕಾಲಿಗೆ ಮಾಹಿತಿಭರಿತ ಡಾಟಾ ಕಾರ್ಡ್ ಕಟ್ಟಿಕೊಂಡ ಪಾರಿವಾಳವು ೮೦ ಕಿಮೀ ದೂರವನ್ನು ೬೮ ನಿಮಿಷಗಳಲ್ಲಿ ಸಾಗಿತು. ಅಂತರಜಾಲದ ಮೂಲಕ ಅಷ್ಟೇ ಮಾಹಿತಿಯನ್ನು ಸಾಗಿಸಲು ಪ್ರಯತ್ನಿಸಲಾಯಿತು. ೧೨೭ ನಿಮಿಷಗಳ ನಂತರ ಕೇವಲ ಶೇಕಡ ೪ರಷ್ಟು ಮಾಹಿತಿಯನ್ನು ಸಾಗಿಸಲು ಸಾಧ್ಯವಾಯಿತು. ಇದು ದಕ್ಷಿಣ ಆಫ್ರಿಕಾದ ಕತೆ. ನಮ್ಮಲ್ಲಿ ಪರಿಸ್ಥಿತಿ ಅಷ್ಟು ಕೆಟ್ಟಿಲ್ಲ ಎನ್ನುತ್ತೀರಾ? ಹಾಗಿದ್ದರೆ ಬೆಂಗಳೂರಿನಂತಹ ದೊಡ್ಡ ನಗರದಿಂದ ಕೇವಲ ೨೦ ಕಿಮೀ ದೂರ ಹೋಗಿ ನೋಡಿ.
e- ಪದ
ಗುಂಪುಗುತ್ತಿಗೆ
ಕ್ರೌಡ್‌ಸೋರ್ಸಿಂಗ್ -(crowdsourcing) --ಜನರಿಂದ ಸಹಾಯ ಪಡೆದುಕೊಂಡು ವಾಣಿಜ್ಯ ಅಥವಾ ಇನ್ನಾವುದಾದರೂ ಸಮಸ್ಯೆಗೆ ಪರಿಹಾರ ಅಥವಾ ತಂತ್ರಾಂಶ ತಯಾರಿಸುವುದು. ಉದಾಹರಣೆಗೆ ಜನರೆಲ್ಲ ಸೇರಿ ಒಂದು ನಿಘಂಟು ತಯಾರಿಸುವುದು. ಅನುವಾದ ಆಗಬೇಕಾಗಿರುವ ಪದ ಅಥವಾ ಪದಗುಚ್ಛಗಳನ್ನು ಅಂತರಜಾಲದಲ್ಲಿ ಇಟ್ಟು ಎಲ್ಲರನ್ನು ಇವುಗಳನ್ನು ಅನುವಾದಿಸಲು ಆಹ್ವಾನಿಸುವುದು. ಈ ವಿಧಾನದಲ್ಲಿ ಸಹಾಯಹಸ್ತ ನೀಡುವ ಯಾರಿಗೂ ಸಂಭಾವನೆ ನೀಡಲಾಗುವುದಿಲ್ಲ. ಹೊರಗುತ್ತಿಗೆಗೆ ಬಳಸುವ ವಿಖ್ಯಾತ ಪದ ಔಟ್‌ಸೋರ್ಸಿಂಗ್ ಪದವನ್ನೇ ತಿರುಚಿ ಈ ಪದದ ಸೃಷ್ಟಿ ಮಾಡಲಾಗಿದೆ.
e - ಸಲಹೆ
ಗಣಕಿಂಡಿ ಓದುಗರಾದ ಉಮೇಶ ಗೌಡರ ಪ್ರಶ್ನೆ: ನಾನು ಕನ್ನಡ ಬ್ಲಾಗುಗಳನ್ನು ಮತ್ತು ಕೆಲವು ಕನ್ನಡ ಜಾಲತಾಣಗಳನ್ನು ಓದುವಾಗ ಚಿಕ್ಕಚಿಕ್ಕ ಚೌಕಗಳನ್ನು ಮಾತ್ರ ಕಾಣುತ್ತೇನೆ. ಕನ್ನಡದಲ್ಲಿ ಅಕ್ಷರಗಳು ಕಾಣಿಸುವುದಿಲ್ಲ. ಇದಕ್ಕೆ ಪರಿಹಾರವೇನು?
ಉ: ನಿಮ್ಮ ಗಣಕದಲ್ಲಿ ಕನ್ನಡ ಯುನಿಕೋಡ್ ಶಿಷ್ಟತೆಯನ್ನು ನೀವು ಚಾಲನೆಗೊಳಿಸದಿದ್ದಲ್ಲಿ ಈ ಸಮಸ್ಯೆ ಕಂಡುಬರುತ್ತದೆ. ಇತ್ತೀಚೆಗೆ ಬಹುಪಾಲು ಕನ್ನಡ ಜಾಲತಾಣಗಳು ಮತ್ತು ಬ್ಲಾಗ್ ತಾಣಗಳು ಯುನಿಕೋಡ್ ಶಿಷ್ಟತೆಯನ್ನು ಪಾಲಿಸುತ್ತಿವೆ. ಇದು ಜಾಗತಿಕ ಶಿಷ್ಟತೆ. ಇಂತಹ ಜಾಲತಾಣಗಳನ್ನು ವೀಕ್ಷಿಸಲು ನಿಮ್ಮ ಗಣಕವು ಭಾರತೀಯ ಭಾಷೆಗಳ ಯುನಿಕೋಡ್ ಬೆಂಬಲಿತವಾಗಿರಬೇಕು. ವಿಂಡೋಸ್‌ನಲ್ಲಾದರೆ ಎಕ್ಸ್‌ಪಿ ಮತ್ತು ನಂತರದ ಎಲ್ಲ ಆವೃತ್ತಿಗಳಲ್ಲಿ ಈ ಸೌಲಭ್ಯ ಇದೆ. ಆದರೆ ಅದನ್ನು ಚಾಲನೆಗೊಳಿಸಬೇಕು. ಅದು ಹೇಗೆ? ವಿವರಗಳಿಗೆ ಈ ಜಾಲತಾಣ ನೋಡಿ http://bit.ly/Qhzcl
ಕಂಪ್ಯೂತರ್ಲೆ
ಮಾಹಿತಿಯ ತೂಕವೆಷ್ಟು?
ಇದು ಮೈಕ್ರೋಸಾಫ್ಟ್ ಕಂಪೆನಿಯವರು ತಮ್ಮ ಗ್ರಾಹಕರು ಮತ್ತು ಇತರರು ತಮ್ಮ ಸಮಸ್ಯೆಗಳ ಬಗ್ಗೆ ಚರ್ಚಿಸಲು, ಒಬ್ಬರೊಬ್ಬರಿಗೆ ಸಹಾಯ ಮಾಡಲು ಹಾಗೂ ಪರಸ್ಪರ ವಿಚಾರವಿನಿಮಯ ಮಾಡಿಕೊಳ್ಳಲು ನಿರ್ಮಿಸಿರುವ ಚರ್ಚಾಕೂಟದಲ್ಲಿ ಒಬ್ಬರು ನಿಜವಾಗಿಯೂ ಕೇಳಿದ ಪ್ರಶ್ನೆ: “ಒಂದು ಗಿಗಾಬೈಟ್ ಮಾಹಿತಿ ಎಷ್ಟು ತೂಗುತ್ತದೆ? ನಾನು ಲ್ಯಾಪ್‌ಟಾಪ್ ಕೊಂಡುಕೊಂಡಾಗ ಇದ್ದ ತೂಕಕ್ಕಿಂತ ಅದರಲ್ಲಿ ನಾನು ಸಾಕಷ್ಟು ಮಾಹಿತಿಗಳನ್ನು ಸೇರಿಸಿದ ಕಾರಣ ಈಗ ಅದರ ತೂಕ ಜಾಸ್ತಿಯಾಗಿದೆ. ಹೀಗೆ ಜಾಸ್ತಿಯಾಗಿ ನನ್ನ ಹಾರ್ಡ್‌ಡಿಸ್ಕ್ ಪೂರ್ತಿ ತುಂಬಿದಾಗ ಅದರ ತೂಕ ಎಷ್ಟು ಜಾಸ್ತಿ ಆಗುವುದು?”
ಬುಧವಾರ, ಸೆಪ್ಟೆಂಬರ್ 16, 2009
ಗಣಕಿಂಡಿ - ೦೧೮ (ಸಪ್ಟಂಬರ್ ೧೪, ೨೦೦೯)
ಅಂತರಜಾಲಾಡಿ
ಪುಸ್ತಕಪ್ರಿಯರಿಗೆ
ಮನುಷ್ಯನನ್ನು ಪರಿಪೂರ್ಣನನ್ನಾಗಿಸುವುದು ಪುಸ್ತಕಗಳ ಓದುವಿಕೆ ಅಂತ ಹಲವಾರು ಪ್ರಾಜ್ಞರು ಹೇಳಿದ್ದಾರೆ. ಅಂತರಜಾಲದಲ್ಲಿ ಪುಸ್ತಕಗಳನ್ನು ಓದಬಲ್ಲ ಜಾಲತಾಣಗಳು ಹಲವಾರಿವೆ. ಪ್ರಾಜೆಕ್ಟ್ ಗುಟೆನ್‌ಬರ್ಗ್ (gutenberg.org) ಅವುಗಳಲ್ಲಿ ತುಂಬ ಪ್ರಖ್ಯಾತ. ಹಕ್ಕುಸ್ವಾಮ್ಯದಿಂದ ಹೊರಬಂದ ಪುಸ್ತಕಗಳನ್ನು ಇಲ್ಲಿಂದ ಉಚಿತವಾಗಿ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಗೂಗ್ಲ್‌ನವರು ಪುಸ್ತಕ ಪ್ರಕಾಶನ ಸಂಸ್ಥೆಗಳು ಮತ್ತು ಲೇಖನರ ಜೊತೆ ಒಪ್ಪಂದ ಮಾಡಿಕೊಂಡು ಇನ್ನೊಂದು ರೀತಿಯ ಸವಲತ್ತು ನೀಡಿದ್ದಾರೆ. ಅದುವೇ ಗೂಗ್ಲ್ ಬುಕ್ಸ್ (books.google.com). ಈ ಜಾಲತಾಣದಲ್ಲಿ ಮಾರಾಟಕ್ಕೆ ದೊರಕುವ, ಉಚಿತವಾಗಿರುವ, ಸ್ಯಾಂಪಲ್ ಪುಟಗಳನ್ನು ಮಾತ್ರ ನೀಡಿರುವ ಪುಸ್ತಕಗಳನ್ನು ಓದಬಹುದು. ಪುಸ್ತಕಗಳನ್ನು ಜಾಲತಾಣದಲ್ಲೇ ಓದಬೇಕು. ಪುಸ್ತವನ್ನು ನಿಮ್ಮ ಗಣಕಕ್ಕೆ ಡೌನ್‌ಲೋಡ್ ಮಾಡಲಾಗುವುದಿಲ್ಲ. ಅಂದರೆ ಪೂರ್ತಿ ಪುಸ್ತಕ ಓದಲು ಅಂತರಜಾಲ ಸಂಪರ್ಕ ನಿರಂತರವಾಗಿರಬೇಕು. ಇದಕ್ಕೆ ಅಪವಾದವೂ ಇವೆ. ಅದು ಹೇಗೆಂದರೆ ಲೇಖಕ ಅಥವಾ ಪ್ರಕಾಶಕರೇ ಡೌನ್‌ಲೋಡ್ ಮಾಡಿಕೊಳ್ಳಬಲ್ಲ ಪಿಡಿಎಫ್ ರೂಪದಲ್ಲಿ ಪುಸ್ತಕವನ್ನು ನೀಡಿರಬೇಕು.
ಡೌನ್‌ಲೋಡ್
ಗೂಗ್ಲ್‌ನಿಂದ ಪುಸ್ತಕ ಡೌನ್‌ಲೋಡ್ ಮಾಡಿ
ಗೂಗ್ಲ್ ಬುಕ್ಸ್ ಜಾಲತಾಣದಿಂದ ಪುಸ್ತಕವನ್ನು ಸಾಮಾನ್ಯವಾಗಿ ಡೌನ್‌ಲೋಡ್ ಮಾಡಿಕೊಳ್ಳಲು ಆಗುವದಿಲ್ಲ. ಆದರೆ ಇಲ್ಲಿಂದ ಪುಸ್ತಗಳನ್ನು ನಿಮ್ಮ ಗಣಕಕ್ಕೆ ಡೌನ್‌ಲೋಡ್ ಮಾಡಲೆಂದೇ ಒಂದು ಉಚಿತ ತಂತ್ರಾಂಶ ಇದೆ. ಅದುವೇ Google Book Downloader (http://bit.ly/bQFoV). ಇದು ಒಂದು ಚಿಕ್ಕ ತಂತ್ರಾಂಶ. ಇದನ್ನು ಬಳಸಿ ಗೂಗ್ಲ್ ಪುಸ್ತಕ ಜಾಲತಾಣದಿಂದ ಎಲ್ಲ ರೀತಿಯ ಪುಸ್ತಗಳನ್ನು ನಿಮ್ಮ ಗಣಕ್ಕೆ ಪಿಡಿಎಫ್ ರೂಪದಲ್ಲಿ ಪ್ರತಿ ಮಾಡಿಕೊಳ್ಳಬಹುದು. ಇದನ್ನು ಬಳಸಲು ಮೈಕ್ರೋಸಾಫ್ಟ್‌ನವರ ಡಾಟ್‌ನೆಟ್ ತಂತ್ರಾಂಶವು ನಿಮ್ಮ ಗಣಕದಲ್ಲಿ ಇರತಕ್ಕದ್ದು. ಹೆಚ್ಚಿನ ವಿವರಗಳು ಜಾಲತಾಣದಲ್ಲಿವೆ. ಇದನ್ನು ಬಳಸಿ ಪೂರ್ತಿ ಪುಸ್ತಕ ಡೌನ್‌ಲೋಡ್ ಮಾಡಲು ದೀರ್ಘ ಕಾಲ ಬೇಕಾಗುತ್ತದೆ.
e - ಸುದ್ದಿ
ದಪ್ಪಕ್ಷರದಲ್ಲಿ ಇಮೈಲ್ ಕಳುಹಿದ್ದಕ್ಕೆ ದಂಡ
ನ್ಯೂಝಿಲ್ಯಾಂಡ್‌ನಿಂದ ಒಂದು ವಿಚಿತ್ರ ವರದಿ ಬಂದಿದೆ. ಒಬ್ಬಾಕೆ ತನ್ನ ಸಹೋದ್ಯೋಗಿಗಳಿಗೆ ಇಂಗ್ಲಿಶ್‌ನ ಕಾಪಿಟಲ್ ಅಕ್ಷರಗಳಲ್ಲಿ ಇಮೈಲ್ ಮಾಡಿದಳು. ಅವಳ ಉದ್ದೇಶವೇನೋ ಒಳ್ಳೆಯದೇ ಆಗಿತ್ತು. ಕಚೇರಿಯ ವಿವಿಧ ಸವಲತ್ತುಗಳನ್ನು ಬಳಸುವಾಗ ಯಾವ ಯಾವ ರೀತಿಯ ಎಚ್ಚರಿಕೆ ವಹಿಸಬೇಕು ಎಂಬುದನ್ನು ಒತ್ತಿ ಹೇಳುವುದು ಆಕೆಯ ಉದ್ದೇಶವಾಗಿತ್ತು. ವಿಷಯಗಳನ್ನು ಒತ್ತಿ ಹೇಳಲು ಆಕೆ ಕ್ಯಾಪಿಟಲ್ ಅಕ್ಷರಗಳನ್ನು ಮಾತ್ರವಲ್ಲ, ದಪ್ಪಕ್ಷರಗಳನ್ನೂ ಬಳಸಿ ಅಲ್ಲಲ್ಲಿ ಅಕ್ಷರಗಳಿಗೆ ಕೆಂಪು ಬಣ್ಣ ಬಳಿದಿದ್ದಳು. ಅಂತರಜಾಲ ಪರಿಭಾಷೆಯಲ್ಲಿ ಕ್ಯಾಪಿಟಲ್ ಅಕ್ಷರಗಳ ಬಳಕೆ ಎಂದರೆ ಬೈಗುಳ ಎಂದರ್ಥ. ಈ ತಪ್ಪಿಗಾಗಿ ಆಕೆಯನ್ನು ಕೆಲಸದಿಂದ ತೆಗೆದುಹಾಕಲಾಯಿತು. ಆಕೆ ನ್ಯಾಯಾಲಯದಲ್ಲಿ ದಾವೆ ಹೂಡಿ ಕಂಪೆನಿಯಿಂದ ತಪ್ಪು ದಂಡವನ್ನು ಪಡೆದಳೆಂದು ಇತ್ತೀಚೆಗೆ ವರದಿಯಾಗಿದೆ.
e- ಪದ
ಬೆಂಕಿಹಚ್ಚುವುದು
ಪ್ಲೇಮಿಂಗ್ (flaming) - ಅಂತರಜಾಲದಲ್ಲಿರುವ ಚರ್ಚಾ ವೇದಿಕೆಗಳಲ್ಲಿ ಸಂದೇಶಗಳನ್ನು ಸೇರಿಸುವಾಗ ಅಥವಾ ಸಂದೇಶಗಳಿಗೆ ಉತ್ತರಿಸುವಾಗ ಇನ್ನೊಬ್ಬರನ್ನು ಅವಹೇಳನ ಮಾಡುವುದು ಅಥವಾ ಕೆಣಕುವುದು. ಉದಾಹರಣೆಗೆ ಒಬ್ಬಾತ ಭಾರತೀಯ ತಂತ್ರಾಂಶಗಳಲ್ಲಿ ಒಂದಾದ ತಮಿಳು ಭಾಷೆಯನ್ನು ಬಳಸುವಾಗ ಕಂಡುಬಂದ ತೊಂದರೆಯನ್ನು ತೋಡಿಕೊಂಡ ಎಂದಿಟ್ಟುಕೊಳ್ಳೋಣ. ಅದನ್ನು ಓದಿದ ಕನ್ನಡಿಗನೊಬ್ಬ ತಮಿಳರನ್ನಾಗಲೀ, ಕಾವೇರಿ ವಿವಾದವನ್ನಾಗಲೀ ಅಲ್ಲಿಗೆ ಎಳೆದು ತಂದು ಜಗಳ ಹುಟ್ಟುಹಾಕುವುದು. ಅದಕ್ಕಾಗಿ ಆತ ಬಳಸಿದ ಸಂದೇಶಕ್ಕೆ ಫ್ಲೇಮಿಂಗ್ ಎಂದು ಕರೆಯುತ್ತಾರೆ. ಸಾಮಾನ್ಯವಾಗಿ ಮಾತುಕತೆ ನಡೆಸುವಾಗ (ಚಾಟ್ ಮಾಡುವಾಗ) ಅಥವಾ ಇಮೈಲ್‌ನಲ್ಲಿ ಇಂಗ್ಲಿಶ್ ಭಾಷೆಯ ಕ್ಯಾಪಿಟಲ್ ಅಕ್ಷರಗಳ ಬಳಕೆ ಮಾಡಿದರೆ ಅದನ್ನು ಬೈಗುಳ ಎಂದು ಮತ್ತು ಫ್ಲೇಮಿಂಗ್‌ನ ಒಂದು ವಿಧಾನ ಎಂದೇ ಪರಿಗಣಿಸಲಾಗುತ್ತದೆ.
e - ಸಲಹೆ
ಡೆಸ್ಕ್‌ಟಾಪ್‌ಗೆ ಇನ್ನೊಂದು ದಾರಿ
ಗಣಕದಲ್ಲಿ ಹಲವಾರು ವಿಂಡೋಗಳನ್ನು ತೆರೆದಿದ್ದಾಗ ಡೆಸ್ಕ್‌ಟಾಪ್‌ಗೆ ನೇರವಾಗಿ ಹೋಗಲು ಒಂದು ಅಡ್ಡದಾರಿಯನ್ನು (ಶಾರ್ಟ್‌ಕಟ್) ಹಿಂದೊಮ್ಮೆ ನೀಡಲಾಗಿತ್ತು (ಗಣಕಿಂಡಿ, ಜೂನ್ ೧, ೨೦೦೯). ಅದನ್ನು ಓದಿದ ನಮ್ಮ ಓದುಗರಲ್ಲೊಬ್ಬರಾದ ಶಿವಶಂಕರ ವಿಷ್ಣು ಯಳವತ್ತಿಯವರು ನನಗೆ ಮರೆತುಹೋಗಿದ್ದ ಇನ್ನೊಂದು ಸರಳ ಉಪಾಯವನ್ನು ನೆನಪಿಸಿದ್ದಾರೆ. ಕೀಲಿಮಣೆಯಲ್ಲಿರುವ ವಿಂಡೋಸ್ ಕೀಲಿಯ ಜೊತೆ D ಅಕ್ಷರದ ಕೀಲಿಯನ್ನು ಒತ್ತಿದರೆ ನೇರವಾಗಿ ಡೆಸ್ಕ್‌ಟಾಪ್‌ಗೆ ಹೋಬಗಹುದು.
ಕಂಪ್ಯೂತರ್ಲೆ
ಕೋಲ್ಯನಲ್ಲಿರುವ ಒಂದು ಸಿ.ಡಿ. ಆತನ ಸ್ನೇಹಿತನಿಗೆ ಬೇಕಾಗಿತ್ತು. ಆತ ಕೋಲ್ಯನಿಗೆ ಅದರ ಪ್ರತಿ ಮಾಡಿ ತೆಗೆದುಕೊಂಡು ಬರಲು ಹೇಳಿದ. ಮರುದಿನ ಸ್ನೇಹಿತನ ಮನೆಯಲ್ಲಿ ಕೋಲ್ಯ ಪ್ರತ್ಯಕ್ಷನಾದ. ಆತನ ಕೈಯಲ್ಲಿ ಏನಿತ್ತು ಗೊತ್ತೆ? ಆತನ ಸಿ.ಡಿ.ಯ ಕ್ಸೆರಾಕ್ಸ್ ಪ್ರತಿ!
ಪುಸ್ತಕಪ್ರಿಯರಿಗೆ
ಮನುಷ್ಯನನ್ನು ಪರಿಪೂರ್ಣನನ್ನಾಗಿಸುವುದು ಪುಸ್ತಕಗಳ ಓದುವಿಕೆ ಅಂತ ಹಲವಾರು ಪ್ರಾಜ್ಞರು ಹೇಳಿದ್ದಾರೆ. ಅಂತರಜಾಲದಲ್ಲಿ ಪುಸ್ತಕಗಳನ್ನು ಓದಬಲ್ಲ ಜಾಲತಾಣಗಳು ಹಲವಾರಿವೆ. ಪ್ರಾಜೆಕ್ಟ್ ಗುಟೆನ್‌ಬರ್ಗ್ (gutenberg.org) ಅವುಗಳಲ್ಲಿ ತುಂಬ ಪ್ರಖ್ಯಾತ. ಹಕ್ಕುಸ್ವಾಮ್ಯದಿಂದ ಹೊರಬಂದ ಪುಸ್ತಕಗಳನ್ನು ಇಲ್ಲಿಂದ ಉಚಿತವಾಗಿ ಡೌನ್‌ಲೋಡ್ ಮಾಡಿಕೊಳ್ಳಬಹುದು. ಗೂಗ್ಲ್‌ನವರು ಪುಸ್ತಕ ಪ್ರಕಾಶನ ಸಂಸ್ಥೆಗಳು ಮತ್ತು ಲೇಖನರ ಜೊತೆ ಒಪ್ಪಂದ ಮಾಡಿಕೊಂಡು ಇನ್ನೊಂದು ರೀತಿಯ ಸವಲತ್ತು ನೀಡಿದ್ದಾರೆ. ಅದುವೇ ಗೂಗ್ಲ್ ಬುಕ್ಸ್ (books.google.com). ಈ ಜಾಲತಾಣದಲ್ಲಿ ಮಾರಾಟಕ್ಕೆ ದೊರಕುವ, ಉಚಿತವಾಗಿರುವ, ಸ್ಯಾಂಪಲ್ ಪುಟಗಳನ್ನು ಮಾತ್ರ ನೀಡಿರುವ ಪುಸ್ತಕಗಳನ್ನು ಓದಬಹುದು. ಪುಸ್ತಕಗಳನ್ನು ಜಾಲತಾಣದಲ್ಲೇ ಓದಬೇಕು. ಪುಸ್ತವನ್ನು ನಿಮ್ಮ ಗಣಕಕ್ಕೆ ಡೌನ್‌ಲೋಡ್ ಮಾಡಲಾಗುವುದಿಲ್ಲ. ಅಂದರೆ ಪೂರ್ತಿ ಪುಸ್ತಕ ಓದಲು ಅಂತರಜಾಲ ಸಂಪರ್ಕ ನಿರಂತರವಾಗಿರಬೇಕು. ಇದಕ್ಕೆ ಅಪವಾದವೂ ಇವೆ. ಅದು ಹೇಗೆಂದರೆ ಲೇಖಕ ಅಥವಾ ಪ್ರಕಾಶಕರೇ ಡೌನ್‌ಲೋಡ್ ಮಾಡಿಕೊಳ್ಳಬಲ್ಲ ಪಿಡಿಎಫ್ ರೂಪದಲ್ಲಿ ಪುಸ್ತಕವನ್ನು ನೀಡಿರಬೇಕು.
ಡೌನ್‌ಲೋಡ್
ಗೂಗ್ಲ್‌ನಿಂದ ಪುಸ್ತಕ ಡೌನ್‌ಲೋಡ್ ಮಾಡಿ
ಗೂಗ್ಲ್ ಬುಕ್ಸ್ ಜಾಲತಾಣದಿಂದ ಪುಸ್ತಕವನ್ನು ಸಾಮಾನ್ಯವಾಗಿ ಡೌನ್‌ಲೋಡ್ ಮಾಡಿಕೊಳ್ಳಲು ಆಗುವದಿಲ್ಲ. ಆದರೆ ಇಲ್ಲಿಂದ ಪುಸ್ತಗಳನ್ನು ನಿಮ್ಮ ಗಣಕಕ್ಕೆ ಡೌನ್‌ಲೋಡ್ ಮಾಡಲೆಂದೇ ಒಂದು ಉಚಿತ ತಂತ್ರಾಂಶ ಇದೆ. ಅದುವೇ Google Book Downloader (http://bit.ly/bQFoV). ಇದು ಒಂದು ಚಿಕ್ಕ ತಂತ್ರಾಂಶ. ಇದನ್ನು ಬಳಸಿ ಗೂಗ್ಲ್ ಪುಸ್ತಕ ಜಾಲತಾಣದಿಂದ ಎಲ್ಲ ರೀತಿಯ ಪುಸ್ತಗಳನ್ನು ನಿಮ್ಮ ಗಣಕ್ಕೆ ಪಿಡಿಎಫ್ ರೂಪದಲ್ಲಿ ಪ್ರತಿ ಮಾಡಿಕೊಳ್ಳಬಹುದು. ಇದನ್ನು ಬಳಸಲು ಮೈಕ್ರೋಸಾಫ್ಟ್‌ನವರ ಡಾಟ್‌ನೆಟ್ ತಂತ್ರಾಂಶವು ನಿಮ್ಮ ಗಣಕದಲ್ಲಿ ಇರತಕ್ಕದ್ದು. ಹೆಚ್ಚಿನ ವಿವರಗಳು ಜಾಲತಾಣದಲ್ಲಿವೆ. ಇದನ್ನು ಬಳಸಿ ಪೂರ್ತಿ ಪುಸ್ತಕ ಡೌನ್‌ಲೋಡ್ ಮಾಡಲು ದೀರ್ಘ ಕಾಲ ಬೇಕಾಗುತ್ತದೆ.
e - ಸುದ್ದಿ
ದಪ್ಪಕ್ಷರದಲ್ಲಿ ಇಮೈಲ್ ಕಳುಹಿದ್ದಕ್ಕೆ ದಂಡ
ನ್ಯೂಝಿಲ್ಯಾಂಡ್‌ನಿಂದ ಒಂದು ವಿಚಿತ್ರ ವರದಿ ಬಂದಿದೆ. ಒಬ್ಬಾಕೆ ತನ್ನ ಸಹೋದ್ಯೋಗಿಗಳಿಗೆ ಇಂಗ್ಲಿಶ್‌ನ ಕಾಪಿಟಲ್ ಅಕ್ಷರಗಳಲ್ಲಿ ಇಮೈಲ್ ಮಾಡಿದಳು. ಅವಳ ಉದ್ದೇಶವೇನೋ ಒಳ್ಳೆಯದೇ ಆಗಿತ್ತು. ಕಚೇರಿಯ ವಿವಿಧ ಸವಲತ್ತುಗಳನ್ನು ಬಳಸುವಾಗ ಯಾವ ಯಾವ ರೀತಿಯ ಎಚ್ಚರಿಕೆ ವಹಿಸಬೇಕು ಎಂಬುದನ್ನು ಒತ್ತಿ ಹೇಳುವುದು ಆಕೆಯ ಉದ್ದೇಶವಾಗಿತ್ತು. ವಿಷಯಗಳನ್ನು ಒತ್ತಿ ಹೇಳಲು ಆಕೆ ಕ್ಯಾಪಿಟಲ್ ಅಕ್ಷರಗಳನ್ನು ಮಾತ್ರವಲ್ಲ, ದಪ್ಪಕ್ಷರಗಳನ್ನೂ ಬಳಸಿ ಅಲ್ಲಲ್ಲಿ ಅಕ್ಷರಗಳಿಗೆ ಕೆಂಪು ಬಣ್ಣ ಬಳಿದಿದ್ದಳು. ಅಂತರಜಾಲ ಪರಿಭಾಷೆಯಲ್ಲಿ ಕ್ಯಾಪಿಟಲ್ ಅಕ್ಷರಗಳ ಬಳಕೆ ಎಂದರೆ ಬೈಗುಳ ಎಂದರ್ಥ. ಈ ತಪ್ಪಿಗಾಗಿ ಆಕೆಯನ್ನು ಕೆಲಸದಿಂದ ತೆಗೆದುಹಾಕಲಾಯಿತು. ಆಕೆ ನ್ಯಾಯಾಲಯದಲ್ಲಿ ದಾವೆ ಹೂಡಿ ಕಂಪೆನಿಯಿಂದ ತಪ್ಪು ದಂಡವನ್ನು ಪಡೆದಳೆಂದು ಇತ್ತೀಚೆಗೆ ವರದಿಯಾಗಿದೆ.
e- ಪದ
ಬೆಂಕಿಹಚ್ಚುವುದು
ಪ್ಲೇಮಿಂಗ್ (flaming) - ಅಂತರಜಾಲದಲ್ಲಿರುವ ಚರ್ಚಾ ವೇದಿಕೆಗಳಲ್ಲಿ ಸಂದೇಶಗಳನ್ನು ಸೇರಿಸುವಾಗ ಅಥವಾ ಸಂದೇಶಗಳಿಗೆ ಉತ್ತರಿಸುವಾಗ ಇನ್ನೊಬ್ಬರನ್ನು ಅವಹೇಳನ ಮಾಡುವುದು ಅಥವಾ ಕೆಣಕುವುದು. ಉದಾಹರಣೆಗೆ ಒಬ್ಬಾತ ಭಾರತೀಯ ತಂತ್ರಾಂಶಗಳಲ್ಲಿ ಒಂದಾದ ತಮಿಳು ಭಾಷೆಯನ್ನು ಬಳಸುವಾಗ ಕಂಡುಬಂದ ತೊಂದರೆಯನ್ನು ತೋಡಿಕೊಂಡ ಎಂದಿಟ್ಟುಕೊಳ್ಳೋಣ. ಅದನ್ನು ಓದಿದ ಕನ್ನಡಿಗನೊಬ್ಬ ತಮಿಳರನ್ನಾಗಲೀ, ಕಾವೇರಿ ವಿವಾದವನ್ನಾಗಲೀ ಅಲ್ಲಿಗೆ ಎಳೆದು ತಂದು ಜಗಳ ಹುಟ್ಟುಹಾಕುವುದು. ಅದಕ್ಕಾಗಿ ಆತ ಬಳಸಿದ ಸಂದೇಶಕ್ಕೆ ಫ್ಲೇಮಿಂಗ್ ಎಂದು ಕರೆಯುತ್ತಾರೆ. ಸಾಮಾನ್ಯವಾಗಿ ಮಾತುಕತೆ ನಡೆಸುವಾಗ (ಚಾಟ್ ಮಾಡುವಾಗ) ಅಥವಾ ಇಮೈಲ್‌ನಲ್ಲಿ ಇಂಗ್ಲಿಶ್ ಭಾಷೆಯ ಕ್ಯಾಪಿಟಲ್ ಅಕ್ಷರಗಳ ಬಳಕೆ ಮಾಡಿದರೆ ಅದನ್ನು ಬೈಗುಳ ಎಂದು ಮತ್ತು ಫ್ಲೇಮಿಂಗ್‌ನ ಒಂದು ವಿಧಾನ ಎಂದೇ ಪರಿಗಣಿಸಲಾಗುತ್ತದೆ.
e - ಸಲಹೆ
ಡೆಸ್ಕ್‌ಟಾಪ್‌ಗೆ ಇನ್ನೊಂದು ದಾರಿ
ಗಣಕದಲ್ಲಿ ಹಲವಾರು ವಿಂಡೋಗಳನ್ನು ತೆರೆದಿದ್ದಾಗ ಡೆಸ್ಕ್‌ಟಾಪ್‌ಗೆ ನೇರವಾಗಿ ಹೋಗಲು ಒಂದು ಅಡ್ಡದಾರಿಯನ್ನು (ಶಾರ್ಟ್‌ಕಟ್) ಹಿಂದೊಮ್ಮೆ ನೀಡಲಾಗಿತ್ತು (ಗಣಕಿಂಡಿ, ಜೂನ್ ೧, ೨೦೦೯). ಅದನ್ನು ಓದಿದ ನಮ್ಮ ಓದುಗರಲ್ಲೊಬ್ಬರಾದ ಶಿವಶಂಕರ ವಿಷ್ಣು ಯಳವತ್ತಿಯವರು ನನಗೆ ಮರೆತುಹೋಗಿದ್ದ ಇನ್ನೊಂದು ಸರಳ ಉಪಾಯವನ್ನು ನೆನಪಿಸಿದ್ದಾರೆ. ಕೀಲಿಮಣೆಯಲ್ಲಿರುವ ವಿಂಡೋಸ್ ಕೀಲಿಯ ಜೊತೆ D ಅಕ್ಷರದ ಕೀಲಿಯನ್ನು ಒತ್ತಿದರೆ ನೇರವಾಗಿ ಡೆಸ್ಕ್‌ಟಾಪ್‌ಗೆ ಹೋಬಗಹುದು.
ಕಂಪ್ಯೂತರ್ಲೆ
ಕೋಲ್ಯನಲ್ಲಿರುವ ಒಂದು ಸಿ.ಡಿ. ಆತನ ಸ್ನೇಹಿತನಿಗೆ ಬೇಕಾಗಿತ್ತು. ಆತ ಕೋಲ್ಯನಿಗೆ ಅದರ ಪ್ರತಿ ಮಾಡಿ ತೆಗೆದುಕೊಂಡು ಬರಲು ಹೇಳಿದ. ಮರುದಿನ ಸ್ನೇಹಿತನ ಮನೆಯಲ್ಲಿ ಕೋಲ್ಯ ಪ್ರತ್ಯಕ್ಷನಾದ. ಆತನ ಕೈಯಲ್ಲಿ ಏನಿತ್ತು ಗೊತ್ತೆ? ಆತನ ಸಿ.ಡಿ.ಯ ಕ್ಸೆರಾಕ್ಸ್ ಪ್ರತಿ!
ಮಂಗಳವಾರ, ಸೆಪ್ಟೆಂಬರ್ 8, 2009
ಗಣಕಿಂಡಿ - ೦೧೭ (ಸಪ್ಟಂಬರ್ ೦೭, ೨೦೦೯)
ಅಂತರಜಾಲಾಡಿ
ದೇಗುಲ ದರ್ಶನ
ಕರ್ನಾಟಕದಲ್ಲಿ ನೂರಾರು ದೇವಸ್ಥಾನಗಳಿವೆ. ಅಲ್ಲಿಗೆ ಭೇಟಿ ನೀಡುವ ಬಯಕೆ ಹಲವರಿಗಿರಬಹುದು. ಯಾವ ದೇವಸ್ಥಾನ ಎಲ್ಲಿದೆ? ಯಾವ ದೇವರ ಬಗ್ಗೆ ದೇವಸ್ಥಾನ ಎಲ್ಲಿದೆ? ಯಾವ ಜಿಲ್ಲೆಯಲ್ಲಿ ಯಾವ ದೇವರ ದೇವಸ್ಥಾನ ಇದೆ? ಈ ದೇವಸ್ಥಾನಗಳಿಗೆ ಹೋಗುವುದು ಹೇಗೆ? ಹತ್ತಿರದ ಬಸ್, ರೈಲು, ವಿಮಾನ ನಿಲ್ದಾಣ ಎಲ್ಲಿವೆ? ಈ ರೀತಿಯ ಹಲವು ಮಾಹಿತಿ ನೀಡುವ ಜಾಲತಾಣ karnatakatemples.com. ಬಹುಶಃ ಕನ್ನಡ ಗೊತ್ತಿಲ್ಲದ ಹೊರ ರಾಜ್ಯ ಮತ್ತು ವಿದೇಶದ ಪ್ರವಾಸಿಗಳನ್ನು ಉದ್ದೇಶಿಸಿ ಈ ಜಾಲತಾಣದಲ್ಲಿಯ ವಿವರಗಳು ಇಂಗ್ಲೀಶಿನಲ್ಲಿವೆ. ಇದೇ ಮಾದರಿಯ ಆದರೆ ಎಲ್ಲ ಮಾಹಿತಿಗಳು ಕನ್ನಡದಲ್ಲಿರುವ ಜಾಲತಾಣ ourtemples.in.
ಡೌನ್‌ಲೋಡ್
ಉಚಿತ ವೈರಸ್ ನಿರೋಧಕ
ಗಣಕಗಳಿಗೆ ವೈರಸ್, ಟ್ರೋಜನ್, ಸ್ಪೈವೇರ್ ಇತ್ಯಾದಿ ಉಪದ್ರವಕಾರಿ ತಂತ್ರಾಂಶಗಳ ಬಾಧೆ ತಪ್ಪಿದ್ದಲ್ಲ. ಸರಿಯಾಗಿ ಸುರಕ್ಷೆ ಮಾಡದಿದ್ದಲ್ಲಿ ಈ ಪೋಕರಿ ತಂತ್ರಾಂಶಗಳು ಗಣಕದೊಳಗೆ ನುಸುಳಿ ತೊಂದರೆ ನೀಡುತ್ತವೆ. ಈ ರೀತಿ ತೊಂದರೆಯಿಂದ ತಪ್ಪಿಸಿಕೊಳ್ಳಲು ಹಲವು ವೈರಸ್ ನಿರೋಧಕ ತಂತ್ರಾಂಶಗಳು ಲಭ್ಯವಿವೆ. ಇವುಗಳಿಗೆ ಆಂಟಿ ವೈರಸ್ ತಂತ್ರಾಂಶಗಳೆನ್ನುತ್ತಾರೆ. ಇಂತಹ ತಂತ್ರಾಂಶಗಳು ಹಲವಾರಿವೆ. ಇಂತಹ ಒಂದು ಉಚಿತ ತಂತ್ರಾಂಶ AVG Anti-Virus Free Edition. ಇದು ದೊರೆಯುವ ಜಾಲತಾಣದ ವಿಳಾಸ http://bit.ly/72S4S. ಮನೆಗಳಲ್ಲಿ ಉಪಯೋಗಿಸಲು ಮಾತ್ರ ಇದು ಉಚಿತ. ಇದು ವೈರಸ್ ಮಾತ್ರವಲ್ಲದೆ ಟ್ರೋಜನ್‌ಗಳನ್ನೂ ಹಿಡಿಯುತ್ತದೆ.
e - ಸುದ್ದಿ
ಟ್ವಿಟ್ಟರ್ ಹಾಲಿವುಡ್ ಸಿನಿಮಾಗಳನ್ನು ಕೊಲ್ಲುತ್ತಿದೆ
ಸಾಮಾನ್ಯವಾಗಿ ಚಲನಚಿತ್ರಗಳಿಗೆ ಹೋಗುವ ಮೊದಲು ಜನರು ಇತರರನ್ನು ಆ ಸಿನಿಮಾದ ಬಗ್ಗೆ ಅಭಿಪ್ರಾಯ ಕೇಳುತ್ತಾರೆ. ಅದರ ಬಗ್ಗೆ ಪತ್ರಿಕೆ ಮತ್ತು ಅಂತರಜಾಲದಲ್ಲಿ ಬಂದ ವಿಮರ್ಶೆಗಳನ್ನು ಓದುತ್ತಾರೆ. ನಂತರ ಆ ಸಿನಿಮಾಕ್ಕೆ ಹೋಗಬೇಕೇ ಬೇಡವೇ ಎಂದು ತೀರ್ಮಾನಿಸುತ್ತಾರೆ. ಇತ್ತೀಚೆಗೆ ಚುಟುಕು ಬ್ಲಾಗಿಂಗ್ ಜಾಲತಾಣ ಟ್ವಿಟ್ಟರ್ ತುಂಬ ಜನಪ್ರಿಯವಾಗುತ್ತಿದೆ. ಇದರ ಜನಪ್ರಿಯತೆ ಮತ್ತು ಅದರ ಶಕ್ತಿ ಎಷ್ಟಿದೆಯೆಂದರೆ ಇತ್ತೀಚೆಗೆ ಬಿಡುಗಡೆಯಾಗುತ್ತಿರುವ ಹಾಲಿವುಡ್ ಸಿನಿಮಾಗಳ ಸೋಲು ಗೆಲುವು ಟ್ವಿಟ್ಟರನ್ನು ಅವಲಂಬಿಸಿದೆ. ಟ್ವಿಟ್ಟರಿನಲ್ಲಿ ಕೇವಲ ೧೪೦ ಪದಗಳ ಮಿತಿಯಲ್ಲಿ ಬ್ಲಾಗ್ ಮಾಡಬೇಕು. ಸಿನಿಮಾ ನೋಡುತ್ತಿದ್ದಂತೆಯೇ ಮತ್ತು ನೋಡಿದ ನಂತರ ಜನರು ಅದರ ಬಗ್ಗೆ ಅಭಿಪ್ರಾಯ ಬರೆಯುತ್ತಿದ್ದಾರೆ. ಅದನ್ನು ನೋಡಿದ ಜನರು ಸಿನಿಮಾ ನೋಡುವ ಅಥವಾ ನೋಡದಿರುವ ತೀರ್ಮಾನ ಮಾಡುತ್ತಾರೆ. ಇತ್ತೀಚೆಗೆ ಬಿಡುಗಡೆಯಾದ ಅರ್ಧ ಡಜನ್‌ನಷ್ಟು ಹಾಲಿವುಡ್ ಸಿನಿಮಾಗಳು ಟ್ವಿಟ್ಟರ್ ಪ್ರಭಾವದಿಂದಾಗಿ ನೆಲಕಚ್ಚಿವೆ.
e- ಪದ
ಟ್ರೋಜನ್ (trojan) -ಉಪಯುಕ್ತ ತಂತ್ರಾಂಶದ ಸೋಗು ಹಾಕಿಕೊಂಡು ಆದರೆ ಗಣಕವನ್ನು ಹಾಳು ಮಾಡುವ ತಂತ್ರಾಂಶ. ಇವು ವೈರಸ್‌ಗಳಿಗಿಂತ ಸ್ವಲ್ಪ ಭಿನ್ನ. ವೈರಸ್ ತಂತ್ರಾಂಶಗಳು ತಮ್ಮನ್ನು ತಾವೆ ಪುನರುತ್ಪತ್ತಿ ಮಾಡಿಕೊಳ್ಳುತ್ತವೆ (ಜೈವಿಕ ವೈರಸ್‌ಗಳಂತೆ). ಟ್ರೋಜನ್‌ಗಳು ಹಾಗೆ ಮಾಡುವುದಿಲ್ಲ. ಅವು ಇತರೆ ಉಪಯುಕ್ತ ತಂತ್ರಾಂಶಗಳ ಒಳಗೆ ಅಡಗಿ ಕುಳಿತಿರುತ್ತವೆ. ಆದರೆ ಗಣಕವನ್ನು ತೀವ್ರವಾಗಿ ಹಾನಿ ಮಾಡಬಲ್ಲವು. ಗ್ರೀಕರು ಟ್ರೋಜನ್ ಎಂಬ ಹೆಸರಿನ ಒಂದು ದೊಡ್ಡ ಮರದ ಕುದುರೆಯನ್ನು ವಿರೋಧಿಗಳಿಗೆ ಉಡುಗೊರೆಯಾಗಿ ನೀಡಿ ಅದರ ಒಳಗೆ ಸೈನಿಕರನ್ನು ತುಂಬಿಸಿ ಕಳುಹಿಸಿ ಅವರ ರಾಜ್ಯವನ್ನು ವಶಪಡಿಸಿಕೊಂಡ ಕಥೆಯಿಂದ ಸ್ಫೂರ್ತಿಗೊಂಡು ಈ ಮಾದರಿಯ ತಂತ್ರಾಂಶಗಳಿಗೆ ಟ್ರೋಜನ್ ಎಂಬ ಹೆಸರು ಬಂದಿದೆ.
e - ಸಲಹೆ
ಗಣಕಿಂಡಿ ಓದುಗ ಬೆಂಗಳೂರಿನ ತಿಮ್ಮಯ್ಯ ಅವರ
ಪ್ರಶ್ನೆ: ನನ್ನ ಗಣಕದಲ್ಲಿ ೨೬ ಟ್ರೋಜನ್ ವೈರಸ್‌ಗಳಿವೆ. ಅವುಗಳನ್ನು ನಿವಾರಿಸುವುದು ಹೇಗೆ?
ಉತ್ತರ: ಮೊತ್ತ ಮೊದಲನೆಯದಾಗಿ, ನಿಮ್ಮ ಗಣಕದಲ್ಲಿ ನಿಖರವಾಗಿ ೨೬ ಸಂಖ್ಯೆಯ ಟ್ರೋಜನ್‌ಗಳಿವೆ ಎಂದು ಗೊತ್ತಾದದ್ದು ಹೇಗೆ? ವೈರಸ್‌ಗಳನ್ನು ಪತ್ತೆ ಹಚ್ಚುವ ಹಲವಾರು ಜಾಲತಾಣಗಳಿವೆ. ಅವುಗಳಲ್ಲಿ ಕೆಲವು, ನಿಮ್ಮ ಗಣಕವನ್ನು ಹುಡುಕಾಡಿ ಕೊನೆಗೆ ಇಂತಿಷ್ಟು ವೈರಸ್‌ಗಳು ಪತ್ತೆಯಾಗಿವೆ; ಅವುಗಳನ್ನು ನಿವಾರಿಸಬೇಕಾದರೆ ಇಂತಿಷ್ಟು ಹಣ ನೀಡಿ ನಮ್ಮ ತಂತ್ರಾಂಶವನ್ನು ಕೊಂಡುಕೊಳ್ಳಿ ಎಂದು ಹೇಳುತ್ತವೆ. ನಿಜವಾಗಿಯೂ ಅಷ್ಟು ಸಂಖ್ಯೆಯ ವೈರಸ್‌ಗಳು ಇರಲೇಬೇಕಾಗಿಲ್ಲ. ಆದುದರಿಂದ ಇದೇ ಅಂಕಣದ ಡೌನ್‌ಲೋಡ್ ವಿಭಾಗದಲ್ಲಿ ನೀಡಿರುವ ಎವಿಜಿ ಆಂಟಿ-ವೈರಸ್ ತಂತ್ರಾಂಶವನ್ನು ಡೌನ್‌ಲೋಡ್ ಮಾಡಿ ಅದನ್ನು ಬಳಸಿ ಟ್ರೋಜನ್ ಮತ್ತು ವೈರಸ್‌ಗಳನ್ನು ನಿವಾರಿಸಿಕೊಳ್ಳಿ.
ಕಂಪ್ಯೂತರ್ಲೆ
ಗೂಗ್ಲ್ ಸೂಚಿಸುತ್ತಿದೆ
ಗೂಗ್ಲ್‌ನಲ್ಲಿ ಏನನ್ನಾದರು ಹುಡುಕುವಾಗ ಬೆರಳಚ್ಚು ಮಾಡುತ್ತಿದ್ದಂತೆ ಅದು ನೀವು ಹುಡುಕುತ್ತಿರುವುದು ಇದನ್ನೋ ಎಂದು ಸಲಹೆ ನೀಡಲು ಪ್ರಾರಂಭಿಸುತ್ತದೆ. ಈ ರೀತಿ ಕೆಲವು ಪದಗಳನ್ನು ಹುಡುಕುವಾಗ ಅದು ನೀಡಿದ ಸಲಹೆಗಳು ಇಂತಿವೆ.
ಗೂಗ್ಲ್ ಸದ್ಯಕ್ಕೆ ಕನ್ನಡದಲ್ಲಿ ಹುಡುಕಿದರೆ ಯಾವುದೇ ಸಲಹೆ ನೀಡುತ್ತಿಲ್ಲ.
ದೇಗುಲ ದರ್ಶನ
ಕರ್ನಾಟಕದಲ್ಲಿ ನೂರಾರು ದೇವಸ್ಥಾನಗಳಿವೆ. ಅಲ್ಲಿಗೆ ಭೇಟಿ ನೀಡುವ ಬಯಕೆ ಹಲವರಿಗಿರಬಹುದು. ಯಾವ ದೇವಸ್ಥಾನ ಎಲ್ಲಿದೆ? ಯಾವ ದೇವರ ಬಗ್ಗೆ ದೇವಸ್ಥಾನ ಎಲ್ಲಿದೆ? ಯಾವ ಜಿಲ್ಲೆಯಲ್ಲಿ ಯಾವ ದೇವರ ದೇವಸ್ಥಾನ ಇದೆ? ಈ ದೇವಸ್ಥಾನಗಳಿಗೆ ಹೋಗುವುದು ಹೇಗೆ? ಹತ್ತಿರದ ಬಸ್, ರೈಲು, ವಿಮಾನ ನಿಲ್ದಾಣ ಎಲ್ಲಿವೆ? ಈ ರೀತಿಯ ಹಲವು ಮಾಹಿತಿ ನೀಡುವ ಜಾಲತಾಣ karnatakatemples.com. ಬಹುಶಃ ಕನ್ನಡ ಗೊತ್ತಿಲ್ಲದ ಹೊರ ರಾಜ್ಯ ಮತ್ತು ವಿದೇಶದ ಪ್ರವಾಸಿಗಳನ್ನು ಉದ್ದೇಶಿಸಿ ಈ ಜಾಲತಾಣದಲ್ಲಿಯ ವಿವರಗಳು ಇಂಗ್ಲೀಶಿನಲ್ಲಿವೆ. ಇದೇ ಮಾದರಿಯ ಆದರೆ ಎಲ್ಲ ಮಾಹಿತಿಗಳು ಕನ್ನಡದಲ್ಲಿರುವ ಜಾಲತಾಣ ourtemples.in.
ಡೌನ್‌ಲೋಡ್
ಉಚಿತ ವೈರಸ್ ನಿರೋಧಕ
ಗಣಕಗಳಿಗೆ ವೈರಸ್, ಟ್ರೋಜನ್, ಸ್ಪೈವೇರ್ ಇತ್ಯಾದಿ ಉಪದ್ರವಕಾರಿ ತಂತ್ರಾಂಶಗಳ ಬಾಧೆ ತಪ್ಪಿದ್ದಲ್ಲ. ಸರಿಯಾಗಿ ಸುರಕ್ಷೆ ಮಾಡದಿದ್ದಲ್ಲಿ ಈ ಪೋಕರಿ ತಂತ್ರಾಂಶಗಳು ಗಣಕದೊಳಗೆ ನುಸುಳಿ ತೊಂದರೆ ನೀಡುತ್ತವೆ. ಈ ರೀತಿ ತೊಂದರೆಯಿಂದ ತಪ್ಪಿಸಿಕೊಳ್ಳಲು ಹಲವು ವೈರಸ್ ನಿರೋಧಕ ತಂತ್ರಾಂಶಗಳು ಲಭ್ಯವಿವೆ. ಇವುಗಳಿಗೆ ಆಂಟಿ ವೈರಸ್ ತಂತ್ರಾಂಶಗಳೆನ್ನುತ್ತಾರೆ. ಇಂತಹ ತಂತ್ರಾಂಶಗಳು ಹಲವಾರಿವೆ. ಇಂತಹ ಒಂದು ಉಚಿತ ತಂತ್ರಾಂಶ AVG Anti-Virus Free Edition. ಇದು ದೊರೆಯುವ ಜಾಲತಾಣದ ವಿಳಾಸ http://bit.ly/72S4S. ಮನೆಗಳಲ್ಲಿ ಉಪಯೋಗಿಸಲು ಮಾತ್ರ ಇದು ಉಚಿತ. ಇದು ವೈರಸ್ ಮಾತ್ರವಲ್ಲದೆ ಟ್ರೋಜನ್‌ಗಳನ್ನೂ ಹಿಡಿಯುತ್ತದೆ.
e - ಸುದ್ದಿ
ಟ್ವಿಟ್ಟರ್ ಹಾಲಿವುಡ್ ಸಿನಿಮಾಗಳನ್ನು ಕೊಲ್ಲುತ್ತಿದೆ
ಸಾಮಾನ್ಯವಾಗಿ ಚಲನಚಿತ್ರಗಳಿಗೆ ಹೋಗುವ ಮೊದಲು ಜನರು ಇತರರನ್ನು ಆ ಸಿನಿಮಾದ ಬಗ್ಗೆ ಅಭಿಪ್ರಾಯ ಕೇಳುತ್ತಾರೆ. ಅದರ ಬಗ್ಗೆ ಪತ್ರಿಕೆ ಮತ್ತು ಅಂತರಜಾಲದಲ್ಲಿ ಬಂದ ವಿಮರ್ಶೆಗಳನ್ನು ಓದುತ್ತಾರೆ. ನಂತರ ಆ ಸಿನಿಮಾಕ್ಕೆ ಹೋಗಬೇಕೇ ಬೇಡವೇ ಎಂದು ತೀರ್ಮಾನಿಸುತ್ತಾರೆ. ಇತ್ತೀಚೆಗೆ ಚುಟುಕು ಬ್ಲಾಗಿಂಗ್ ಜಾಲತಾಣ ಟ್ವಿಟ್ಟರ್ ತುಂಬ ಜನಪ್ರಿಯವಾಗುತ್ತಿದೆ. ಇದರ ಜನಪ್ರಿಯತೆ ಮತ್ತು ಅದರ ಶಕ್ತಿ ಎಷ್ಟಿದೆಯೆಂದರೆ ಇತ್ತೀಚೆಗೆ ಬಿಡುಗಡೆಯಾಗುತ್ತಿರುವ ಹಾಲಿವುಡ್ ಸಿನಿಮಾಗಳ ಸೋಲು ಗೆಲುವು ಟ್ವಿಟ್ಟರನ್ನು ಅವಲಂಬಿಸಿದೆ. ಟ್ವಿಟ್ಟರಿನಲ್ಲಿ ಕೇವಲ ೧೪೦ ಪದಗಳ ಮಿತಿಯಲ್ಲಿ ಬ್ಲಾಗ್ ಮಾಡಬೇಕು. ಸಿನಿಮಾ ನೋಡುತ್ತಿದ್ದಂತೆಯೇ ಮತ್ತು ನೋಡಿದ ನಂತರ ಜನರು ಅದರ ಬಗ್ಗೆ ಅಭಿಪ್ರಾಯ ಬರೆಯುತ್ತಿದ್ದಾರೆ. ಅದನ್ನು ನೋಡಿದ ಜನರು ಸಿನಿಮಾ ನೋಡುವ ಅಥವಾ ನೋಡದಿರುವ ತೀರ್ಮಾನ ಮಾಡುತ್ತಾರೆ. ಇತ್ತೀಚೆಗೆ ಬಿಡುಗಡೆಯಾದ ಅರ್ಧ ಡಜನ್‌ನಷ್ಟು ಹಾಲಿವುಡ್ ಸಿನಿಮಾಗಳು ಟ್ವಿಟ್ಟರ್ ಪ್ರಭಾವದಿಂದಾಗಿ ನೆಲಕಚ್ಚಿವೆ.
e- ಪದ
ಟ್ರೋಜನ್ (trojan) -ಉಪಯುಕ್ತ ತಂತ್ರಾಂಶದ ಸೋಗು ಹಾಕಿಕೊಂಡು ಆದರೆ ಗಣಕವನ್ನು ಹಾಳು ಮಾಡುವ ತಂತ್ರಾಂಶ. ಇವು ವೈರಸ್‌ಗಳಿಗಿಂತ ಸ್ವಲ್ಪ ಭಿನ್ನ. ವೈರಸ್ ತಂತ್ರಾಂಶಗಳು ತಮ್ಮನ್ನು ತಾವೆ ಪುನರುತ್ಪತ್ತಿ ಮಾಡಿಕೊಳ್ಳುತ್ತವೆ (ಜೈವಿಕ ವೈರಸ್‌ಗಳಂತೆ). ಟ್ರೋಜನ್‌ಗಳು ಹಾಗೆ ಮಾಡುವುದಿಲ್ಲ. ಅವು ಇತರೆ ಉಪಯುಕ್ತ ತಂತ್ರಾಂಶಗಳ ಒಳಗೆ ಅಡಗಿ ಕುಳಿತಿರುತ್ತವೆ. ಆದರೆ ಗಣಕವನ್ನು ತೀವ್ರವಾಗಿ ಹಾನಿ ಮಾಡಬಲ್ಲವು. ಗ್ರೀಕರು ಟ್ರೋಜನ್ ಎಂಬ ಹೆಸರಿನ ಒಂದು ದೊಡ್ಡ ಮರದ ಕುದುರೆಯನ್ನು ವಿರೋಧಿಗಳಿಗೆ ಉಡುಗೊರೆಯಾಗಿ ನೀಡಿ ಅದರ ಒಳಗೆ ಸೈನಿಕರನ್ನು ತುಂಬಿಸಿ ಕಳುಹಿಸಿ ಅವರ ರಾಜ್ಯವನ್ನು ವಶಪಡಿಸಿಕೊಂಡ ಕಥೆಯಿಂದ ಸ್ಫೂರ್ತಿಗೊಂಡು ಈ ಮಾದರಿಯ ತಂತ್ರಾಂಶಗಳಿಗೆ ಟ್ರೋಜನ್ ಎಂಬ ಹೆಸರು ಬಂದಿದೆ.
e - ಸಲಹೆ
ಗಣಕಿಂಡಿ ಓದುಗ ಬೆಂಗಳೂರಿನ ತಿಮ್ಮಯ್ಯ ಅವರ
ಪ್ರಶ್ನೆ: ನನ್ನ ಗಣಕದಲ್ಲಿ ೨೬ ಟ್ರೋಜನ್ ವೈರಸ್‌ಗಳಿವೆ. ಅವುಗಳನ್ನು ನಿವಾರಿಸುವುದು ಹೇಗೆ?
ಉತ್ತರ: ಮೊತ್ತ ಮೊದಲನೆಯದಾಗಿ, ನಿಮ್ಮ ಗಣಕದಲ್ಲಿ ನಿಖರವಾಗಿ ೨೬ ಸಂಖ್ಯೆಯ ಟ್ರೋಜನ್‌ಗಳಿವೆ ಎಂದು ಗೊತ್ತಾದದ್ದು ಹೇಗೆ? ವೈರಸ್‌ಗಳನ್ನು ಪತ್ತೆ ಹಚ್ಚುವ ಹಲವಾರು ಜಾಲತಾಣಗಳಿವೆ. ಅವುಗಳಲ್ಲಿ ಕೆಲವು, ನಿಮ್ಮ ಗಣಕವನ್ನು ಹುಡುಕಾಡಿ ಕೊನೆಗೆ ಇಂತಿಷ್ಟು ವೈರಸ್‌ಗಳು ಪತ್ತೆಯಾಗಿವೆ; ಅವುಗಳನ್ನು ನಿವಾರಿಸಬೇಕಾದರೆ ಇಂತಿಷ್ಟು ಹಣ ನೀಡಿ ನಮ್ಮ ತಂತ್ರಾಂಶವನ್ನು ಕೊಂಡುಕೊಳ್ಳಿ ಎಂದು ಹೇಳುತ್ತವೆ. ನಿಜವಾಗಿಯೂ ಅಷ್ಟು ಸಂಖ್ಯೆಯ ವೈರಸ್‌ಗಳು ಇರಲೇಬೇಕಾಗಿಲ್ಲ. ಆದುದರಿಂದ ಇದೇ ಅಂಕಣದ ಡೌನ್‌ಲೋಡ್ ವಿಭಾಗದಲ್ಲಿ ನೀಡಿರುವ ಎವಿಜಿ ಆಂಟಿ-ವೈರಸ್ ತಂತ್ರಾಂಶವನ್ನು ಡೌನ್‌ಲೋಡ್ ಮಾಡಿ ಅದನ್ನು ಬಳಸಿ ಟ್ರೋಜನ್ ಮತ್ತು ವೈರಸ್‌ಗಳನ್ನು ನಿವಾರಿಸಿಕೊಳ್ಳಿ.
ಕಂಪ್ಯೂತರ್ಲೆ
ಗೂಗ್ಲ್ ಸೂಚಿಸುತ್ತಿದೆ
ಗೂಗ್ಲ್‌ನಲ್ಲಿ ಏನನ್ನಾದರು ಹುಡುಕುವಾಗ ಬೆರಳಚ್ಚು ಮಾಡುತ್ತಿದ್ದಂತೆ ಅದು ನೀವು ಹುಡುಕುತ್ತಿರುವುದು ಇದನ್ನೋ ಎಂದು ಸಲಹೆ ನೀಡಲು ಪ್ರಾರಂಭಿಸುತ್ತದೆ. ಈ ರೀತಿ ಕೆಲವು ಪದಗಳನ್ನು ಹುಡುಕುವಾಗ ಅದು ನೀಡಿದ ಸಲಹೆಗಳು ಇಂತಿವೆ.
| ಪದ | ಸಲಹೆ |
| masti | bull |
| karant | karantina massacre |
| tunga | tonga earthquake |
| pavanaja | pavanaja stuti patra |
ಗೂಗ್ಲ್ ಸದ್ಯಕ್ಕೆ ಕನ್ನಡದಲ್ಲಿ ಹುಡುಕಿದರೆ ಯಾವುದೇ ಸಲಹೆ ನೀಡುತ್ತಿಲ್ಲ.
ಸೋಮವಾರ, ಆಗಸ್ಟ್ 31, 2009
ಗಣಕಿಂಡಿ - ೦೧೬ (ಆಗಸ್ಟ್ ೩೧, ೨೦೦೯)
ಅಂತರಜಾಲಾಡಿ
ಯಾವುದು ಹೇಗೆ?
ಏನನ್ನಾದರೂ ಮಾಡುವುದು ಹೇಗೆ ಎಂದು ಚಿಂತಿಸಿದ್ದೀರಾ? ಉದಾಹರಣೆಗೆ ಕ್ಯಾಮರ ಬಳಸುವುದು, ಗೂಗ್ಲ್‌ನ್ನು ಇನ್ನಷ್ಟು ಪರಿಣಾಮಕಾರಿಯಾಗಿ ಬಳಸುವುದು, ವೈ-ಫೈ ಸಿಗ್ನಲ್ ಶಕ್ತಿಯನ್ನು ಹೆಚ್ಚಿಸುವುದು, ಲೇಸರ್ ಮೈಕ್ರೋಫೋನ್ ತಯಾರಿಸುವುದು, ಇತ್ಯಾದಿ. ಇವು ಮಾತ್ರವಲ್ಲದೆ ಇನ್ನೂ ನೂರಾರು ವಿಷಯಗಳಲ್ಲಿ “ಯಾವುದನ್ನು ಹೇಗೆ ಮಾಡುವುದು” ಎಂದು ವಿವರಿಸುವ ವೀಡಿಯೋಗಳಿರುವ ಜಾಲತಾಣ www.wonderhowto.com. ಈ ಜಾಲತಾಣದಲ್ಲಿ ನೀಡಿರುವ ವೀಡಿಯೋಗಳನ್ನು ವೀಕ್ಷಿಸಲು ನಿಮಗೆ ಬ್ರಾಡ್‌ಬ್ಯಾಂಡ್ ಸಂಪರ್ಕ ಇದ್ದರೆ ಒಳ್ಳೆಯದು. ಇಲ್ಲಿ ನೀಡಿರುವ ವೀಡಿಯೋಗಳಲ್ಲಿ ಕೆಲವು ಅಮೇರಿಕಾಕ್ಕೆ ಮಾತ್ರ ಅನ್ವಯವಾಗುವಂತವು.
ಡೌನ್‌ಲೋಡ್
ತಾರೀಕನ್ನು ಹಿಂದೂಡುವುದು
ಕೆಲವು ತಂತ್ರಾಂಶಗಳು ಕೆಲವು ನಿರ್ದಿಷ್ಟ ಸಮಯದ ವರೆಗೆ ಮಾತ್ರ ಕೆಲಸ ಮಾಡುತ್ತವೆ. ಅನಂತರ ಅವು ಕೆಲಸ ಮಾಡುವುದಿಲ್ಲ. ಇಂತಹ ತಂತ್ರಾಂಶವನ್ನು ಅವುಗಳ ವಾಯಿದೆ ಮುಗಿದ ಮೇಲೂ ಬಳಸಲು ಒಂದು ಉಪಾಯವೆಂದರೆ ಗಣಕದ ದಿನಾಂಕವನ್ನೇ ಸ್ವಲ್ಪ ಹಿಂದೂಡುವುದು. ಹೀಗೆ ಮಾಡುವುದರಿಂದ ಹಲವು ತೊಂದರೆಗಳಾಗುತ್ತವೆ. ಉದಾಹರಣೆಗೆ ನೀವು ತಯಾರಿಸಿದ ಕಡತಗಳೆಲ್ಲ ಹಿಂದಿನ ದಿನಾಂಕವನ್ನು ತೋರಿಸುತ್ತವೆ, ನೀವು ಕಳುಹಿಸಿದ ಇಮೈಲ್‌ಗಳು ಹಿಂದಿನ ದಿನಾಂಕದಲ್ಲಿ ಬರೆದಂತೆ ತೋರಿಸುತ್ತವೆ, ಇತ್ಯಾದಿ. ಕೇವಲ ಒಂದು ತಂತ್ರಾಂಶವನ್ನು ನಡೆಸಲು ಮಾತ್ರ ಗಣಕದ ದಿನಾಂಕವನ್ನು ಹಿಂದೂಡುವಂತಿದ್ದರೆ ಚೆನ್ನಲ್ಲವೆ? ಹೀಗೆ ಮಾಡಲು ಸಹಾಯಕಾರಿಯಾದ ತಂತ್ರಾಂಶ RunAsDate. ಈ ತಂತ್ರಾಂಶವನ್ನು ಡೌನ್‌ಲೋಡ್ ಮಾಡಬೇಕಿದ್ದರೆ ಭೇಟಿ ನೀಡಬೇಕಾದ ಜಾಲತಾಣ - bit.ly/1FDMeG
e - ಸುದ್ದಿ
ಸತ್ತ ನಂತರ ಇಮೈಲ್ ಕಳುಹಿಸಿ!
ಸತ್ತ ನಂತರ ಆಸ್ತಿ ಪಾಸ್ತಿ ಯಾರು ಯಾರಿಗೆ ಯಾವ ಯಾವ ರೀತಿ ಹಂಚಿಕೆ ಆಗಬೇಕು ಎಂದು ಉಯಿಲು ಬರೆಯುವುದು ಗೊತ್ತು ತಾನೆ? ಸತ್ತ ನಂತರ ಇಮೈಲ್ ಕಳುಹಿಸುವುದು? ಹೌದು. ಅದೂ ಸಾಧ್ಯವಾಗಿದೆ. www.lastmessagesclub.co.uk ಜಾಲತಾಣದಲ್ಲಿ ಹೆಸರು ನೋಂದಾಯಿಸಿ ತಾನು ಸತ್ತ ನಂತರ ಯಾರು ಯಾರಿಗೆ ಏನೇನು ಸಂದೇಶ ಕಳುಹಿಸಬೇಕು ಎಂದು ದಾಖಲಿಸಿದರೆ ಸತ್ತ ನಂತರ ಆ ಜಾಲತಾಣವು ಅದೇ ರೀತಿ ಇಮೈಲ್ ಕಳುಹಿಸುತ್ತದೆ. ಇವು ಕುಟುಂಬದವರಿಗೆ ಬ್ಯಾಂಕ್, ಇನ್ಶೂರೆನ್ಸ್ ಬಗ್ಗೆ ಸೂಚನೆ ಇರಬಹುದು, ಆಪ್ತರಿಗೆ ಕೊನೆಯ ಪತ್ರ ಇರಬಹುದು, ಇನ್ನು ಏನು ಬೇಕಾದರೂ ಆಗಿರಬಹುದು.
e- ಪದ
ಫಿಶಿಂಗ್ (phishing) - ಅಂತರಜಾಲ ಬ್ಯಾಂಕಿಂಗ್, ವಾಣಿಜ್ಯ ಮತ್ತು ಇನ್ನಿತರ ವ್ಯವಹಾರಗಳ ಗುಪ್ತಪದ (password) ಕದಿಯಲು ಖದೀಮರು ಬಳಸುವ ಒಂದು ತಂತ್ರ. ನ್ಯಾಯಬದ್ಧ ಇಮೈಲ್‌ನಂತೆಯೇ ಕಾಣಿಸುವ ಒಂದು ಇಮೈಲ್ ಮೂಲಕ ಗುಪ್ತಪದ ಕದಿಯಲೆಂದೇ ನಿರ್ಮಿಸಿರುವ, ಅಧಿಕೃತ ಬ್ಯಾಂಕಿನ ಜಾಲತಾಣವನ್ನೇ ಹೋಲುವ ಒಂದು ಜಾಲತಾಣದಲ್ಲಿ ನಿಮ್ಮ ಲಾಗಿನ್ ಮತ್ತು ಪಾಸ್‌ವರ್ಡ್ ದಾಖಲಿಸಲು ನಿಮ್ಮನ್ನು ಈ ಇಮೈಲ್ ಕೇಳಿಕೊಳ್ಳುತ್ತದೆ. ಅಲ್ಲಿ ನಿಮ್ಮ ದಾಖಲೆಗಳನ್ನು ನೀಡಿದರೆ ಮುಗಿಯಿತು. ನಿಮ್ಮ ಬ್ಯಾಂಕಿನ ಖಾತೆಯಿಂದ ಹಣ ಇನ್ನೆಲ್ಲಿಗೋ ವರ್ಗಾವಣೆಯಾಗಿರುತ್ತದೆ. ಸಾಮಾನ್ಯವಾಗಿ ಈ ರೀತಿ ಕೇಳಿಕೊಳ್ಳುವ ಇಮೈಲಿನಲ್ಲಿ ನೀಡಿರುವ ಜಾಲತಾಣದ ವಿಳಾಸದಲ್ಲಿ ಅಧಿಕೃತ ಬ್ಯಾಂಕಿನ ವಿಳಾಸದ ಬದಲು ಯಾವುದೋ ಸಂಖ್ಯೆಗಳಿರುತ್ತವೆ.
e - ಸಲಹೆ
ನಿಮಗೆ ಬಂದ ಇಮೈಲ್ ಫಿಶಿಂಗ್ ಇಮೈಲ್ ಹೌದೋ ಅಲ್ಲವೇ ಎಂದು ತಿಳಿಯುವುದು ಹೇಗೆ? ಉದಾಹರಣೆಗೆ ಸಿಟಿಬ್ಯಾಂಕಿನಿಂದ ಎಂದು ಹೇಳಿಕೊಂಡು ಇಮೈಲ್ ಬಂದಿದೆ ಎಂದು ಇಟ್ಟುಕೊಳ್ಳೋಣ. ನಿಮ್ಮ ವಿವರಗಳನ್ನು ಅಪ್‌ಡೇಟ್ ಮಾಡಲು ಇಲ್ಲಿ ಕ್ಲಿಕ್ಕಿಸಿ ಎಂದು ಸಂದೇಶ ಇರುತ್ತದೆ. ಆ ಪದಪುಂಜವು ಸರಿಯಾಗಿ ಸಿಟಿಬ್ಯಾಂಕಿನ ಜಾಲತಾಣದ ವಿಳಾಸವೇ ಆಗಿರುತ್ತದೆ. ಆದರೆ ಅದನ್ನು ಕ್ಲಿಕ್ಕಿಸಿದಾಗ ಅದು ಸಿಟಿಬ್ಯಾಂಕಿನ ಜಾಲತಾಣವನ್ನೇ ಹೋಲುವ ಇನ್ಯಾವುದೋ ಜಾಲತಾಣಕ್ಕೆ ಕರೆದೊಯ್ಯುತ್ತದೆ. ಇದರ ಅಧಿಕೃತತೆಯನ್ನು ಸುಲಭವಾಗಿ ಪತ್ತೆ ಹಚ್ಚಬಹುದು. ಸಿಟಿಬ್ಯಾಂಕಿನ ಜಾಲತಾಣದ ವಿಳಾಸ www.citibank.com ಅಥವಾ www.citibank.co.in ಇರುತ್ತದೆ. ಫಿಶಿಂಗ್ ಜಾಲತಾಣವಾದರೆ ಯಾವುದೋ ಸಂಖ್ಯೆಯಿಂದ ಪ್ರಾರಂಭವಾಗುತ್ತದೆ. ಉದಾ -http://123.456.789.123/citiback/login.htm (ಇಲ್ಲಿ ನೀಡಿರುವ ಸಂಖ್ಯೆಗಳು ಕೇವಲ ಉದಾಹರಣೆಗಾಗಿ ಮಾತ್ರ). ಸಾಮಾನ್ಯವಾಗಿ ವಾಣಿಜ್ಯ ಜಾಲತಾಣಗಳ ಲಾಗಿನ್ ಪುಟಗಳ ವಿಳಾಸಗಳು https:// ಎಂದು ಪ್ರಾರಂಭವಾಗುತ್ತವೆ. ಫಿಶಿಂಗ್ ಜಾಲತಾಣಗಳು ಇತರೆ ಸಾಮಾನ್ಯ ಜಾಲತಾಣಗಳಂತೆ http:// ಎಂದು ಪ್ರಾರಂಭವಾಗುತ್ತವೆ.
ಕಂಪ್ಯೂತರ್ಲೆ
ಇನ್ನೊಂದಿಷ್ಟು ಬ್ಲಾಗ್ ಗಾದೆಗಳು:
ಯಾವುದು ಹೇಗೆ?
ಏನನ್ನಾದರೂ ಮಾಡುವುದು ಹೇಗೆ ಎಂದು ಚಿಂತಿಸಿದ್ದೀರಾ? ಉದಾಹರಣೆಗೆ ಕ್ಯಾಮರ ಬಳಸುವುದು, ಗೂಗ್ಲ್‌ನ್ನು ಇನ್ನಷ್ಟು ಪರಿಣಾಮಕಾರಿಯಾಗಿ ಬಳಸುವುದು, ವೈ-ಫೈ ಸಿಗ್ನಲ್ ಶಕ್ತಿಯನ್ನು ಹೆಚ್ಚಿಸುವುದು, ಲೇಸರ್ ಮೈಕ್ರೋಫೋನ್ ತಯಾರಿಸುವುದು, ಇತ್ಯಾದಿ. ಇವು ಮಾತ್ರವಲ್ಲದೆ ಇನ್ನೂ ನೂರಾರು ವಿಷಯಗಳಲ್ಲಿ “ಯಾವುದನ್ನು ಹೇಗೆ ಮಾಡುವುದು” ಎಂದು ವಿವರಿಸುವ ವೀಡಿಯೋಗಳಿರುವ ಜಾಲತಾಣ www.wonderhowto.com. ಈ ಜಾಲತಾಣದಲ್ಲಿ ನೀಡಿರುವ ವೀಡಿಯೋಗಳನ್ನು ವೀಕ್ಷಿಸಲು ನಿಮಗೆ ಬ್ರಾಡ್‌ಬ್ಯಾಂಡ್ ಸಂಪರ್ಕ ಇದ್ದರೆ ಒಳ್ಳೆಯದು. ಇಲ್ಲಿ ನೀಡಿರುವ ವೀಡಿಯೋಗಳಲ್ಲಿ ಕೆಲವು ಅಮೇರಿಕಾಕ್ಕೆ ಮಾತ್ರ ಅನ್ವಯವಾಗುವಂತವು.
ಡೌನ್‌ಲೋಡ್
ತಾರೀಕನ್ನು ಹಿಂದೂಡುವುದು
ಕೆಲವು ತಂತ್ರಾಂಶಗಳು ಕೆಲವು ನಿರ್ದಿಷ್ಟ ಸಮಯದ ವರೆಗೆ ಮಾತ್ರ ಕೆಲಸ ಮಾಡುತ್ತವೆ. ಅನಂತರ ಅವು ಕೆಲಸ ಮಾಡುವುದಿಲ್ಲ. ಇಂತಹ ತಂತ್ರಾಂಶವನ್ನು ಅವುಗಳ ವಾಯಿದೆ ಮುಗಿದ ಮೇಲೂ ಬಳಸಲು ಒಂದು ಉಪಾಯವೆಂದರೆ ಗಣಕದ ದಿನಾಂಕವನ್ನೇ ಸ್ವಲ್ಪ ಹಿಂದೂಡುವುದು. ಹೀಗೆ ಮಾಡುವುದರಿಂದ ಹಲವು ತೊಂದರೆಗಳಾಗುತ್ತವೆ. ಉದಾಹರಣೆಗೆ ನೀವು ತಯಾರಿಸಿದ ಕಡತಗಳೆಲ್ಲ ಹಿಂದಿನ ದಿನಾಂಕವನ್ನು ತೋರಿಸುತ್ತವೆ, ನೀವು ಕಳುಹಿಸಿದ ಇಮೈಲ್‌ಗಳು ಹಿಂದಿನ ದಿನಾಂಕದಲ್ಲಿ ಬರೆದಂತೆ ತೋರಿಸುತ್ತವೆ, ಇತ್ಯಾದಿ. ಕೇವಲ ಒಂದು ತಂತ್ರಾಂಶವನ್ನು ನಡೆಸಲು ಮಾತ್ರ ಗಣಕದ ದಿನಾಂಕವನ್ನು ಹಿಂದೂಡುವಂತಿದ್ದರೆ ಚೆನ್ನಲ್ಲವೆ? ಹೀಗೆ ಮಾಡಲು ಸಹಾಯಕಾರಿಯಾದ ತಂತ್ರಾಂಶ RunAsDate. ಈ ತಂತ್ರಾಂಶವನ್ನು ಡೌನ್‌ಲೋಡ್ ಮಾಡಬೇಕಿದ್ದರೆ ಭೇಟಿ ನೀಡಬೇಕಾದ ಜಾಲತಾಣ - bit.ly/1FDMeG
e - ಸುದ್ದಿ
ಸತ್ತ ನಂತರ ಇಮೈಲ್ ಕಳುಹಿಸಿ!
ಸತ್ತ ನಂತರ ಆಸ್ತಿ ಪಾಸ್ತಿ ಯಾರು ಯಾರಿಗೆ ಯಾವ ಯಾವ ರೀತಿ ಹಂಚಿಕೆ ಆಗಬೇಕು ಎಂದು ಉಯಿಲು ಬರೆಯುವುದು ಗೊತ್ತು ತಾನೆ? ಸತ್ತ ನಂತರ ಇಮೈಲ್ ಕಳುಹಿಸುವುದು? ಹೌದು. ಅದೂ ಸಾಧ್ಯವಾಗಿದೆ. www.lastmessagesclub.co.uk ಜಾಲತಾಣದಲ್ಲಿ ಹೆಸರು ನೋಂದಾಯಿಸಿ ತಾನು ಸತ್ತ ನಂತರ ಯಾರು ಯಾರಿಗೆ ಏನೇನು ಸಂದೇಶ ಕಳುಹಿಸಬೇಕು ಎಂದು ದಾಖಲಿಸಿದರೆ ಸತ್ತ ನಂತರ ಆ ಜಾಲತಾಣವು ಅದೇ ರೀತಿ ಇಮೈಲ್ ಕಳುಹಿಸುತ್ತದೆ. ಇವು ಕುಟುಂಬದವರಿಗೆ ಬ್ಯಾಂಕ್, ಇನ್ಶೂರೆನ್ಸ್ ಬಗ್ಗೆ ಸೂಚನೆ ಇರಬಹುದು, ಆಪ್ತರಿಗೆ ಕೊನೆಯ ಪತ್ರ ಇರಬಹುದು, ಇನ್ನು ಏನು ಬೇಕಾದರೂ ಆಗಿರಬಹುದು.
e- ಪದ
ಫಿಶಿಂಗ್ (phishing) - ಅಂತರಜಾಲ ಬ್ಯಾಂಕಿಂಗ್, ವಾಣಿಜ್ಯ ಮತ್ತು ಇನ್ನಿತರ ವ್ಯವಹಾರಗಳ ಗುಪ್ತಪದ (password) ಕದಿಯಲು ಖದೀಮರು ಬಳಸುವ ಒಂದು ತಂತ್ರ. ನ್ಯಾಯಬದ್ಧ ಇಮೈಲ್‌ನಂತೆಯೇ ಕಾಣಿಸುವ ಒಂದು ಇಮೈಲ್ ಮೂಲಕ ಗುಪ್ತಪದ ಕದಿಯಲೆಂದೇ ನಿರ್ಮಿಸಿರುವ, ಅಧಿಕೃತ ಬ್ಯಾಂಕಿನ ಜಾಲತಾಣವನ್ನೇ ಹೋಲುವ ಒಂದು ಜಾಲತಾಣದಲ್ಲಿ ನಿಮ್ಮ ಲಾಗಿನ್ ಮತ್ತು ಪಾಸ್‌ವರ್ಡ್ ದಾಖಲಿಸಲು ನಿಮ್ಮನ್ನು ಈ ಇಮೈಲ್ ಕೇಳಿಕೊಳ್ಳುತ್ತದೆ. ಅಲ್ಲಿ ನಿಮ್ಮ ದಾಖಲೆಗಳನ್ನು ನೀಡಿದರೆ ಮುಗಿಯಿತು. ನಿಮ್ಮ ಬ್ಯಾಂಕಿನ ಖಾತೆಯಿಂದ ಹಣ ಇನ್ನೆಲ್ಲಿಗೋ ವರ್ಗಾವಣೆಯಾಗಿರುತ್ತದೆ. ಸಾಮಾನ್ಯವಾಗಿ ಈ ರೀತಿ ಕೇಳಿಕೊಳ್ಳುವ ಇಮೈಲಿನಲ್ಲಿ ನೀಡಿರುವ ಜಾಲತಾಣದ ವಿಳಾಸದಲ್ಲಿ ಅಧಿಕೃತ ಬ್ಯಾಂಕಿನ ವಿಳಾಸದ ಬದಲು ಯಾವುದೋ ಸಂಖ್ಯೆಗಳಿರುತ್ತವೆ.
e - ಸಲಹೆ
ನಿಮಗೆ ಬಂದ ಇಮೈಲ್ ಫಿಶಿಂಗ್ ಇಮೈಲ್ ಹೌದೋ ಅಲ್ಲವೇ ಎಂದು ತಿಳಿಯುವುದು ಹೇಗೆ? ಉದಾಹರಣೆಗೆ ಸಿಟಿಬ್ಯಾಂಕಿನಿಂದ ಎಂದು ಹೇಳಿಕೊಂಡು ಇಮೈಲ್ ಬಂದಿದೆ ಎಂದು ಇಟ್ಟುಕೊಳ್ಳೋಣ. ನಿಮ್ಮ ವಿವರಗಳನ್ನು ಅಪ್‌ಡೇಟ್ ಮಾಡಲು ಇಲ್ಲಿ ಕ್ಲಿಕ್ಕಿಸಿ ಎಂದು ಸಂದೇಶ ಇರುತ್ತದೆ. ಆ ಪದಪುಂಜವು ಸರಿಯಾಗಿ ಸಿಟಿಬ್ಯಾಂಕಿನ ಜಾಲತಾಣದ ವಿಳಾಸವೇ ಆಗಿರುತ್ತದೆ. ಆದರೆ ಅದನ್ನು ಕ್ಲಿಕ್ಕಿಸಿದಾಗ ಅದು ಸಿಟಿಬ್ಯಾಂಕಿನ ಜಾಲತಾಣವನ್ನೇ ಹೋಲುವ ಇನ್ಯಾವುದೋ ಜಾಲತಾಣಕ್ಕೆ ಕರೆದೊಯ್ಯುತ್ತದೆ. ಇದರ ಅಧಿಕೃತತೆಯನ್ನು ಸುಲಭವಾಗಿ ಪತ್ತೆ ಹಚ್ಚಬಹುದು. ಸಿಟಿಬ್ಯಾಂಕಿನ ಜಾಲತಾಣದ ವಿಳಾಸ www.citibank.com ಅಥವಾ www.citibank.co.in ಇರುತ್ತದೆ. ಫಿಶಿಂಗ್ ಜಾಲತಾಣವಾದರೆ ಯಾವುದೋ ಸಂಖ್ಯೆಯಿಂದ ಪ್ರಾರಂಭವಾಗುತ್ತದೆ. ಉದಾ -http://123.456.789.123/citiback/login.htm (ಇಲ್ಲಿ ನೀಡಿರುವ ಸಂಖ್ಯೆಗಳು ಕೇವಲ ಉದಾಹರಣೆಗಾಗಿ ಮಾತ್ರ). ಸಾಮಾನ್ಯವಾಗಿ ವಾಣಿಜ್ಯ ಜಾಲತಾಣಗಳ ಲಾಗಿನ್ ಪುಟಗಳ ವಿಳಾಸಗಳು https:// ಎಂದು ಪ್ರಾರಂಭವಾಗುತ್ತವೆ. ಫಿಶಿಂಗ್ ಜಾಲತಾಣಗಳು ಇತರೆ ಸಾಮಾನ್ಯ ಜಾಲತಾಣಗಳಂತೆ http:// ಎಂದು ಪ್ರಾರಂಭವಾಗುತ್ತವೆ.
ಕಂಪ್ಯೂತರ್ಲೆ
ಇನ್ನೊಂದಿಷ್ಟು ಬ್ಲಾಗ್ ಗಾದೆಗಳು:
- ಪತ್ರಿಕೆಯಿಂದ ಹಿಂದೆ ಬಂದ ಲೇಖನವನ್ನು ಬ್ಲಾಗ್ ಮಾಡಿದರಂತೆ
- ಲೇಖನಗಳಿಗೊಂದು ಕಾಲ, ಬ್ಲಾಗುಗಳಿಗೊಂದು ಕಾಲ
- ಕೆಲವರಿಗೆ ಬ್ಲಾಗ್ ಭಯವಾದರೆ ಇನ್ನು ಕೆಲವರಿಗೆ ಕಮೆಂಟ್ ಭಯ
- ಕಮೆಂಟುಗಳಿಗೆ ಹೆದರಿ ಬ್ಲಾಗನ್ನೇ ನಿಲ್ಲಿಸಿದರಂತೆ
ಬುಧವಾರ, ಆಗಸ್ಟ್ 26, 2009
ಗಣಕಿಂಡಿ - ೦೧೫ (ಆಗಸ್ಟ್ ೨೫, ೨೦೦೯)
ಅಂತರಜಾಲಾಡಿ
ಯಾರು ಏನು ಹೇಳಿದರು?
ಭಾಷಣ ಮಾಡುವಾಗ, ತರಗತಿಯಲ್ಲಿ ಪಾಠ ಮಾಡುವಾಗ, ಲೇಖನ ಬರೆಯುವಾಗ ಆಗಾಗ ಅಲ್ಲಲ್ಲಿ ಖ್ಯಾತನಾಮರ ಮಾತುಗಳನ್ನು ಉದಾಹರಿಸುವ ಅಭ್ಯಾಸ ಇದೆ ತಾನೆ? ಹೀಗೆ ಉದಾಹರಿಸಲು ಪ್ರಸಿದ್ಧ ಮಾತುಗಳನ್ನು ಬರೆದಿಟ್ಟುಕೊಳ್ಳುವ ಅಭ್ಯಾಸವೂ ಕೆಲವರಿಗಿದೆ. ಕೆಲವೊಮ್ಮೆ ಇಂತಹ ಮಾತುಗಳು ಜೀವನಕ್ಕೆ ದಾರಿದೀಪವಾಗಿಯೂ ಬೇಕಾಗುತ್ತವೆ. ಇಂತಹ ಜಗತ್ಪ್ರಸಿದ್ಧ ಮಾತುಗಳ ಜಾಲತಾಣ www.brainyquote.com. ನೀವು ಆಗಾಗ ಇಲ್ಲಿಗೆ ಭೇಟಿ ನೀಡಿ ಕೊಟೇಶನ್‌ಗಳನ್ನು ಓದಬಹುದು, ಅವುಗಳಿಗೆ ಚಂದಾದಾರರಾಗಬಹುದು, ನಿಮ್ಮ ಗಣಕದ ಪರದೆಯಲ್ಲಿ ಒಂದು ಬದಿಯಲ್ಲಿ ಈ ಮಾತುಗಳು ಬರುತ್ತಾ ಇರುವಂತೆ ಮಾಡಬಹುದು, ನಿಮ್ಮ ಬ್ಲಾಗ್‌ತಾಣದಲ್ಲಿ ಅವು ಮೂಡುವಂತೆ ಮಾಡಬಹುದು -ಇತ್ಯಾದಿ ಸವಲತ್ತುಗಳಿವೆ.
ಡೌನ್‌ಲೋಡ್
ಪಿಡಿಎಫ್ ಕಡತ ತಯಾರಿಸಿ
ಅಡೋಬ್‌ನವರ ಪಿಡಿಎಫ್ ಮಾದರಿಯ ಕಡತಗಳನ್ನು ನೀವೆಲ್ಲ ಗಮನಿಸಿರಬಹುದು ಹಾಗೂ ಓದಿರಬಹುದು. ಕನ್ನಡಪ್ರಭ ಪತ್ರಿಕೆಯೂ ಅಂತರಜಾಲದಲ್ಲಿ ಪಿಡಿಎಫ್ ಮಾದರಿಯಲ್ಲಿ ಓದಲು ಲಭ್ಯವಿದೆ. ನೀವು ತಯಾರಿಸಿದ ಪತ್ರ, ಕಡತ ಅಥವಾ ಪುಸ್ತಕವನ್ನು ಪಿಡಿಎಫ್ ಆಗಿ ಬದಲಾಯಿಸಬೇಕೆ? ಹಾಗೆ ಮಾಡಲು ಅಡೋಬ್‌ನವರದೇ ಆಕ್ರೋಬಾಟ್ ತಂತ್ರಾಂಶ ಲಭ್ಯವಿದೆ. ಆದರೆ ಅದು ಬಲು ದುಬಾರಿ. ಇದೇ ಕೆಲಸ ಮಾಡಲು ನೆರವಾಗುವ ಉಚಿತ ತಂತ್ರಾಂಶ ಪಿಡಿಎಫ್ ಕ್ರಿಯೇಟರ್. ಇದು ದೊರೆಯುವ ಜಾಲತಾಣ http://bit.ly/i1OXM. ಈ ತಂತ್ರಾಂಶವನ್ನು ಇನ್‌ಸ್ಟಾಲ್ ಮಾಡಿಕೊಂಡರೆ ಇದು ಒಂದು ಮುದ್ರಕ (ಪ್ರಿಂಟರ್) ಆಗಿ ಕಂಡುಬರುತ್ತದೆ. ಯಾವುದೇ ತಂತ್ರಾಂಶದಿಂದ (ಉದಾ -ಮೈಕ್ರೋಸಾಫ್ಟ್ ವರ್ಡ್, ಪೇಜ್‌ಮೇಕರ್, ಇಂಟರ್‌ನೆಟ್ ಎಕ್ಸ್‌ಪ್ಲೋರರ್, ಇತ್ಯಾದಿ) ಮುದ್ರಿಸು (ಪ್ರಿಂಟ್) ಎಂದು ಆಯ್ಕೆ ಮಾಡಿ ಮುದ್ರಕವಾಗಿ PDFCreator ಅನ್ನು ಆಯ್ಕೆ ಮಾಡಿಕೊಂಡರೆ ಆಯಿತು.
e - ಸುದ್ದಿ
ಅನಾಮಧೇಯ ಬ್ಲಾಗಿಗಳೇ, ಎಚ್ಚರಿಕೆ!
ಇತ್ತೀಚೆಗೆ ಅನಾಮಧೇಯ ಬ್ಲಾಗರುಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ತಮಗೆ ಆಗದವರ ಬಗ್ಗೆ ಹೀನಾಯವಾಗಿ ಬರೆಯಲು ಜನರು ಈಗ ಬ್ಲಾಗಿಂಗ್‌ನ ಮರೆ ಹೋಗುತ್ತಿದ್ದಾರೆ. ಹಾಗಂತ ಹೇಳಿ ಎಲ್ಲ ಅನಾಮಧೇಯ ಬ್ಲಾಗ್‌ಗಳೂ ಬೈಗುಳವೇ ಎಂದು ತೀರ್ಮಾನಿಸಬೇಕಾಗಿಲ್ಲ. ಸಮಾಜೋಪಯೋಗಿ ಅನಾಮಧೇಯ ಬ್ಲಾಗ್‌ಗಳೂ ಇವೆ. ಇರಲಿ. ಅಮೇರಿಕದಲ್ಲಿ ಖ್ಯಾತ ಮಾಡೆಲ್ ಒಬ್ಬಳ ಬಗ್ಗೆ ಕೆಟ್ಟಕೆಟ್ಟದಾಗಿ ಬರೆಯಲೆಂದೇ ಒಬ್ಬಾತ ಒಂದು ಅನಾಮಧೇಯ ಬ್ಲಾಗ್ ಒಂದನ್ನು ಪ್ರಾರಂಬಿಸಿದ್ದ. ಅದರಲ್ಲಿ ಆಕೆಯ ಚಾರಿತ್ರ್ಯವಧೆ ಮಾಡುತ್ತಲೇ ಇದ್ದ. ಆಕೆ ನ್ಯಾಯಾಲಯದ ಮೊರೆಹೋದಳು. ಬ್ಲಾಗ್ ಹೋಸ್ಟ್ ಆಗಿರುವ ಗೂಗ್ಲ್ ಕಂಪೆನಿ ಆ ಬ್ಲಾಗ್ ನಡೆಸುತ್ತಿರುವವನ ಇಮೈಲ್ ಮತ್ತು ಇತರೆ ವಿವರಗಳನ್ನು ನ್ಯಾಯಾಲಯದ ಆದೇಶದಂತೆ ನೀಡಿದೆ. ಆಕೆ ಆತನ ಮೇಲೆ ದಾವೆ ಹೂಡಿದ್ದಾಳೆ. ಮುಂದೆ ಏನು ನಡೆಯುತ್ತದೆಯೋ ಕಾದು ನೋಡಬೇಕು. ಅನಾಮಧೇಯ ಬ್ಲಾಗ್ ಮೂಲಕ ಅಂತರಜಾಲ ಪುಂಡಾಟಿಕೆ ನಡೆಸುವವರು ತಾವು ಸಿಕ್ಕಿ ಬೀಳುವುದಿಲ್ಲ ಎಂಬ ಭಾವನೆಯಿಂದ ಹೊರಬರುವುದು ಒಳಿತು.
e- ಪದ
ಅಂತರಜಾಲ ಪುಂಡಾಟಿಕೆ (cyberbullying) - ಅಂತರಜಾಲ ಮೂಲಕ ಬಿಡದೆ ಬೆಂಬತ್ತಿ ಯಾರನ್ನಾದರೂ ಪೀಡಿಸುವುದು. ಇದರಲ್ಲಿ ಹಲವು ವಿಧಾನಗಳಿವೆ. ಬ್ಲಾಗ್ ಮೂಲಕ, ದ್ವೇಷದ ಇಮೈಲ್ ಕಳಿಸುವುದು, ಚರ್ಚಾವೇದಿಕೆಗಳಲ್ಲಿ ಸೇಡಿನ ಮಾತುಗಳನ್ನು ಬರೆಯುವುದು, ಆರ್ಕುಟ್ ಮಾದರಿಯ ಜಾಲತಾಣಗಳಲ್ಲಿ ದ್ವೇಷದ ಮಾತುಗಳನ್ನು ಬರೆಯುವುದು -ಹೀಗೆ ಹಲವಾರು ರೀತಿಯಲ್ಲಿ ಬೆಂಬಿಡದೆ ಪೀಡಿಸುವುದು. ಈ ರೀತಿ ಮಾಡುವುದು ಅಂತರಜಾಲದ ಮೂಲಕ ಬಹಳ ಸರಳ ಹಾಗೂ ಸುಲಭ. ಯಾಕೆಂದರೆ ಯಾರು ಬೇಕಾದರೂ ಅನಾಮಧೇಯವಾಗಿ ಇಮೈಲ್ ವಿಳಾಸ, ಬ್ಲಾಗ್ ವಿಳಾಸ ಹಾಗೂ ಇತರೆ ಗುರುತುಗಳನ್ನು ಆರಾಮವಾಗಿ ಪಡೆಯಬಹುದು. ಹೀಗೆ ಪಡೆದ ಗುರುತನ್ನು ಬಳಸಿ ತಮಗಾಗದವರನ್ನು ಅಂತರಜಾಲದ ಮೂಲಕ ಪೀಡಿಸುವುದು ಬಹು ಸುಲಭ. ಆದರೆ ಸೈಬರ್ ಕಾನೂನು ಪ್ರಕಾರ ಹೀಗೆ ಮಾಡುವುದು ಶಿಕ್ಷಾರ್ಹ ಅಪರಾಧ.
e - ಸಲಹೆ
ಒಂದು ಗಣಕದಲ್ಲಿ ಒಂದಕ್ಕಿಂತ ಹೆಚ್ಚು ಕಾರ್ಯಾಚರಣೆಯ ವ್ಯವಸ್ಥೆಗಳನ್ನು (ಆಪರೇಟಿಂಗ್ ಸಿಸ್ಟಮ್) ಹಾಕಬೇಕೆ? ಹಾಗಿದ್ದರೆ ಪ್ರತಿಯೊಂದಕ್ಕೂ ತನ್ನದೇ ಆದ ಹಾರ್ಡ್‌ಡಿಸ್ಕ್ ವಿಭಾಗ (ಪಾರ್ಟಿಶನ್) ಅಗತ್ಯ. ಹಳೆಯ ಆವೃತ್ತಿಯ ಕಾರ್ಯಾಚರಣೆಯ ವ್ಯವಸ್ಥೆಯನ್ನು ಮೊದಲು ಇನ್‌ಸ್ಟಾಲ್ ಮಾಡಿ ನಂತರದ ಆವೃತ್ತಿ ಅಂದರೆ ಹೊಸತನ್ನು ಇನ್ನೊಂದು ಪಾರ್ಟಿಶನ್‌ನಲ್ಲಿ ಇನ್‌ಸ್ಟಾಲ್ ಮಾಡತಕ್ಕದ್ದು. ಉದಾಹರಣೆಗೆ ವಿಂಡೋಸ್ ಎಕ್ಸ್‌ಪಿ ಮೊದಲು, ಆನಂತರ ವಿಸ್ಟ. ಲಿನಕ್ಸ್ ಕೂಡ ಬೇಕಿದ್ದಲ್ಲಿ ಅದನ್ನು ಕೊನೆಯದಾಗಿ ಇನ್‌ಸ್ಟಾಲ್ ಮಾಡತಕ್ಕದ್ದು.
ಕಂಪ್ಯೂತರ್ಲೆ
ಗ್ರಾಹಕ: “ಹಲೋ, ನಾನು ನಿಮ್ಮ ಬ್ಯಾಂಕಿನ ಆನ್‌ಲೈನ್ ಹಣಕಾಸು ವ್ಯವಹಾರ ಪ್ರಾರಂಭಿಸಬೇಕೆಂದುಕೊಂಡಿದ್ದೇನೆ. ಅದಕ್ಕೆ ಏನೇನು ಬೇಕು?”
ಬ್ಯಾಂಕಿನ ಸಿಬ್ಬಂದಿ: “ಖಂಡಿತ. ಬಹಳ ಸುಲಭ. ನಿಮ್ಮಲ್ಲಿ ಕಂಪ್ಯೂಟರ್, ಮೋಡೆಮ್ ಮತ್ತು ಇಂಟರ್‌ನೆಟ್ ಸಂಪರ್ಕ ಇದ್ದರೆ ಸಾಕು”
ಗ್ರಾಹಕ: “ಹೌದಾ! ಹಣ ಎಲ್ಲಿಂದ ಹೊರಗೆ ಬರುತ್ತದೆ?”
ಸಿಬ್ಬಂದಿ: “ನನಗೆ ಅರ್ಥವಾಗಲಿಲ್ಲ”
ಗ್ರಾಹಕ: “ಅಂದರೆ, ನಾನು ಕೇಳಿದ್ದು, ಕಂಪ್ಯೂಟರಿನಲ್ಲಿ ಒಂದು ಕಿಂಡಿಯ ರೀತಿ ಇದೆಯಲ್ಲವಾ, ಅದರಿಂದ ಹಣ ಹೊರಗೆ ಬರುತ್ತದೋ ಎಂದು”
ಸಿಬ್ಬಂದಿ ಮೂರ್ಛೆ ಹೋದ.
ಯಾರು ಏನು ಹೇಳಿದರು?
ಭಾಷಣ ಮಾಡುವಾಗ, ತರಗತಿಯಲ್ಲಿ ಪಾಠ ಮಾಡುವಾಗ, ಲೇಖನ ಬರೆಯುವಾಗ ಆಗಾಗ ಅಲ್ಲಲ್ಲಿ ಖ್ಯಾತನಾಮರ ಮಾತುಗಳನ್ನು ಉದಾಹರಿಸುವ ಅಭ್ಯಾಸ ಇದೆ ತಾನೆ? ಹೀಗೆ ಉದಾಹರಿಸಲು ಪ್ರಸಿದ್ಧ ಮಾತುಗಳನ್ನು ಬರೆದಿಟ್ಟುಕೊಳ್ಳುವ ಅಭ್ಯಾಸವೂ ಕೆಲವರಿಗಿದೆ. ಕೆಲವೊಮ್ಮೆ ಇಂತಹ ಮಾತುಗಳು ಜೀವನಕ್ಕೆ ದಾರಿದೀಪವಾಗಿಯೂ ಬೇಕಾಗುತ್ತವೆ. ಇಂತಹ ಜಗತ್ಪ್ರಸಿದ್ಧ ಮಾತುಗಳ ಜಾಲತಾಣ www.brainyquote.com. ನೀವು ಆಗಾಗ ಇಲ್ಲಿಗೆ ಭೇಟಿ ನೀಡಿ ಕೊಟೇಶನ್‌ಗಳನ್ನು ಓದಬಹುದು, ಅವುಗಳಿಗೆ ಚಂದಾದಾರರಾಗಬಹುದು, ನಿಮ್ಮ ಗಣಕದ ಪರದೆಯಲ್ಲಿ ಒಂದು ಬದಿಯಲ್ಲಿ ಈ ಮಾತುಗಳು ಬರುತ್ತಾ ಇರುವಂತೆ ಮಾಡಬಹುದು, ನಿಮ್ಮ ಬ್ಲಾಗ್‌ತಾಣದಲ್ಲಿ ಅವು ಮೂಡುವಂತೆ ಮಾಡಬಹುದು -ಇತ್ಯಾದಿ ಸವಲತ್ತುಗಳಿವೆ.
ಡೌನ್‌ಲೋಡ್
ಪಿಡಿಎಫ್ ಕಡತ ತಯಾರಿಸಿ
ಅಡೋಬ್‌ನವರ ಪಿಡಿಎಫ್ ಮಾದರಿಯ ಕಡತಗಳನ್ನು ನೀವೆಲ್ಲ ಗಮನಿಸಿರಬಹುದು ಹಾಗೂ ಓದಿರಬಹುದು. ಕನ್ನಡಪ್ರಭ ಪತ್ರಿಕೆಯೂ ಅಂತರಜಾಲದಲ್ಲಿ ಪಿಡಿಎಫ್ ಮಾದರಿಯಲ್ಲಿ ಓದಲು ಲಭ್ಯವಿದೆ. ನೀವು ತಯಾರಿಸಿದ ಪತ್ರ, ಕಡತ ಅಥವಾ ಪುಸ್ತಕವನ್ನು ಪಿಡಿಎಫ್ ಆಗಿ ಬದಲಾಯಿಸಬೇಕೆ? ಹಾಗೆ ಮಾಡಲು ಅಡೋಬ್‌ನವರದೇ ಆಕ್ರೋಬಾಟ್ ತಂತ್ರಾಂಶ ಲಭ್ಯವಿದೆ. ಆದರೆ ಅದು ಬಲು ದುಬಾರಿ. ಇದೇ ಕೆಲಸ ಮಾಡಲು ನೆರವಾಗುವ ಉಚಿತ ತಂತ್ರಾಂಶ ಪಿಡಿಎಫ್ ಕ್ರಿಯೇಟರ್. ಇದು ದೊರೆಯುವ ಜಾಲತಾಣ http://bit.ly/i1OXM. ಈ ತಂತ್ರಾಂಶವನ್ನು ಇನ್‌ಸ್ಟಾಲ್ ಮಾಡಿಕೊಂಡರೆ ಇದು ಒಂದು ಮುದ್ರಕ (ಪ್ರಿಂಟರ್) ಆಗಿ ಕಂಡುಬರುತ್ತದೆ. ಯಾವುದೇ ತಂತ್ರಾಂಶದಿಂದ (ಉದಾ -ಮೈಕ್ರೋಸಾಫ್ಟ್ ವರ್ಡ್, ಪೇಜ್‌ಮೇಕರ್, ಇಂಟರ್‌ನೆಟ್ ಎಕ್ಸ್‌ಪ್ಲೋರರ್, ಇತ್ಯಾದಿ) ಮುದ್ರಿಸು (ಪ್ರಿಂಟ್) ಎಂದು ಆಯ್ಕೆ ಮಾಡಿ ಮುದ್ರಕವಾಗಿ PDFCreator ಅನ್ನು ಆಯ್ಕೆ ಮಾಡಿಕೊಂಡರೆ ಆಯಿತು.
e - ಸುದ್ದಿ
ಅನಾಮಧೇಯ ಬ್ಲಾಗಿಗಳೇ, ಎಚ್ಚರಿಕೆ!
ಇತ್ತೀಚೆಗೆ ಅನಾಮಧೇಯ ಬ್ಲಾಗರುಗಳ ಸಂಖ್ಯೆ ಹೆಚ್ಚಾಗುತ್ತಿದೆ. ತಮಗೆ ಆಗದವರ ಬಗ್ಗೆ ಹೀನಾಯವಾಗಿ ಬರೆಯಲು ಜನರು ಈಗ ಬ್ಲಾಗಿಂಗ್‌ನ ಮರೆ ಹೋಗುತ್ತಿದ್ದಾರೆ. ಹಾಗಂತ ಹೇಳಿ ಎಲ್ಲ ಅನಾಮಧೇಯ ಬ್ಲಾಗ್‌ಗಳೂ ಬೈಗುಳವೇ ಎಂದು ತೀರ್ಮಾನಿಸಬೇಕಾಗಿಲ್ಲ. ಸಮಾಜೋಪಯೋಗಿ ಅನಾಮಧೇಯ ಬ್ಲಾಗ್‌ಗಳೂ ಇವೆ. ಇರಲಿ. ಅಮೇರಿಕದಲ್ಲಿ ಖ್ಯಾತ ಮಾಡೆಲ್ ಒಬ್ಬಳ ಬಗ್ಗೆ ಕೆಟ್ಟಕೆಟ್ಟದಾಗಿ ಬರೆಯಲೆಂದೇ ಒಬ್ಬಾತ ಒಂದು ಅನಾಮಧೇಯ ಬ್ಲಾಗ್ ಒಂದನ್ನು ಪ್ರಾರಂಬಿಸಿದ್ದ. ಅದರಲ್ಲಿ ಆಕೆಯ ಚಾರಿತ್ರ್ಯವಧೆ ಮಾಡುತ್ತಲೇ ಇದ್ದ. ಆಕೆ ನ್ಯಾಯಾಲಯದ ಮೊರೆಹೋದಳು. ಬ್ಲಾಗ್ ಹೋಸ್ಟ್ ಆಗಿರುವ ಗೂಗ್ಲ್ ಕಂಪೆನಿ ಆ ಬ್ಲಾಗ್ ನಡೆಸುತ್ತಿರುವವನ ಇಮೈಲ್ ಮತ್ತು ಇತರೆ ವಿವರಗಳನ್ನು ನ್ಯಾಯಾಲಯದ ಆದೇಶದಂತೆ ನೀಡಿದೆ. ಆಕೆ ಆತನ ಮೇಲೆ ದಾವೆ ಹೂಡಿದ್ದಾಳೆ. ಮುಂದೆ ಏನು ನಡೆಯುತ್ತದೆಯೋ ಕಾದು ನೋಡಬೇಕು. ಅನಾಮಧೇಯ ಬ್ಲಾಗ್ ಮೂಲಕ ಅಂತರಜಾಲ ಪುಂಡಾಟಿಕೆ ನಡೆಸುವವರು ತಾವು ಸಿಕ್ಕಿ ಬೀಳುವುದಿಲ್ಲ ಎಂಬ ಭಾವನೆಯಿಂದ ಹೊರಬರುವುದು ಒಳಿತು.
e- ಪದ
ಅಂತರಜಾಲ ಪುಂಡಾಟಿಕೆ (cyberbullying) - ಅಂತರಜಾಲ ಮೂಲಕ ಬಿಡದೆ ಬೆಂಬತ್ತಿ ಯಾರನ್ನಾದರೂ ಪೀಡಿಸುವುದು. ಇದರಲ್ಲಿ ಹಲವು ವಿಧಾನಗಳಿವೆ. ಬ್ಲಾಗ್ ಮೂಲಕ, ದ್ವೇಷದ ಇಮೈಲ್ ಕಳಿಸುವುದು, ಚರ್ಚಾವೇದಿಕೆಗಳಲ್ಲಿ ಸೇಡಿನ ಮಾತುಗಳನ್ನು ಬರೆಯುವುದು, ಆರ್ಕುಟ್ ಮಾದರಿಯ ಜಾಲತಾಣಗಳಲ್ಲಿ ದ್ವೇಷದ ಮಾತುಗಳನ್ನು ಬರೆಯುವುದು -ಹೀಗೆ ಹಲವಾರು ರೀತಿಯಲ್ಲಿ ಬೆಂಬಿಡದೆ ಪೀಡಿಸುವುದು. ಈ ರೀತಿ ಮಾಡುವುದು ಅಂತರಜಾಲದ ಮೂಲಕ ಬಹಳ ಸರಳ ಹಾಗೂ ಸುಲಭ. ಯಾಕೆಂದರೆ ಯಾರು ಬೇಕಾದರೂ ಅನಾಮಧೇಯವಾಗಿ ಇಮೈಲ್ ವಿಳಾಸ, ಬ್ಲಾಗ್ ವಿಳಾಸ ಹಾಗೂ ಇತರೆ ಗುರುತುಗಳನ್ನು ಆರಾಮವಾಗಿ ಪಡೆಯಬಹುದು. ಹೀಗೆ ಪಡೆದ ಗುರುತನ್ನು ಬಳಸಿ ತಮಗಾಗದವರನ್ನು ಅಂತರಜಾಲದ ಮೂಲಕ ಪೀಡಿಸುವುದು ಬಹು ಸುಲಭ. ಆದರೆ ಸೈಬರ್ ಕಾನೂನು ಪ್ರಕಾರ ಹೀಗೆ ಮಾಡುವುದು ಶಿಕ್ಷಾರ್ಹ ಅಪರಾಧ.
e - ಸಲಹೆ
ಒಂದು ಗಣಕದಲ್ಲಿ ಒಂದಕ್ಕಿಂತ ಹೆಚ್ಚು ಕಾರ್ಯಾಚರಣೆಯ ವ್ಯವಸ್ಥೆಗಳನ್ನು (ಆಪರೇಟಿಂಗ್ ಸಿಸ್ಟಮ್) ಹಾಕಬೇಕೆ? ಹಾಗಿದ್ದರೆ ಪ್ರತಿಯೊಂದಕ್ಕೂ ತನ್ನದೇ ಆದ ಹಾರ್ಡ್‌ಡಿಸ್ಕ್ ವಿಭಾಗ (ಪಾರ್ಟಿಶನ್) ಅಗತ್ಯ. ಹಳೆಯ ಆವೃತ್ತಿಯ ಕಾರ್ಯಾಚರಣೆಯ ವ್ಯವಸ್ಥೆಯನ್ನು ಮೊದಲು ಇನ್‌ಸ್ಟಾಲ್ ಮಾಡಿ ನಂತರದ ಆವೃತ್ತಿ ಅಂದರೆ ಹೊಸತನ್ನು ಇನ್ನೊಂದು ಪಾರ್ಟಿಶನ್‌ನಲ್ಲಿ ಇನ್‌ಸ್ಟಾಲ್ ಮಾಡತಕ್ಕದ್ದು. ಉದಾಹರಣೆಗೆ ವಿಂಡೋಸ್ ಎಕ್ಸ್‌ಪಿ ಮೊದಲು, ಆನಂತರ ವಿಸ್ಟ. ಲಿನಕ್ಸ್ ಕೂಡ ಬೇಕಿದ್ದಲ್ಲಿ ಅದನ್ನು ಕೊನೆಯದಾಗಿ ಇನ್‌ಸ್ಟಾಲ್ ಮಾಡತಕ್ಕದ್ದು.
ಕಂಪ್ಯೂತರ್ಲೆ
ಗ್ರಾಹಕ: “ಹಲೋ, ನಾನು ನಿಮ್ಮ ಬ್ಯಾಂಕಿನ ಆನ್‌ಲೈನ್ ಹಣಕಾಸು ವ್ಯವಹಾರ ಪ್ರಾರಂಭಿಸಬೇಕೆಂದುಕೊಂಡಿದ್ದೇನೆ. ಅದಕ್ಕೆ ಏನೇನು ಬೇಕು?”
ಬ್ಯಾಂಕಿನ ಸಿಬ್ಬಂದಿ: “ಖಂಡಿತ. ಬಹಳ ಸುಲಭ. ನಿಮ್ಮಲ್ಲಿ ಕಂಪ್ಯೂಟರ್, ಮೋಡೆಮ್ ಮತ್ತು ಇಂಟರ್‌ನೆಟ್ ಸಂಪರ್ಕ ಇದ್ದರೆ ಸಾಕು”
ಗ್ರಾಹಕ: “ಹೌದಾ! ಹಣ ಎಲ್ಲಿಂದ ಹೊರಗೆ ಬರುತ್ತದೆ?”
ಸಿಬ್ಬಂದಿ: “ನನಗೆ ಅರ್ಥವಾಗಲಿಲ್ಲ”
ಗ್ರಾಹಕ: “ಅಂದರೆ, ನಾನು ಕೇಳಿದ್ದು, ಕಂಪ್ಯೂಟರಿನಲ್ಲಿ ಒಂದು ಕಿಂಡಿಯ ರೀತಿ ಇದೆಯಲ್ಲವಾ, ಅದರಿಂದ ಹಣ ಹೊರಗೆ ಬರುತ್ತದೋ ಎಂದು”
ಸಿಬ್ಬಂದಿ ಮೂರ್ಛೆ ಹೋದ.
ಸೋಮವಾರ, ಆಗಸ್ಟ್ 17, 2009
ಗಣಕಿಂಡಿ - ೦೧೪ (ಆಗಸ್ಟ್ ೧೭, ೨೦೦೯)
ಅಂತರಜಾಲಾಡಿ
ಮಿಥ್ಯಾಕೋಶ
ಅಂತರಜಾಲದ ಸುಪ್ರಸಿದ್ಧ ಮುಕ್ತ ಸಹಯೋಗಿ ವಿಶ್ವಕೋಶ ವಿಕಿಪೀಡಿಯಾ (www.wikipedia.org) ಗೊತ್ತು ತಾನೆ? ಅದರ ಮಾದರಿಯಲ್ಲೇ ಅದರೆ ಸಂಪೂರ್ಣ ನಿರುಪಯೋಗಿ, ಬರಿ ಅಸಂಬದ್ಧ ಮಾಹಿತಿಗಳೇ ತುಂಬಿರುವ ಮಿಥ್ಯಾಕೋಶ -ಅನ್‌ಸೈಕ್ಲೋಪೀಡಿಯಾ. ಇದರ ಜಾಲತಾಣ - uncyclopedia.org. ಮಾಡಲು ಬೇರೇನೂ ಕೆಲಸವಿಲ್ಲದಿದ್ದಾಗ ಈ ಜಾಲತಾಣಕ್ಕೆ ಭೇಟಿ ನೀಡಿ ಸಮಯ ಕಳೆಯಬಹುದು. ಇದರಲ್ಲಿರುವ “ಇದು ಹೇಗೆ” (howto) ವಿಭಾಗದಲ್ಲಿರುವ ಲೇಖನಗಳು ತುಂಬ ಸ್ವಾರಸ್ಯಕರವಾಗಿವೆ. ಇದರಲ್ಲಿ ಸೂಚಿಸಿದಂತೆ ಹಲ್ಲುಜ್ಜಲು ಹೋಗಿ ಹಲ್ಲು ಕಳೆದುಕೊಳ್ಳಬಹುದು :-)
ಡೌನ್‌ಲೋಡ್
ಮಾಹಿತಿ ಪ್ರವಾಹಕ್ಕೊಂದು ಮೀಟರ್
ನೀವು ಬ್ರಾಡ್‌ಬಾಂಡ್ ಅಥವಾ ಸಾಧಾರಣ ಅಂತರಜಾಲ ಸಂಪರ್ಕ ಸೇವೆ ಪಡೆದಿದ್ದೀರಿ ತಾನೆ? ಇಂತಹ ಬಹುಪಾಲು ಸೇವೆಗಳಲ್ಲಿ ತಿಂಗಳಿಗೆ ಇಂತಿಷ್ಟು ಒಟ್ಟು ಮಾಹಿತಿ ಪ್ರವಾಹ (ಡೌನ್‌ಲೋಡ್ ಮತ್ತು ಅಪ್‌ಲೋಡ್ ಸೇರಿ) ಉಚಿತ, ಅದಕ್ಕಿಂತ ಹೆಚ್ಚಾದರೆ ಮೆಗಾಬೈಟ್‌ಗೆ ಇಂತಿಷ್ಟು ಎಂದು ದರ ನಿಗದಿ ಮಾಡಿರುತ್ತಾರೆ. ಈ ಸೇವೆ ನೀಡುವವರು ಸಂಪರ್ಕವು ಇಂತಿಷ್ಟು ವೇಗವನ್ನು ನೀಡುತ್ತದೆ ಎಂದು ಹೇಳಿಕೊಂಡಿರುತ್ತಾರೆ. ಈ ಮಾಹಿತಿ ಪ್ರವಾಹ ಎಷ್ಟಿದೆ, ತಿಂಗಳಿಗೆ ಒಟ್ಟು ಎಷ್ಟು ಮಾಹಿತಿ ಪ್ರವಾಹ ಆಗಿದೆ ಎಂದು ತಿಳಿಯುವುದು ಹೇಗೆ? ಈ ಸಮಸ್ಯೆಗೆ ಪರಿಹಾರ ನೆಟ್‌ವರ್ಕ್ಸ್ ತಂತ್ರಾಂಶ. ಇದು ದೊರೆಯುವ ಜಾಲತಾಣ http://bit.ly/3UkzUA.
e - ಸುದ್ದಿ
ಆಧುನಿಕ ಕುಂಭಕರ್ಣರಿಗೆ ವರದಾನ
ನಮ್ಮಲ್ಲಿ ಸೂರ್ಯವಂಶಜರಿಗೇನು ಕೊರತೆಯಿಲ್ಲ. ಅಂತಹವರನ್ನು ಬಡಿದೆಬ್ಬಿಸಲು ಚಿತ್ರವಿಚಿತ್ರ ಅಲಾರಾಂ ಗಡಿಯಾರಗಳಿವೆ. ಇತ್ತೀಚೆಗೆ ಈ ಪಟ್ಟಿಗೆ ಹೊಸದಾದ ಸೇರ್ಪಡೆ -ಮಲಗಿದವರನ್ನು ಎತ್ತಿ ಬೀಳಿಸುವ ಅಲಾರಾಂ ಮಂಚ. ಕೆವಿನ್ ಎಂಬಾತ ಒಂದು ಸ್ಪರ್ಧೆಗೋಸ್ಕರ ಈ ಮಂಚ ಅಲ್ಲ ಅಲಾರಾಂ ಗಡಿಯಾರ ತಯಾರಿಸಿದ. ಇದು ಕಂಪ್ಯೂಟರ್ ನಿಯಂತ್ರಿತ ಮಂಚ. ಆಯ್ಕೆ ಮಾಡಿದ ಸಮಯಕ್ಕೆ ಸರಿಯಾಗಿ ಈ ಮಂಚ ಜೋರಾಗಿ ಅಲ್ಲಾಡುತ್ತದೆ. ಮಲಗಿದವ ಆಗ ಏಳಲೇ ಬೇಕು. ಇಲ್ಲವಾದಲ್ಲಿ ನೆಲಕ್ಕೆ ಉರುಳಿ ಬಿದ್ದಿರುತ್ತಾನೆ. ಇದನ್ನು ಕೊಂಡುಕೊಳ್ಳಲು ಆಲೋಚಿಸುತ್ತಿದ್ದೀರಾ? ಇದು ಇನ್ನೂ ಮಾರುಕಟ್ಟೆಗೆ ಬಂದಿಲ್ಲ.
e- ಪದ
ನೆಟಿಕ್ವೆಟ್ (netiquette) - ಅಂತರಜಾಲ ಶಿಷ್ಟಾಚಾರ. ಅಂತರಜಾಲದಲ್ಲಿ ವ್ಯವಹರಿಸುವಾಗ, ಮುಖ್ಯವಾಗಿ ಚರ್ಚಾಕೂಟಗಳಲ್ಲಿ, ವಿಚಾರಜಾಲಗಳಲ್ಲಿ ಸಂದೇಶಗಳನ್ನು ಸೇರಿಸುವಾಗ, ಅಲ್ಲಿ ನಡೆಯುತ್ತಿರುವ ಚರ್ಚೆಗಳಿಗೆ ಉತ್ತರಿಸುವಾಗ ನಡೆದುಕೊಳ್ಳಬೇಕಾದ ಶಿಷ್ಟಾಚಾರ. ಯಾವುದೇ ಭಾಷೆ, ಧರ್ಮ, ರಾಜ್ಯ, ದೇಶ, ಇತ್ಯಾದಿ ವಿಷಯಗಳನ್ನು ಅನವಶ್ಯಕವಾಗಿ ಮೂಲ ಚರ್ಚೆಗೆ ಪೂರಕವಲ್ಲದಿದ್ದಾಗ ಎಳೆದು ತರಬಾರದು. ಚರ್ಚೆ ನಡೆಸುತ್ತಿರುವ ವ್ಯಕ್ತಿಗಳನ್ನು ವೈಯಕ್ತಿಕವಾಗಿ ನಿಂದಿಸಬಾರದು. ಚರ್ಚೆ ನಡೆಯುತ್ತಿರುವ ವಿಷಯ ಬಿಟ್ಟು ಇನ್ನು ಯಾವುದೋ ವಿಷಯವನ್ನು ಎಳೆದು ತರಬಾರದು. ಜಾಹಿರಾತುಗಳನ್ನು ಸೇರಿಸಬಾರದು -ಇವು ಅಂತರಜಾಲ ಶಿಷ್ಟಾಚಾರಗಳಿಗೆ ಉದಾಹರಣೆಗಳು.
e - ಸಲಹೆ
ನಿಮ್ಮ ಗಣಕ ಆಗಾಗ ತನ್ನಿಂದತಾನೆ ರಿಬೂಟ್ ಆಗುತ್ತಿದೆಯೇ? ಇದಕ್ಕೆ ಹಲವು ಕಾರಣಗಳಿರಬಹುದು. ಇವುಗಳಲ್ಲಿ ಒಂದು ಪ್ರಮುಖ ಕಾರಣ ಮೆಮೊರಿ ಚಿಪ್ ಕೆಟ್ಟಿರುವುದು ಅಥವಾ ಸರಿಯಾಗಿ ಕುಳಿತುಕೊಳ್ಳದಿರುವುದು. ಗಣಕವನ್ನು ಆಫ್ ಮಾಡಿ ಅದನ್ನು ಬಿಚ್ಚಿ ಮೆಮೊರಿ ಚಿಪ್ ಅನ್ನು ತೆಗೆದು ಅದರ ಸಂಪರ್ಕ ಜಾಗವನ್ನು ಸ್ವಚ್ಛ ಮಾಡಿ ಅದರ ಜಾಗದಲ್ಲಿ ವಾಪಾಸು ಸರಿಯಾಗಿ ಕೂರಿಸಿ. ಈಗಲೂ ರಿಬೂಟ್ ಆಗುತ್ತಿದೆಯೇ? ಅಂದರೆ ಮೆಮೊರಿ ಚಿಪ್ ಕೆಟ್ಟಿರುವ ಸಾಧ್ಯತೆ ಇದೆ. ಎರಡು ಚಿಪ್‌ಗಳಿದ್ದಲ್ಲಿ ಒಂದೊಂದನ್ನೇ ತೆಗೆದು ಪರೀಕ್ಷಿಸಿ. ಹಾಗೆಯೇ ಮದರ್‌ಬೋರ್ಡಿನ ಸಿಪಿಯು ಮೇಲೆ ಇರುವ ಚಿಕ್ಕ ಫ್ಯಾನ್ ಕೆಲಸ ಮಾಡುತ್ತಿದೆಯೇ ಎಂದೂ ಪರೀಕ್ಷಿಸಿ.
ಕಂಪ್ಯೂತರ್ಲೆ
ಗಣಕವಾಡುಗಳು:
ಮಿಥ್ಯಾಕೋಶ
ಅಂತರಜಾಲದ ಸುಪ್ರಸಿದ್ಧ ಮುಕ್ತ ಸಹಯೋಗಿ ವಿಶ್ವಕೋಶ ವಿಕಿಪೀಡಿಯಾ (www.wikipedia.org) ಗೊತ್ತು ತಾನೆ? ಅದರ ಮಾದರಿಯಲ್ಲೇ ಅದರೆ ಸಂಪೂರ್ಣ ನಿರುಪಯೋಗಿ, ಬರಿ ಅಸಂಬದ್ಧ ಮಾಹಿತಿಗಳೇ ತುಂಬಿರುವ ಮಿಥ್ಯಾಕೋಶ -ಅನ್‌ಸೈಕ್ಲೋಪೀಡಿಯಾ. ಇದರ ಜಾಲತಾಣ - uncyclopedia.org. ಮಾಡಲು ಬೇರೇನೂ ಕೆಲಸವಿಲ್ಲದಿದ್ದಾಗ ಈ ಜಾಲತಾಣಕ್ಕೆ ಭೇಟಿ ನೀಡಿ ಸಮಯ ಕಳೆಯಬಹುದು. ಇದರಲ್ಲಿರುವ “ಇದು ಹೇಗೆ” (howto) ವಿಭಾಗದಲ್ಲಿರುವ ಲೇಖನಗಳು ತುಂಬ ಸ್ವಾರಸ್ಯಕರವಾಗಿವೆ. ಇದರಲ್ಲಿ ಸೂಚಿಸಿದಂತೆ ಹಲ್ಲುಜ್ಜಲು ಹೋಗಿ ಹಲ್ಲು ಕಳೆದುಕೊಳ್ಳಬಹುದು :-)
ಡೌನ್‌ಲೋಡ್
ಮಾಹಿತಿ ಪ್ರವಾಹಕ್ಕೊಂದು ಮೀಟರ್
ನೀವು ಬ್ರಾಡ್‌ಬಾಂಡ್ ಅಥವಾ ಸಾಧಾರಣ ಅಂತರಜಾಲ ಸಂಪರ್ಕ ಸೇವೆ ಪಡೆದಿದ್ದೀರಿ ತಾನೆ? ಇಂತಹ ಬಹುಪಾಲು ಸೇವೆಗಳಲ್ಲಿ ತಿಂಗಳಿಗೆ ಇಂತಿಷ್ಟು ಒಟ್ಟು ಮಾಹಿತಿ ಪ್ರವಾಹ (ಡೌನ್‌ಲೋಡ್ ಮತ್ತು ಅಪ್‌ಲೋಡ್ ಸೇರಿ) ಉಚಿತ, ಅದಕ್ಕಿಂತ ಹೆಚ್ಚಾದರೆ ಮೆಗಾಬೈಟ್‌ಗೆ ಇಂತಿಷ್ಟು ಎಂದು ದರ ನಿಗದಿ ಮಾಡಿರುತ್ತಾರೆ. ಈ ಸೇವೆ ನೀಡುವವರು ಸಂಪರ್ಕವು ಇಂತಿಷ್ಟು ವೇಗವನ್ನು ನೀಡುತ್ತದೆ ಎಂದು ಹೇಳಿಕೊಂಡಿರುತ್ತಾರೆ. ಈ ಮಾಹಿತಿ ಪ್ರವಾಹ ಎಷ್ಟಿದೆ, ತಿಂಗಳಿಗೆ ಒಟ್ಟು ಎಷ್ಟು ಮಾಹಿತಿ ಪ್ರವಾಹ ಆಗಿದೆ ಎಂದು ತಿಳಿಯುವುದು ಹೇಗೆ? ಈ ಸಮಸ್ಯೆಗೆ ಪರಿಹಾರ ನೆಟ್‌ವರ್ಕ್ಸ್ ತಂತ್ರಾಂಶ. ಇದು ದೊರೆಯುವ ಜಾಲತಾಣ http://bit.ly/3UkzUA.
e - ಸುದ್ದಿ
ಆಧುನಿಕ ಕುಂಭಕರ್ಣರಿಗೆ ವರದಾನ
ನಮ್ಮಲ್ಲಿ ಸೂರ್ಯವಂಶಜರಿಗೇನು ಕೊರತೆಯಿಲ್ಲ. ಅಂತಹವರನ್ನು ಬಡಿದೆಬ್ಬಿಸಲು ಚಿತ್ರವಿಚಿತ್ರ ಅಲಾರಾಂ ಗಡಿಯಾರಗಳಿವೆ. ಇತ್ತೀಚೆಗೆ ಈ ಪಟ್ಟಿಗೆ ಹೊಸದಾದ ಸೇರ್ಪಡೆ -ಮಲಗಿದವರನ್ನು ಎತ್ತಿ ಬೀಳಿಸುವ ಅಲಾರಾಂ ಮಂಚ. ಕೆವಿನ್ ಎಂಬಾತ ಒಂದು ಸ್ಪರ್ಧೆಗೋಸ್ಕರ ಈ ಮಂಚ ಅಲ್ಲ ಅಲಾರಾಂ ಗಡಿಯಾರ ತಯಾರಿಸಿದ. ಇದು ಕಂಪ್ಯೂಟರ್ ನಿಯಂತ್ರಿತ ಮಂಚ. ಆಯ್ಕೆ ಮಾಡಿದ ಸಮಯಕ್ಕೆ ಸರಿಯಾಗಿ ಈ ಮಂಚ ಜೋರಾಗಿ ಅಲ್ಲಾಡುತ್ತದೆ. ಮಲಗಿದವ ಆಗ ಏಳಲೇ ಬೇಕು. ಇಲ್ಲವಾದಲ್ಲಿ ನೆಲಕ್ಕೆ ಉರುಳಿ ಬಿದ್ದಿರುತ್ತಾನೆ. ಇದನ್ನು ಕೊಂಡುಕೊಳ್ಳಲು ಆಲೋಚಿಸುತ್ತಿದ್ದೀರಾ? ಇದು ಇನ್ನೂ ಮಾರುಕಟ್ಟೆಗೆ ಬಂದಿಲ್ಲ.
e- ಪದ
ನೆಟಿಕ್ವೆಟ್ (netiquette) - ಅಂತರಜಾಲ ಶಿಷ್ಟಾಚಾರ. ಅಂತರಜಾಲದಲ್ಲಿ ವ್ಯವಹರಿಸುವಾಗ, ಮುಖ್ಯವಾಗಿ ಚರ್ಚಾಕೂಟಗಳಲ್ಲಿ, ವಿಚಾರಜಾಲಗಳಲ್ಲಿ ಸಂದೇಶಗಳನ್ನು ಸೇರಿಸುವಾಗ, ಅಲ್ಲಿ ನಡೆಯುತ್ತಿರುವ ಚರ್ಚೆಗಳಿಗೆ ಉತ್ತರಿಸುವಾಗ ನಡೆದುಕೊಳ್ಳಬೇಕಾದ ಶಿಷ್ಟಾಚಾರ. ಯಾವುದೇ ಭಾಷೆ, ಧರ್ಮ, ರಾಜ್ಯ, ದೇಶ, ಇತ್ಯಾದಿ ವಿಷಯಗಳನ್ನು ಅನವಶ್ಯಕವಾಗಿ ಮೂಲ ಚರ್ಚೆಗೆ ಪೂರಕವಲ್ಲದಿದ್ದಾಗ ಎಳೆದು ತರಬಾರದು. ಚರ್ಚೆ ನಡೆಸುತ್ತಿರುವ ವ್ಯಕ್ತಿಗಳನ್ನು ವೈಯಕ್ತಿಕವಾಗಿ ನಿಂದಿಸಬಾರದು. ಚರ್ಚೆ ನಡೆಯುತ್ತಿರುವ ವಿಷಯ ಬಿಟ್ಟು ಇನ್ನು ಯಾವುದೋ ವಿಷಯವನ್ನು ಎಳೆದು ತರಬಾರದು. ಜಾಹಿರಾತುಗಳನ್ನು ಸೇರಿಸಬಾರದು -ಇವು ಅಂತರಜಾಲ ಶಿಷ್ಟಾಚಾರಗಳಿಗೆ ಉದಾಹರಣೆಗಳು.
e - ಸಲಹೆ
ನಿಮ್ಮ ಗಣಕ ಆಗಾಗ ತನ್ನಿಂದತಾನೆ ರಿಬೂಟ್ ಆಗುತ್ತಿದೆಯೇ? ಇದಕ್ಕೆ ಹಲವು ಕಾರಣಗಳಿರಬಹುದು. ಇವುಗಳಲ್ಲಿ ಒಂದು ಪ್ರಮುಖ ಕಾರಣ ಮೆಮೊರಿ ಚಿಪ್ ಕೆಟ್ಟಿರುವುದು ಅಥವಾ ಸರಿಯಾಗಿ ಕುಳಿತುಕೊಳ್ಳದಿರುವುದು. ಗಣಕವನ್ನು ಆಫ್ ಮಾಡಿ ಅದನ್ನು ಬಿಚ್ಚಿ ಮೆಮೊರಿ ಚಿಪ್ ಅನ್ನು ತೆಗೆದು ಅದರ ಸಂಪರ್ಕ ಜಾಗವನ್ನು ಸ್ವಚ್ಛ ಮಾಡಿ ಅದರ ಜಾಗದಲ್ಲಿ ವಾಪಾಸು ಸರಿಯಾಗಿ ಕೂರಿಸಿ. ಈಗಲೂ ರಿಬೂಟ್ ಆಗುತ್ತಿದೆಯೇ? ಅಂದರೆ ಮೆಮೊರಿ ಚಿಪ್ ಕೆಟ್ಟಿರುವ ಸಾಧ್ಯತೆ ಇದೆ. ಎರಡು ಚಿಪ್‌ಗಳಿದ್ದಲ್ಲಿ ಒಂದೊಂದನ್ನೇ ತೆಗೆದು ಪರೀಕ್ಷಿಸಿ. ಹಾಗೆಯೇ ಮದರ್‌ಬೋರ್ಡಿನ ಸಿಪಿಯು ಮೇಲೆ ಇರುವ ಚಿಕ್ಕ ಫ್ಯಾನ್ ಕೆಲಸ ಮಾಡುತ್ತಿದೆಯೇ ಎಂದೂ ಪರೀಕ್ಷಿಸಿ.
ಕಂಪ್ಯೂತರ್ಲೆ
ಗಣಕವಾಡುಗಳು:
- ಅನಿಸುತಿದೆ ಯಾಕೋ ಇಂದು ಈ ಕಂಪ್ಯೂಟರ್ ತುಂಬ ಬರಿ ವೈರಸ್ ಎಂದು
- ಒಂದೆ ಒಂದೆ ಸಾರಿ ಚಾಟಿಂಗ್‌ಗೆ ಬಾರೆ, ಕಂಪ್ಯೂಟರ್ ತುಂಬ ನಿನ್ನನ್ನೆ ತುಂಬಿಕೊಂಡಿಹೆನು
- ಇಮೈಲ್ ಮಾಡಿ ಬಾರೆ ಚಾಟ್ ಮಾಡಿ ಬಾರೆ, ನಲ್ಲೆ ನಿನಗಿದೊ ಥಂಬ್ ಡ್ರೈವ್‌ನ ಮಾಲೆ
ಸೋಮವಾರ, ಆಗಸ್ಟ್ 10, 2009
ಗಣಕಿಂಡಿ - ೦೧೩ (ಆಗಸ್ಟ್ ೧೦, ೨೦೦೯)
ಅಂತರಜಾಲಾಡಿ
ಮೊಬೈಲ್ ಫೋನನ್ನು ರಿಸೆಟ್ ಮಾಡಿ
ಮೊಬೈಲ್ ಫೋನು ಕೆಲವೊಮ್ಮೆ ಕೈಕೊಡುವುದು ಎಲ್ಲರ ಅನುಭವಕ್ಕೆ ಬಂದಿರುತ್ತದೆ. ಅಂತಹ ಸಂದರ್ಭದಲ್ಲಿ ಅದನ್ನು ಫ್ಯಾಕ್ಟರಿ ಸೆಟ್ಟಿಂಗ್‌ಗೆ ವಾಪಾಸು ತೆಗೆದುಕೊಂಡು ಹೋದರೆ ಬಹುಪಾಲು ಸಂದರ್ಭದಲ್ಲಿ ಸಮಸ್ಯೆ ಪರಿಹಾರವಾಗುತ್ತದೆ. ಮೊಬೈಲ್ ಫೋನುಗಳ ಕೈಪಿಡಿಯಲ್ಲಿ ಈ ಒಂದು ವಿಷಯವನ್ನು ಸರಿಯಾಗಿ ನೀಡಿರುವುದಿಲ್ಲ. ಅದಕ್ಕೆ ಕಾರಣವೂ ಇದೆ. ಈ ರಿಸೆಟ್ ಮಾಡಲು ಜನಸಾಮಾನ್ಯರು ಪ್ರಯತ್ನಿಸಬಾರದು. ಕೇವಲ ಪರಿಣತರು ಮಾತ್ರ ಇದನ್ನು ಮಾಡುವುದು ಸೂಕ್ತ. ನೀವು ಪರಿಣತರಾಗಬಯುಸುತ್ತೀರಾ? ಅಂದರೆ ಫೋನನ್ನು ಫ್ಯಾಕ್ಟರಿ ಸೆಟ್ಟಿಂಗ್‌ಗೆ ರಿಸೆಟ್ ಮಾಡಬಯಸುತ್ತೀರಾ? ಹಾಗಿದ್ದರೆ ಏನು ಮಾಡಬೇಕು? ಜಗತ್ತಿನ ಬಹುತೇಕ ಫೋನುಗಳನ್ನು ರಿಸೆಟ್ ಮಾಡುವುದು ಹೇಗೆ ಎಂದು ವಿವರಿಸುವ ಜಾಲತಾಣ http://bit.ly/q9pWS
ಡೌನ್‌ಲೋಡ್
ಪಾಸ್‌ವರ್ಡ್‌ಗಳಿಗೊಂದು ಪಾಸ್‌ವರ್ಡ್
ಈಗಿನ ದಿನಗಳಲ್ಲಿ ಹಲವಾರು ಜಾಲತಾಣಗಳು, ಇಮೈಲ್, ಪ್ರೋಗ್ರಾಂಗಳು, ಫೋನು, ಎಟಿಎಂ, ಇತ್ಯಾದಿ ಎಲ್ಲ ಕಡೆ ಒಂದೊಂದು ಗುಪ್ತಪದ (ಪಾಸ್‌ವರ್ಡ್) ಬಳಸಬೇಕಾಗುತ್ತದೆ. ಎಲ್ಲ ಕಡೆ ಒಂದೆ ಗುಪ್ತಪದ ಬಳಸುವುದು ಒಳ್ಳೆಯದಲ್ಲ. ಹಲವಾರು ಗುಪ್ತಪದಗಳನ್ನು ನೆನಪಿಟ್ಟುಕೊಳ್ಳುವುದು ಹೇಗೆ? ಅವುಗಳನ್ನು ಎಲ್ಲೂ ಬರೆದಿಟ್ಟುಕೊಳ್ಳಬಾರದು. ಈ ಸಮಸ್ಯೆಗೆ ಪರಿಹಾರ ಕೀಪಾಸ್ ತಂತ್ರಾಂಶ. ಇದು ಬೇಕಿದ್ದರೆ http://bit.ly/166IFl ಜಾಲತಾಣಕ್ಕೆ ಭೇಟಿ ನೀಡಿ. ಎಲ್ಲ ಗುಪ್ತಪದಗಳನ್ನು ಈ ತಂತ್ರಾಂಶದಲ್ಲಿ ಸಂಗ್ರಹಿಸಿ ಇಡಿ. ಇದಕ್ಕೊಂದು ಗುಪ್ತ ಪದ ನೀಡಿ. ನಂತರ ಈ ಒಂದು ಗುಪ್ತಪದವನ್ನು ನೆನಪಿಟ್ಟುಕೊಂಡರೆ ಸಾಕು. ಅಂದ ಹಾಗೆ ಈ ತಂತ್ರಾಂಶದ ಮೊಬೈಲ್ ಫೋನು ಆವೃತ್ತಿಯೂ ಲಭ್ಯವಿದೆ.
e - ಸುದ್ದಿ
ಜಾಲನಾಗರಿಕರು ಸ್ವಲ್ಪ ಎಚ್ಚರವಹಿಸಿದರೆ ಒಳ್ಳೆಯದು
ಇಂಗ್ಲೆಂಡಿನಲ್ಲೊಬ್ಬ ಫೇಸ್‌ಬುಕ್‌ನಲ್ಲಿ ತನ್ನ ಪುಟದಲ್ಲೊಂದು ಜಾಹೀರಾತು ನೀಡಿದ. ಏನೆಂದರೆ ತನ್ನ ತೋಟದಲ್ಲಿ ರಾತ್ರಿಯಿಡೀ ನಡೆಯಲಿರುವ ಪಾರ್ಟಿಗೆ ಬನ್ನಿ ಎಂದು ಆಹ್ವಾನ ಪತ್ರಿಕೆ ಛಾಪಿಸಿದ್ದ. ಆಹ್ವಾನ ಮನ್ನಿಸಿ ಸ್ನೇಹಿತರು ಬಂದರು ಕೂಡ. ಆದರೆ ಜೊತೆಯಲ್ಲಿ ಪೋಲೀಸರೂ ಬಂದು ಪಾರ್ಟಿ ನಡೆಯದಂತೆ ನೋಡಿಕೊಂಡರು. ಯಾಕಪ್ಪಾ ಅಂದರೆ ಇಂಗ್ಲೆಂಡಿನಲ್ಲಿ ರಾತ್ರಿ ಪೂರ್ತಿ ತೆರೆದ ಜಾಗದಲ್ಲಿ ಪಾರ್ಟಿ ನಡೆಸುವಂತಿಲ್ಲ. ಆದುದರಿಂದ ಜಾಲನಾಗರಿಕರು ತಾವು ಏನು ಮಾಡುತ್ತೇವೆ/ಮಾಡಲಿದ್ದೇವೆ ಎಂದು ಅಂತರಜಾಲದಲ್ಲಿ ಘೋಷಿಸುವಾಗ ಎಚ್ಚರವಹಿಸತಕ್ಕದ್ದು.
e- ಪದ
ಜಾಲನಾಗರಿಕ (netizen) - ಅಂತರಜಾಲದಲ್ಲಿ ಸದಾ ಸಕ್ರಿಯನಾಗಿರುವವ. ಅಂತರಜಾಲ ನಾಗರಿಕ ಎನ್ನಬಹುದು. ಮೂಲ ಇಂಗ್ಲಿಶ್‌ನಲ್ಲಿ ಇದು ಇಂಟರ್‌ನೆಟ್ ಮತ್ತು ಸಿಟಿಝನ್ ಎಂಬ ಪದಗಳ ಭಾಗಗಳು ಸೇರಿ ಆಗಿರುವ ಪದ. ಜಾಲನಾಗರಿಕರು ಸಾಮಾನ್ಯವಾಗಿ ಸದಾ ಆನ್‌ಲೈನ್ ಆಗಿರುತ್ತಾರೆ. ಅಂತರಜಾಲದಲ್ಲಿರುವ ಬಹುಪಾಲು ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳಲ್ಲಿ (ಉದಾ -ಆರ್ಕುಟ್, ಫೇಸ್‌ಬುಕ್, ಟ್ವಿಟ್ಟರ್...) ಭಾಗವಹಿಸುತ್ತಿರುತ್ತಾರೆ. ಚರ್ಚಾತಾಣಗಳಲ್ಲಿ ನಡೆಯುವ ಚರ್ಚೆಗಳಲ್ಲಿ ಭಾಗವಹಿಸುತ್ತಾರೆ.
e - ಸಲಹೆ
ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿ ಆಗಾಗ ಬಳಸುವ ಆದೇಶಕ್ಕೆ ಒಂದು ಶಾರ್ಟ್‌ಕಟ್ ಇದ್ದರೆ ಒಳಿತು ತಾನೆ. ಇದಕ್ಕಾಗಿ ವರ್ಡ್2003 ರಲ್ಲಿ Tools ಮೆನುವಿನಲ್ಲಿ Customize ಅನ್ನು ಆಯ್ಕೆ ಮಾಡಿ (ವರ್ಡ್2007ರಲ್ಲಿ ವರ್ಡ್ ಬಟನ್‌ನಲ್ಲಿ Word Options ನಲ್ಲಿ Customize ಆಯ್ಕೆ ಮಾಡಿ). ಈಗ Keyboard ಬಟನ್ ಕ್ಲಿಕ್ ಮಾಡಿ ನಂತರ ನಿಮಗೆ ಬೇಕಾದ ಆದೇಶಕ್ಕೆ ಬೇಕಾದ ಕೀಲಿಯನ್ನು ಆಯ್ಕೆ ಮಾಡಿ.
ಕಂಪ್ಯೂತರ್ಲೆ
ಆಧುನಿಕ ಗಾದೆಗಳು:
ಮೊಬೈಲ್ ಫೋನನ್ನು ರಿಸೆಟ್ ಮಾಡಿ
ಮೊಬೈಲ್ ಫೋನು ಕೆಲವೊಮ್ಮೆ ಕೈಕೊಡುವುದು ಎಲ್ಲರ ಅನುಭವಕ್ಕೆ ಬಂದಿರುತ್ತದೆ. ಅಂತಹ ಸಂದರ್ಭದಲ್ಲಿ ಅದನ್ನು ಫ್ಯಾಕ್ಟರಿ ಸೆಟ್ಟಿಂಗ್‌ಗೆ ವಾಪಾಸು ತೆಗೆದುಕೊಂಡು ಹೋದರೆ ಬಹುಪಾಲು ಸಂದರ್ಭದಲ್ಲಿ ಸಮಸ್ಯೆ ಪರಿಹಾರವಾಗುತ್ತದೆ. ಮೊಬೈಲ್ ಫೋನುಗಳ ಕೈಪಿಡಿಯಲ್ಲಿ ಈ ಒಂದು ವಿಷಯವನ್ನು ಸರಿಯಾಗಿ ನೀಡಿರುವುದಿಲ್ಲ. ಅದಕ್ಕೆ ಕಾರಣವೂ ಇದೆ. ಈ ರಿಸೆಟ್ ಮಾಡಲು ಜನಸಾಮಾನ್ಯರು ಪ್ರಯತ್ನಿಸಬಾರದು. ಕೇವಲ ಪರಿಣತರು ಮಾತ್ರ ಇದನ್ನು ಮಾಡುವುದು ಸೂಕ್ತ. ನೀವು ಪರಿಣತರಾಗಬಯುಸುತ್ತೀರಾ? ಅಂದರೆ ಫೋನನ್ನು ಫ್ಯಾಕ್ಟರಿ ಸೆಟ್ಟಿಂಗ್‌ಗೆ ರಿಸೆಟ್ ಮಾಡಬಯಸುತ್ತೀರಾ? ಹಾಗಿದ್ದರೆ ಏನು ಮಾಡಬೇಕು? ಜಗತ್ತಿನ ಬಹುತೇಕ ಫೋನುಗಳನ್ನು ರಿಸೆಟ್ ಮಾಡುವುದು ಹೇಗೆ ಎಂದು ವಿವರಿಸುವ ಜಾಲತಾಣ http://bit.ly/q9pWS
ಡೌನ್‌ಲೋಡ್
ಪಾಸ್‌ವರ್ಡ್‌ಗಳಿಗೊಂದು ಪಾಸ್‌ವರ್ಡ್
ಈಗಿನ ದಿನಗಳಲ್ಲಿ ಹಲವಾರು ಜಾಲತಾಣಗಳು, ಇಮೈಲ್, ಪ್ರೋಗ್ರಾಂಗಳು, ಫೋನು, ಎಟಿಎಂ, ಇತ್ಯಾದಿ ಎಲ್ಲ ಕಡೆ ಒಂದೊಂದು ಗುಪ್ತಪದ (ಪಾಸ್‌ವರ್ಡ್) ಬಳಸಬೇಕಾಗುತ್ತದೆ. ಎಲ್ಲ ಕಡೆ ಒಂದೆ ಗುಪ್ತಪದ ಬಳಸುವುದು ಒಳ್ಳೆಯದಲ್ಲ. ಹಲವಾರು ಗುಪ್ತಪದಗಳನ್ನು ನೆನಪಿಟ್ಟುಕೊಳ್ಳುವುದು ಹೇಗೆ? ಅವುಗಳನ್ನು ಎಲ್ಲೂ ಬರೆದಿಟ್ಟುಕೊಳ್ಳಬಾರದು. ಈ ಸಮಸ್ಯೆಗೆ ಪರಿಹಾರ ಕೀಪಾಸ್ ತಂತ್ರಾಂಶ. ಇದು ಬೇಕಿದ್ದರೆ http://bit.ly/166IFl ಜಾಲತಾಣಕ್ಕೆ ಭೇಟಿ ನೀಡಿ. ಎಲ್ಲ ಗುಪ್ತಪದಗಳನ್ನು ಈ ತಂತ್ರಾಂಶದಲ್ಲಿ ಸಂಗ್ರಹಿಸಿ ಇಡಿ. ಇದಕ್ಕೊಂದು ಗುಪ್ತ ಪದ ನೀಡಿ. ನಂತರ ಈ ಒಂದು ಗುಪ್ತಪದವನ್ನು ನೆನಪಿಟ್ಟುಕೊಂಡರೆ ಸಾಕು. ಅಂದ ಹಾಗೆ ಈ ತಂತ್ರಾಂಶದ ಮೊಬೈಲ್ ಫೋನು ಆವೃತ್ತಿಯೂ ಲಭ್ಯವಿದೆ.
e - ಸುದ್ದಿ
ಜಾಲನಾಗರಿಕರು ಸ್ವಲ್ಪ ಎಚ್ಚರವಹಿಸಿದರೆ ಒಳ್ಳೆಯದು
ಇಂಗ್ಲೆಂಡಿನಲ್ಲೊಬ್ಬ ಫೇಸ್‌ಬುಕ್‌ನಲ್ಲಿ ತನ್ನ ಪುಟದಲ್ಲೊಂದು ಜಾಹೀರಾತು ನೀಡಿದ. ಏನೆಂದರೆ ತನ್ನ ತೋಟದಲ್ಲಿ ರಾತ್ರಿಯಿಡೀ ನಡೆಯಲಿರುವ ಪಾರ್ಟಿಗೆ ಬನ್ನಿ ಎಂದು ಆಹ್ವಾನ ಪತ್ರಿಕೆ ಛಾಪಿಸಿದ್ದ. ಆಹ್ವಾನ ಮನ್ನಿಸಿ ಸ್ನೇಹಿತರು ಬಂದರು ಕೂಡ. ಆದರೆ ಜೊತೆಯಲ್ಲಿ ಪೋಲೀಸರೂ ಬಂದು ಪಾರ್ಟಿ ನಡೆಯದಂತೆ ನೋಡಿಕೊಂಡರು. ಯಾಕಪ್ಪಾ ಅಂದರೆ ಇಂಗ್ಲೆಂಡಿನಲ್ಲಿ ರಾತ್ರಿ ಪೂರ್ತಿ ತೆರೆದ ಜಾಗದಲ್ಲಿ ಪಾರ್ಟಿ ನಡೆಸುವಂತಿಲ್ಲ. ಆದುದರಿಂದ ಜಾಲನಾಗರಿಕರು ತಾವು ಏನು ಮಾಡುತ್ತೇವೆ/ಮಾಡಲಿದ್ದೇವೆ ಎಂದು ಅಂತರಜಾಲದಲ್ಲಿ ಘೋಷಿಸುವಾಗ ಎಚ್ಚರವಹಿಸತಕ್ಕದ್ದು.
e- ಪದ
ಜಾಲನಾಗರಿಕ (netizen) - ಅಂತರಜಾಲದಲ್ಲಿ ಸದಾ ಸಕ್ರಿಯನಾಗಿರುವವ. ಅಂತರಜಾಲ ನಾಗರಿಕ ಎನ್ನಬಹುದು. ಮೂಲ ಇಂಗ್ಲಿಶ್‌ನಲ್ಲಿ ಇದು ಇಂಟರ್‌ನೆಟ್ ಮತ್ತು ಸಿಟಿಝನ್ ಎಂಬ ಪದಗಳ ಭಾಗಗಳು ಸೇರಿ ಆಗಿರುವ ಪದ. ಜಾಲನಾಗರಿಕರು ಸಾಮಾನ್ಯವಾಗಿ ಸದಾ ಆನ್‌ಲೈನ್ ಆಗಿರುತ್ತಾರೆ. ಅಂತರಜಾಲದಲ್ಲಿರುವ ಬಹುಪಾಲು ಸೋಶಿಯಲ್ ನೆಟ್‌ವರ್ಕಿಂಗ್ ಜಾಲತಾಣಗಳಲ್ಲಿ (ಉದಾ -ಆರ್ಕುಟ್, ಫೇಸ್‌ಬುಕ್, ಟ್ವಿಟ್ಟರ್...) ಭಾಗವಹಿಸುತ್ತಿರುತ್ತಾರೆ. ಚರ್ಚಾತಾಣಗಳಲ್ಲಿ ನಡೆಯುವ ಚರ್ಚೆಗಳಲ್ಲಿ ಭಾಗವಹಿಸುತ್ತಾರೆ.
e - ಸಲಹೆ
ಮೈಕ್ರೋಸಾಫ್ಟ್ ವರ್ಡ್‌ನಲ್ಲಿ ಆಗಾಗ ಬಳಸುವ ಆದೇಶಕ್ಕೆ ಒಂದು ಶಾರ್ಟ್‌ಕಟ್ ಇದ್ದರೆ ಒಳಿತು ತಾನೆ. ಇದಕ್ಕಾಗಿ ವರ್ಡ್2003 ರಲ್ಲಿ Tools ಮೆನುವಿನಲ್ಲಿ Customize ಅನ್ನು ಆಯ್ಕೆ ಮಾಡಿ (ವರ್ಡ್2007ರಲ್ಲಿ ವರ್ಡ್ ಬಟನ್‌ನಲ್ಲಿ Word Options ನಲ್ಲಿ Customize ಆಯ್ಕೆ ಮಾಡಿ). ಈಗ Keyboard ಬಟನ್ ಕ್ಲಿಕ್ ಮಾಡಿ ನಂತರ ನಿಮಗೆ ಬೇಕಾದ ಆದೇಶಕ್ಕೆ ಬೇಕಾದ ಕೀಲಿಯನ್ನು ಆಯ್ಕೆ ಮಾಡಿ.
ಕಂಪ್ಯೂತರ್ಲೆ
ಆಧುನಿಕ ಗಾದೆಗಳು:
- ವೆಬ್‌ಕಾಮ್‌ನಲ್ಲಿ ತಂಗಿಯನ್ನು ತೋರಿಸಿ ಅಕ್ಕನನ್ನು ಮದುವೆ ಮಾಡಿದರಂತೆ.
- ಪ್ರೋಗ್ರಾಂ ಮಾಡಲು ಬಾರದವಳು ಕೀಬೋರ್ಡ್ ಸರಿಯಿಲ್ಲ ಅಂದಳಂತೆ.
- ಇಂಟರ್‌ನೆಟ್ ದೇವಸ್ಥಾನಕ್ಕೆ ಭೇಟಿ ನೀಡೋಣ ಎಂದರೆ ಬಿಕ್ಷುಕರೆಲ್ಲಿ ಎಂದು ಕೇಳಿದನಂತೆ.
- ಇಮೈಲಲ್ಲಿ ಹೋದ ಮಾನ ಚಾಟ್‌ನಲ್ಲಿ ಬರುವುದೇ?
ಮಂಗಳವಾರ, ಆಗಸ್ಟ್ 4, 2009
ಗಣಕಿಂಡಿ - ೦೧೨ (ಆಗಸ್ಟ್ ೦೩, ೨೦೦೯)
ಅಂತರಜಾಲಾಡಿ
ಸ್ವಲ್ಪ ಟೈಮ್ ತಿಳಿಸ್ತೀರಾ?
ದಾರಿಯಲ್ಲಿ ಹೋಗುವಾಗ, ಬಸ್ ನಿಲ್ದಾಣದಲ್ಲಿ, ಅಥವಾ ಯಾವುದೇ ಸಾರ್ವಜನಿಕ ಸ್ಥಳದಲ್ಲಿ ನಿಮ್ಮಲ್ಲಿ ಜನರು ಸ್ವಲ್ಪ ಟೈಮ್ ಎಷ್ಟಾಯ್ತು ಹೇಳ್ತೀರಾ ಎಂದು ಕೇಳುವುದು ಸಾಮಾನ್ಯ ತಾನೆ? ನಿಮ್ಮ ಕೈಗಡಿಯಾರದ ಸಮಯ ಎಷ್ಟು ಸರಿ? ಅದನ್ನು ತಿಳಿಯುವುದು ಹೇಗೆ? ನಮ್ಮ ದೇಶದ ಸಮಯ ಮಾತ್ರವಲ್ಲ, ಪ್ರಪಂಚದ ಯಾವುದೇ ದೇಶದ ವರ್ತಮಾನ ಸಮಯವನ್ನು ತಿಳಿಯಲು ಸಹಾಯ ಮಾಡುವ ಜಾಲತಾಣ www.timeanddate.com. ಈ ಜಾಲತಾಣದಲ್ಲಿ ಸಮಯ ಮಾತ್ರವಲ್ಲ, ಕ್ಯಾಲೆಂಡರ್, ಎರಡು ದಿನಾಂಕಗಳ ನಡುವೆ ಇರುವ ಒಟ್ಟು ದಿನಗಳನ್ನು ಲೆಕ್ಕ ಹಾಕುವುದು, ಇನ್ನೂ ಹಲವಾರು ಸೌಲಭ್ಯಗಳಿವೆ.
ಡೌನ್‌ಲೋಡ್
ಬಿಟ್‌ಟೊರೆಂಟ್ ಗ್ರಾಹಕ
ಮ್ಯುಟೊರೆಂಟ್ (µTorrent) ಜಗತ್ತಿನ ಅತಿ ಜನಪ್ರಿಯ ಬಿಟ್‌ಟೊರೆಂಟ್ ಗ್ರಾಹಕ. ಇತರೆ ಬಿಟ್‌ಟೊರೆಂಟ್ ಗ್ರಾಹಕ ತಂತ್ರಾಂಶಗಳಿಂದ ಇದು ಗಾತ್ರದಲ್ಲಿ ಅತಿ ಚಿಕ್ಕದು. ಇದರ ಗಾತ್ರ 300 ಕಿಲೊಬೈಟ್‌ಗಿಂತಲೂ ಕಡಿಮೆ. ಇದು ಕೆಲಸ ಮಾಡುತ್ತಿರುವಾಗ ಗಣಕದ ಇತರೆ ಕೆಲಸಗಳಿಗೆ ಯಾವುದೇ ತೊಂದರೆ ಮಾಡುವುದಿಲ್ಲ ಅಂದರೆ ಇತರೆ ಕೆಲಸಗಳು ನಿಧಾನವಾಗುವುದಿಲ್ಲ. ಅತಿ ದೊಡ್ಡ ಗಾತ್ರದ ಫೈಲು ಡೌನ್‌ಲೋಡ್ ಮಾಡುತ್ತಿರುವಿರಾದರೆ ದಿನ ಬಿಟ್ಟು ದಿನ ಬೇಕಾದರೂ ಡೌನ್‌ಲೋಡ್ ಮಾಡಬಹುದು. ರಾತ್ರಿಯಿಡೀ ಡೌನ್‌ಲೋಡ್ ಮಾಡಲು ಹಾಕಿ, ಅರ್ಧರಾತ್ರಿಯಲ್ಲಿ ಡೌನ್‌ಲೋಡ್ ಮುಗಿದರೆ ಗಣಕವನ್ನು ಸ್ವಿಚ್ ಆಫ್ ಮಾಡು ಎಂದು ಬೇಕಿದ್ದರೂ ಆಯ್ಕೆ ಮಾಡಿಕೊಂಡು ನಿಶ್ಚಿಂತೆಯಿಂದ ನಿದ್ದೆ ಮಾಡಬಹುದು. ಮ್ಯುಟೊರೆಂಟ್ ಬೇಕಿದ್ದಲ್ಲಿ www.utorrent.com ಜಾಲತಾಣಕ್ಕೆ ಭೇಟಿ ನೀಡಿ.
e - ಸುದ್ದಿ
ವಿದ್ಯುತ್ ಸಾಕೆಟ್ ಬಳಸಿ ಮಾಹಿತಿಯ ಕಳವು
ಗಣಕವನ್ನು ಬಳಸಲು ವಿದ್ಯುತ್ ಬೇಕು ತಾನೆ? ಗಣಕವನ್ನು ವಿದ್ಯುತ್ ಸಾಕೆಟಿಗೆ ಸಂಪರ್ಕಿಸಿ ಕೆಲಸ ಮಾಡುವಾಗ ಕೀಲಿಮಣೆಯಲ್ಲಿ ಒತ್ತಿದ ಕೀಲಿಗಳನ್ನು ಪತ್ತೆಹಚ್ಚಬಹುದು ಎಂದು ಇತ್ತೀಚೆಗೆ ಸಂಶೋಧನೆಯ ಮೂಲಕ ತೋರಿಸಿ ಕೊಟ್ಟಿದ್ದಾರೆ. ಸಮೀಪದ ಇನ್ನೊಂದು ಸಾಕೆಟನ್ನು ಬಳಸಿ ಅದರಲ್ಲಿ ಉತ್ಪತ್ತಿಯಾಗುತ್ತಿರುವ ಗ್ರೌಂಡ್ ವಿದ್ಯುತ್ ಪ್ರವಾಹವು ಕೀಲಿಮಣೆಯಲ್ಲಿ ಒತ್ತಿದ ಕೀಲಿಗೆ ಅನುಗುಣವಾಗಿರುತ್ತದೆ ಎಂಬುದನ್ನು ಅವರು ಪತ್ತೆ ಹಚ್ಚಿದ್ದಾರೆ. ಅಂದರೆ ಒಬ್ಬರು ಗಣಕದಲ್ಲಿ ಕೆಲಸ ಮಾಡುತ್ತಿರುವಾಗ ಸಮೀಪದ ಇನ್ನೊಂದು ಸಾಕೆಟನ್ನು ಬಳಸಿ ಮಾಹಿತಿಯ ಕಳವು ಮಾಡಬಹುದು!
e- ಪದ
ಬಿಟ್‌ಟೊರೆಂಟ್ (BitTorrent) - ಅಂತರಜಾಲದಲ್ಲಿ ತಂತ್ರಾಂಶ, ಸಂಗೀತ, ಚಲನಚಿತ್ರ, ಅಥವಾ ಇನ್ಯಾವುದೇ ಫೈಲುಗಳನ್ನು ಪ್ರಪಂಚಾದ್ಯಂತ ವಿವಿಧ ವ್ಯಕ್ತಿಗಳು ತಮ್ಮ ಗಣಕಗಳಲ್ಲಿ ಸಂಗ್ರಹಿಸಿಟ್ಟು ಆಸಕ್ತರಿಗೆ ಡೌನ್‌ಲೋಡ್ ಮಾಡಲು ಅವಕಾಶ ಮಾಡಿಕೊಟ್ಟಿರುತ್ತಾರೆ. ಈ ರೀತಿಯ ಸೌಲಭ್ಯಕ್ಕೆ P2P ಅಂದರೆ ಪರ್ಸನ್-ಟು-ಪರ್ಸನ್ ಅರ್ಥಾತ್ ವ್ಯಕ್ತಿಯಿಂದ ವ್ಯಕ್ತಿಗೆ ಎಂದು ಕರೆಯುತ್ತಾರೆ. ಈ ವಿಧಾನದಲ್ಲಿ ಡೌನ್‌ಲೋಡ್ ಮಾಡುವಾಗ ಫೈಲುಗಳು ಒಂದೇ ತಾಣದಿಂದ ಬರುತ್ತವೆ ಎಂದು ಖಾತ್ರಿಯಿಲ್ಲ. ಅವು ತುಂಡುಗಳಾಗಿ ವಿವಿಧ ಗಣಕಗಳಿಂದ ಬರುತ್ತಿರುತ್ತವೆ. ಸಾಮಾನ್ಯವಾಗಿ ಬಹುಪಾಲು ಮುಕ್ತ ತಂತ್ರಾಂಶಗಳು ಈ ವಿಧಾನದಲ್ಲಿ ಹಂಚಿಕೆಯಾಗುತ್ತಿವೆ. ಅದಕ್ಕಿಂತ ಹೆಚ್ಚಾಗಿ ಚಲನಚಿತ್ರ, ತಂತ್ರಾಂಶ, ಸಂಗೀತ ಇತ್ಯಾದಿಗಳ ಚೌರ್ಯ (ಪೈರಸಿ) ನಡೆಯುತ್ತಿರುವುದು ಇದನ್ನೇ ಬಳಸಿ.
e - ಸಲಹೆ
ನಿಮ್ಮ ಗಣಕ ನಿಧಾನವಾಗಿ ಕೆಲಸ ಮಾಡುತ್ತಿದ್ದರೆ ಅದರ ಮೆಮೊರಿಯಲ್ಲಿ ಅನವಶ್ಯಕವಾಗಿ ತುಂಬಿಕೊಂಡಿರುವ ತಂತ್ರಾಂಶಗಳು ಕಾರಣವಿರಬಹುದು. ಸಾಮಾನ್ಯವಾಗಿ ಗಣಕ ಕೆಲಸ ಮಾಡುತ್ತಿರುವಾಗ ಹಲವಾರು ತಂತ್ರಾಂಶಗಳು ಮೆಮೊರಿಯಲ್ಲಿರುತ್ತವೆ, ಇರಲೇ ಬೇಕಾಗುತ್ತವೆ. ಆದರೆ ಇನ್ನೂ ಹಲವಾರು ತಂತ್ರಾಂಶಗಳು ಯಾವಾಗಲು ಮೆಮೊರಿಯಲ್ಲಿರಬೇಕಾಗಿರುವುದಿಲ್ಲ. ಇವನ್ನು ಪತ್ತೆ ಹಚ್ಚಿ ಸ್ವಚ್ಛ ಮಾಡಲು ಹಿಂದಿನ ಸಂಚಿಕೆಯಲ್ಲಿ ಡೌನ್‌ಲೋಡ್ ವಿಭಾಗದಲ್ಲಿ ಸೂಚಿಸಿದ್ದ ವಿನ್‌ಪಾಟ್ರೊಲ್ ತಂತ್ರಾಂಶವನ್ನು ಬಳಸಿ (ಇದು ಬೇಕಿದ್ದರೆ bit.ly/LoCBR ಜಾಲತಾಣಕ್ಕೆ ಭೇಟಿ ನೀಡಿ). ವಿನ್‌ಪಾಟ್ರೊಲ್ ತಂತ್ರಾಂಶದ ಐಕಾನ್ ಮೇಲೆ ಬಲಮೌಸ್ ಕ್ಲಿಕ್ ಮಾಡಿ Display active tasks ಎಂದು ಆಯ್ಕೆ ಮಾಡಿ. ಈಗ ಕಾಣಸಿಗುವ ಪಟ್ಟಿಯಲ್ಲಿ ಅನಗತ್ಯವಾದ ತಂತ್ರಾಂಶಗಳನ್ನು ಕಿತ್ತು ಹಾಕಿ.
ಕಂಪ್ಯೂತರ್ಲೆ
ಕೆಲವು ತರಲೆ ಅನುವಾದಗಳು:
Button state = ಗುಂಡಿ ರಾಜ್ಯ
Mathematical expressions = ಗಣಿತದ ಭಾವನೆಗಳು
Interest table = ಆಸಕ್ತಿ ಮೇಜು
ಸ್ವಲ್ಪ ಟೈಮ್ ತಿಳಿಸ್ತೀರಾ?
ದಾರಿಯಲ್ಲಿ ಹೋಗುವಾಗ, ಬಸ್ ನಿಲ್ದಾಣದಲ್ಲಿ, ಅಥವಾ ಯಾವುದೇ ಸಾರ್ವಜನಿಕ ಸ್ಥಳದಲ್ಲಿ ನಿಮ್ಮಲ್ಲಿ ಜನರು ಸ್ವಲ್ಪ ಟೈಮ್ ಎಷ್ಟಾಯ್ತು ಹೇಳ್ತೀರಾ ಎಂದು ಕೇಳುವುದು ಸಾಮಾನ್ಯ ತಾನೆ? ನಿಮ್ಮ ಕೈಗಡಿಯಾರದ ಸಮಯ ಎಷ್ಟು ಸರಿ? ಅದನ್ನು ತಿಳಿಯುವುದು ಹೇಗೆ? ನಮ್ಮ ದೇಶದ ಸಮಯ ಮಾತ್ರವಲ್ಲ, ಪ್ರಪಂಚದ ಯಾವುದೇ ದೇಶದ ವರ್ತಮಾನ ಸಮಯವನ್ನು ತಿಳಿಯಲು ಸಹಾಯ ಮಾಡುವ ಜಾಲತಾಣ www.timeanddate.com. ಈ ಜಾಲತಾಣದಲ್ಲಿ ಸಮಯ ಮಾತ್ರವಲ್ಲ, ಕ್ಯಾಲೆಂಡರ್, ಎರಡು ದಿನಾಂಕಗಳ ನಡುವೆ ಇರುವ ಒಟ್ಟು ದಿನಗಳನ್ನು ಲೆಕ್ಕ ಹಾಕುವುದು, ಇನ್ನೂ ಹಲವಾರು ಸೌಲಭ್ಯಗಳಿವೆ.
ಡೌನ್‌ಲೋಡ್
ಬಿಟ್‌ಟೊರೆಂಟ್ ಗ್ರಾಹಕ
ಮ್ಯುಟೊರೆಂಟ್ (µTorrent) ಜಗತ್ತಿನ ಅತಿ ಜನಪ್ರಿಯ ಬಿಟ್‌ಟೊರೆಂಟ್ ಗ್ರಾಹಕ. ಇತರೆ ಬಿಟ್‌ಟೊರೆಂಟ್ ಗ್ರಾಹಕ ತಂತ್ರಾಂಶಗಳಿಂದ ಇದು ಗಾತ್ರದಲ್ಲಿ ಅತಿ ಚಿಕ್ಕದು. ಇದರ ಗಾತ್ರ 300 ಕಿಲೊಬೈಟ್‌ಗಿಂತಲೂ ಕಡಿಮೆ. ಇದು ಕೆಲಸ ಮಾಡುತ್ತಿರುವಾಗ ಗಣಕದ ಇತರೆ ಕೆಲಸಗಳಿಗೆ ಯಾವುದೇ ತೊಂದರೆ ಮಾಡುವುದಿಲ್ಲ ಅಂದರೆ ಇತರೆ ಕೆಲಸಗಳು ನಿಧಾನವಾಗುವುದಿಲ್ಲ. ಅತಿ ದೊಡ್ಡ ಗಾತ್ರದ ಫೈಲು ಡೌನ್‌ಲೋಡ್ ಮಾಡುತ್ತಿರುವಿರಾದರೆ ದಿನ ಬಿಟ್ಟು ದಿನ ಬೇಕಾದರೂ ಡೌನ್‌ಲೋಡ್ ಮಾಡಬಹುದು. ರಾತ್ರಿಯಿಡೀ ಡೌನ್‌ಲೋಡ್ ಮಾಡಲು ಹಾಕಿ, ಅರ್ಧರಾತ್ರಿಯಲ್ಲಿ ಡೌನ್‌ಲೋಡ್ ಮುಗಿದರೆ ಗಣಕವನ್ನು ಸ್ವಿಚ್ ಆಫ್ ಮಾಡು ಎಂದು ಬೇಕಿದ್ದರೂ ಆಯ್ಕೆ ಮಾಡಿಕೊಂಡು ನಿಶ್ಚಿಂತೆಯಿಂದ ನಿದ್ದೆ ಮಾಡಬಹುದು. ಮ್ಯುಟೊರೆಂಟ್ ಬೇಕಿದ್ದಲ್ಲಿ www.utorrent.com ಜಾಲತಾಣಕ್ಕೆ ಭೇಟಿ ನೀಡಿ.
e - ಸುದ್ದಿ
ವಿದ್ಯುತ್ ಸಾಕೆಟ್ ಬಳಸಿ ಮಾಹಿತಿಯ ಕಳವು
ಗಣಕವನ್ನು ಬಳಸಲು ವಿದ್ಯುತ್ ಬೇಕು ತಾನೆ? ಗಣಕವನ್ನು ವಿದ್ಯುತ್ ಸಾಕೆಟಿಗೆ ಸಂಪರ್ಕಿಸಿ ಕೆಲಸ ಮಾಡುವಾಗ ಕೀಲಿಮಣೆಯಲ್ಲಿ ಒತ್ತಿದ ಕೀಲಿಗಳನ್ನು ಪತ್ತೆಹಚ್ಚಬಹುದು ಎಂದು ಇತ್ತೀಚೆಗೆ ಸಂಶೋಧನೆಯ ಮೂಲಕ ತೋರಿಸಿ ಕೊಟ್ಟಿದ್ದಾರೆ. ಸಮೀಪದ ಇನ್ನೊಂದು ಸಾಕೆಟನ್ನು ಬಳಸಿ ಅದರಲ್ಲಿ ಉತ್ಪತ್ತಿಯಾಗುತ್ತಿರುವ ಗ್ರೌಂಡ್ ವಿದ್ಯುತ್ ಪ್ರವಾಹವು ಕೀಲಿಮಣೆಯಲ್ಲಿ ಒತ್ತಿದ ಕೀಲಿಗೆ ಅನುಗುಣವಾಗಿರುತ್ತದೆ ಎಂಬುದನ್ನು ಅವರು ಪತ್ತೆ ಹಚ್ಚಿದ್ದಾರೆ. ಅಂದರೆ ಒಬ್ಬರು ಗಣಕದಲ್ಲಿ ಕೆಲಸ ಮಾಡುತ್ತಿರುವಾಗ ಸಮೀಪದ ಇನ್ನೊಂದು ಸಾಕೆಟನ್ನು ಬಳಸಿ ಮಾಹಿತಿಯ ಕಳವು ಮಾಡಬಹುದು!
e- ಪದ
ಬಿಟ್‌ಟೊರೆಂಟ್ (BitTorrent) - ಅಂತರಜಾಲದಲ್ಲಿ ತಂತ್ರಾಂಶ, ಸಂಗೀತ, ಚಲನಚಿತ್ರ, ಅಥವಾ ಇನ್ಯಾವುದೇ ಫೈಲುಗಳನ್ನು ಪ್ರಪಂಚಾದ್ಯಂತ ವಿವಿಧ ವ್ಯಕ್ತಿಗಳು ತಮ್ಮ ಗಣಕಗಳಲ್ಲಿ ಸಂಗ್ರಹಿಸಿಟ್ಟು ಆಸಕ್ತರಿಗೆ ಡೌನ್‌ಲೋಡ್ ಮಾಡಲು ಅವಕಾಶ ಮಾಡಿಕೊಟ್ಟಿರುತ್ತಾರೆ. ಈ ರೀತಿಯ ಸೌಲಭ್ಯಕ್ಕೆ P2P ಅಂದರೆ ಪರ್ಸನ್-ಟು-ಪರ್ಸನ್ ಅರ್ಥಾತ್ ವ್ಯಕ್ತಿಯಿಂದ ವ್ಯಕ್ತಿಗೆ ಎಂದು ಕರೆಯುತ್ತಾರೆ. ಈ ವಿಧಾನದಲ್ಲಿ ಡೌನ್‌ಲೋಡ್ ಮಾಡುವಾಗ ಫೈಲುಗಳು ಒಂದೇ ತಾಣದಿಂದ ಬರುತ್ತವೆ ಎಂದು ಖಾತ್ರಿಯಿಲ್ಲ. ಅವು ತುಂಡುಗಳಾಗಿ ವಿವಿಧ ಗಣಕಗಳಿಂದ ಬರುತ್ತಿರುತ್ತವೆ. ಸಾಮಾನ್ಯವಾಗಿ ಬಹುಪಾಲು ಮುಕ್ತ ತಂತ್ರಾಂಶಗಳು ಈ ವಿಧಾನದಲ್ಲಿ ಹಂಚಿಕೆಯಾಗುತ್ತಿವೆ. ಅದಕ್ಕಿಂತ ಹೆಚ್ಚಾಗಿ ಚಲನಚಿತ್ರ, ತಂತ್ರಾಂಶ, ಸಂಗೀತ ಇತ್ಯಾದಿಗಳ ಚೌರ್ಯ (ಪೈರಸಿ) ನಡೆಯುತ್ತಿರುವುದು ಇದನ್ನೇ ಬಳಸಿ.
e - ಸಲಹೆ
ನಿಮ್ಮ ಗಣಕ ನಿಧಾನವಾಗಿ ಕೆಲಸ ಮಾಡುತ್ತಿದ್ದರೆ ಅದರ ಮೆಮೊರಿಯಲ್ಲಿ ಅನವಶ್ಯಕವಾಗಿ ತುಂಬಿಕೊಂಡಿರುವ ತಂತ್ರಾಂಶಗಳು ಕಾರಣವಿರಬಹುದು. ಸಾಮಾನ್ಯವಾಗಿ ಗಣಕ ಕೆಲಸ ಮಾಡುತ್ತಿರುವಾಗ ಹಲವಾರು ತಂತ್ರಾಂಶಗಳು ಮೆಮೊರಿಯಲ್ಲಿರುತ್ತವೆ, ಇರಲೇ ಬೇಕಾಗುತ್ತವೆ. ಆದರೆ ಇನ್ನೂ ಹಲವಾರು ತಂತ್ರಾಂಶಗಳು ಯಾವಾಗಲು ಮೆಮೊರಿಯಲ್ಲಿರಬೇಕಾಗಿರುವುದಿಲ್ಲ. ಇವನ್ನು ಪತ್ತೆ ಹಚ್ಚಿ ಸ್ವಚ್ಛ ಮಾಡಲು ಹಿಂದಿನ ಸಂಚಿಕೆಯಲ್ಲಿ ಡೌನ್‌ಲೋಡ್ ವಿಭಾಗದಲ್ಲಿ ಸೂಚಿಸಿದ್ದ ವಿನ್‌ಪಾಟ್ರೊಲ್ ತಂತ್ರಾಂಶವನ್ನು ಬಳಸಿ (ಇದು ಬೇಕಿದ್ದರೆ bit.ly/LoCBR ಜಾಲತಾಣಕ್ಕೆ ಭೇಟಿ ನೀಡಿ). ವಿನ್‌ಪಾಟ್ರೊಲ್ ತಂತ್ರಾಂಶದ ಐಕಾನ್ ಮೇಲೆ ಬಲಮೌಸ್ ಕ್ಲಿಕ್ ಮಾಡಿ Display active tasks ಎಂದು ಆಯ್ಕೆ ಮಾಡಿ. ಈಗ ಕಾಣಸಿಗುವ ಪಟ್ಟಿಯಲ್ಲಿ ಅನಗತ್ಯವಾದ ತಂತ್ರಾಂಶಗಳನ್ನು ಕಿತ್ತು ಹಾಕಿ.
ಕಂಪ್ಯೂತರ್ಲೆ
ಕೆಲವು ತರಲೆ ಅನುವಾದಗಳು:
Button state = ಗುಂಡಿ ರಾಜ್ಯ
Mathematical expressions = ಗಣಿತದ ಭಾವನೆಗಳು
Interest table = ಆಸಕ್ತಿ ಮೇಜು
ಭಾನುವಾರ, ಆಗಸ್ಟ್ 2, 2009
ಗಣಕಿಂಡಿ - ೦೧೧ (ಜುಲೈ ೨೭, ೨೦೦೯)
ಅಂತರಜಾಲಾಡಿ
ಚಲನಚಿತ್ರಪ್ರಿಯರಿಗೆ
ಚಲನಚಿತ್ರ ನೋಡದವರ‍್ಯಾರು? ಚಲನಚಿತ್ರ ನೋಡುವ ಮೊದಲು ಸಾಮಾನ್ಯವಾಗಿ ಆ ಚಲನಚಿತ್ರದ ಬಗ್ಗೆ ವಿಮರ್ಶೆಗಳು ಏನು ಹೇಳುತ್ತಿವೆ ಎಂದು ನೋಡುವ ಪರಿಪಾಠವಿದೆ ತಾನೆ? ಹಾಗೆಯೇ, ಸಿನಿಮಾ ನೋಡಿ ಬಂದವರೊಡನೆ ಆ ಸಿನಿಮಾ ಬಗ್ಗೆ ಅಭಿಪ್ರಾಯವನ್ನೂ ಕೇಳುವುದು ಸಾಮಾನ್ಯ. ಸಿನಿಮಾಗಳ ಬಗ್ಗೆ ಸಮಸ್ತ ವಿವರ ನಿಡುವ ಜಾಲತಾಣ www.imdb.com. ಈ ಜಾಲತಾಣದಲ್ಲಿ ಸಿನಿಮಾಗಳ ಹೆಸರು, ನಿರ್ದೇಶಕ, ನಟ, ನಟಿ, ತಂತ್ರಜ್ಞರು ಎಲ್ಲ ವಿವರಗಳು ಸಿಗುತ್ತವೆ. ಆ ಚಲನಚಿತ್ರ ನೋಡಿದವರ ಅಭಿಪ್ರಾಯಗಳು, ಅದರ ಬಗ್ಗೆ ಅವರು ನೀಡಿದ ರೇಟಿಂಗ್ ಎಲ್ಲ ನೋಡಬಹುದು. ಜಗತ್ತಿನ ಶ್ರೇಷ್ಠ ಸಿನಿಮಾಗಳ ಪಟ್ಟಿಯೂ ಇಲ್ಲಿದೆ. ಇನ್ನು ಮುಂದೆ ಸಿನಿಮಾ ನೋಡುವ ಮೊದಲು ಈ ಜಾಲತಾಣಕ್ಕೆ ಭೇಟಿ ನೀಡುತ್ತೀರಿ ತಾನೆ? ಅಂದ ಹಾಗೆ ಈ ಜಾಲತಾಣದಲ್ಲಿ 436 ಕನ್ನಡ ಚಲನಚಿತ್ರಗಳ ವಿವರ ಇದೆ. ಚಲನಚಿತ್ರ ನೋಡಿದ ನಂತರ ಆ ಸಿನಿಮಾದ ಬಗ್ಗೆ ನಿಮ್ಮ ಅಭಿಪ್ರಾಯವನ್ನು ದಾಖಲಿಸಲು ಮರೆಯಬೇಡಿ.
ಡೌನ್‌ಲೋಡ್
ನಿಮ್ಮ ಗಣಕಕ್ಕೊಂದು ಕಾವಲುನಾಯಿ
ಪ್ರತಿ ಮನೆಗೊಂದು ಕಾವಲುನಾಯಿ ಬೇಕು ತಾನೆ? ಅದೇ ರೀತಿ ನಿಮ್ಮ ಗಣಕಕ್ಕೂ ಒಂದು ಕಾವಲುನಾಯಿ ರೀತಿ ಕೆಲಸ ಮಾಡುವ ತಂತ್ರಾಂಶ ಬೇಕು. ಇಂತಹ ಒಂದು ಉಚಿತ ತಂತ್ರಾಂಶ ವಿನ್‌ಪಾಟ್ರೋಲ್. ಇದು ದೊರೆಯುವ ಜಾಲತಾಣ bit.ly/LoCBR. ಇದು ಗಣಕದಲ್ಲಿ ನಡೆಯುತ್ತಿರುವ ಎಲ್ಲ ಕ್ರಿಯೆಗಳ ಮೇಲೆ ಒಂದು ಕಣ್ಣಿಟ್ಟಿರುತ್ತದೆ. ಯಾವುದೇ ತಂತ್ರಾಂಶ ತಾನು ಮಾಡಬೇಕಾದ ಕೆಲಸ ಬಿಟ್ಟು ಇತರೆ ಗೌಪ್ಯ ಕೆಲಸ ಮಾಡಲು ಹೊರಟರೆ ಇದು ಕೂಡಲೆ ಬೊಗಳಿ(!) ಎಚ್ಚರಿಕೆ ನೀಡುತ್ತದೆ. ಅಂತರಜಾಲ ವೀಕ್ಷಣೆ ಮಾಡುವಾಗ ಕೆಲವು ಜಾಲತಾಣಗಳು ನಿಮ್ಮ ಅನುಮತಿಯಿಲ್ಲದೆ ತಂತ್ರಾಂಶಗಳನ್ನು ಇನ್‌ಸ್ಟಾಲ್ ಮಾಡಲು ಹೊರಟರೆ ಅಥವಾ ಬ್ರೌಸರಿನ ಆಯ್ಕೆಗಳನ್ನು ಬದಲಾವಣೆ ಮಾಡಲು ಪ್ರಯತ್ನಿಸಿದರೆ ವಿನ್‌ಪಾಟ್ರೋಲ್ ತಂತ್ರಾಂಶ ಎಚ್ಚರಿಕೆ ನೀಡುತ್ತದೆ.
e - ಸುದ್ದಿ
ಆಪಲ್ ಗೌಪ್ಯತೆ ಒತ್ತಡಕ್ಕೆ ತಂತ್ರಜ್ಞ ಬಲಿ
ಆಪಲ್ ಕಂಪೆನಿಯ ಐಪಾಡ್ ಮತ್ತು ಐಫೋನ್‌ಗಳು ತಮ್ಮ ವಿನ್ಯಾಸಕ್ಕೆ ಜಗತ್ಪ್ರಸಿದ್ಧ. ತಮ್ಮ ಹೊಸ ಮಾದರಿಯ ಉತ್ಪನ್ನ ಮಾರುಕಟ್ಟೆಗೆ ಇನ್ನು ಆರು ತಿಂಗಳ ನಂತರ ಬಿಡುಗಡೆಯಾಗುತ್ತದೆ ಎಂದು ಅವರು ಘೋಷಿಸಿದೊಡನೆ ಅದು ಹೇಗಿರಬಹುದೆಂಬ ಊಹಾಪೋಹನೆಯ ವಿನ್ಯಾಸಗಳು ನೂರಾರು ಬ್ಲಾಗುತಾಣಗಳಲ್ಲಿ ರಾರಾಜಿಸತೊಡಗುತ್ತವೆ. ಉತ್ಪನ್ನ ಮಾರುಕಟ್ಟೆಗೆ ಬರುವ ತನಕ ಅದು ಹೇಗಿರುತ್ತದೆ ಎಂಬುದನ್ನು ತುಂಬ ಗೌಪ್ಯವಾಗಿ ಇಡಲಾಗುತ್ತದೆ. ಈ ಗೋಪ್ಯತೆಯನ್ನು ಕಾಪಾಡಲಿಕ್ಕಾಗಿ ಆಪಲ್ ಕಂಪೆನಿ ತನ್ನ ಹೊರಗುತ್ತಿಗೆಯ ಕಂಪೆನಿಗಳಿಗೆ ತುಂಬ ಒತ್ತಡ ಹೇರುತ್ತದೆ. ಚೀನಾ ದೇಶದಲ್ಲಿ ಆಪಲ್ ಕಂಪೆನಿಯ ಉತ್ಪನ್ನಗಳ ವಿನ್ಯಾಸದ ಹೊರಗುತ್ತಿಗೆ ಪಡೆದಿದ್ದ ಕಂಪೆನಿ ತಂತ್ರಜ್ಞನೊಬ್ಬ ಈ ಒತ್ತಡದಿಂದಾಗಿ ಆತ್ಮಹತ್ಯೆ ಮಾಡಿಕೊಂಡ ಪ್ರಕರಣ ವರದಿಯಾಗಿದೆ. ಆತನ ಕಂಪೆನಿಯಲ್ಲಿ ಆಪಲ್‌ನ ೪ನೆ ಆವೃತ್ತಿಯ ಫೋನುಗಳ ವಿನ್ಯಾಸ ನಡೆಯುತ್ತಿತ್ತು. ಒಂದು ಫೋನು ಕಾಣೆಯಾದುದು ಆತನ ಗಮನಕ್ಕೆ ಬಂತು. ಅದನ್ನು ಆತ ವರದಿ ಮಾಡಿದ. ಕಂಪೆನಿಯವರು ಆತನ ಮನೆ ತನಿಖೆ ಮಾಡಿ ಆತನನ್ನು ಕೆಟ್ಟದಾಗಿ ನಡೆಸಿಕೊಂಡರು. ಇದರಿಂದ ನೊಂದ ಆತ ಆತ್ಮಹತ್ಯೆಗೆ ಶರಣಾದ.
e- ಪದ
ಬ್ರೌಸರ್ (browser) -ಜಾಲತಾಣ ವೀಕ್ಷಕ ತಂತ್ರಾಂಶ. ವಿಶ್ವವ್ಯಾಪಿಜಾಲದಲ್ಲಿ (world wide web) ಕೋಟಿಗಟ್ಟಲೆ ಜಾಲತಾಣಗಳಿವೆ (web-sites). ಈ ಜಾಲತಾಣಗಳನ್ನು ವೀಕ್ಷಿಸಲು ಬಳಸುವ ತಂತ್ರಾಂಶವೇ ಬ್ರೌಸರ್. ಹಲವಾರು ಬ್ರೌಸರ್ ತಂತ್ರಾಂಶಗಳಿವೆ. ಮೈಕ್ರೋಸಾಫ್ಟ್ ಕಂಪೆನಿಯ ಇಂಟರ್‌ನೆಟ್ ಎಕ್ಸ್‌ಪ್ಲೋರರ್, ಮೊಝಿಲ್ಲಾ ಫೈರ್‌ಪಾಕ್ಸ್, ಆಪಲ್ ಸಫಾರಿ, ಒಪೆರಾ, ಗೂಗ್ಲ್ ಕ್ರೋಮ್ -ಇವು ಕೆಲವು ಉದಾಹರಣೆಗಳು. ಇವುಗಳಲ್ಲಿ ಇಂಟರ್‌ನೆಟ್ ಎಕ್ಸ್‌ಪ್ಲೋರರ್ ಸದ್ಯಕ್ಕೆ ಜನಪ್ರಿಯತೆಯಲ್ಲಿ ಮೊದಲನೆಯ ಸ್ಥಾನದಲ್ಲಿದೆ.
e - ಸಲಹೆ
ಗಣಕ ನಿಧಾನವಾಗಿ ಕೆಲಸ ಮಾಡುತ್ತಿದ್ದರೆ ಅದಕ್ಕೆ ಹಲವು ಕಾರಣಗಳಿರಬಹುದು. ಅವುಗಳಲ್ಲಿ ಒಂದು ಪ್ರಮುಖ ಕಾರಣ ಹಾರ್ಡ್‌ಡಿಸ್ಕ್‌ನಲ್ಲಿರುವ ಫೈಲುಗಳು ಚಲ್ಲಾಪಿಲ್ಲಿಯಾಗಿರುವುದು. ಈ ಫೈಲುಗಳನ್ನು ಒಂದು ಕ್ರಮದಲ್ಲಿ ಜೋಡಿಸಿ ಖಾಲಿ ಜಾಗವನ್ನು ಕೂಡ ಕ್ರಮವಾಗಿ ಜೋಡಿಸಿದರೆ ಗಣಕ ವೇಗವಾಗಿ ಕೆಲಸ ಮಾಡುತ್ತದೆ. ಇದಕ್ಕೆ ಗಣಕ ಪರಿಭಾಷೆಯಲ್ಲಿ ಡಿಸ್ಕ್ ಡಿಫ್ರಾಗ್ಮೆಂಟೇಶನ್ ಎನ್ನುತ್ತಾರೆ. ಇದಕ್ಕಾಗಿ ಹಾರ್ಡ್‌ಡಿಸ್ಕ್‌ನ ಐಕಾನ್ ಮೇಲೆ ಬಲ ಮೌಸ್ ಗುಂಡಿ ಅದುಮಿ Properties ಆಯ್ಕೆ ಮಾಡಿ. ನಂತರ Tools ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ, ನಂತರ Defragment now ಎಂಬ ಬಟನ್ ಮೇಲೆ ಒತ್ತಿ.
ಕಂಪ್ಯೂತರ್ಲೆ
ಕೋಲ್ಯ “ನನ್ನ ಮನೆಯಲ್ಲಿರುವ ಬೆಕ್ಕು ನಿನಗೆ ಬೇಕಾ?”
ಸಂತಾ “ಯಾಕೆ? ನಿನಗೆ ಬೇಡವಾ?”
ಕೋಲ್ಯ “ನಾನು ನಾಳೆ ಒಂದು ಹೊಸ ಕಂಪ್ಯೂಟರ್ ಕೊಂಡು ತರುವವನಿದ್ದೇನೆ”
ಸಂತಾ “ಅದಕ್ಕೂ ಬೆಕ್ಕನ್ನು ನನಗೆ ನೀಡುವುದಕ್ಕೂ ಏನು ಸಂಬಂಧ?”
ಕೋಲ್ಯ “ಕಂಪ್ಯೂಟರಿನ ಜೊತೆ ಮೌಸ್ ಇರುತ್ತಲ್ಲ. ಅದಕ್ಕೆ ಬೆಕ್ಕು ಮನೆಯಲ್ಲಿ ಬೇಡ ಎಂದು”
ಚಲನಚಿತ್ರಪ್ರಿಯರಿಗೆ
ಚಲನಚಿತ್ರ ನೋಡದವರ‍್ಯಾರು? ಚಲನಚಿತ್ರ ನೋಡುವ ಮೊದಲು ಸಾಮಾನ್ಯವಾಗಿ ಆ ಚಲನಚಿತ್ರದ ಬಗ್ಗೆ ವಿಮರ್ಶೆಗಳು ಏನು ಹೇಳುತ್ತಿವೆ ಎಂದು ನೋಡುವ ಪರಿಪಾಠವಿದೆ ತಾನೆ? ಹಾಗೆಯೇ, ಸಿನಿಮಾ ನೋಡಿ ಬಂದವರೊಡನೆ ಆ ಸಿನಿಮಾ ಬಗ್ಗೆ ಅಭಿಪ್ರಾಯವನ್ನೂ ಕೇಳುವುದು ಸಾಮಾನ್ಯ. ಸಿನಿಮಾಗಳ ಬಗ್ಗೆ ಸಮಸ್ತ ವಿವರ ನಿಡುವ ಜಾಲತಾಣ www.imdb.com. ಈ ಜಾಲತಾಣದಲ್ಲಿ ಸಿನಿಮಾಗಳ ಹೆಸರು, ನಿರ್ದೇಶಕ, ನಟ, ನಟಿ, ತಂತ್ರಜ್ಞರು ಎಲ್ಲ ವಿವರಗಳು ಸಿಗುತ್ತವೆ. ಆ ಚಲನಚಿತ್ರ ನೋಡಿದವರ ಅಭಿಪ್ರಾಯಗಳು, ಅದರ ಬಗ್ಗೆ ಅವರು ನೀಡಿದ ರೇಟಿಂಗ್ ಎಲ್ಲ ನೋಡಬಹುದು. ಜಗತ್ತಿನ ಶ್ರೇಷ್ಠ ಸಿನಿಮಾಗಳ ಪಟ್ಟಿಯೂ ಇಲ್ಲಿದೆ. ಇನ್ನು ಮುಂದೆ ಸಿನಿಮಾ ನೋಡುವ ಮೊದಲು ಈ ಜಾಲತಾಣಕ್ಕೆ ಭೇಟಿ ನೀಡುತ್ತೀರಿ ತಾನೆ? ಅಂದ ಹಾಗೆ ಈ ಜಾಲತಾಣದಲ್ಲಿ 436 ಕನ್ನಡ ಚಲನಚಿತ್ರಗಳ ವಿವರ ಇದೆ. ಚಲನಚಿತ್ರ ನೋಡಿದ ನಂತರ ಆ ಸಿನಿಮಾದ ಬಗ್ಗೆ ನಿಮ್ಮ ಅಭಿಪ್ರಾಯವನ್ನು ದಾಖಲಿಸಲು ಮರೆಯಬೇಡಿ.
ಡೌನ್‌ಲೋಡ್
ನಿಮ್ಮ ಗಣಕಕ್ಕೊಂದು ಕಾವಲುನಾಯಿ
ಪ್ರತಿ ಮನೆಗೊಂದು ಕಾವಲುನಾಯಿ ಬೇಕು ತಾನೆ? ಅದೇ ರೀತಿ ನಿಮ್ಮ ಗಣಕಕ್ಕೂ ಒಂದು ಕಾವಲುನಾಯಿ ರೀತಿ ಕೆಲಸ ಮಾಡುವ ತಂತ್ರಾಂಶ ಬೇಕು. ಇಂತಹ ಒಂದು ಉಚಿತ ತಂತ್ರಾಂಶ ವಿನ್‌ಪಾಟ್ರೋಲ್. ಇದು ದೊರೆಯುವ ಜಾಲತಾಣ bit.ly/LoCBR. ಇದು ಗಣಕದಲ್ಲಿ ನಡೆಯುತ್ತಿರುವ ಎಲ್ಲ ಕ್ರಿಯೆಗಳ ಮೇಲೆ ಒಂದು ಕಣ್ಣಿಟ್ಟಿರುತ್ತದೆ. ಯಾವುದೇ ತಂತ್ರಾಂಶ ತಾನು ಮಾಡಬೇಕಾದ ಕೆಲಸ ಬಿಟ್ಟು ಇತರೆ ಗೌಪ್ಯ ಕೆಲಸ ಮಾಡಲು ಹೊರಟರೆ ಇದು ಕೂಡಲೆ ಬೊಗಳಿ(!) ಎಚ್ಚರಿಕೆ ನೀಡುತ್ತದೆ. ಅಂತರಜಾಲ ವೀಕ್ಷಣೆ ಮಾಡುವಾಗ ಕೆಲವು ಜಾಲತಾಣಗಳು ನಿಮ್ಮ ಅನುಮತಿಯಿಲ್ಲದೆ ತಂತ್ರಾಂಶಗಳನ್ನು ಇನ್‌ಸ್ಟಾಲ್ ಮಾಡಲು ಹೊರಟರೆ ಅಥವಾ ಬ್ರೌಸರಿನ ಆಯ್ಕೆಗಳನ್ನು ಬದಲಾವಣೆ ಮಾಡಲು ಪ್ರಯತ್ನಿಸಿದರೆ ವಿನ್‌ಪಾಟ್ರೋಲ್ ತಂತ್ರಾಂಶ ಎಚ್ಚರಿಕೆ ನೀಡುತ್ತದೆ.
e - ಸುದ್ದಿ
ಆಪಲ್ ಗೌಪ್ಯತೆ ಒತ್ತಡಕ್ಕೆ ತಂತ್ರಜ್ಞ ಬಲಿ
ಆಪಲ್ ಕಂಪೆನಿಯ ಐಪಾಡ್ ಮತ್ತು ಐಫೋನ್‌ಗಳು ತಮ್ಮ ವಿನ್ಯಾಸಕ್ಕೆ ಜಗತ್ಪ್ರಸಿದ್ಧ. ತಮ್ಮ ಹೊಸ ಮಾದರಿಯ ಉತ್ಪನ್ನ ಮಾರುಕಟ್ಟೆಗೆ ಇನ್ನು ಆರು ತಿಂಗಳ ನಂತರ ಬಿಡುಗಡೆಯಾಗುತ್ತದೆ ಎಂದು ಅವರು ಘೋಷಿಸಿದೊಡನೆ ಅದು ಹೇಗಿರಬಹುದೆಂಬ ಊಹಾಪೋಹನೆಯ ವಿನ್ಯಾಸಗಳು ನೂರಾರು ಬ್ಲಾಗುತಾಣಗಳಲ್ಲಿ ರಾರಾಜಿಸತೊಡಗುತ್ತವೆ. ಉತ್ಪನ್ನ ಮಾರುಕಟ್ಟೆಗೆ ಬರುವ ತನಕ ಅದು ಹೇಗಿರುತ್ತದೆ ಎಂಬುದನ್ನು ತುಂಬ ಗೌಪ್ಯವಾಗಿ ಇಡಲಾಗುತ್ತದೆ. ಈ ಗೋಪ್ಯತೆಯನ್ನು ಕಾಪಾಡಲಿಕ್ಕಾಗಿ ಆಪಲ್ ಕಂಪೆನಿ ತನ್ನ ಹೊರಗುತ್ತಿಗೆಯ ಕಂಪೆನಿಗಳಿಗೆ ತುಂಬ ಒತ್ತಡ ಹೇರುತ್ತದೆ. ಚೀನಾ ದೇಶದಲ್ಲಿ ಆಪಲ್ ಕಂಪೆನಿಯ ಉತ್ಪನ್ನಗಳ ವಿನ್ಯಾಸದ ಹೊರಗುತ್ತಿಗೆ ಪಡೆದಿದ್ದ ಕಂಪೆನಿ ತಂತ್ರಜ್ಞನೊಬ್ಬ ಈ ಒತ್ತಡದಿಂದಾಗಿ ಆತ್ಮಹತ್ಯೆ ಮಾಡಿಕೊಂಡ ಪ್ರಕರಣ ವರದಿಯಾಗಿದೆ. ಆತನ ಕಂಪೆನಿಯಲ್ಲಿ ಆಪಲ್‌ನ ೪ನೆ ಆವೃತ್ತಿಯ ಫೋನುಗಳ ವಿನ್ಯಾಸ ನಡೆಯುತ್ತಿತ್ತು. ಒಂದು ಫೋನು ಕಾಣೆಯಾದುದು ಆತನ ಗಮನಕ್ಕೆ ಬಂತು. ಅದನ್ನು ಆತ ವರದಿ ಮಾಡಿದ. ಕಂಪೆನಿಯವರು ಆತನ ಮನೆ ತನಿಖೆ ಮಾಡಿ ಆತನನ್ನು ಕೆಟ್ಟದಾಗಿ ನಡೆಸಿಕೊಂಡರು. ಇದರಿಂದ ನೊಂದ ಆತ ಆತ್ಮಹತ್ಯೆಗೆ ಶರಣಾದ.
e- ಪದ
ಬ್ರೌಸರ್ (browser) -ಜಾಲತಾಣ ವೀಕ್ಷಕ ತಂತ್ರಾಂಶ. ವಿಶ್ವವ್ಯಾಪಿಜಾಲದಲ್ಲಿ (world wide web) ಕೋಟಿಗಟ್ಟಲೆ ಜಾಲತಾಣಗಳಿವೆ (web-sites). ಈ ಜಾಲತಾಣಗಳನ್ನು ವೀಕ್ಷಿಸಲು ಬಳಸುವ ತಂತ್ರಾಂಶವೇ ಬ್ರೌಸರ್. ಹಲವಾರು ಬ್ರೌಸರ್ ತಂತ್ರಾಂಶಗಳಿವೆ. ಮೈಕ್ರೋಸಾಫ್ಟ್ ಕಂಪೆನಿಯ ಇಂಟರ್‌ನೆಟ್ ಎಕ್ಸ್‌ಪ್ಲೋರರ್, ಮೊಝಿಲ್ಲಾ ಫೈರ್‌ಪಾಕ್ಸ್, ಆಪಲ್ ಸಫಾರಿ, ಒಪೆರಾ, ಗೂಗ್ಲ್ ಕ್ರೋಮ್ -ಇವು ಕೆಲವು ಉದಾಹರಣೆಗಳು. ಇವುಗಳಲ್ಲಿ ಇಂಟರ್‌ನೆಟ್ ಎಕ್ಸ್‌ಪ್ಲೋರರ್ ಸದ್ಯಕ್ಕೆ ಜನಪ್ರಿಯತೆಯಲ್ಲಿ ಮೊದಲನೆಯ ಸ್ಥಾನದಲ್ಲಿದೆ.
e - ಸಲಹೆ
ಗಣಕ ನಿಧಾನವಾಗಿ ಕೆಲಸ ಮಾಡುತ್ತಿದ್ದರೆ ಅದಕ್ಕೆ ಹಲವು ಕಾರಣಗಳಿರಬಹುದು. ಅವುಗಳಲ್ಲಿ ಒಂದು ಪ್ರಮುಖ ಕಾರಣ ಹಾರ್ಡ್‌ಡಿಸ್ಕ್‌ನಲ್ಲಿರುವ ಫೈಲುಗಳು ಚಲ್ಲಾಪಿಲ್ಲಿಯಾಗಿರುವುದು. ಈ ಫೈಲುಗಳನ್ನು ಒಂದು ಕ್ರಮದಲ್ಲಿ ಜೋಡಿಸಿ ಖಾಲಿ ಜಾಗವನ್ನು ಕೂಡ ಕ್ರಮವಾಗಿ ಜೋಡಿಸಿದರೆ ಗಣಕ ವೇಗವಾಗಿ ಕೆಲಸ ಮಾಡುತ್ತದೆ. ಇದಕ್ಕೆ ಗಣಕ ಪರಿಭಾಷೆಯಲ್ಲಿ ಡಿಸ್ಕ್ ಡಿಫ್ರಾಗ್ಮೆಂಟೇಶನ್ ಎನ್ನುತ್ತಾರೆ. ಇದಕ್ಕಾಗಿ ಹಾರ್ಡ್‌ಡಿಸ್ಕ್‌ನ ಐಕಾನ್ ಮೇಲೆ ಬಲ ಮೌಸ್ ಗುಂಡಿ ಅದುಮಿ Properties ಆಯ್ಕೆ ಮಾಡಿ. ನಂತರ Tools ಟ್ಯಾಬ್ ಮೇಲೆ ಕ್ಲಿಕ್ ಮಾಡಿ, ನಂತರ Defragment now ಎಂಬ ಬಟನ್ ಮೇಲೆ ಒತ್ತಿ.
ಕಂಪ್ಯೂತರ್ಲೆ
ಕೋಲ್ಯ “ನನ್ನ ಮನೆಯಲ್ಲಿರುವ ಬೆಕ್ಕು ನಿನಗೆ ಬೇಕಾ?”
ಸಂತಾ “ಯಾಕೆ? ನಿನಗೆ ಬೇಡವಾ?”
ಕೋಲ್ಯ “ನಾನು ನಾಳೆ ಒಂದು ಹೊಸ ಕಂಪ್ಯೂಟರ್ ಕೊಂಡು ತರುವವನಿದ್ದೇನೆ”
ಸಂತಾ “ಅದಕ್ಕೂ ಬೆಕ್ಕನ್ನು ನನಗೆ ನೀಡುವುದಕ್ಕೂ ಏನು ಸಂಬಂಧ?”
ಕೋಲ್ಯ “ಕಂಪ್ಯೂಟರಿನ ಜೊತೆ ಮೌಸ್ ಇರುತ್ತಲ್ಲ. ಅದಕ್ಕೆ ಬೆಕ್ಕು ಮನೆಯಲ್ಲಿ ಬೇಡ ಎಂದು”
ಮಂಗಳವಾರ, ಜುಲೈ 21, 2009
ಗಣಕಿಂಡಿ - ೦೧೦ (ಜುಲೈ ೨೦, ೨೦೦೯)
ಅಂತರಜಾಲಾಡಿ
ಉಚಿತ ಫಾಂಟ್‌ಗಳು
ಗಣಕದಲ್ಲಿ ಊಡಿಸಿದ ಮಾಹಿತಿಯನ್ನು ಪರದೆಯ ಮೇಲೆ ಮೂಡಿಸಲು ಅಥವಾ ಮುದ್ರಿಸಲು ಬಳಸುವ ಅಕ್ಷರಶೈಲಿಗಳಿಗೆ ಗಣಕ ಪರಿಭಾಷೆಯಲ್ಲಿ ಫಾಂಟ್ ಎನ್ನುತ್ತಾರೆ. ಹಲವು ವಿನ್ಯಾಸಗಳ ಫಾಂಟ್‌ಗಳಿರುವುದು ಗಣಕ ಬಳಸುವ ಎಲ್ಲರಿಗೂ ತಿಳಿದಿರುವ ವಿಷಯ. ಪುಸ್ತಕ ವಿನ್ಯಾಸ ಮಾಡುವವರು ಅಥವಾ ಆಹ್ವಾನ ಪತ್ರಿಕೆ ತಯಾರಿಸುವವರು ಹಲವು ನಮೂನೆಯ ಫಾಂಟ್‌ಗಳನ್ನು ತಮ್ಮ ಗಣಕದಲ್ಲಿ ಇಟ್ಟುಕೊಂಡಿರುತ್ತಾರೆ. ಸಾಮಾನ್ಯವಾಗಿ ಈ ರೀತಿಯ ವಿವಿಧ ವಿನ್ಯಾಸದ ಫಾಂಟ್‌ಗಳನ್ನು ದುಡ್ಡು ಕೊಟ್ಟು ಕೊಂಡುಕೊಳ್ಳಬೇಕು. ಸಾವಿರಾರು ಉಚಿತ ಫಾಂಟ್‌ಗಳು ದೊರಕುವ ಜಾಲತಾಣ www.dafont.com. ಆದರೆ ಇಲ್ಲಿ ಭಾರತೀಯ ಭಾಷೆಯ ಫಾಂಟ್‌ಗಳು ಇಲ್ಲ.
ಡೌನ್‌ಲೋಡ್
ಗಣಕಕ್ಕೊಂದು ಪೊರಕೆ
ಗಣಕ ಬಳಸುತ್ತಿದ್ದಂತೆ ಅದರಲ್ಲಿ ಬೇಡವಾದ ಮಾಹಿತಿಗಳು ಶೇಖರವಾಗುತ್ತ ಹೋಗುತ್ತವೆ. ಇವು ಕುಲಗೆಟ್ಟ ಫೈಲುಗಳು, ಅಂತರಜಾಲತಾಣ ವೀಕ್ಷಣೆ ಮಾಡುವಾಗ ಶೇಖರಗೊಂಡ ಫೈಲುಗಳು, ತಂತ್ರಾಂಶಗಳನ್ನು ತೆಗೆದುಹಾಕುವಾಗ ಅರೆಬರೆಯಾಗಿ ಉಳಿದ ಫೈಲುಗಳು -ಹೀಗೆ ಹಲವು ರೀತಿಯ ಕಚಡಗಳಿರಬಹುದು. ಇವು ಗಣಕದ ಹಾರ್ಡ್‌ಡಿಸ್ಕ್‌ನಲ್ಲಿ ಜಾಗವನ್ನು ಸುಮ್ಮನೆ ಹಾಳು ಮಾಡುತ್ತಿರುತ್ತವೆ. ಇವುಗಳನ್ನು ಆಗಾಗ ಸ್ವಚ್ಛ ಮಾಡಿದರೆ ಒಳ್ಳೆಯದು. ಇದಕ್ಕಾಗಿ ಸಿಕ್ಲೀನರ್ ಎನ್ನುವ ತಂತ್ರಾಂಶವನ್ನು ಬಳಸಬಹುದು. ಇದು ದೊರೆಯುವ ಜಾಲತಾಣ - www.ccleaner.com. ಇದು ಹಾರ್ಡ್‌ಡಿಸ್ಕ್‌ನಲ್ಲಿರುವ ಕಚಡ ಮಾತ್ರವಲ್ಲ, ಬ್ರೌಸರ್‌ನಲ್ಲಿ ನೀವು ವೀಕ್ಷಿಸಿದ ಜಾಲತಾಣಗಳ ಪಟ್ಟಿ, ತಾತ್ಕಾಲಿಕ ಫೈಲುಗಳು, ಕುಕಿ, ರಿಸೈಕ್ಲ್ ಬಿನ್ ಎಲ್ಲ ಗುಡಿಸಿಹಾಕುತ್ತದೆ. ಆಗಾಗ ಇದನ್ನು ಚಾಲನೆ ಮಾಡಿದರೆ ನಿಮ್ಮ ತಂತ್ರಾಂಶಗಳಿಗೆ ಹೆಚ್ಚು ಜಾಗ ದೊರೆಯುವಂತಾಗುತ್ತದೆ.
e - ಸುದ್ದಿ
ಯುವಕ ಯುವತಿಯರು ಯಾವಾಗ ನೋಡಿದರೂ ಮೊಬೈಲ್ ಫೋನು ಹಿಡಿದುಕೊಂಡು ಕಿರು ಸಂದೇಶ ಕಳುಹಿಸುತ್ತಲೇ ಇರುವುದನ್ನು ಗಮನಿಸಿರಬಹುದು. ಈಗಂತೂ ಮೈಕ್ರೋಬ್ಲಾಗಿಂಗ್ ಮತ್ತು ಟ್ವಿಟ್ಟರ್ ಬಂದ ಮೇಲೆ ಕೇಳುವುದೇ ಬೇಡ. ಫೋನಿನಲ್ಲಿ ಸಂದೇಶ ಕುಟ್ಟುತ್ತ ಸುತ್ತ ಮುತ್ತ ಏನು ನಡೆಯುತ್ತಿದೆ ಎಂಬ ಪರಿವೆಯೇ ಇರುವುದಿಲ್ಲ. ಅಮೆರಿಕ ದೇಶದಲ್ಲಿ ೧೫ ವರ್ಷದ ಹುಡುಗಿಯೊಬ್ಬಳು ರಸ್ತೆ ಪಕ್ಕ ನಡೆಯುತ್ತ ಮೊಬೈಲ್ ಫೋನಿನಲ್ಲಿ ಸಂದೇಶ ಕುಟ್ಟುತ್ತ ತೆರೆದಿದ್ದ ಮ್ಯಾನ್‌ಹೋಲ್ ಮೂಲಕ ಚರಂಡಿಯೊಳಗೆ ಬಿದ್ದಳು. ಚರಂಡಿ ಮುಚ್ಚಳ ತೆರೆದಿದ್ದದ್ದು ಅವಳಿಗೆ ಗೊತ್ತಾಗಲಿಲ್ಲ. ಜನರೆಲ್ಲ ಸೇರಿ ಅವಳನ್ನು ಸುರಕ್ಷಿತವಾಗಿ ಮೇಲೆ ಎಳೆದರೆನ್ನಿ. ಆದರೆ ಅವಳ ತಂದೆ ಮಾತ್ರ ಚರಂಡಿ ಮುಚ್ಚದೆ ಬಿಟ್ಟದ್ದಕ್ಕಾಗಿ ಮುನಿಸಿಪಾಲಿಟಿಯ ಮೇಲೆ ಕೋರ್ಟಿನಲ್ಲಿ ಕೇಸು ದಾಖಲಿಸಿರುವುದು ವರದಿಯಾಗಿದೆ. ಭಾರತದಲ್ಲಿ ಹೀಗೆ ಆಗುವುದು ಕಡಿಮೆ, ಯಾಕೆಂದರೆ ಯಾರೂ ರಸ್ತೆ ಪಕ್ಕದ ಪಾದಚಾರಿ ದಾರಿಯಲ್ಲಿ ನಡೆಯುವುದೇ ಇಲ್ಲ; ಎಲ್ಲರೂ ರಸ್ತೆಯಲ್ಲೇ ನಡೆಯುತ್ತಾರೆ ಎನ್ನುತ್ತೀರಾ?
e- ಪದ
ಸಿಲ್ವರ್‌ಲೈಟ್ (Silverlight) - ಚಿತ್ರಸಂಚಲನೆ (ಅನಿಮೇಶನ್) ಮತ್ತು ವಿಡಿಯೋಗಳನ್ನು ಅಂತರಜಾಲ ಮೂಲಕ ತೋರಿಸಲು ಮತ್ತು ಪ್ರತಿಸ್ಪಂದನಾತ್ಮಕವಾಗಿ ಕೆಲಸ ಮಾಡಲು ಮೈಕ್ರೋಸಾಫ್ಟ್‌ನವರು ಹೊರತಂದಿರುವ ಒಂದು ತಂತ್ರಾಂಶ ಸವಲತ್ತು. ಇದು ಮೈಕ್ರೋಸಾಫ್ಟ್‌ನವರ ತಂತ್ರಾಂಶಗಳಾದ ವಿಂಡೋಸ್, ಇಂಟರ್‌ನೆಟ್ ಎಕ್ಸ್‌ಪ್ಲೋರರ್ ಮಾತ್ರವಲ್ಲದೆ ಫೈರ್‌ಪಾಕ್ಸ್ ಮತ್ತು ಸಫಾರಿ ಬ್ರೌಸರ್‌ಗಳಲ್ಲೂ ಕೆಲಸ ಮಾಡುತ್ತದೆ. ಇದು ಅಡೋಬ್ ಕಂಪೆನಿಯರ ಫ್ಲಾಶ್ ಮತ್ತು ಆಪಲ್ ಕಂಪೆನಿಯವರ ಕ್ವಿಕ್‌ಟೈಮ್ ತಂತ್ರಾಂಶಗಳಿಗೆ ಪ್ರತಿಸ್ಪರ್ಧಿಯಾಗಿದೆ. ಇದರ ಬಗ್ಗೆ ಹೆಚ್ಚಿನ ಮಾಹಿತಿಗೆ silverlight.net ಜಾಲತಾಣ ನೋಡಬಹುದು.
e - ಸಲಹೆ
ಗಣಕದಲ್ಲಿ ಸಿ.ಡಿ. ಅಥವಾ ಯುಎಸ್‌ಬಿ ಡ್ರೈವ್ ತೂರಿಸಿದೊಡನೆ ಆಟೋಪ್ಲೇ ಚಾಲೂ ಆಗುತ್ತದೆ. ಸಾಮಾನ್ಯವಾಗಿ ಸಿ.ಡಿ. ಆದರೆ ಸಿ.ಡಿ.ಯಲ್ಲಿರುವ ಪ್ರಾರಂಭದ ತಂತ್ರಾಂಶ ತಂತಾನೇ ಚಾಲೂ ಆಗುತ್ತದೆ. ಯುಎಸ್‌ಬಿಯಲ್ಲಾದರೆ ಡ್ರೈವ್‌ನ ಫೈಲುಗಳ ಪಟ್ಟಿ ತೆರೆಯುತ್ತದೆ. ಯುಎಸ್‌ಬಿ ಡ್ರೈವ್‌ನಲ್ಲಿ ಕೂಡ ಆಟೋಪ್ಲೇ ತಂತ್ರಾಂಶ ಇದ್ದರೆ ಅದು ಚಾಲನೆಗೊಳ್ಳುತ್ತದೆ. ಈ ಆಟೋಪ್ಲೇ ಆಗಬಾರದೆಂದಿದ್ದರೆ ಮಾಡಬೇಕಾದದ್ದು ಇಷ್ಟೆ -ಸಿ.ಡಿ. ಹಾಕುವಾಗ ಅಥವಾ ಯುಎಸ್‌ಬಿ ಡ್ರೈವ್ ತೂರಿಸುವಾಗ ಶಿಫ್ಟ್ ಕೀಯನ್ನು ಒತ್ತಿ ಹಿಡಿದುಕೊಳ್ಳಬೇಕು. ಇತ್ತೀಚೆಗೆ ವೈರಸ್‌ಗಳು ಆಟೋಪ್ಲೇ ಮೂಲಕ ಚಾಲನೆಗೊಳ್ಳುತ್ತಿವೆ. ಆದುದರಿಂದ ಈ ಬಗ್ಗೆ ಸ್ವಲ್ಪ ಜಾಗರೂಕರಾಗಿದ್ದರೆ ಒಳ್ಳೆಯದು.
(ನಿಮ್ಮಲ್ಲಿ ಗಣಕ, ಅಂತರಜಾಲ ಸಂಬಂಧಿ ಸಮಸ್ಯೆಗಳೇನಾದರೂ ಇದ್ದಲ್ಲಿ ganakindi AT gmail DOT com ಗೆ ಇಮೈಲ್ ಕಳುಹಿಸಬಹುದು)
ಕಂಪ್ಯೂತರ್ಲೆ
ಕೋಲ್ಯ ಹೊಸ ಗಣಕ ಕೊಂಡುಕೊಂಡ. ರಾತ್ರಿಯೆಲ್ಲ ಕೆಲಸ ಮಾಡುತ್ತಲೇ ಇದ್ದ. ಬೆಳಗ್ಗೆ ಬಂದ ಬಾಸ್‌ಗೆ ಖುಷಿಯಾಗಿ ಕೇಳಿದ “ರಾತ್ರಿಯೆಲ್ಲ ಕಂಪ್ಯೂಟರಿನಲ್ಲಿ ಏನು ಕೆಲಸ ಮಾಡುತ್ತಿದ್ದೆ?”. ಕೋಲ್ಯ ಹೇಳಿದ “ಸಾರ್, ಈ ಕಂಪ್ಯೂಟರಿನ ಕೀಬೋರ್ಡಿನಲ್ಲಿ ಅಕ್ಷರಗಳು ಒಂದು ಕ್ರಮದಲ್ಲಿ ಇಲ್ಲ. ಅವುಗಳನ್ನೆಲ್ಲ ಕಿತ್ತು ಕ್ರಮಬದ್ಧವಾಗಿ ಜೋಡಿಸಿದೆ”
ಉಚಿತ ಫಾಂಟ್‌ಗಳು
ಗಣಕದಲ್ಲಿ ಊಡಿಸಿದ ಮಾಹಿತಿಯನ್ನು ಪರದೆಯ ಮೇಲೆ ಮೂಡಿಸಲು ಅಥವಾ ಮುದ್ರಿಸಲು ಬಳಸುವ ಅಕ್ಷರಶೈಲಿಗಳಿಗೆ ಗಣಕ ಪರಿಭಾಷೆಯಲ್ಲಿ ಫಾಂಟ್ ಎನ್ನುತ್ತಾರೆ. ಹಲವು ವಿನ್ಯಾಸಗಳ ಫಾಂಟ್‌ಗಳಿರುವುದು ಗಣಕ ಬಳಸುವ ಎಲ್ಲರಿಗೂ ತಿಳಿದಿರುವ ವಿಷಯ. ಪುಸ್ತಕ ವಿನ್ಯಾಸ ಮಾಡುವವರು ಅಥವಾ ಆಹ್ವಾನ ಪತ್ರಿಕೆ ತಯಾರಿಸುವವರು ಹಲವು ನಮೂನೆಯ ಫಾಂಟ್‌ಗಳನ್ನು ತಮ್ಮ ಗಣಕದಲ್ಲಿ ಇಟ್ಟುಕೊಂಡಿರುತ್ತಾರೆ. ಸಾಮಾನ್ಯವಾಗಿ ಈ ರೀತಿಯ ವಿವಿಧ ವಿನ್ಯಾಸದ ಫಾಂಟ್‌ಗಳನ್ನು ದುಡ್ಡು ಕೊಟ್ಟು ಕೊಂಡುಕೊಳ್ಳಬೇಕು. ಸಾವಿರಾರು ಉಚಿತ ಫಾಂಟ್‌ಗಳು ದೊರಕುವ ಜಾಲತಾಣ www.dafont.com. ಆದರೆ ಇಲ್ಲಿ ಭಾರತೀಯ ಭಾಷೆಯ ಫಾಂಟ್‌ಗಳು ಇಲ್ಲ.
ಡೌನ್‌ಲೋಡ್
ಗಣಕಕ್ಕೊಂದು ಪೊರಕೆ
ಗಣಕ ಬಳಸುತ್ತಿದ್ದಂತೆ ಅದರಲ್ಲಿ ಬೇಡವಾದ ಮಾಹಿತಿಗಳು ಶೇಖರವಾಗುತ್ತ ಹೋಗುತ್ತವೆ. ಇವು ಕುಲಗೆಟ್ಟ ಫೈಲುಗಳು, ಅಂತರಜಾಲತಾಣ ವೀಕ್ಷಣೆ ಮಾಡುವಾಗ ಶೇಖರಗೊಂಡ ಫೈಲುಗಳು, ತಂತ್ರಾಂಶಗಳನ್ನು ತೆಗೆದುಹಾಕುವಾಗ ಅರೆಬರೆಯಾಗಿ ಉಳಿದ ಫೈಲುಗಳು -ಹೀಗೆ ಹಲವು ರೀತಿಯ ಕಚಡಗಳಿರಬಹುದು. ಇವು ಗಣಕದ ಹಾರ್ಡ್‌ಡಿಸ್ಕ್‌ನಲ್ಲಿ ಜಾಗವನ್ನು ಸುಮ್ಮನೆ ಹಾಳು ಮಾಡುತ್ತಿರುತ್ತವೆ. ಇವುಗಳನ್ನು ಆಗಾಗ ಸ್ವಚ್ಛ ಮಾಡಿದರೆ ಒಳ್ಳೆಯದು. ಇದಕ್ಕಾಗಿ ಸಿಕ್ಲೀನರ್ ಎನ್ನುವ ತಂತ್ರಾಂಶವನ್ನು ಬಳಸಬಹುದು. ಇದು ದೊರೆಯುವ ಜಾಲತಾಣ - www.ccleaner.com. ಇದು ಹಾರ್ಡ್‌ಡಿಸ್ಕ್‌ನಲ್ಲಿರುವ ಕಚಡ ಮಾತ್ರವಲ್ಲ, ಬ್ರೌಸರ್‌ನಲ್ಲಿ ನೀವು ವೀಕ್ಷಿಸಿದ ಜಾಲತಾಣಗಳ ಪಟ್ಟಿ, ತಾತ್ಕಾಲಿಕ ಫೈಲುಗಳು, ಕುಕಿ, ರಿಸೈಕ್ಲ್ ಬಿನ್ ಎಲ್ಲ ಗುಡಿಸಿಹಾಕುತ್ತದೆ. ಆಗಾಗ ಇದನ್ನು ಚಾಲನೆ ಮಾಡಿದರೆ ನಿಮ್ಮ ತಂತ್ರಾಂಶಗಳಿಗೆ ಹೆಚ್ಚು ಜಾಗ ದೊರೆಯುವಂತಾಗುತ್ತದೆ.
e - ಸುದ್ದಿ
ಯುವಕ ಯುವತಿಯರು ಯಾವಾಗ ನೋಡಿದರೂ ಮೊಬೈಲ್ ಫೋನು ಹಿಡಿದುಕೊಂಡು ಕಿರು ಸಂದೇಶ ಕಳುಹಿಸುತ್ತಲೇ ಇರುವುದನ್ನು ಗಮನಿಸಿರಬಹುದು. ಈಗಂತೂ ಮೈಕ್ರೋಬ್ಲಾಗಿಂಗ್ ಮತ್ತು ಟ್ವಿಟ್ಟರ್ ಬಂದ ಮೇಲೆ ಕೇಳುವುದೇ ಬೇಡ. ಫೋನಿನಲ್ಲಿ ಸಂದೇಶ ಕುಟ್ಟುತ್ತ ಸುತ್ತ ಮುತ್ತ ಏನು ನಡೆಯುತ್ತಿದೆ ಎಂಬ ಪರಿವೆಯೇ ಇರುವುದಿಲ್ಲ. ಅಮೆರಿಕ ದೇಶದಲ್ಲಿ ೧೫ ವರ್ಷದ ಹುಡುಗಿಯೊಬ್ಬಳು ರಸ್ತೆ ಪಕ್ಕ ನಡೆಯುತ್ತ ಮೊಬೈಲ್ ಫೋನಿನಲ್ಲಿ ಸಂದೇಶ ಕುಟ್ಟುತ್ತ ತೆರೆದಿದ್ದ ಮ್ಯಾನ್‌ಹೋಲ್ ಮೂಲಕ ಚರಂಡಿಯೊಳಗೆ ಬಿದ್ದಳು. ಚರಂಡಿ ಮುಚ್ಚಳ ತೆರೆದಿದ್ದದ್ದು ಅವಳಿಗೆ ಗೊತ್ತಾಗಲಿಲ್ಲ. ಜನರೆಲ್ಲ ಸೇರಿ ಅವಳನ್ನು ಸುರಕ್ಷಿತವಾಗಿ ಮೇಲೆ ಎಳೆದರೆನ್ನಿ. ಆದರೆ ಅವಳ ತಂದೆ ಮಾತ್ರ ಚರಂಡಿ ಮುಚ್ಚದೆ ಬಿಟ್ಟದ್ದಕ್ಕಾಗಿ ಮುನಿಸಿಪಾಲಿಟಿಯ ಮೇಲೆ ಕೋರ್ಟಿನಲ್ಲಿ ಕೇಸು ದಾಖಲಿಸಿರುವುದು ವರದಿಯಾಗಿದೆ. ಭಾರತದಲ್ಲಿ ಹೀಗೆ ಆಗುವುದು ಕಡಿಮೆ, ಯಾಕೆಂದರೆ ಯಾರೂ ರಸ್ತೆ ಪಕ್ಕದ ಪಾದಚಾರಿ ದಾರಿಯಲ್ಲಿ ನಡೆಯುವುದೇ ಇಲ್ಲ; ಎಲ್ಲರೂ ರಸ್ತೆಯಲ್ಲೇ ನಡೆಯುತ್ತಾರೆ ಎನ್ನುತ್ತೀರಾ?
e- ಪದ
ಸಿಲ್ವರ್‌ಲೈಟ್ (Silverlight) - ಚಿತ್ರಸಂಚಲನೆ (ಅನಿಮೇಶನ್) ಮತ್ತು ವಿಡಿಯೋಗಳನ್ನು ಅಂತರಜಾಲ ಮೂಲಕ ತೋರಿಸಲು ಮತ್ತು ಪ್ರತಿಸ್ಪಂದನಾತ್ಮಕವಾಗಿ ಕೆಲಸ ಮಾಡಲು ಮೈಕ್ರೋಸಾಫ್ಟ್‌ನವರು ಹೊರತಂದಿರುವ ಒಂದು ತಂತ್ರಾಂಶ ಸವಲತ್ತು. ಇದು ಮೈಕ್ರೋಸಾಫ್ಟ್‌ನವರ ತಂತ್ರಾಂಶಗಳಾದ ವಿಂಡೋಸ್, ಇಂಟರ್‌ನೆಟ್ ಎಕ್ಸ್‌ಪ್ಲೋರರ್ ಮಾತ್ರವಲ್ಲದೆ ಫೈರ್‌ಪಾಕ್ಸ್ ಮತ್ತು ಸಫಾರಿ ಬ್ರೌಸರ್‌ಗಳಲ್ಲೂ ಕೆಲಸ ಮಾಡುತ್ತದೆ. ಇದು ಅಡೋಬ್ ಕಂಪೆನಿಯರ ಫ್ಲಾಶ್ ಮತ್ತು ಆಪಲ್ ಕಂಪೆನಿಯವರ ಕ್ವಿಕ್‌ಟೈಮ್ ತಂತ್ರಾಂಶಗಳಿಗೆ ಪ್ರತಿಸ್ಪರ್ಧಿಯಾಗಿದೆ. ಇದರ ಬಗ್ಗೆ ಹೆಚ್ಚಿನ ಮಾಹಿತಿಗೆ silverlight.net ಜಾಲತಾಣ ನೋಡಬಹುದು.
e - ಸಲಹೆ
ಗಣಕದಲ್ಲಿ ಸಿ.ಡಿ. ಅಥವಾ ಯುಎಸ್‌ಬಿ ಡ್ರೈವ್ ತೂರಿಸಿದೊಡನೆ ಆಟೋಪ್ಲೇ ಚಾಲೂ ಆಗುತ್ತದೆ. ಸಾಮಾನ್ಯವಾಗಿ ಸಿ.ಡಿ. ಆದರೆ ಸಿ.ಡಿ.ಯಲ್ಲಿರುವ ಪ್ರಾರಂಭದ ತಂತ್ರಾಂಶ ತಂತಾನೇ ಚಾಲೂ ಆಗುತ್ತದೆ. ಯುಎಸ್‌ಬಿಯಲ್ಲಾದರೆ ಡ್ರೈವ್‌ನ ಫೈಲುಗಳ ಪಟ್ಟಿ ತೆರೆಯುತ್ತದೆ. ಯುಎಸ್‌ಬಿ ಡ್ರೈವ್‌ನಲ್ಲಿ ಕೂಡ ಆಟೋಪ್ಲೇ ತಂತ್ರಾಂಶ ಇದ್ದರೆ ಅದು ಚಾಲನೆಗೊಳ್ಳುತ್ತದೆ. ಈ ಆಟೋಪ್ಲೇ ಆಗಬಾರದೆಂದಿದ್ದರೆ ಮಾಡಬೇಕಾದದ್ದು ಇಷ್ಟೆ -ಸಿ.ಡಿ. ಹಾಕುವಾಗ ಅಥವಾ ಯುಎಸ್‌ಬಿ ಡ್ರೈವ್ ತೂರಿಸುವಾಗ ಶಿಫ್ಟ್ ಕೀಯನ್ನು ಒತ್ತಿ ಹಿಡಿದುಕೊಳ್ಳಬೇಕು. ಇತ್ತೀಚೆಗೆ ವೈರಸ್‌ಗಳು ಆಟೋಪ್ಲೇ ಮೂಲಕ ಚಾಲನೆಗೊಳ್ಳುತ್ತಿವೆ. ಆದುದರಿಂದ ಈ ಬಗ್ಗೆ ಸ್ವಲ್ಪ ಜಾಗರೂಕರಾಗಿದ್ದರೆ ಒಳ್ಳೆಯದು.
(ನಿಮ್ಮಲ್ಲಿ ಗಣಕ, ಅಂತರಜಾಲ ಸಂಬಂಧಿ ಸಮಸ್ಯೆಗಳೇನಾದರೂ ಇದ್ದಲ್ಲಿ ganakindi AT gmail DOT com ಗೆ ಇಮೈಲ್ ಕಳುಹಿಸಬಹುದು)
ಕಂಪ್ಯೂತರ್ಲೆ
ಕೋಲ್ಯ ಹೊಸ ಗಣಕ ಕೊಂಡುಕೊಂಡ. ರಾತ್ರಿಯೆಲ್ಲ ಕೆಲಸ ಮಾಡುತ್ತಲೇ ಇದ್ದ. ಬೆಳಗ್ಗೆ ಬಂದ ಬಾಸ್‌ಗೆ ಖುಷಿಯಾಗಿ ಕೇಳಿದ “ರಾತ್ರಿಯೆಲ್ಲ ಕಂಪ್ಯೂಟರಿನಲ್ಲಿ ಏನು ಕೆಲಸ ಮಾಡುತ್ತಿದ್ದೆ?”. ಕೋಲ್ಯ ಹೇಳಿದ “ಸಾರ್, ಈ ಕಂಪ್ಯೂಟರಿನ ಕೀಬೋರ್ಡಿನಲ್ಲಿ ಅಕ್ಷರಗಳು ಒಂದು ಕ್ರಮದಲ್ಲಿ ಇಲ್ಲ. ಅವುಗಳನ್ನೆಲ್ಲ ಕಿತ್ತು ಕ್ರಮಬದ್ಧವಾಗಿ ಜೋಡಿಸಿದೆ”
ಸೋಮವಾರ, ಜುಲೈ 13, 2009
ಗಣಕಿಂಡಿ - ೦೦೯ (ಜುಲೈ ೧೩, ೨೦೦೯)
ಅಂತರಜಾಲಾಡಿ
ದೂರು ನೀಡಬೇಕೆ?
ಕೇಂದ್ರ ಅಥವಾ ರಾಜ್ಯ ಸರಕಾರದ ಯಾವುದಾದರೂ ವಿಭಾಗಕ್ಕೆ ದೂರು ಸಲ್ಲಿಸಬೇಕಾದರೆ ಏನು ಮಾಡಬೇಕು ಎಂಬ ಚಿಂತೆ ಎಲ್ಲರಿಗೂ ಕನಿಷ್ಠ ಒಮ್ಮೆಯಾದರೂ ಬಂದಿರುತ್ತದೆ. ದೂರು ಸಲ್ಲಿಸಲೆಂದೇ ಕೇಂದ್ರ ಸರಕಾರದ ಜಾಲತಾಣವೊಂದಿದೆ. ಅದರ ವಿಳಾಸ - www.pgportal.gov.in. ಈ ತಾಣದಲ್ಲಿ ದೂರು ಸಲ್ಲಿಸಿದರೆ ನಿಮ್ಮ ದೂರಿಗೆ ಒಂದು ನೋಂದಣಿ ಸಂಖ್ಯೆ ದೊರೆಯುತ್ತದೆ. ನಂತರ ನಿಮ್ಮ ದೂರು ಎಲ್ಲಿಗೆ ತಲುಪಿದೆ, ಅದರ ಬಗ್ಗೆ ಏನು ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಕಾಲಕಾಲಕ್ಕೆ ಪರಿಶೀಲಿಸುತ್ತಿರಬಹುದು. ವೈಯಕ್ತಿಕವಾಗಿ ಹೇಳುವುದಾದರೆ, ಖಾಸಗಿ ಡಿಟಿಎಚ್ ಸೇವೆ ನೀಡುವವರು ದೂರದರ್ಶನಗಳ ಉಚಿತ ಚಾನೆಲುಗಳನ್ನು ನೀಡುವುದನ್ನು ನಿಲ್ಲಿಸಿದಾಗ ನಾನು ಈ ಜಾಲತಾಣದಲ್ಲಿ ದೂರು ನೀಡಿ ಅದನ್ನು ಸರಿಪಡಿಸಿಕೊಂಡಿದ್ದೇನೆ.
ಡೌನ್‌ಲೋಡ್
ಎಲ್ಲ ಬಹುಮಾಧ್ಯಮಗಳಿಗೆ ಒಂದೇ ಪ್ಲೇಯರ್
ಚಲನಚಿತ್ರ, ವೀಡಿಯೋಗಳನ್ನು ಗಣಕದಲ್ಲಿ ವೀಕ್ಷಿಸದವರು ಯಾರು? ಇವುಗಳನ್ನು ಸಾಮಾನ್ಯವಾಗಿ ವಿಂಡೋಸ್ ಬಳಸುವವರು ತಮ್ಮ ಗಣಕದಲ್ಲೇ ಇರುವ ವಿಂಡೋಸ್ ಮೀಡಿಯಾ ಪ್ಲೇಯರ್ ಬಳಸಿ ವೀಕ್ಷಿಸುತ್ತಾರೆ. ಆದರೆ ಇದರಲ್ಲಿರುವ ಸಮಸ್ಯೆಯೆಂದರೆ ಕೆಲವು ನಮೂನೆಯ ಫೈಲುಗಳನ್ನು ಇದನ್ನು ಬಳಸಿ ವೀಕ್ಷಿಸಲು ಆಗುವುದಿಲ್ಲ. ಉದಾಹರಣೆಗೆ ಯುಟ್ಯೂಬ್ ತಾಣದಿಂದ ಡೌನ್‌ಲೋಡ್ ಮಾಡಿದ ಫ್ಲಾಶ್ ವೀಡಿಯೋ ಫೈಲುಗಳು. ಇಂತಹ ಫೈಲುಗಳನ್ನು ವೀಕ್ಷಿಸಲು ವಿಎಲ್‌ಸಿ ಪ್ಲೇಯರ್ ಬಳಸಬಹುದು. ಇದು ದೊರೆಯುವ ಜಾಲತಾಣ - www.videolan.org/vlc ಈ ಜಾಲತಾಣದಲ್ಲಿ ವಿಂಡೋಸ್ ಮಾತ್ರವಲ್ಲದೆ ಲೈನಕ್ಸ್ ಮತ್ತು ಮ್ಯಾಕ್‌ಗಳಿಗೂ ಈ ಪ್ಲೇಯರ್ ಲಭ್ಯವಿದೆ. ಇದು ಸಂಪೂರ್ಣ ಉಚಿತ ಮತ್ತು ಮುಕ್ತ ತಂತ್ರಾಂಶ.
e - ಸುದ್ದಿ
ದೊಡ್ಡ ಗಾತ್ರದ ಫೋನು ಜೀವ ಉಳಿಸಿತು
ಇತ್ತೀಚೆಗೆ ಮಾರುಕಟ್ಟೆಗೆ ಬರುತ್ತಿರುವ ಸ್ಮಾರ್ಟ್‌ಫೋನುಗಳು ಅಂದರೆ ಕಿಸೆ ಗಣಕ ಎಂದೇ ಕರೆಯಬಹುದಾದ ಗ್ಯಾಜೆಟ್‌ಗಳು ಎಷ್ಟು ದೊಡ್ಡದಾಗಿವೆಯೆಂದರೆ ಅದರಿಂದಾಗಿ ಒಬ್ಬನ ಜೀವ ಉಳಿದ ಘಟನೆ ವರದಿಯಾಗಿದೆ. ಡೇವಿಡ್ ಎಂಬಾತ ಸ್ಕೀಯಿಂಗ್ ಮಾಡುತ್ತಾ ಹಿಮದಲ್ಲಿ ಜಾರಿ ಬಿದ್ದು ನಿಯಂತ್ರಣ ತಪ್ಪಿ ಪ್ರಪಾತದೆಡೆಗೆ ಜಾರತೊಡಗಿದ. ಹಿಮದಲ್ಲಿ ಒಬ್ಬ ವ್ಯಕ್ತಿ ತೂರಬಹುದಾದಷ್ಟು ಅಗಲವಾದ ಕಂದರವೊಂದಿತ್ತು. ಅದರಡಿಯಲ್ಲಿ ಆಳವಾದ ಪ್ರಪಾತವಿತ್ತು. ಈತನ ಅಂಗಿ ಕಿಸೆಯಲ್ಲಿ ದೊಡ್ಡದಾದ ಬ್ಲಾಕ್‌ಬೆರಿ ಫೋನು ಇತ್ತು. ಅದರಿಂದಾಗಿ ಆತ ಆ ಕಂದರದಲ್ಲಿ ಕೆಳಗೆ ಬೀಳದೆ ಸಿಕ್ಕಿಹಾಕಿಕೊಂಡು ಬದುಕಿ ಉಳಿದ.
e- ಪದ
ಅಂತರಜಾಲ ಮತ್ತು ಅಂತರ್ಜಾಲ - ಈ ಪದಗಳ ಬಳಕೆಯಲ್ಲಿ ಗೊಂದಲ ಆಗುತ್ತಿದೆ. ಬಹುಪಾಲು ಜನರು ಇಂಟರ್‌ನೆಟ್ ಎಂಬುದಕ್ಕೆ ಪರ್ಯಾಯವಾಗಿ ಅಂತರ್ಜಾಲ ಎಂದು ಬಳಸುತ್ತಿದ್ದಾರೆ. ಇದು ತಪ್ಪು. Intranet ಎಂಬುದಕ್ಕೆ ಪಾರಿಭಾಷಿಕ ಪದ ಅಂತರ್ಜಾಲ. ಹಾಗೆಯೇ Internet ಎಂಬುದಕ್ಕೆ ಪಾರಿಭಾಷಿಕ ಪದ ಅಂತರಜಾಲ. ಒಂದು ಕಚೇರಿಯಲ್ಲಿರುವ ಹಲವಾರು ಗಣಕಗಳನ್ನು ಒಂದಕ್ಕೊಂದು ಬೆಸೆದಾಗ ಆಗುವ ಜಾಲ ಅಂತರ್ಜಾಲ (ಇಂಟ್ರಾನೆಟ್). ಜಗತ್ತಿನಲ್ಲಿರುವ ಎಲ್ಲ ಗಣಕಗಳನ್ನು ತಂತಿ, ನಿಸ್ತಂತು, ಉಪಗ್ರಹ, ಇತ್ಯಾದಿಗಳ ಮೂಲಕ ಒಂದಕ್ಕೊಂದು ಬೆಸೆದಾಗ ದೊರೆಯುವ ಜಾಲ ಅಂತರಜಾಲ (ಇಂಟರ್‌ನೆಟ್). ಇತರೆ ಉದಾಹರಣೆಗಳನ್ನೂ ಗಮನಿಸಬಹುದು. ದೇಶದೊಳಗೆ ಕಳುಹಿಸಲು ಅಂತರ್ದೇಶೀಯ ಪತ್ರ. ಭೂಮಿಯೊಳಗೆ ಇರುವ ನೀರು ಅಂತರ್ಜಲ. ಇಂಟರ್‌ನ್ಯಾಶನಲ್ ಎಂಬುದಕ್ಕೆ ಪಾರಿಭಾಷಿಕ ಪದ ಅಂತರರಾಷ್ಟ್ರೀಯ ಅಥವಾ ಅಂತಾರಾಷ್ಟ್ರೀಯ. ಹಾಗೆ ನೋಡ ಹೊರಟರೆ ಬೇರೆ ಜಾತಿಯ ಹುಡುಗ ಹುಡುಗಿ ಮದುವೆಯಾಗುವುದಕ್ಕೆ ಅಂತರ್ಜಾತೀಯ ವಿವಾಹ ಎಂದು ಬರೆಯುವುದೂ ತಪ್ಪು. ಅದು ಅಂತರಜಾತೀಯ ವಿವಾಹ ಎಂದಾಗಬೇಕು.
e - ಸಲಹೆ
ಕನ್ನಡದಲ್ಲಿ ಬ್ಲಾಗಿಸುವವರ ಸಂಖ್ಯೆ ಸಾವಿರ ದಾಟಿದೆ. ಯಾರು ಯಾವಾಗ ತಮ್ಮ ಬ್ಲಾಗಿಗೆ ಹೊಸ ಲೇಖನ ಸೇರಿಸಿದ್ದಾರೆ ಎಂದು ತಿಳಿಯುವುದು ಹೇಗೆ? ಪ್ರತಿಯೊಂದು ಬ್ಲಾಗಿನ ಜಾಲತಾಣವನ್ನೂ ತೆರೆದು ನೋಡುತ್ತಾ ಕುಳಿತರೆ ಸಮಯ ಎಷ್ಟು ಬೇಕು? ಇದಕ್ಕೊಂದು ಸುಲಭ ಪರಿಹಾರ ಇದೆ. ಅದುವೇ ಗೂಗ್ಲ್ ರೀಡರ್. ಇದರ ವಿಳಾಸ www.google.com/reader. ನಿಮಗೆ ಗೂಗ್ಲ್ (ಜಿಮೈಲ್) ಖಾತೆ ಇದ್ದಲ್ಲಿ ಇಲ್ಲೂ ಅದನ್ನೇ ಬಳಸಬಹುದು. ಇದಕ್ಕೆ ಲಾಗಿನ್ ಆಗಿ ನಿಮಗೆ ಓದಬೇಕಾಗಿರುವ ಬ್ಲಾಗಿನ ವಿಳಾಸವನ್ನು ನೀಡಿ ಅದಕ್ಕೆ ಚಂದಾದಾರರಾಗಿ. ಹಾಗೆ ಎಲ್ಲ ಬ್ಲಾಗುಗಳಿಗೆ ಮಾಡಿ. ನಂತರ ಈ ಜಾಲತಾಣಕ್ಕೆ ಭೇಟಿ ನೀಡಿದರೆ ಸಾಕು. ಬ್ಲಾಗಿಸುವವರೂ ಅಷ್ಟೆ. ನನ್ನ ಬ್ಲಾಗಿನಲ್ಲಿ ಹೊಸ ಲೇಖನ ಇದೆ. ಓದಿ ಸಲಹೆ ನೀಡಿ ಎಂದು ಹೊಸ ಲೇಖನ ಸೇರಿಸಿದಾಗೆಲ್ಲ ಒಂದು ಇಮೈಲ್ ಕಳುಹಿಸುವ ಅಗತ್ಯ ಇಲ್ಲ.
ಕಂಪ್ಯೂತರ್ಲೆ
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಪೋಸ್ಟ್‌ಗಳು (Atom)